آزاد کشمیر اکونٹس کمیٹی کے اجلاس میں سردار عارف شاہین بطور مرکزی صدر شرکت نیک شگون ہے
بھمبر( ڈسٹرکٹ رپورٹر)آزاد کشمیر اکونٹس کمیٹی کے اجلاس میں سردار عارف شاہین بطور مرکزی صدر شرکت نیک شگون ہے پبلک اکونٹس کمیٹی سے تا عدالتی فیصلہ موسمی تعطیلات کے دوران کنوینس الائونس کی کٹوتی نہ کروانے کا فیصلہ مرکزی صدر نے کروالیا۔ جس پر اساتذہ آزاد کشمیر کے اندر خوشی کی لہر دوڑ گئی ہے ۔سردار عارف شاہین اساتذہ آزاد کشمیر کے مجموعی مفادات کے لئے بھرپور کردار ادا کر رہے ہیں ۔اساتذہ کے حقوق پر ڈاکہ زنی برداشت نہیں کی جائے گی ادھر ٹیچرز آرگنائزیشن کے رہنمائوں راجہ مشتاق احمد خان،چوہدری محمد ارشاد ،راجہ شعیب اعظم ،چوہدری محمد بشیر،چوہدری رشید مقدم،راجہ طارق پرویز،راجہ جاوید ،راجہ عامر اقبال،قاری دلدار غوث،مرزا مظہر اقبال،چوہدری عبدالغفور ،سید مدثر علی شاہ،سید مبشر علی شاہ،قاری ارشد محمود،چوہدری پرویز شہزاد،چوہدری منظور ،وحید عبداللہ نے کنوینس الائونس کے معاملہ کی یکسوئی تاعدالتی فیصلہ کٹوتی نہ کرنے کے فیصلے پر چیئر مین پبلک اکونٹس کمیٹی سردار عابد حسین عابد ،ممبران ڈاکٹر نجیب نقی اور چوہدری اسماعیل کا شکریہ ادا کیا ہے۔اور سردار عارف شاہین اور محبوب اعوان کی کاوشوں کو بھی سراہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سیکرٹری سکائونٹس میرپور ڈویژن زاہد عالم چوہدری کو تعلیمی خدمات پر صدارتی میڈل مل گیا
بھمبر (ڈسٹرکٹ رپورٹر) سیکرٹری سکائونٹس میرپور ڈویژن زاہد عالم چوہدری کو تعلیمی خدمات پر صدارتی میڈل مل گیا صدارتی مڈل ملنے پر تعلیمی سیاسی اور سماجی حلقوں کی مبارکبادیں تفصیلات کے مطابق سیکرٹری سکائونٹس میرپور ڈویژن و سنیئر ٹیکنیکل ٹیچر گورنمنٹ کالج آف ایجوکیشن میرپور زاہد عالم چوہدری کی تعلیمی خدمات کا اعتراف کرتے ہوئے صدر و چیف سکائوٹ پاکستان نے صدارتی میڈل ” میڈل آف میرٹ ” دیا زاہد عالم چوہدری کا تعلق بھمبر سے ہے صدارتی میڈل ” میڈل آف میرٹ ” ملنے پر آزاد کشمیر بالخصوص ضلع بھمبر کے تعلیمی ، سیاسی اور سماجی حلقوں نے زاہد عالم چوہدری کو زبردست الفاظ میں خراج تحسین پیش کیا اور انکی تعلیمی خدمات کو بھی سراہا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
غلام غوث مرحوم کے مشن کو جاری رکھیں گے اساتذہ کے حقوق کا تحفظ کرینگے ضلع بھمبر کے اساتذہ سردار عارف شاہین
بھمبر ( ڈسٹرکٹ رپورٹر ) غلام غوث مرحوم کے مشن کو جاری رکھیں گے اساتذہ کے حقوق کا تحفظ کرینگے ضلع بھمبر کے اساتذہ سردار عارف شاہین کی قیادت پر بھر پور اعتماد کا اظہار کرتے ہیں ان خیالات کا اظہار ٹیچر آرگنائزیشن کے مرکزی راہنما چوہدری محمد ارشاد نے سٹی سکول بھمبر میں غلام غوث مرحوم گروپ کے اساتذہ کے اجلاس سے خطاب کرتے ہوئے کیا انہوں نے کہا کہ اساتذہ کے حقوق کے تحفظ اور سنیارٹی