پاکپتن (ڈسٹرکٹ رپورٹر) محکمہ اوقاف پنجاب نے دیوان احمد مسعود چشتی کو دربار حضرت بابا فرید الدین مسعود گنج شکر اور دربار مولانا بدرالدین اسحاق کا سجادہ نشین مقرر کرکے نوٹیفکیشن جاری کردیا۔ اس موقع پر اتحاد بین المسلمین کے ضلعی جنرل سیکرٹری حاجی محمد وسیم، سجادہ نشین دربا ر سخی چن پیر سید حسن رضا گیلانی، سجادہ نشین حضرت کرمانوالا شریف پیر سید نبیل الرحمن بخاری، سجادہ نشین گڑھی شریف خواجہ غلام قطب الدین فریدی،سجادہ نشین سندر شریف لاہورپیر سید حبیب عرفانی، سجادہ نشین چشتیہ آباد کامونکی پیر سید خلیل الرحمن چشتی ، ایم این اے مسلم لیگ (ن) پیر سید عمران شاہ ولی، سجادہ نشین دربار قلص شریف پیر شمیم صابر صابری ، ضلع ناظم وہاڑی پیر غلام محی الدین چشتی،پاکستان مسلم لیگ (ن) علماء مشائخ ونگ کے کوارڈنیٹر محمد محسن فریدی، سجادہ نشین دربار سہو شیخ فاضل خواجہ نور محمد سہو،مفتی امام الدین وٹوفاروق آباد آستانہ عالیہ، پیر غلام نظام الدین جامی گیلانی سجادہ نشین آستانہ عالیہ گولڑہ شریف، دیوان عظمت سید محمد چشتی مرکزی صدر فیضان اولیاء ، پیر عثمان مسعود چشتی ،پیر محمد یعقوب چشتی،دیوان حامد مسعود چشتی ،پیر عبدالباقی چشتی ، پیر علی مسعود چشتی،پیر عبد الظاہر چشتی،پیر احمد جمال چشتی سجادہ نشین فرید پور شریف و دیگر نے دیوان احمد مسعود چشتی کو سجادہ نشین دربار با با فرید مقرر ہونے پر مبار ک پیش کی۔ علاوہ ازیں دربار حضرت با با فرید کے سجادہ نشین دیوان احمد مسعود چشتی نے رسومات کا اختیار ملنے پر دربار حضرت با با فریدپر حاضری بھی دے کر مزار پر پھولوں کی چادر چڑھا کر ملک و قوم کی سلامتی کیلئے خصوصی دعا کی۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) پنشنرز ایسوسی ایشن کے ضلعی کنونیئر سید ظفر اللہ شاہ نے کہاہے کہ حکومت بوڑھے پنشنروں کو خودکشی کرنے پر مجبو ر نہ کریں، انہیں فوری طور پر پنشن دینے کا بندوبست کیا جائے ، پنجاب میں پرانے ڈپٹی کمشنر سسٹم کی بحالی سے بوڑھے اور بیمار پنشنر دو ماہ سے اپنی پنشن سے محروم ہیں۔انہوں نے کہا کہ پنشنرز میں سے اکثریت بیوہ خواتین کی ہے جو فیملی پنشن وصول کررہی ہیں،پنشنرز کو پنشن نہ ملنے پر ان کے گھر نوبت فاقہ کشی تک پہنچ چکی ہے ، محکمہ واپڈااور محکمہ سوئی گیس نے پنشنرز کے گھروں میں میٹر کاٹنے کے نوٹس تک بھیج دیئے ہیں۔ ظفر اللہ شاہ نے کہا کہ بوڑھے پنشنرز کے بچوں کی فیسوں کی عدم ادائیگی کے باعث ان کے بچے تعلیم سے محروم ہورہے ہیں، انہوں نے وزیر اعلیٰ پنجاب سے سے مطالبہ کرتے ہوئے کہا کہ بوڑھے اور بیمار پنشنرز کو خودکشیاں کرنے پر مجبور نہ کیاجائے اور ان کی پنشن کی ادائیگی کا بندوبست کیا جائے۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) تیز رفتار موٹر سائیکل کی راہ گیر کو ٹکر،راہگیر جاں بحق،موٹر سائیکل سوار زخمی۔بتایا گیا ہے کہ قبولہ چوک میں تیمور موٹر سائیکل کو تیزی اور لاپرواہی کے ساتھ چلا کرلا رہا تھا جس کے تیز موٹر سائیکل نے ایک با با منظورنامی راہگیرکو ٹکر ماری جس کے نتیجے میں راہگیراورموٹر سائیکل سوار تیمور شدید زخمی ہوگئے علاقے کے مکین محمد مبین نے با با منظور کو ہسپتال لے کر گئے جہاں پر وہ زخموں کی تاب نہ لاتے ہوئے جاں بحق ہو گیا۔پولیس نے محمد مبین کی رپورٹ پر تیمور کیخلاف مقدمہ درج کر لیا ہے۔۔
پیر توقیر رمضان ڈسٹرکٹ رپورٹر پاکپتن
