پاکستان کرسچن پارٹی کے ضلعی سینئر نائب صدر امجدغوری کی رہائش گاہ غوری ہائوس چکر محلہ میں ہیپی نیو ایئر کے حوالہ سے کیک کاٹنے کی تقریب منعقد ہوئی
لالہ موسیٰ (محمد بلال احمد بٹ)پاکستان کرسچن پارٹی کے ضلعی سینئر نائب صدر امجدغوری کی رہائش گاہ غوری ہائوس چکر محلہ میں ہیپی نیو ایئر کے حوالہ سے کیک کاٹنے کی تقریب منعقد ہوئی تقریب میں دعا کی گئی کہ اللہ کریم نئے سال کو پاکستان میں بسنے والے پر پاکستانی کیلئے مبارک بنا دے تقریب سے خطاب کرتے ہوئے امجد منور غوری نے نئے سال کی آمد پر تمام پاکستانیوں کو مبارکباد دیتے ہوئے نیک خواہشات کا اظہار کیا تقریب میں ضلعی صدر کرسچن پارٹی ایلڈر ڈیوڈ نازضلعی جنرل سیکرٹری ایکلڈر بوٹا ولایت،سرپرست اعلیٰ ریاض گل و دیگر موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کائرہ گروپ کے نامزد امیدوار وزرڈنمبر10بابر نواز جاگل ،امیدوار وارڈ نمبر9میاں سجاد انصاری کی کاوشوں سے چراغ پورہ میں نیا ٹرانسفارمر نصب کر دیاگیا
لالہ موسیٰ(محمد بلال احمد بٹ)کائرہ گروپ کے نامزد امیدوار وزرڈنمبر10بابر نواز جاگل ،امیدوار وارڈ نمبر9میاں سجاد انصاری کی کاوشوں سے چراغ پورہ میں نیا ٹرانسفارمر نصب کر دیاگیا،یاد رہے کہ چند روز قبل نامعلوم چور رات کی تاریکی میں چراغ پورہ میں نصب بجلی کا ٹرانسفارمر چرا کر لے گئے تھے جس سے علاقہ تاریکی میں ڈوبا ہوا تھا بابر نواز جاگل اور میاں سجاد انصاری نے دن رات کوشش کر کے نیا ٹرانسفارمر نصب کرو ا دیا،عوامی و سماجی حلقوںنے بابر نواز جاگل اور میاں سجاد انصاری کو خراج تحسین پیش کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میری الیکشن سے دستبرداری کا خواب دیکھنے والے احمقوں کی جنت میں بستے ہیں،محمداجمل شیخ
لالہ موسیٰ(محمد بلال احمد بٹ)وارڈنمبر5سے کائرہ گروپ کے نامزد امیدوار محمد اجمل شیخ نے کہا ہے کہ میری الیکشن سے دستبرداری کا خواب دیکھنے والے احمقوں کی جنت میں بستے ہیں مجھے کائرہ گروپ نے امیدوار نامزد کیا ہے اور جب بھی الیکشن ہوئے میں ہر حال میں الیکشن لڑوں گا،انہوں نے کہا کہ کائرہ برادران نے اپنے دور حکومت میں عوام کی بھر پور خدمت کی اور عوامی مسائل کو ترجیحی بنیادوں پر حل کئے ہیں بلدیاتی الیکشن میں کائرہ گروپ واضح اکثریت سے کامیابی حاصل کرے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شارٹ سرکٹ سے کپڑے کی دکان میں آتشزدگی،لاکھوں روپے مالیت کا سامان جل کر خاک ہو گیا
لالہ موسیٰ(محمد بلال احمد بٹ)شارٹ سرکٹ سے کپڑے کی دکان میں آتشزدگی،لاکھوں روپے مالیت کا سامان جل کر خاک ہو گیا،اہل محلہ نے دکان کے تالے توڑ کر آگ بجھائی،لودھی سٹریٹ سے ملحق مارکیٹ میں طارق انصاری کلاتھ ہائوس میں رات گئے شارٹ سرکٹ سے آگ بھڑک اٹھی جس نے دیکھتے ہی دیکھتے زور پکڑ لیا،اہل محلہ بالخصوص ملک الطاف کونسلر و دیگر نے مالکان کو اطلاع کرکے تالے توڑکر آگ بجھانے کی سرٹوڑ کوشش کے بعد کامیابی حاصل کی لیکن اس وقت تک کافی مالی نقصان ہو چکا تھا،لالہ موسیٰ کی تنگ گلیوں اور بازاروں کے باعث ہونے والی آتشزدگی پر فی الفور قابو پانا ناممکن ہو چکا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ اورگردونواح میں سوئی گیس کی بندش اور کم پریشر نے عوام کی زندگی عذاب میں مبتلاکردی
