پیرمحل (نامہ نگار) اشتہاری کو پناہ دینے پر مقدمہ درج تفصیل کے مطابق تھانہ پیرمحل پولیس نے مخبر کی اطلاع پر اشتہاری مجرم محمد افضل عرف لال ولد فرید قوم ماچھی ساکن چک285گ ب جوکہ مقدمہ نمبر449/14بجرم392ت پ میں تھانہ پیرمحل پولیس کو مطلوب ہے اے کے خان ہوٹل پر نطم دین ولد امجد ساکن 57/3ٹکڑا پناہ دیے ہوئے تھا پولیس کو دیکھ کر اشتہاری مجرم کو فرارکروادیا تھانہ پیرمحل پولیس نے اشتہاری ملزم کو پناہ دینے پر نظام دین کے خلاف زیردفعہ216ت پ کے تحت مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) موٹرسائیکل رکشہ پر اونچی آواز میں ٹیپ ریکارڈ چلانے پر موٹرسائیکل رکشہ ڈرائیور کے خلاف مقدمہ درج تفصیل کے مطابق موٹرسائیکل رکشہ نمبر3101-TSMجس کو محمد سلیم ولد جعفرحسین چک662/3گ ب چلا رہا تھا اونچی آواز میں ٹیپ ریکارڈ لگارکھی تھی موٹرسائیکل رکشہ ڈرائیور محمد سلیم کو رنگے ہاتھوں گرفتار کرکے زیر دفعہ 6PSSRت پ کے تحت مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار )بغیر اطلاع مکان کرایہ پر دینے پر دو مکان مالک گرفتار مقدمات درج تفصیل کے مطابق ذوالفقار کالونی پیرمحل کے رہائشی محمد حسین ولد حاجی خوشی محمد رحمانی نے اپنا مکان بابرحسین ولد صابر علی کو پولیس کو کوئی اطلاع دیے بغیر کرایہ پر دے رکھا تھا جس کو دوران سرچ آپریشن تھانہ پیرمحل پولیس نے گرفتار کرکے کرایہ داری ایکٹ کے تحت مقدمہ درج کرلیاغلام رسول ولد محمد لطیف غوثیہ آباد پیرمحل نے اپنا مکان دوہزار روپے کرایہ پر دے رکھا تھاجس کی پولیس کو کوئی اطلاع د نہ دی جس پر غلام رسول کے خلاف کرایہ داری ایکٹ کے تحت مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار )وال چاکنگ آرڈیننس کی خلاف ورزی پر مقدمہ درج تفصیل کے مطابق چک نمبر669/10گ ب میں جگہ جگہ بشیر کریانہ سٹور کی وال چاکنگ کی گئی ہوئی تھی جو دکاندار محمد فاروق ولد بشیر احمد ساکن چک721گ ب نے کروائی وال چاکنگ کی خلاف ورزی پر تھانہ پیرمحل پولیس نے دکاندار محمد فاروق کے خلاف زیر دفعہ 2پنجاب وال چاکنگ ترمیمی آرڈیننس ایکٹ2015کے تحت مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار )سیکورٹی ایکٹ کی خلاف ورزی کرنے پرسویٹس بیکرز کے مالک کے خلاف مقدمہ درج تفصیل کے مطابق تھانہ پیرمحل پولیس نے دوران چیکنگ غوثیہ چوک پیرمحل میں موجودنیو انٹرنیشنل بیکرز اینڈسویٹس غوثیہ چوک کو چیک کیا جس نے متعدد بار نوٹس دینے کے باوجود گن مین نہ رکھا اورنہ ہی سیکورٹی کے متعلق کوئی انتظامات کیے جس پر دکان مالک محمد عرفان ولد محمد اسحاق قوم جٹ ساکن چک293گ ب کے خلاف زیردفعہ14دی پنجاب سیکورٹی ایکٹ 2015ت پ کے تحت مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار )سی ٹی آئی لیکچرا ر چار ماہ سے تنخواہوں سے محروم فی الفور تنخواہوں کی ادائیگی کی جائے اساتذہ تفصیل کے مطابق انٹرن شپ پر سینکڑوں اساتذہ اپنے فرائض انجام دے رہے ہیں جن کو ماہوار 15ہزار روپے قلیل تنخواہ پرتعینات کرکے ان سے تدریسی کام لیا جارہا ہے چارماہ سے اپنے فرائض انجام دینے کے باوجود سی ٹی آئی اساتذہ اپنی تنخواہ سے محروم ہونے کے باعث سخت مشکلات کا شکار ہے سی ٹی آئی اساتذہ نے ارباب اختیار سے اپیل کی کہ فی الفور اساتذہ کو چار ماہ کا اعزازیہ دیاجائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل( نامہ نگار ) عوامی منصوبہ جات کی جلد سے جلد تکمیل ہمارا مشن ہی نہیں عبادت سمجھ کر کررہے ہیں پیرمحل سٹی پوسٹ آفس کی بحالی سمیت ریکسیو 1122 کی بلڈنگ کی جلد سے جلد تعمیر کو ممکن بنایاجائے ان خیالات کا اظہار حافظ محمد نجیب اسسٹنٹ کمشنر پیرمحل نے ہمراہ چوہدری خالد سردار چیئرمین میونسپل کمیٹی پیرمحل ، محمد صدیق پوسٹ ماسٹر پیرمحل کو سٹی پوسٹ آفس کی جلد سے جلد بحالی کا نوٹس