بھمبر میں غیر ریاستی افراد کی بھر مار جگہ جگہ غیر ریاستی افراد کے ڈیرے، کاروبار اور بیوٹی پارلرز کی آڑ میں مشکوک
بھمبر (ڈسٹرکٹ رپورٹر ) بھمبر میں غیر ریاستی افراد کی بھر مار جگہ جگہ غیر ریاستی افراد کے ڈیرے، کاروبار اور بیوٹی پارلرز کی آڑ میں مشکوک سرگرمیاں سانحہ پشاور کے بعد بھمبر میں بھی غیر ریاستی افراد سیکورٹی رسک بن گئے پولیس خاموش تماشائی بھمبر میں مقیم غیر ریاستی مرد و خواتین کی چھان بین کرائی جائے عوامی اور شہری حلقوں کا مطالبہ تفصیلات کے مطابق بھمبر شہر اور گرد و نواح میں غیر ریاستی افراد کی ایک بڑی تعداد نے ڈیرے جما رکھے ہیں جو کچرا چننے ، سکریپ اکھٹی کرنے ، ٹینٹ سروس اور مختلف تعمیراتی کمپنیوں میں کام کر رہے ہیں جبکہ متعدد غیر ریاستی خواتین نے غیر رجسٹرڈ بیوٹی پارلرز کھول رکھے ہیں جن پر مشکوک اکثر افراد کا آنا جانا لگا رہتا ہے بھمبر ایک حساس علاقہ ہونے کے باوجود شہر میں غیر ریاستی افراد کی مناسب چھان بین نہ ہونے سے علاقہ کی سیکورٹی رسک بن گئی ہے جبکہ پولیس بھی صرف کاغذی کارروائی کر کے عملاً کارروائی سے مکمل طور پر گریزاں ہے بھمبر کے عوامی اور شہری حلقوں نے بھمبر پولیس کی غفلت پر تشویش کا اظہار کرتے ہوئے بھمبر شہر اور نواحی علاقوں میں ڈیرے جمائے غیر ریاستی خاندانوں اور غیر ریاستی خواتین کے بیوٹی پارلرز کی مکمل چھان بین کرنے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) PYO آزاد کشمیر کے مرکزی ممبر عمر ریاض ساگر نے کہا ہے کہ PYO کو 27 دسمبر کو شہید ملت محترمہ بے نظیر بھٹو شہید کی ساتویں برسی نہایت عقیدت و احترام سے منائے گی 26 دسمبر کو PYO اور PSF کے جیالے پورے آزاد کشمیر میں شہید بے نظیر بھٹو کی یاد میں شمعیں روشن کرینگے جبکہ 27 دسمبر کو آزاد کشمیر بھر میں شہید بے نظیر بھٹو کی روح کے ایصال ثواب کیلئے تمام ضلعی ہیڈ کوارٹرز پر قرآن خوانی ہو گی اور بعد ازاں لنگر بھی تقسیم کیا جائیگا انہوں نے کہا کہ برسی تقریبات کو منانے کیلئے پروگرامات کو حتمی شکل دے دی گئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکمرانوں اور اداروں کی بے حسی سیرلہ میں سہولیات کا فقدان اہلیان سیرلہ سٹی بھمبر کا حصہ ہونے کے باوجود بنیادی
بھمبر ( ڈسٹرکٹ رپورٹر ) حکمرانوں اور اداروں کی بے حسی سیرلہ میں سہولیات کا فقدان اہلیان سیرلہ سٹی بھمبر کا حصہ ہونے کے باوجود بنیادی سہولتوں سے محروم میونسپل کمیٹی بھمبر میں تعینات ہونیوالے نئے ایڈمنسٹریٹر ہمارے مسائل حل کروائیں اہلیان سیرلہ کا بلدیہ بھمبر سے مطالبہ تفصیلات کے مطابق وارڈ نمبر 1 سیرلہ سٹی بھمبر کا حصہ ہونے اور میونسپل کمیٹی کی حدود میں واقع ہونے کے باوجود حکمرانوں اور اداروں کی مبینہ غفلت کی بھینٹ چڑھ کر آج کے جدید دور میں بھی بنیادی سہولتوں سے محروم ہے وارڈ نمبر 1 سیرلہ کے رہائیشیوں نے سروے کے دوران صحافیوں سے بات چیت کرتے ہوئے کہا کہ سیرلہ میونسپل کمیٹی بھمبر کی حدود میں ہونے کے باوجود بنیادی سہولتوں سے محروم ہے بلدیہ بھمبر میں زمینوں کی خرید و فروخت کے دوران سب سے زیادہ لینڈ ٹیکس اہلیان سیرلہ جمع کروا رہے ہیں جبکہ سیرلہ کی گلیاں ٹوٹ پھوٹ کا شکار گلیوں میں نالیاں نہ ہونے سے گھروں کا گندا پانی گلیوں میں کھڑا رہنے سے تعفن پھیلا رہا ہے جبکہ گھروں کا کوڑا کرکٹ پھنکنے کیلئے بھی بلدیہ کی طرف سے مناسب بندوبست نہ ہے جگہ جگہ کچرے کے ڈھیر لگے ہوئے ہیں جس سے علاقہ میں تعفن اور بدبو سے بیماریاں پھیل رہی ہیں اور علاقہ مکینوں کو شدید مشکلات کا سامنا کرنا پڑ رہا ہے انہوں نے بتایا کہ لوئر سیرلہ میں حاجی یوسف لنک روڈ عرصہ دراز سے خستہ حالی کا شکار ہے جس پر نہ تو نکاسی آب کیلئے نالہ تعمیر کیا گیا اور نہ ہی سڑک کی پختگی کا وعدہ پورا کیا گیا رہائیشیوں نے بتایا کہ علاقہ میں سٹریٹ لائٹس نہ ہے جبکہ قبرستانوں میں چار دیواری نہ ہونے کے باعث قبروں کی بے حرمتی اور مال مویشی قبرستان میں گھس کر قبروں کو نقصان پہنچا رہے ہیں سیرلہ میں پینے کے صاف پانی کا بھی بڑا مسئلہ ہے واٹر سپلائی لائنیں انتہائی پرانی اور شدید ٹوٹ پھوٹ کی شکار ہیں جس سے گندا پانی پینے سے لوگوں کے اندر ہیپاٹائٹس جیسی خطر ناک بیماریاں پھیل رہی ہیں بجلی ترسیل کا نظام شہر سے منسلک ہونے کی بجائے سٹی ٹو لائن سے منسلک کیا گیا ہے جس پر انتہائی زیادہ لوڈشیڈنگ ہوتی ہے جبکہ شہر کی بغل میں ہونے کے باوجود بجلی ترسیل کا نظام دوسرے علاقوں سے منسلک کرنا انتہائی زیادتی ہے انہوں نے کہا کہ سیرلہ کے رہائیشیوں کو اس جدید دور کے اندر بنیادی سہولتوں سے محروم کرنا حکمرانوں اور اداروں کی سازش ہے جسے اہلیان سیرلہ کسی صورت قبول نہیں کرینگے انہوں نے کہا کہ علاقہ کے سیاسی ،عوامی نمائندے آئندہ علاقہ کا رخ نہ کریں جو ہمارے مسائل کے حل کیلئے کوشاں ہو گا اسی کو آئندہ سیرلہ کے عوامی حق نمائندگی دینگے انہوں نے کہا کہ ہمارے مسائل کو ترجیحی بنیادوں پر حل کر کے احساس محرومی دور کیا جائیگا ہمارا نو منتخب ایڈمنسٹریٹر بلدیہ بھمبر راجہ شاہد انور سے بھر پور مطالبہ ہے کہ وہ ہمارے مسائل کے حل کیلئے اقدامات اٹھائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کشمیر فریڈم موومنٹ کے صدر خالد پرویز بٹ، پیپلز پارٹی برٹن کے صدر چوہدری محمد یونس بروٹی، صدر میلاد کمیٹی بھمبر
بھمبر ( ڈسٹرکٹ رپورٹر ) کشمیر فریڈم موومنٹ کے صدر خالد پرویز بٹ، پیپلز پارٹی برٹن کے صدر چوہدری محمد یونس بروٹی، صدر میلاد کمیٹی بھمبر چوہدری محمد اکرم، صدر کشمیر پریس کلب راجہ نعیم گل، پیپلز پارٹی کے نائب صدر ڈاکٹر انعام الحق چوہدری، چوہدری خالد حسین ایڈووکیٹ، ملک شوکت حسین، سلیم اکبر کاشر، چیئرمین KDF چوہدری ظفر اقبال، چوہدری خالق حسین ایڈووکیٹ ، ضلعی صدر کشمیر فریڈم موومنٹ محمود الحسن ایڈووکیٹ ، محمد منشاء وقار، احمد برکت ، محمد یٰسین تبسم نے اپنے الگ الگ تعزیتی پیغام میں چوہدری صابر حسین نقشی ، ایس ڈی او چوہدری خادم حسین اور انجینئر صفدر حسین کی والدہ محترمہ اور چوہدری ندیم صابر ، تنویر صابر، شہزاد خادم اور چوہدری محمد عارف کاکا کی دادی محترمہ کی اچانک وفات پر گہرے دکھ و رنج وغم کا اظہار کرتے ہوئے مرحومہ کے درجات کی بلندی کیلئے دعائے مغفرت اور پسماندگان کیلئے دعا ئے صبر و جمیل کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر کی معروف سیاسی و سماجی شخصیت راجہ شاہد انور کو میونسپل کمیٹی بھمبر کا ایڈمنسٹریٹر بننے پر انکی رہائش گاہ