کی پامالی کے خلاف پوری جنگ لڑی جائیگی اساتذہ کے حقوق کی بحالی کیلئے ہر فورم پر آواز بلند کرینگے انہوں نے کہا کہ سابق ضلعی صدر ٹیچر آرگنائزیشن بھمبر حاجی غلام غوث مرحوم کی اساتذہ کے حقوق کیلئے گراں خدمات ہیں انکی تعلیمی اور اساتذہ حقوق کے حوالے سے خدمات کا سنہرے حروف میں لکھا جائیگا ضلع بھمبر کے اساتذہ غلام غوث مرحوم کے خدمت کے مشن کو جاری و ساری رکھیں گے اجلاس میں چوہدری فرید غوث، چوہدری خورشید احمد طاہر، چوہدری عبدالغفور، چوہدری محمد بشیر، چوہدری محمد رشید مقدم، راجہ طارق محمود، چوہدری محمد اکرم مقدم، راجہ عامر محمود، قاری ارشد ، چوہدری منظور حسین، قاسم بٹ، سہیل بٹ، راجہ مشتاق احمد، لیاقت علی بٹ، چوہدری غلام حسین، قاری دلدار غوث ، راجہ محمد آصف ، سید مدثر حسین شاہ، چوہدری ماجد حسین، عمر رفیق سمیت دیگر نے شرکت کی اجلاس میں صدر ٹیچر آرگنائزیشن آزاد کشمیر سردار عارف شاہین کی قیادت پر بھر پور اعتماد کا اظہار کیا گیا اور کنونس الائونس کی کٹوٹی پر چیئرمین پبلک اکونٹس کمیٹی کے ساتھ ملکر کٹوتی نہ کر نے کی کاوشوں کو سراہا گیا اور چیئرمین پبلک اکونٹس کمیٹی کو بھی زبردست الفاظ میں خراج تحسین پیش کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری پرویز اشرف کا آزاد کشمیر کا قائمقام وزیراعظم بننا بھمبر کے اعزاز ہے
بھمبر ( ڈسٹرکٹ رپورٹر ) چوہدری پرویز اشرف کا آزاد کشمیر کا قائم قام وزیراعظم بننا بھمبر کے اعزاز ہے پیپلز پارٹی کے ساتھ مستقل مزاجی کے ساتھ چلنے کا صلہ ہے ان خیالات کا اظہار پاکستان پیپلز پارٹی آزاد کشمیر کے راہنما چوہدری آفتاب حسین آف کوہل نے صحافیوں سے گفتگو کرتے ہوئے کیا انہوں نے کہا کہ چوہدری پرویز اشرف کی پیپلز پارٹی کیلئے گراں قدر خدمات ہیں مستقل مزاجی کے ساتھ پیپلز پارٹی کے ساتھ اپنی وابستگی قائم رکھی آزاد کشمیر کے اندر پیپلز پارٹی کو آرگنائز کیا جس کے صلہ میں آج انہیں پارٹی نے آزاد کشمیر کا قائمقام وزیراعظم بنایا ہے انہوں نے کہا کہ چوہدری پرویز اشرف کے قائمقام وزیراعطم بننے سے یہ بات ثابت ہو گئی ہے کہ پیپلز پارٹی کی قیادت پارٹی کے ساتھ وفا کرنے اور قربانیاں دینے والوں کو اسکا صلہ دیتی ہے پارٹی کیلئے قربانیاں رائیگاں نہیں جاتیں انہوں نے کہا کہ چوہدری پرویز اشرف نے بھمبر جبکہ بالخصوص حلقہ برنالہ کے اندر ریکارڈ ترقیاتی کام کروائے ہیں برنالہ کے دور دراز ، پسماندہ اور پہاڑی علاقوں کے اندر بھی جگہ جگہ سٹرکیں، بجلی اور پانی کی فراہمی کو یقینی بنایا ہے جس پر ہم انہیں خراج تحسین پیش کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کشمیری قوم بھارت کے ریاست جموں و کشمیر پر جبری قبضے کو تسلیم نہیں کرتی27 اکتوبر 1947 کو ریاست جموں و کشمیر
