پیرمحل (نامہ نگار) تحصیل بھر میں یواین او کی طرف سے مکمل حفاظتی اقدامات کے تحت فراہم کردہ ویکسئین بچوں کو پلائی جارہی ہے چک نمبر670/11گ ب کے رہائشی توثیق الرحمن کی پانچ دن کی بچی ایمان فاطمہ کی موت پولیو ویکسیئن سے نہیں ہوئی بلکہ کسی اور مرض کی بناء پر واقع ہوئی اسی چک کے 18بچوں کو پولیو ویکسئین کے قطرے پلائے گئے تمام بچے صحت مند ہے اگر پولیو ویکسئین میں نقص ہوتا تو دیگر بچوں کو بھی مسئلہ پیش آسکتا تھا ان خیالات کا اظہار ڈاکٹر باہلک علی ڈپٹی ڈسٹرکٹ ہیلتھ پیرمحل نے چک نمبر670/11گ ب کے رہائشی توثیق الرحمن کی پانچ دن کی بچی ایمان فاطمہ کی موت کو پولیو ویکسیئن سے منسوب کرنے کے سلسلہ میں آگاہی بیان میں کیا انہوںنے کہا یواین او کے حفاظتی اقدامات کے تحت تحصیل بھر میں پولیو کی ٹیمیں بچوںکو پولیو کے قطرے پلارہی ہے اس سلسلہ میں تمام ملازمین کی روزانہ کی بنیاد پر پل بھر کی مانیٹرنگ کررہے ہیں اس سلسلہ میں کسی بھی ویکسی نیٹر کی کوتاہی غفلت کو برداشت نہیں کیاجائے گا روزانہ کی بنیاد پر پولیو رپورٹ ضلعی اور صوبائی محکمہ جات کو ارسال کرکے پولیو ویکسئین مہیا کی جاتی ہے اس سلسلہ میں کسی بھی قسم کی پولیو ویکسئین کے غیر معیاری ہونے اور ایکسپائر ہونا ناممکن ہے انہوںنے بچی کی طبی موت کو پولیو ویکسئین سے منسوب کرنے پر افسوس کا اظہار کرتے ہوئے لواحقین سے دلی ہمدردی کا اظہار کیا اور تمام شواہد ورپورٹ کی روشنی میں محکمانہ کاروائی شروع کردی حافظ محمد نجیب اسسٹنٹ کمشنر پیرمحل اور ڈپٹی کمشنر ٹوبہ ٹیک سنگھ کی ہدایات پر تمام حقائق کو جلد منظر عام پر لائیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) تاریخ پیدائش اور وفات کا اندراج قومی فریضہ ہے پیرمحل شہر کے رہائشی اپنے بچوں کی تاریخ پیدائش کے اندراج اور عزیزوں کی وفات کے اندراج کے لیے میونسپل کمیٹی پیرمحل سے رجوع کریں تاکہ بروقت اندراج سے نادر اکمپیوٹرکارڈ سمیت اندراج وراثت تمام امور بروقت انجام دیے جاسکیں ان خیالات کا اظہار محمد عاطف ندیم گجر انکروچمنٹ آفیسر ٹیکس انچارج نے آگاہی بیان میں کیا انہوںنے کہا میونسپل کمیٹی پیرمحل کے قیام سے یونین کونسل نمبر81,82کا ریکارڈ میونسپل کمیٹی پیرمحل منتقل کردیا گیا ہے مکینوں کو تاریخ پیدائش اورتاریخ وفات نکاح کے اندراج سمیت متعلقہ امور کے لیے ون ونڈوآپریشن کے تحت میونسپل کمیٹی پیرمحل میں سہولیات فراہم کیے ہوئے ہیں چیئرمین چوہدری خالد سردار کی سربراہی میں قائم ڈیسک میں نئے اندراج سمیت لیٹ اندراج کیا جارہا ہے دوماہ کے بچوں کی تاریخ پیدائش کا عام طریقہ کار کے مطابق جبکہ سات سال کے بچوں کا لیٹ اندراج چیئرمین کی اجازت سے کررہے ہیں جبکہ اس سے اوپر اسسٹنٹ کمشنر پیرمحل کی اجازت سے کررہے ہیں انہوںنے شہریوں سے اپیل کی کہ بچوں کی تاریخ پیدائش اور لواحقین کی وفات کا اندراج بروقت کرواکر قومی فریضہ انجام دیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) سبزمنڈی پیرمحل روڈ پر دن دیہاڑے المحبو ب ٹریڈرایجنسی واک گیس پر ڈکیتی کی واردات دوکس نامعلوم مسلح موٹرسائیکل سوار ڈاکواسلحہ کی نوک پر دولاکھ روپے کی نقدی لوٹ کر فرار تفصیل کے مطابق سبزمنڈی پیرمحل روڈ پر واقع دکان المحبو ب ٹریڈرایجنسی واک گیس پر دوکس نامعلوم مسلح آتشیں ڈاکوموٹرسائیکل پر سوار آئے اور دکان مالک کو یرغمال بناکر نقدی دولاکھ روپے چھین کر فرارہوگئے تھانہ پیرمحل پولیس نے اطلاع پر کاروائی شروع کردی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل( نامہ نگار)ضلعی محکمہ شہری دفاع کے افسران کی عدم دلچسپی یاکرپشن کا نیا انداز ،دودرجن ، ان ٹرینڈ افراد کی بھرتی ماہانہ لاکھوں روپے ان ٹرینڈ ڈیلی ویجز ملازمین