بھمبر (ڈسٹرکٹ رپورٹر ) بھمبر کی معروف سیاسی و سماجی شخصیت راجہ شاہد انور کو میونسپل کمیٹی بھمبر کا ایڈمنسٹریٹر بننے پر انکی رہائش گاہ پر مبارکباد دینے والوں کا دن بھر تانتا بندھا رہا تفصیلات کے مطابق بھمبر کی معروف سیاسی و سماجی شخصیت راجہ شاہد انور کو میونسپل کمیٹی بھمبر کا ایڈمنسٹریٹر بننے اور اپنے عہدے کا چارج سنبھالنے کے بعد گذشتہ روز انکی رہائش گاہ پر بھمبر کی مختلف سیاسی سماجی اور سول سوسائٹی کے نمائندوں کی مبارکباد دینے کیلئے دن بھر رش لگا رہا مبارکباد دینے والوں میں صدر چیمبر آف کامرس ضلع بھمبر راجہ محمد اقبال، راجہ محمد رفیق، سابق چیئرمین زکوٰة و عشر چوہدری فضل علی، سابق ممبر ضلع کونسل چوہدری محمد یوسف، سرپرست اعلیٰ مہاجر نوشہرہ گروپ الحاج چوہدری محمد یوسف، صدر ٹرانسپورٹ یونین بھمبر چوہدری محمد عارف کاکا ، سابق کونسلر راجہ فرمان علی سیرلہ، مسلم کانفرنس سٹی بھمبر کے صدر ٹھیکیدار طارق محمود بٹ، راجہ محمد اشفاق ملوٹ، شیخ محمد صادق، صدر صراف یونین بھمبر راجہ شوکت علی ، سٹی صدر میلاد کمیٹی بھمبر چوہدری محمد اکرم، صدر کشمیر پریس کلب راجہ نعیم گل، جنرل سیکرٹری انجمن پٹوارئیاں راجہ مظہر اقبال، راجہ غلام ربانی ، راجہ خاور الصمد، راجہ آفتاب احمد خان، راجہ فضل الرحمن ، راجہ جواد رزاق، فیصل جاوید، شوزب قدوس، راجہ وحید مراد ، سابق چیئرمین زکوٰة و عشر راجہ مسعود اسلم، صدر انجمن تاجران بھمبر ڈاکٹر راجہ عبدالشکور، سابق کونسلر حاجی محمد عبداللہ ، صدر ڈسٹرکٹ بار بھمبر راجہ مظہر اقبال، راجہ شاہد اقبال، راجہ الطاف مٹھو ، انتظار سلیم گیٹو، مرزا ارشد محمود، ملک ریاض احمد، چوہدری ذوالفقار علی ملوانا، راجہ رضوان ، فہد خورشید سمیت دیگر شامل تھے جنہوں نے ایڈمنسٹریٹر راجہ شاہد انور کو گلے میں ہار ڈالے اور مبارکباد پیش کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیپلز پارٹی کے مرکزی نائب صدر ڈاکٹر انعام الحق چوہدری، ایڈمنسٹریٹر بلدیہ بھمبر راجہ شاہد انور، مسلم کانفرنس
بھمبر ( ڈسٹرکٹ رپورٹر )پیپلز پارٹی کے مرکزی نائب صدر ڈاکٹر انعام الحق چوہدری، ایڈمنسٹریٹر بلدیہ بھمبر راجہ شاہد انور، مسلم کانفرنس ضلع بھمبر کے جنرل سیکرٹری راجہ صوفی مسعود اسلم، ضلعی صدر فریڈم موومنٹ چوہدری محمودالحسن ایڈووکیٹ، سٹی صدر میلاد کمیٹی چوہدری محمد اکرم نے اپنے ایک مشترکہ بیان میں سانحہ پشاور کو اکیسویں صدی کا المیہ قرار دیتے ہوئے کہا کہ سانحہ پشاور میں جس بہیمانہ طریقہ سے دہشت گردوں نے معصوم بچوں کے ساتھ خون کی ہولی کھیلی وہ انتہائی قابل مذمت ہے دہشت گردی کے اس واقعہ نے پوری قوم کو جھنجوڑ رکھ دیا ہے ہم واقعہ میں شہید ہونیوالے بچوں اور دیگر افراد کے ساتھ مکمل اظہار یکجہتی کرتے ہیں اور ان کے دکھ درد میں برابر کے شریک ہیں ہمارا حکومت پاکستان سے مطالبہ ہے کہ ایسے عناصر کے قلع قمع کیلئے ٹھوس بنیادوں پر اقدامات اٹھائے جائیں تا کہ اس طرح کے واقعات کی روک تھام ہو سکے ۔