لالہ موسیٰ(محمد بلال احمدبٹ)لالہ موسیٰ اورگردونواح میں سوئی گیس کی بندش اور کم پریشر نے عوام کی زندگی عذاب میں مبتلاکردی،ا س سلسلہ میں بتایاجاتاہے کہ لالہ موسیٰ شہر اور خواص پور سمیت دیگرنواحی علاقوں میں سوئی گیس کی بندش معمول بن گئی ہے ،جس سے خواتین کو امور خانہ داری کی انجام دہی میں شدیدمشکلات کا سامنا ہے ،پہلے تو گیس آتی ہی نہیں اگر آئے توپریشر اس قدرکم ہوتا ہے کہ چائے کا کپ بنانے کیلئے ایک گھنٹہ انتظار کرناپڑتاہے ،ممبرقومی اسمبلی چوہدری جعفراقبال اور مقامی مسلم لیگی راہنمائوں کی طرف سے شہریوں کو گیس پریشر بڑھانے کیلئے نئی پائپ لائن ڈالنے کا عندیہ دیاجاتارہالیکن اس پرعملدرآمدکہیں نظرنہیں آرہا۔عوام کا کہناہے کہ ہم نے مسلم لیگ (ن) کو ووٹ اس لئے دیے تھے کہ ہمارے مسائل کا حل ہوگا لیکن الٹا ہمارے مسائل میں اضافہ ہوگیاہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ریلو ے اسٹیشن اور کالونیوں میں روزانہ بارہ گھنٹے بجلی کی بندش سے نظام درہم برہم
لالہ موسیٰ(محمد بلال احمد بٹ) ریلو ے اسٹیشن اور کالونیوں میں روزانہ بارہ گھنٹے بجلی کی بندش سے نظام درہم برہم ،سیٹیں بک کرانے والوں کا پریشانی کا سامنا،بجلی نہ ہونے سے رہائشیوں کو بھی مشکلات درپیش ، اس سلسلہ میں ملنے والی اطلاعات کے مطابق گزشتہ چندروزسے ریلوے اسٹیشن لالہ موسیٰ کی بجلی روزانہ بارہ گھنٹے بندہورہی ہے ،جس سے سیٹ بکنگ کیلئے آنے والے مسافروں کوشدیدپریشانی کا سامنا کرنا پڑتاہے ،جبکہ بجلی کی بندش کے باعث ریلوے کا لونیوں میں رہائش پذیر افراد کو مشکلات درپیش ہیں بجلی کی بندش سے واٹر سپلائی کا نظام بھی بری طرح متاثر ہورہاہے ،عوامی وسماجی حلقوں نے ریلوے حکام سے پرزورمطالبہ کیاہے کہ ریلوے اسٹیشن لالہ موسیٰ میں بجلی کی طویل بندش کا فوری نوٹس لیاجائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عوام کی بے لوث خدمت ہمارے خاندان کا شیوہ ہے،چوہدری محمداعظم سندھاریہ
لالہ موسیٰ(محمد بلال احمد بٹ) عوام کی بے لوث خدمت ہمارے خاندان کا شیوہ ہے ،اپنے والدکے نقش قدم پرچلتے ہوئے عوامی خدمت کا مشن جاری رکھوں گا ان خیالات کا اظہار امیدوارکونسلر چوہدری محمداعظم سندھاریہ نے ایک ملاقات میں کیا،انہوں نے کہاکہ حلقہ کے عوام جس طرح میری بھرپورحمائت کا اعلان کررہے ہیں اس سے میرے حوصلے بلند ہورہے ہیں اورامیدکرتاہوں کہ الیکشن کے روزفتح عوام کا مقدر بنے گی ،انہوں نے کہاکہ عوام کے تعاون اور دعائوں سے کامیابی ملی تو حلقہ کے عوام کی ترقی وخوشحالی کیلئے بھرپورکرداراداکروں گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحریک تحفظ اسلام پاکستان کے زیراہتمام 4جنوری کو غازی ملک ممتازقادری ڈے منانے کی تیاریاں عروج پرپہنچ گئیں ا
