تحریک منہاج القرآن پیرمحل کے عہدیداروں کا اعلان کر دیا گیا
پیرمحل (این این اے ) تحریک منہاج القرآن پیرمحل کے عہدیداروں کا اعلان کردیا گیا صدر رانامحمد اشرف ریٹائرڈ ایئر فورس آفیسر، نائب صدر صاحبزادہ سرور قادری، ناظم محمودالحسن بخاری، جبکہ کوآرڈینیٹر خالد محمود کو منتخب کرلیا انتخاب کا چنائو رانا محمد ادریس قادری ڈویژنل کوآرڈینیٹر، رانا محمد نثار ڈویژنل کوآرینیٹر پاکستان عوامی تحریک نے کیا اس موقع پر حسن عدیل طاہر، مہر امتیاز، محمد توقیر ناصر سمیت منہاج القرآن کے کثیرتعداد میں کارکنان موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بجلی اور تیل کی بڑھتی ہوئی قیمتیں عوام پر بم بن کر گر رہی ہیں
پیرمحل ( این این اے ) بجلی اورتیل کی بڑھتی ہوئی قیمتیں عوام پر بم بن کر گر رہی ہیں نواز، شہباز حکومت نے اقتدار میں آنے سے پہلے اپنی انتخابی مہم کمر توڑ مہنگائی، بجلی کی لوڈشیڈنگ اوربڑھتی ہوئی تیل کی قیمتوں کے ایشو پر انہیں پذیرائی دیتے ہوئے مینڈیٹ دیا تھا لیکن اب ایسا لگتا ہے کہ نواز، شہباز حکومت صرف اور صرف انتخابی جیتنے کیلئے ایسے نعرے اورٹوپی ڈرامے کر رہے تھے کیوں کہ ان کے اقتدار کے بعد نہ تو اب تک عوام کو لوڈ شیڈنگ سے نجات ملی ہے اورنہ ہی بجلی تیل اورگیس کی قیمتوں میں کمی دیکھنے میں آئی ہے بلکہ ان کی قیمتوں میں مسلسل اضافہ عوام کے لیے وبال جان بن گیا ہے اور مہنگائی گزشتہ حکومت سے کہیں زیادہ بڑھ رہی ہے ان خیالات کا اظہار نعیم اخترجانباز صدر پاکستان لیبر اتحاد یونین پیرمحل نے اپنے بیان میں کیا انہوںنے کہا ایسے الگتاہے جیسے اب نواز، شہباز حکومت اقتدار کے نشے میں مست ہوگئے ہیں اورانہیں عوام سے کوئی سروکار نہیں رہا جس وجہ سے عوام پر مہنگائی بم گر اکر عوام کو نیست و نابود کیا جا رہا ہے اگر یہی حال رہا تو عوام کو سڑکوں پر آنے سے کوئی نہیں روک سکتا حکومت ہوش کے ناخن لے اور مہنگائی کو کنٹرول کرنے کیلئے اقدامات کرے وگرنہ ان کا حشر پچھلی حکومت سے بہت بر اہونے والا ہے انہوں نے کہا گورنر اسٹیٹ بنک کا ڈالر کی بڑھتی ہوئی قیمت اور پاکستانی روپے کی بے قدری پر اظہار افسوس نواز شہباز حکومت کی ناکامی کا سب سے واضح ثبوت ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرسچیئن کالونی شادمان کا دورہ مسائل کے حل کے لیے پاکستان مسلم لیگ ن کے پلیٹ فارم سے ہر وقت کوشاں ہے
پیرمحل (این این اے ) کرسچیئن کالونی شادمان کا دورہ مسائل کے حل کے لیے پاکستان مسلم لیگ ن کے پلیٹ فارم سے ہر وقت کوشاں ہے اور مسائل ترجیحی بنیادوں پر حل کروائیں مسیحی برادری کے شانہ بشانہ ہر پلیٹ فارم پر ساتھ دیں گے ان خیالات کا اظہار حکیم محمد رفیق سٹی صدر پاکستان مسلم لیگ ن نے شادمان کالونی پیرمحل میں کرسچیئن کمیونٹی سے خطاب کرتے ہوئے کیا شادمان کالونی کے رہائشیوں نے ان