پیرمحل (نامہ نگار) مردم شماری قومی و آئینی تقاضہ ہے جسے آئین کی روح کے مطابق مکمل شفافیت و غیر جانبداری سے تکمیل پذیر ہونا چاہئے کیونکہ قومی تقاضے میں کسی بھی قسم کی جانبداری ‘ ذاتی مفادات کیلئے ہیر پھیر یا غلط اعدادوشمار کا اندرا ج قومی مستقبل کیلئے مضر ثابت ہوگا اسلئے مردم شماری میں شفافیت و غیر جانبداری سے کسی بھی قسم کا اغماض قومی مفادات کیخلاف اور ملک وقوم سے غداری و دشمنی تصور ہوگا جبکہ افغان مہاجرین کو مردم شمار ی کے عمل سے دور رکھنا ہی محفوظ قومی مستقبل کا ضامن ثابت ہوسکتا ہے ان خیالات کا اظہار حافظ محمد نجیب اسسٹنٹ کمشنر پیرمحل نے پاکستان بھر میں15مارچ سے شروع ہونے والی چھٹی مردم شماری و خانہ شماری میں ہر باشندے کو حصہ لینے اور خواتین ‘ مردوں ‘ بچوں ‘ نوجوانوں اور بزرگوں سمیت گھر کے ہرفرد اور 18سال سے زائد ہر مرد وعورت کے ووٹ کے اندراج و رجسٹریشن کو یقینی بنانے کی اپیل کرتے ہوئے کیا انہوںنے کہا مردم شماری قومی و آئینی تقاضہ ہے جسے آئین کی روح کے مطابق مکمل شفافیت و غیر جانبداری سے تکمیل پذیر ہونا چاہئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) غیرقانونی سموں کااستعمال بدستور جاری پیرمحل میں بے نظیرانکم سپورٹ پروگرام کے نام پر لوگوں کو فون کالز میسجزکاسلسلہ جاری شہری لٹنے لگے غیرقانونی سموں کااستعمال بدستور جاری پیرمحل سمیت ضلع بھر میں بے نظیرانکم سپورٹ پروگرام کے نام پر لوگوں کو فون کالز میسجزکاسلسلہ جاری شہری لٹنے لگے تفصیل کے مطابق نوسربازوں نے اپنادھندہ جاری رکھاہواہے اور بے نظیرانکم سپورٹ پروگرام کے نام پر لوگوں کوفون نمبرزسے میسجز کاسلسلہ جاری ہے اورشہریوں کومختلف کمپنیوں کے نیٹ ورک سے میسجز آتے ہیں کہ آپ کابے نظیرانکم سپورٹ پروگرام کے سروے کے دوران 25 ہزار روپے منظورہوچکے ہیں اس لئے آپ کومطلع کیاجاتاہے اور فوری طورپر نیچے دیئے گئے نمبروں پررابطہ کریں کئی سادہ لوح افراد ان جعل ساز افراد کے جھانسے میں آکراپنی جمع پونچی سے محروم ہورہے ہیں شہریوں نے چیئرمین پی ٹی اے وفاقی وزیر داخلہ وزیراعلی پنجاب شہبازشریف ضلعی انتظامیہ سے اپیل کی ہے کہ وہ ان نوسربازوں کے خلاف کاروائی کریں تاکہ سادہ لوح افراد انکی گرفت سے بچ سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) میڈیکل ریپ کا بڑھتا ہوا اثرورسوخ ‘ پیرمحل سمیت ضلع بھر میں ڈاکٹرزکروڑ پتی بن گئے مریض رل گئے ضلعی انتظامیہ محکمہ صحت کے قوانین پر عملدرآمد کروائے سماجی حلقے تفصیل کے مطابق ملک میں قومی اوربین الاقوامی دواساز کمپنیاں ڈاکٹروں میں غیرضروری اثرورسوخ پیداکرچکی ہیں اوراپنی پرکشش ترغیب کے ذریعے کمپنیاں ڈاکٹرز کواپنی ادویات مریض کوتجویز کرنے کیلئے مائل کرتی ہیں دواساز کمپنیوں اورڈاکٹر ز میں ہونیوالی ڈیل کے باعث ڈاکٹر ز مریضوں کوغیر ضروری ادویات بھی تجویز کررہے ہیں ذرائع کے مطابق دواساز ادروں کی طرف سے ڈاکٹروں کوپیش کیے جانیوالے