کو تنخواہوں کی آڑ میں گھپلا،، ضلع بھر میں شہری دفاع کے نوجوان غیر فعال ممکنہ دہشت گردی کے پیش نظر ضلع بھر میںتربیت یافتہ افراد کی تعیناتی کی جائے ، سماجی فلاحی حلقے تفصیل کے مطابق حکومت کی طرف سے موجودہ دہشت گردی کے پیش نظرضلع ٹوبہ ٹیک سنگھ میں شہری دفاع کے دودرجن سے زائد ان ٹرینڈ افراد کو بھرتی کرکے مختلف افسران کی سیکورٹی پرمامو ر کردیا ان بھرتی کیے گئے افراد کو کسی قسم کی ٹریننگ نہ دی گئی اور نہ ہی فرسٹ ایڈ،فائیر فائٹنگ اور دیگر اپنی حفاظت کرنے اور دوسروں کی مدد کرنے کا کسی قسم کا انتظام کیا گیا اور نہ ہی ضلعی انتظامیہ کی طرف سے عملی ورکشاپ کا انعقاد نہ کرنے کے باعث زمانہ جنگ ہو یا امن بطور رضاکار شہری دفاع مادر وطن کی حفاظت سمیت تمام دیگر امور سے نبٹنے کی صلاحیت سے محروم ہے سابق ڈی سی او نوازش علی گورایہ نے اپنی ذاتی دلچسپی سے ضلع بھر میں سول ڈیفنس کی تنظیم کو فعال بناکر ضلع بھر کے رضاکاروں اور سرکاری ملازمین کو فضائی مظاہر ہ سمیت تیراکی کی ٹریننگ دلوائی تھی اور رضاکاروں کو یونیفارم سمیت دیگر سازوسامان مہیاکیاتھا جس پر اپنی مدد آپ کے تحت کسی قسم کا اعزازیہ مگر نہ تھا مگر ان کے ریٹائر ہونے کے بعد کسی بھی ڈی سی او نے دلچسپی نہ لی جس سے ضلعی محکمہ شہری دفاع کے افسران کی عدم دلچسپی سے سول ڈیفنس کا محکمہ سفید ہاتھی بن کر رہ گیا موجودہ ڈپٹی کمشنر عامر اعجاز اکبر کی طرف سے دودرجن کے قریب سول ڈیفنس کے رضاکاران کو بھرتی کرکے انہیں فرسٹ ایڈ،فائیر فائٹنگ اور دیگرمتعلقہ فرائض پر لگانے کی بجائے مختلف افسران کی سیکورٹی پر پولیس کی وردی پہناکر تعینات کررکھا ہے جس سے نہ صرف سالہا سال سے رضا کارانہ سول ڈیفنس کے جوان اپنے حق سے محروم ہوئے بلکہ اناڑی افراد کی بھرتی سے ماہانہ لاکھوں روپے ان بھرتی شدہ افراد کو تنخواہوں کی ادائیگیوں کی مد میں کرپشن کی نذرہورہے نعیم اختر جانبا ز ڈپٹی گروپ وارڈن نے کمشنر فیصل آباد ، ڈپٹی کمشنر ٹوبہ ٹیک سنگھ سے مطالبہ کیا کہ ممکنہ دہشت گردی کے پیش نظر اور دنیا بھر میں سول ڈیفنس کی مسلمہ اہمیت کے پیش نظر ضلع بھر میں سول ڈیفنس کو فعال بنایاجائے اور اناڑی افراد کی بجائے سول ڈیفنس کے تجربہ کار رضاکاروں کو بھرتی کرکے فرسٹ ایڈ،فائیر فائٹنگ کے آلات فراہم کیے جائیں تاکہ مطلوبہ مقاصد حاصل کیے جاسکیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) اقتصادی راہداری منصوبہ پاکستان کے روشن مستقبل،ترقی کی ضمانت ہے اقتصادی راہداری کو متنازعہ بنانے والے پاکستان کی ترقی کے دشمن ہیں ۔اس لیے بلاروکاوٹ اس منصوبہ کو پائیہ تکمیل تک پہنچانا ہی ملکی مفاد میں ہے اقتصادی راہداری منصوبہ ملکی ترقی و خوشحالی کا باعث بنے گا ان خیالات ا ظہار حاجی نعیم اختر جانباز ڈسٹرکٹ کوآرڈینیٹر پاکستان مسلم لیگ ن نے اپنے بیان میں کیا انہوںنے کہا کہ پاکستان مسلم لیگ سمیت تمام سیاسی جماعتوں کی جانب سے تحفظات ختم ہونے کے بعد اقتصادی راہداری منصوبہ کی حمایت خوش آئند ہے اقتصادی راہداری منصوبے کو کالاباغ ڈیم کی طرح متنازعہ نہیں بننے دیا جائے گاموجودہ صورتحال میں جبکہ پاکستان داخلی اور خارجی سطح پر دہشت گردی کے خلاف جنگ لڑ رہا ہے، اقتصادی راہداری ہمارے دیرینہ اور آزمودہ دوست کی دوستی کی عظیم نشانی اور تحفہ ہے۔بیرونی دنیا کی تمام تر مخالفت کے باوجود چین نے پاک چین اقتصادی راہداری منصوبہ میں ثابت قدم رہ کر یہ ثابت کردیا ہے کہ پاک چین دوستی ہمیشہ قائم رہے گی اس منصوبے کو کالاباغ ڈیم کی طرح متنازعہ نہیں بننے دیا جائے گا اور اس منصوبے کے خلاف ہر سازش کو نا کام بنا دیا جائے گا اقتصادی راہدری منصوبے سے صرف پا کستان کو ہی نہیں بلکہ پورے خطے کو فوائد حاصل ہوں گے۔
