پیرمحل (نامہ نگار) عوام کا بڑھتا ہوارش عوام کے لینڈ ریکار ڈ پر اعتماد کی بہترین مثال ہے تحصیل لینڈریکارڈ کے اوقات میں عوام کو اپنی زمینوں کے انتقال رجسٹری فردملکیت حاصل کرنے میں آسانی ہوئی عوامی سہولت کے لیے لینڈر یکارڈ دفتر میں ٹوکن سسٹم کا اجرا جاری ہے جس سے وی آئی پی کلچر کا خاتمہ ہوا ہے لینڈر یکارڈپر بڑھتے ہوئے اعتماد کے باعث زیادہ سے زیادہ سائلین روزانہ مستفید ہورہے ہیں ان خیالات کا اظہار غلام حسین کاٹھیہ اسسٹنٹ لینڈ ڈا ئر یکٹر پیرمحل صحافیوں رانامحمد اشرف ،ر اناشاہدالرحمن کو پریس بریفنگ میں کیا انہوںنے کہا اراضی کے کمپیوٹرائز ہونے سے ریکارڈ میں ہرقسم کی ٹمپرنگ سے نجات ملی عوام کی کروڑوں اربوں روپے کی اراضی محفوظ ہونے سمیت عوام کو ایک ہی جگہ پر اپنی اراضی کی منتقلی فرد ملکیت ملنا شروع ہوئی انہوںنے کہا کہ نئے نظام میں عوام کو آگاہی نہ ہونے کے باعث کچھ مشکلات پیش آرہی ہے جس کی بنیادی وجہ صدیوں سے چلنے والا پرانا نظام ہے جس میں کم لوگوں کی بجائے غیر متعلقہ لوگوں کو اپنے ساتھ لاکر سارا سارادن انتقال رجسٹری کے لیے افسران کے انتظار میں بیٹھے رہنا معمول تھا مگر اب آسان اور ون ونڈ وپراسس کے تحت متعلقہ افراد کی فراہمی پر ہی انتقال رجسٹری ہونے سے وقت کی بچت سمیت عوامی اخراجات میں کمی واقع ہوئی ہے عوام کا بڑھتا ہوارش عوام کے لینڈ ریکار ڈ پر اعتماد کی بہترین مثال ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) نامعلوم چور گھر کے باہر سے موٹرسائیکل چوری کرکے لے گئے تفصیل کے مطابق کچی کوٹھی پیرمحل کے رہائشی شہزاد ولد شوکت علی مغل کے گھر کے باہر سے نامعلوم چور موٹر سائیکل چوری کرکے لے گئے تھانہ پیرمحل پولیس نے نامعلوم چوروں کے خلاف کاروائی شروع کردی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) علامہ اقبال اوپن یونیورسٹی کے تحت میٹرک سے لیکر پی ایچ ڈی کلاسز تک خزاں 2016 سمسٹر میں داخلے شروع ہوگئے ہیں ،علامہ اقبال اوپن یونیورسٹی کے ریجنل ڈائریکٹر مبین احمد نیازی نے صحافیوں رانامحمد اشرف راناشاہدالرحمن کو بتایا کہ داخلہ لینے کے خواہشمند طلبہ و طالبات ہائوسنگ کالونی نمبر ایک میں واقع یونیورسٹی کے ریجنل آفس سمیت ضلع بھر میں بنائے گئے 26سیلز سنٹر سے پراسپیکٹس باآسانی حاصل کرسکتے ہیں ،انہوں نے بتایا کہ اس سے قبل پراسپیکٹس کے صرف پانچ سیلز سنٹر تھے ،مبین احمد نیازی نے بتایا کہ ہائر ایجوکیشن کمیشن کے نئے روڈ میپ کے مطابق ٹیچر ٹریننگ پروگرام میں تبدیلی لائی گئی ہے ،انہوں نے بتایا کہ ایم ایڈ پروگرام کا دورانیہ دو سال سے کم کرکے ایک سال جبکہ بی ایڈ پروگرام کا دورانیہ ایک سال سے بڑھا کر ڈیڑھ سال کردیا گیا ہے اور بی ایڈ پروگرام کیلئے اہلیت ایم اے ،ایم ایس سی یا چار سالہ بی ایس آنر کردی گئی ہے ،جبکہ بی ایڈ کیلئے پہلے اہلیت بی اے یا بی ایس سی تھی۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) حکومت کی پٹرول اورڈیزل کی قیمتیں کم کرنے کا اعلان موبل آئل کی قیمت کم نہ ہونے سے ٹرانسپورٹ مالکان اور عام شہری متاثر