لالہ موسیٰ(محمد بلال احمد بٹ)تحریک تحفظ اسلام پاکستان کے زیراہتمام 4جنوری کو غازی ملک ممتازقادری ڈے منانے کی تیاریاں عروج پرپہنچ گئیں اس موقعہ پرجامع مسجدبیت المکرم لیاقت آباد کالونی جی ٹی روڈ لالہ موسیٰ میں عظیم الشان تحفظ ناموس رسالت کانفرنس منعقدہوگی ، انچارج میڈیاسیل تحریک تحفظ اسلام پاکستان چوہدری فیصل گجرنے ایک ملاقات میں بتایاکہ کانفرنس کی صدارت الحاج پیرسید محمد نویدالحسن شاہ مشہدی سجادہ نشین آستانہ عالیہ بھکھی شریف کریں گے ،جبکہ مولاناصاحبزادہ طیب رشیدصدیقی خطیب اعظم گوجرانوالہ ، صاحبزادہ محمداویس رضاقادری جنرل سیکرٹری تحریک تحفظ اسلام پنجاب خصوصی خطاب کریں گے،کانفرنس کی سرپرستی امیرتحریک تحفظ اسلام پاکستان غازی محمدثاقب شکیل جلالی کرینگے جبکہ صاحبزادہ پیرسیدسجادحیدرشاہ آستانہ عالیہ کیلیانوالہ شریف ،پیرسیدبلھے شاہ گجراتی آستانہ عالیہ شہنشاہ ولائت گجرات ،خواجہ عزیزاحمد خاں نوری آستانہ عالیہ خالقیہ رزاقیہ لالہ موسیٰ خصوصی طورپرشریک ہونگے ،مرکزی وائس چیئرمین تحریک تحفظ اسلام پاکستان سیدافتخارالحسن کاظمی ایڈووکیٹ کی قیادت میں کارکنان نے کانفرنس کی تیاریاں شروع کردی ہیں ،کانفرنس میں ملک بھرسے تحریک تحفظ اسلام پاکستان کے عہدیداران ،کارکنان قافلوں کی صورت میں شرکت کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سابق نائب ناظم قلب عباس بٹ سکروٹنی کے دوران نا اہل قرار دے دیئے گئے
لالہ موسیٰ(محمد بلال احمد بٹ)بلدیاتی انتخابات2013،لالہ موسیٰ وارڈنمبر10کے امیدوار سابق نائب ناظم قلب عباس بٹ کے کاغذات کی جانچ پڑتال اور سکروٹنی کے دوران مخالف امیدوار کی جانب سے اعتراض موثر ہونے پر کاغذات مسترد ہونے سے نا اہل قرار پائے انکے مخالف امیدوار اعجاز حسین بٹ نے تحریری اعتراض دائر کیا تھا کہ قلب عباس بٹ2شناختی کارڈ رکھتے ہیں جو کہ سرا سر غیر قانونی،غیر اخلاقی اور غیر آئینی ہے،قلب عباس بٹ دو مختلف نمبروں کے شناختی کارڈ رکھتے ہیں جس پر ریٹرننگ آفیسر برائے بلدیہ لالہ موسیٰ نے نادرا سے تصدیق اور ڈسٹرکٹ الیکشن کمشنر سے رابطہ کے بعد قلب عباس بٹ کے کاغذات مستر د کرتے ہوئے انہیں انتخاب میں حصہ لینے سے روک دیا ہے جبکہ ان کے مخالف امیدوار اعجاز حسین بٹ کا کہنا ہے کہ قلب عباس بٹ نے اپنے مالی گوشوارہ جات بھی درست نہیں بھرے جس پر ہم نے کوئی اعتراض نہیںکیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور ہائی کورٹ میں لالہ موسیٰ کی نمائندگی کرنے پر سابق ممبر ضلع کونسل سید ضیاء علی شاہ ترمذی کا شکریہ ادا کیا ہے اوررٹ کی کامیابی پر مبارکباد پیش کی،چوہدری عرفان احمد صفی
لالہ موسیٰ(محمد بلال احمد بٹ)جماعت اسلامی کی سیاسی کمیٹی کے صدر چوہدری عرفان احمد صفی نے انتخابی حلقہ بندیوں کے خلاف لاہور ہائی کورٹ میں لالہ موسیٰ کی نمائندگی کرنے پر سابق ممبر ضلع کونسل سید ضیاء علی شاہ ترمذی کا شکریہ ادا کیا ہے اوررٹ کی کامیابی پر مبارکباد پیش کی انہوںنے کہا کہ شہریان لالہ موسیٰ غیر آئینی،غیر قانونی،غیرفطری حلقہ بندیوں کی وجہ سے تنگ تھے سید ضیاء علی شاہ ترمذی نے جدوجہد کر کے لالہ موسیٰ شہر کا نام روشن کیا جس پر ہم انہیں خراج تحسین پیش کرتے ہیں۔
Related Posts