تحائف، تحقیق کیلئے فنڈز مہیا کرنااورمیڈیکل کانفرنسوں وسیمینارز کے انعقاد کی مالی معاونت جیسے معاملات پرکئی سوال اٹھائے جاسکتے ہیں دواساز اداروں کے نمائندے ہرہفتے ہزاروں ڈاکٹروں کے پاس جاتے ہیں اورانہیں اپنی دوائیوں کے بارے میں معلومات فراہم کرتے ہیں اوراپنی کمپنی کی مہنگی ادویات مریضوں کولکھنے پرپرکشش آفرز کرتے ہیں ان پرکشش آفرز میں بے شمارقیمتی تحائف سمیت پرائیویٹ ہسپتال اورکلینک کیلئے ایکسرے مشین الٹراسائونڈ جیسی دیگر آلات جراحی شامل ہوتے ہیں بعض اوقات ان قیمتی تحائف میں لاکھوں روپے مالیت کی گاڑی بھی شامل ہوتی ہیں ڈیل ہونے کے بعدڈاکٹرز حضرات ان میڈیسن کمپنیوں کے نمائندوں کی بتائی ہوئی ادویات مریضوں کوتجویز کرناشر وع کردیتے ہیں اوراکثر مریضوں کویہ تجویز کردہ ادویات کی ضرورت بھی نہیں ہوتی دیکھنے میں آیاہے کہ ڈاکٹرز کمیونٹی اب اسوقت ملک میں قوت پکڑچکی ہیں کہ اب ان کے سامنے حکمران بھی بے بس دیکھائی دیتی ہیںسماجی شخصیت میاں اختر علی فقیرنے ضلعی انتظامیہ سے محکمہ صحت کے قوانین پر عملدرآمد کروانے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) سول ہسپتال پیرمحل میں ایس ایم او کی عدم دلچسپی اور طبی سہولتوں کے فقدان کی وجہ سے زچہ بچہ اور ایمرجنسی و دیگر وارڈز کے مریض شدید پریشانیوں میں مبتلا ہو چکے ہیں حادثات کی وجہ سے شدید زخمی ہونے والی کی اموات روز کا معمول بن کر رہ گئی ہیں ۔تیز رفتاری سے شرح امدات میں اضافہ حکمرانوں کے لئے لمحہ فکریہ ہے ۔مسیحائوں کا مریضوں کے ساتھ تضحیک آمیز رویہ انسانیت کے لئے چیلنج بن چکا ہے اگر صورتحال پر فوری طور پر قابو نہ کیا گیا تو شہری راست اقدامات اٹھانے پر مجبور ہو جائیں گے ۔ وزیر اعلی پنجاب محمد شہباز شریف اپنے نعروں کی پاسداری کرتے ہوئے سول ہسپتال پیرمحل میں فی الفور مستند ایس ایم او لیڈی ڈاکٹر اور ایم او کو تعینات کیا جائے تاکہ شرح اموات میں کمی واقع ہو سکے اور مریضوں کی حقیقی مسیحائی ہو سکے تفصیل کے مطابق پیرمحل سول ہسپتا ل جوکہ فیصل آباد ملتان روڈ پر واقع ہونے اور دوتھانوں اروتی اور تھانہ پیرمحل کے باعث آئے روز حادثات اور لڑائی جھگڑوں کے مریضوں کی شرح پورے ضلع کے ہسپتالوں میں سے پیرمحل میں زیادہ ہے مگر سول ہسپتال پیرمحل جوکہ اپ گریڈ ہونے کے باوجود سینئر میڈیکل آفیسر جوکہ ذہنی مریض ہونے کے باعث ہسپتال میںموجود ہونے کے باوجود کسی قسم کا علاج معالجہ اور دیگر امور انجام دینے سے قاصر ہے کام کرنے والے واحد میڈیکل آفیسر ڈاکٹر باہلک کا بی ایچ یو اروتی میں تبادلہ کردیا جبکہ لیڈی میڈیکل آفیسر چھ ماہ سے تعینات نہ ہوسکی دن دوبجے کے بعدہسپتال کا عملہ اور ڈاکٹروں کے گھر جانے کے بعد ہر آنے والی ایمرجنسی کو بغیر ڈیل کیے ہسپتال عملہ ڈسٹرکٹ ہسپتال ٹوبہ ٹیک سنگھ ریفرکردیتاہے چھ ماہ کے دوران حادثات اور لڑائی جھگڑوں کی اموات اس بات کی دلیل ہے کہ سول ہسپتال پیرمحل کی انتظامیہ مریضوں کو طبی امداد پہنچانے میں بری طرح ناکام ہو چکی ہے لیڈی ڈاکٹر نہ ہونے کے باعث ہرقسم کے آپریشن بند اور آپریشن تھیٹر کے قیمتی آلات زنگ آلود ہوچکے ہے ڈلیوری کیسز میں کوئی دلچسپی نہیں لی جارہی ہے ۔ اکلوتے ڈاکٹر اور سٹاف کی عدم دلچسپی اور طبی سہولیات کے فقدان کی وجہ سے مریض اور لواحقین بے یارو مدد گار پڑے حکمرانوں کے بڑے بڑے دعوئوں کو ثمر آور ہونے کے منتظر دکھائی دے رہے ہیں سماجی فلاحی حلقوں نے ضلعی محکمہ صحت کے افسران سے سول ہسپتال پیرمحل میں ایم او اور دیگر سٹاف کا قبلہ درست کرنے اور فی الفور کسی مستندڈاکٹر کو سول ہسپتال پیرمحل میں تعینات کرنے کا مطالبہ کرتے ہوئے ادویات کی فراہمی کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) معاشرے کو ہر قسم کے استحصال سے پاک کرنا پاکستان عوامی تحریک کی منزل ہے ۔ ملک میں آئین،قانون اور جمہوریت کے حقیقی استحکام کیلئے ساری قوم کو گھروں سے باہر نکلناہو گا ۔آئین کے آرٹیکل 62,63 کا شعور ہر پاکستانی کو مل چکا ہے ان خیالا ت کا اظہار غلام شبیر وڑائچ ضلعی صدر پاکستان عوامی تحریک نے تحریک منہاج القرآن کے ماہانہ اجلاس میں خالدمحمود ناظم تحریک منہاج کی قیادت میں خطاب کرتے ہوئے کیا انہوں نے کہا پاکستان چند خاندانوں کیلئے نہیں بلکہ غریب مسلمانوں کیلئے بنایا گیا تھا۔جاگیردار،وڈیرے،سرمایہ دار اور نا اہل سیاستدان پچھلے 68 سالوں سے غریبوں کے حقوق سے کھیل رہے ہیںڈاکٹر طاہر القادری کا چوروں ،لٹیروں اور وڈیروں سے کوئی مطالبہ نہیں بلکہ انکی طاقت تو بیوائوں یتیموں کے آنسو اور غریبوں کی سسکیاں ہیں18کروڑ عوام اپنا حق لے کر دم لیں گے شیخ الاسلام ڈاکٹر محمد طاہر القادری کی قیادت میں آئین و قانون اور جمہوریت کی بالادستی کیلئے تحریک منہاج القرآن اور پاکستان عوامی تحریک کے تمام کارکنان نے 33سالہ رفاقت کا حق ادا کر دیا۔اگر پاکستان عوامی تحریک کے قائد شیخ الاسلام ڈاکٹر محمد طاہر القادری کی قیادت ساری قوم کو مل جائے تو امت مسلمہ اور پاکستانی قوم اپنا کھویا ہوا وقار اور عظمت پھر سے حاصل کر سکتی ہے۔پاکستان عوامی تحریک اور تحریک منہاج القرآن کے کارکنوں اور عہدیداران کا نظم اور استقامت دیگر سیاسی و مذہبی جماعتوں کیلئے قابل تقلید ہے۔ شیخ الاسلام ڈاکٹر محمد طاہر القادری نے پارٹی کارکنوں کے اندر حقیقی روح پھونک دی ہے اور اختیارات کی نچلی سطح تک تقسیم کے عمل کو اتنا موثر ،جاندار اور شفاف بنا دیا ہے کہ بڑے بڑے سیاسی فیصلوں میں بھی UC اور یونٹ سطح کے عہدیداران کی مشاورت لازمی ہوتی ہے اور فیصلے بند کمرے میں نہیں بلکہ زمینی حقائق کے مطابق کھلے آسمان تلے ہوتے ہیں گذشتہ 68سال سے آئین کے آرٹیکل7 3 اور 38 کی مسلسل خلاف ورزی ہو رہی ہے۔انتخابی اصلاحات کے ساتھ آئین کے ان دو آرٹیکلز کی بحالی بھی ہمارے ایجنڈے کا حصہ ہو گی انہوں نے کہا کہ پاکستان عوامی تحریک کسی اور رابطے کی بجائے عوام سے رابطے پر یقین رکھتی ہے۔