گاڑیوں جنریٹر سمیت عام مشینری میں موبل آئل استعمال ہونے سے بنیادی ضرورت بن چکا ہے حکومت پٹرولیم مصنوعات میں موبل آئل کی قیمت کو بھی پٹرول ڈیزل کے حساب عالمی منڈی کے مطابق قیمت کم کرے حاجی اللہ دتہ سماجی شخصیت تفصیل کے مطابق عالمی منڈی میں تیل کی قیمتیں کم ہونے کے باعث پاکستان میں تیل کی قیمت دیڑھ سوروپے فی لٹر سے کم ہوکر 72روپے تک پہنچ چکی ہے مگر حکومت نے موبل آئل کمپنیوں کوکھلی چھٹی دے رکھی ہے کروڈ آئل کی قیمتیں کم ہونے کے باوجود موبل آئل کی قیمتیں جوں کی توں ہیں موبلائل بنانے والی کمپنیاں ،پی ایس او ، کالٹیکس 500گنا زیادہ نفع کمارہی ہے جبکہ حکومت ان کیخلاف کوئی بھی ایکشن لینے سے گریزاں ہیں۔ حاجی اللہ دتہ سماجی شخصیت نے حکومت سے مطالبہ کیاکہ حکومت موبل آئل کمپنیوں کی لوٹ مار کاسخت نوٹس لیتے ہوئے کروڈآئل کے ساتھ ساتھ موبل آئل کی قیمتوں میں بھی کمی کویقینی بنایاجائے اور اس کے ریٹس کو70فیصد کم کیاجائے تاکہ عام شہری عالمی منڈی میں پٹرولیم مصنوعات میں کمی کا فائدہ حاصل کرسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) پانی نہ سایہ پیرمحل کا ریلوے اسٹیشن بھوت بنگلے کا منظر پیش کرنے لگا رات کو سفر کے لیے جانے والے مسافر سیکورٹی نہ ہونے کے باعث آوارہ اور جرائم پیشہ افراد کے رحم وکرم پر ریلوے پولیس کا کوئی بھی ملازم تعینات نہ ہونے کے باعث ریلوے اسٹیشن جرائم پیشہ افراد کی آماجگاہ تفصیل کے مطابق پیرمحل ریلوے اسٹیشن جوکہ کسی دورمیں مال برداری کے لیے پنجاب بھر میں مشہور تھا ناکافی سہولیات اورنامساعد حالات کے پیش نظر بھوت بنگلے کا منظر پیش کررہا ہے جس کو سابقہ دور حکومت میں اپ گریڈ کرنے کے لیے فنڈ خرچ کرنے کے باوجود بنیادی سہولیات جس میں پینے کاپانی بیٹھے کے لیے جگہ اور مسافروں اور عملہ کے لیے لیٹرینیں تک نایاب ہے مناسب سیکورٹی نہ ہونے کے باعث مسافراور عملہ غیر محفوظ ہے سوسال سے بچھایا گیا ریلوے ٹریک اپنی مدت پوری کرنے کے باعث تیز رفتار ٹرینوں کے چلانے میں رکاوٹ ہے ریلوے انتظامیہ نے ٹریک پر کام کرنے کی بجائے ٹرینوں کو بند کرکے شورکوٹ کینٹ جڑانوالہ لاہور روٹ پر عوام کو سستے اور محفوظ سفر سے محروم کردیا حالانکہ اس ٹریک پر پسنجر ٹرینوں کے ذریعے کروڑوں روپے ماہانہ آمدنی حاصل ہورہی تھی سابقہ دور حکومت میں ریلوے اسٹیشن کو اپ گریڈ کرنے کے لیے فنڈ خرچ کیا گیا مگر نہ جانے کن سہولیات پر یہ فنڈ لگایا گیا جبکہ ریلوے اسٹیشن پیرمحل بنیادی ضروریات پانی سایہ لیٹرینوں تک سے محروم ہے اس روٹ پر واحد رات کی ٹرینیں آرہی ہے جس پر رات کو سفر کے لیے جانے والے مسافر سیکورٹی نہ ہونے کے باعث آوارہ اور جرائم پیشہ افراد کے رحم وکرم پرہے مسافروں کے انتظار گاہ کا واحد کمرہ ریلوے ملازمین نے سامان رکھ کر بند کررکھا ہے سماجی فلاحی حلقوںنے وزیر مواصلات ریلوے کے اعلٰی حکام سے اپیل کی کہ شورکوٹ جڑانوالہ لاہور ٹریک کی مرمت کرکے اس پر تیز رفتار ٹرینیں چلائی جائیں علاوہ ازیں پیرمحل ریلوے اسٹیشن پر مسافروں اور عملہ کے لیے بنیادی ضروریات فراہم کی جائیں۔