بھمبر(ڈسٹرکٹ رپورٹر) کشمیری قوم بھارت کے ریاست جموں و کشمیر پر جبری قبضے کو تسلیم نہیں کرتی27 اکتوبر 1947 کو ریاست جموں و کشمیر پر بھارتی فوج نے ریاست جموں و کشمیر کے اوپرغاصبانہ قبضہ کیا تھاکشمیری اس روز سے لیکر آج تک کشمیری غلامی کی زنجیروں میں جھکڑے ہوئے ہیںکشمیری قوم بھارتی تسلط اور غاصبانہ قبضہ کے خلاف مسلسل سراپا احتجاج ہے اقوام متحدہ اور عالمی برادری مسئلہ کشمیر پر اپنا کردار ادا کرے اور بھارت کو اس بات پر مجبور کریں کہ وہ اقوام متحدہ کی قراردادوں کے مطابق کشمیریوں کو حق ارادیت دینے کا وعدہ پورا کرے ان خیالات کا اظہار مرکزی صدر کشمیر فریڈم موومنٹ خالد پرویز بٹ ، مرکزی سیکرٹری جنرل محمد شفیق کیانی، سینئر نائب صدر حاجی محمد یاسین ضلعی صدر محمود الحسن ایڈووکیٹ اور مرکزی چیف آرگنائزر مظہر اقبال بٹ نے کشمیر فریڈم موومنٹ کے زیر اہتمام منعقدہ تقریب سے خطاب کرتے ہوئے کیا انہوں نے کہا کہ گذشتہ 68 سال سے کشمیری مادر وطن ریاست جموں و کشمیر کی آزادی کی جنگ لڑ رہے ہیں مقبوضہ کشمیر کا ایک بڑا حصہ جس پر بھارتی فوج نے گذشتہ 68 برس سے جابرانہ قبضہ کر رکھا ہے اپنے تمام مالی اور فوجی وسائل جھونکنے کے باوجود کشمیریوں کی جدوجہد آزادی کو کچلنے میں کامیاب نہیں ہو سکا تمام تر حربے آزمانے کے باوجود کشمیریوں کے عزم اور حوصلے میں کوئی کمی نہیں آئی انہوں نے کہا کہ خطہ میں مسئلہ کشمیر سے جڑے ممالک اور اقوام کو ایسی پالیساں ترتیب دینا ہونگی جن میں مضبوط لائحہ عمل اور مضبوط کشمیر پالیسی وضع کی جانی ضروری ہے انہوں نے کہا کہ جب کشمیریوں کو ان کا پیدائشی حق حق خودارادیت نہ دیا جائے گا تب تک خطہ جنوبی ایشیا میں امن کسی صورت نہیں ہو سکتا عالمی اداروں اور عالمی برادری کی بھی یہ ذمہ داری ہے کہ وہ مسئلہ کشمیر کا بین الاقوامی قوانین کے مطابق حل تلاش کرنے میں موثر کردار ادا کرے اور کشمیریوں کو ایسا ماحول فراہم کیا جائے کہ وہ اپنے مستقبل کا خود فیصلہ کر سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پارٹی آئین کی خلاف ورزی کرنے پرپاکستان تحریک انصاف آزاد کشمیر نے چوہدری عابد محمود کی 2 سال کیلئے پارٹی
بھمبر ( ڈسٹرکٹ رپورٹر ) پارٹی آئین کی خلاف ورزی کرنے پرپاکستان تحریک انصاف آزاد کشمیر نے چوہدری عابد محمود کی 2 سال کیلئے پارٹی رکنیت ختم کر دی تفصیلات کے مطابق پاکستان تحریک انصاف آزاد کشمیر کی انضباطی کمیٹی کے چیئرمین راجہ سعید خان نے تحریک انصاف ضلع بھمبر کے رکن چوہدری عابد محمود کی پارٹی آئین کی خلاف ورزی کرنے پر بنیادی رکنیت 2 سال کیلئے ختم کر دی عابد محمود کے خلاف پارٹی آئین کی خلاف ورزی اور عہدہ کا غلط استعمال کرنے کا الزام تھا جس پر پارٹی نے راجہ سعید خان کی سربراہی میں انضباطی کمیٹی بنائی گئی جنہوں نے تحقیقات کے بعد الزام درست ثابت ہونے پر پارٹی کے رکن چوہدری عابد محمود کی پارٹی رکنیت عرصہ 2 سال کیلئے ختم کر دی۔