لیتے ہوئے کیا انہوںنے کہا ریکسیو 1122کے انچارج محمد سلیم کو ریکسیو 1122 کی بلڈنگ کی جلد سے تعمیر کوپایہ تکمیل کرنے کا حکم دیاانہوںنے جانی ضیاع کے پیش نظر ٹریفک پولیس انچارج اظہر شیرازی کو ہدایات جاری کی کہ بھاری ٹریفک کے پیرمحل شہر میں داخلہ پر مکمل عملدرآمد کروایاجائے علاوہ ازیں لاری اڈا پیرمحل کے اندر مسافر گاڑیوں کے علاوہ ہرقسم کے ڈمپراور کرین اور لوڈر پر مکمل پابندی کو یقینی بناتے ہوئے لاری اڈا پیرمحل کے اندر صرف مسافرگاڑیوں کو جانے کی اجازت دی جائے انہوںنے پیرمحل تحصیل کمپلیکس روڈ اور بلڈنگز کو تعمیر کرکے عوام کے لیے جلد سے جلد کھولنے کا عندیہ دیتے ہوئے زیر تکمیل منصوبہ کی کڑی نگرانی کرنے اور ناقص میٹریل کے استعمال پر سخت سے سخت ایکشن لیاجائے گا انہوںنے پبلک لائبریری کو جلد سے جلد عوام کے لیے کھولنے کا عندیہ اس موقع پر چوہدری خالدسردار چیئرمین میونسپل کمیٹی پیرمحل نے بے نظیر بھٹو پارک کو عوام کے لیے کھولنے کا عندیہ دیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) تحصیل پیرمحل میں کامرس کالج بنایا جائے سماجی حلقو ں کا مطالبہ تفصیل کے مطابق تحصیل پیرمحل شہر جس کی آبادی لاکھوں نفوس پر مشتمل ہونے کے ساتھ اس کے ارد گرد سینکڑوں دیہات آباد ہے جس کے مکینوں کو تعلیم کے حصول کے لیے دوردراز کا سفر کرکے کمالیہ شہر یا ٹوبہ ٹیک سنگھ جانا پڑتا ہے جس وجہ سے طلبہ وطالبات کا تعلیم حاصل کرنے کا خواب ادھورارہ جاتاہے نامساعد حالات میں اگر کوئی طالب علم ان دوشہروں میں سے کسی ایک میں داخلہ لے لیتا ہے تو تکلیف دہ سفر کے باعث طلبہ وطالبات کا امتحان پاس کرنا ناممکن ہوتا ہے کیونکہ انہیںامتحان کی تیاری کے لیے وقت ہی نہیں مل سکتا جس وجہ سے طلبہ وطالبات کااعلٰی کارکردگی تو درکنار امتحان میں کامیاب ہونا معجزہ سے کم نہیں سماجی فلاحی تنظیموںنے وزیر اعلٰی پنجاب میاں شہباز شریف سے اپیل کی کہ فی الفور پیرمحل شہر میں کامر س کالج بنایاجائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) پاکستان ریلوے میں کیٹیگری تبدیل کرنے اور اضافی تعلیمی قابلیت کی ترقی پر پابندی سالہا سال سے ترقی پر پابندی اٹھائی جائے ملازمین محکمہ ریلوے کامطالبہ تفصیل کے مطابق پاکستان ریلوے میں عرصہ16سال سے ایک شعبہ سے دوسرے شعبہ میں ملازمین کو ٹرانسفرکرنے پر پابندی لگائی ہوئی ہے 2001 ء سے وفاقی حکومت نے اضافی تعلیمی قابلیت کی ترقی پر بھی پابندی لگادی جس سے محکمہ ریلوے میں پڑھے لکھے لوگ ترقی سے محروم ہے جبکہ ریلوے میں افسرشاہی کا کمال یہ ہے کہ اعلیٰ درجہ کی پوسٹوں پر ریٹائرڈ ملازمین کو بھرتی کیا گیا ہے ریلوے ملازمین نے پاکستان ریلوے وزیر، صدر پاکستان ، وزیر اعظم پاکستان سے مطالبہ کیا کہ محکمہ میں کیٹیگری تبدیل کرنے اور اضافی تعلیمی قابلیت پر پابندی اٹھائی جائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار)محکمہ صحت کی عدم دلچسپی شہری جراثیم شدہ گوشت استعمال کرنے سے بیماریوںمیں مبتلا قصاب کے پھٹہ جات کے گرد جالیاں لگوائی جائیں شہریوں کا مطالبہ تفصیل کے مطابق پیرمحل شہر میںمحکمہ صحت کی عدم دلچسپی کے باعث شہری جراثیم شدہ گوشت استعمال کرنے پرمجبور ہے گوشت فروخت کرنے والے پھٹہ جات کے گرد جالیاں نہ ہونے کے باعث گندی مکھیاں گوشت کو آلودہ کردیتی ہے گوشت اسی طرح شہریوں کو فروخت کردیا جاتاہے جبکہ قصاب کے ان پھٹہ جات پر رات کے وقت آوارہ کتے موج مستی کرتے ہے قصاب ان پھٹہ جات کو دھونے کی بجائے انہیں جراثیم شدہ پھٹہ جات پر گوشت رکھ کر شہریوں کو فروخت کررہے ہیں جس سے شہری سنگین قسم کے متعددی امراض کا شکار ہورہے ہیں محمد اعظم مغل ، نے اعلٰی حکام سے اپیل کی کہ فی الفور ان قصاب کے پھٹہ جات کے گرد جالیاں لگواکر حفظان صحت کے اصولوں کاپابند بنایاجائے