کی توجہ نکاسی آب کے مسئلہ کی جانب توجہ مبذول کروائی انہوں نے یقین دہانی کروائی کہ شادمان کالونی سپورٹس گرائونڈ پر قبضہ مافیا سے واگذار کروا کر کھیلوں کے فروغ کے لیے ہرممکن امداد مہیاکریں گے اس موقع پر رانا شمشاد علی، آصف رشید کھوکھر، نمبردار اکرم مسیح، سلیم پہلوان، میاں رمضان جنجوعہ، میاںطارق کوٹلی والا، حاجی شفقت رسول، سیکرٹری عبدالستار ،میاں عبدالغفار، سعید احمد، سمیت پاکستان مسلم لیگ ن کے کارکنان نے کثیر تعداد میں شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان پیپلزپارٹی کی حکومت کو ناکام دور حکومت کہنے والوں کو اقتدار کے پہلے سودنوں میں ہی آٹے دال کا بھائو معلوم ہوگیا
پیرمحل (این این اے ) پاکستان پیپلزپارٹی کی حکومت کو ناکام دور حکومت کہنے والوں کو اقتدار کے پہلے سودنوں میں ہی آٹے دال کا بھائو معلوم ہوگیا عوام کو ریلیف دینے کے دعویداروں نے اپنی ناکام پالیسیوں سے پاکستان کے سترہ کروڑ عوام کو بجلی، پٹرول، اور اشیائے خوردونوش میں بے تحاشا اضافہ کر کے تکلیف میں مبتلا کر دیا ان خیالات کا اظہار سیٹھ شبیر عبداللہ ہوشیار پوری راہنما پاکستان پیپلزپارٹی پیرمحل نے اپنے بیان میں کیا انہوں نے کہا پاکستان پیپلزپارٹی نے ملک کو جمہوری طرزحکمرانی دیتے ہوئے آمریت سے ہمیشہ کے لیے نجات دلائی پانچ سال تک دہشت گردی کی نام نہاد جنگ کے باوجود اقتدار پورا کرنا پاکستان پیپلزپارٹی کے کارکنوں اور قیادت کا اعزاز ہے انہوںنے کہا پیپلزپارٹی کی جماعت کے خلاف پراپیگنڈہ کرنے والوں کو اپنے اقتدار کے پہلے سودنوں میں ہی آٹے دال کا بھائو معلوم ہوگیا اگلے پانچ سالوں میں نواز شریف حکومت اسی طرح ٹیکس پر ٹیکس عائد کرتے رہے تو پھر قوم کو ایک دفعہ پھر پیپلزپارٹی کی یاد ستائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیز رفتار موٹرسائیکل کی زد میں آکر سڑک کنارے جاتا ہوا بچہ شدید زخمی دو موٹر سائیکل سوار سڑک کے حادثہ میں شدید زخمی
پیرمحل (این این اے ) تیز رفتار موٹر سائیکل کی زد میں آکر سڑک کنارے جاتا ہوا بچہ شدید زخمی دو موٹر سائیکل سوار سڑک کے حادثہ میں شدید زخمی تفصیل کے مطابق موضع چونترہ سرگانہ کے رہائشی محمد اشرف ولد مشتاق احمد جٹ کو سڑک کنارے جاتے ہوئے تیز رفتار موٹرسائیکل سوارنے ٹکرمار کر شدید زخمی کرڈالا کے رہائشی دو موٹر سائیکل سوار محمد وارث ولد محمد رفیق، محمد جمیل ولد جمعہ خان سڑک کے حادثہ میں شدید زخمی ہوگئے جن کو سول ہسپتال میں طبی امداد دی گئی بی پلاٹ کے رہائشی موٹرسائیکل سوار کو بے نظیر بھٹو پارک پیرمحل کے قریب پیچھے سے تیز رفتار کارسوار نے ٹکر مار کر شدید زخمی کرڈالا جس کو سر میں شدید چوٹ لگنے کے باعث سول ہسپتال پیرمحل سے ٹوبہ ٹیک سنگھ ڈسٹرکٹ ہیڈکوآرٹر ریفر کر دیا گیا جہاں پر اس کی حالت نازک بیان کی گئی ہے۔
Related Posts
