پیرمحل (نامہ نگار) قوموں کی تقدیر کا دارمدار علم کے فروغ پر ہوتا ہے جس معاشرے میں علم کا فقدان ہے وہ معاشرہ کبھی ترقی کی منازل طے نہیں کر سکتا ‘ علم حاصل کرنا قوم کے ہر فرد کی قومی اور مذہبی ذمہ داری ہے پاکستان سے غربت،جہالت اور دہشت گردی ختم کرنے کیلئے وزیراعلیٰ پنجاب کے روڈ میپ کے مطابق شرح خواندگی میں اضافہ کرنا وقت کا تقاضا ہے ان خیالات کا اظہار رائو عتیق احمد ای ڈی او ایجوکیشن ٹوبہ ٹیک سنگھ نے ہمراہ ملک الطا ف حسین ڈی ای او مردانہ، نجمہ کوثر ڈی ای او زنانہ ،فاروق زاہد ڈپٹی ڈی ای او پیرمحل کے ہمرا ہ گورنمنٹ گرلز ہائر سیکنڈری سکول پیرمحل میں منعقدہ پروقار تقریب جس میں اے ای اوز ، اساتذہ سے خطاب میں کیا انہوںنے کہا پڑھو پنجاب بڑھو پنجاب کے تحت سوفیصد شرح خواندگی کو کامیاب بنانے کے لیے چار سال سے نوسال کے بچوں کو سکول میں لازمی داخل کروائیں ۔اساتذہ اس ملک کا روشن مستقبل ہیں اور وہ اس روشن مستقبل کے امین ہیں اساتذہ طلبہ کی تعلیم و تربیت میں اپنی بہترین صلاحیتیں بروئے کار لائیں تعلیم کا مقصد صرف حصول روزگار نہیں ہونا چاہیے بلکہ ایک مہذب اور با اعتماد فرد کی تشکیل ہو تاکہ اقوام عالم میں پاکستان کا نام روشن ہو پاکستان کا مستقبل محفوظ ہے فاروق زاہد ڈپٹی ڈی ای او پیرمحل نے خطاب کرتے ہوئے کہاکہ اساتذہ اور معاشرے کے ہر فرد پر لازم ہے وہ علم کے فروغ پر خصوصی توجہ دیتے ہوئے ملک و ملت کے نونہالوں کو زیور تعلیم سے آراستہ کرے اساتذہ کو کرہ ارضی کے چیلنجوں کا مقابلہ کرنے اور ترقی کی دوڑمیں شامل ہونے کے لئے اپنی تمام تر صلاحیتیں طلبہ کی تربیت پر وقف کر نے کی ضرورت ہے۔جس سے ہمارے ملک اور قوم کا مستقبل تابناک ہوگاانہوں نے کہا کہتعلیم کا ایک بڑا مقصد بچوں کی کردار سازی بھی ہونا چاہیے ۔ وہ اساتذہ انتہائی قابل تعریف ہیں جو تعلیم کے ساتھ ساتھ بچوں کی کردار سازی پر بھرپور توجہ دیتے ہیںنجمہ کوثر ڈی ای او زنانہنے کہا تعلیمی نظام کی کامیابی قابل اور محب وطن اساتذہ کی مرہون منت ہے ۔ کوئی قوم اساتذہ کی محنت کے بغیر ترقی نہیں کر سکتی ایک اچھا استاد اپنے عمل سے شاگر د کے ذہن تسخیر کرتا ہیجب تک پورا معاشرہ فروغ علم کے لئے اپنا بھر پور کردار ادا نہیں کرتا اس وقت تک ہم ترقی کی منازل طے نہیں کر سکتے اور طلبا و طالبات اپنی زندگیوں کو کامیاب بنانے کے لئے اساتذہ اور والدین کا احترام کریںعلم کے فروغ عین عبادت ہے اس نظریہ کے تحت علم کے فروغ کے لئے اپنی تمام تر صلاحیتیں بروئے کار لارہے ہیں ۔ اساتذہ کا مقابلہ کسی تعلیمی ادارے یا فرد سے نہیں بلکہ اساتذہ کا مقابلہ جہالت کے خلاف ہے۔ جس کے لیے اساتذہ کو بھرپور جدوجہد کرکے وزیر اعلیٰ پنجاب کے روڈ میپ کو کامیاب بناناہوگا اس موقع پر اے ای او مرکز پیرمحل محمد علی ، چوہدری محمد اسلم ، سہیل محمود ڈی ایم سمیت اساتذہ کی کثیر تعدادنے سمینار میں شرکت کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) نامعلوم چوروں کا چھکا چھ گھروں کی چھتیں پھاڑکر نامعلوم چور لاکھوں روپے کے طلائی زیورات قیمتی پارچا ت چوری کرکے لے گئے تفصیل کے مطابق چک نمبر662/3گ ب میں نامعلوم چوروں نے پانچ گھرو ں جن میں ثناء اللہ ہراج ولد اللہ دتہ ،منظورحسین ، اللہ دتہ ولد غلام حسین ، عبدالرزاق ولد نوراکبر ، قاری غلام مرتضی امام مسجد کے گھروں کی چھتوں پھاڑ کر نقب لگالی خضرحیات ولد عبدالغفور قوم ہراج کے گھر کے پانچ کمروں کی چھتیں پھاڑکر ساڑھے تین تولے طلائی زیور نقدی قمیتی پارچات مالیت پانچ لاکھ روپے چوری کرکے لے گئے نامعلوم چوروںنے چک نمبر673/14گ ب کے رہائشی محمد لطیف ولد محمد سرور کے گھر کے تین کمروں کی چھتیں پھاڑکر ساڑھے نوتولے طلائی زیورات سوٹ سلے ان سلے مالیت پانچ لاکھ روپے چوری کرکے لے گئے تھانہ پیرمحل پولیس نے نامعلوم چوروں کے خلا ف مقدمات درج کرلیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) سی این جی اور پٹرول پمپ پر گن مین نہ رکھنے پر دوسی این جی ایک پٹرول پمپ منیجر کے خلاف سیکورٹی ایکٹ کے تحت مقدمات تفصیل کے مطابق تھانہ پیرمحل پولیس نے دی پنجاب آف سیکورٹی وجنرل ایبل اسٹیبلشمنٹ آرڈی ننس 2015کے تحت الضامن سی این جی اسٹیشن کے منیجر محمد یوسف ولد احمد علی بلوچ اور رجانہ روڈ پیرمحل پر واقع پیرمحل سی این جی اسٹیشن کے منیجر طارق عزیز ولد قطب دین ا ور چاند پٹرولیم بائی پاس سندھلیانوالی روڈ پٹرول پمپ منیجر لیاقت علی ولد شوکت علی کے خلاف سیکورٹی آرڈیننس کی خلاف ورزی پر مقدمات درج کرلیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) شادی شدہ خاتون کو بچے سمیت اغواکرنے اور نوسالہ بچی کو زبردستی زیادتی کا نشانہ بنانے پر مقدمات درج تفصیل کے مطابق بستی خانجوان سی پلاٹ پیرمحل ضلع ٹوبہ ٹیک سنگھ کی ر ہائشی حلیمہ بی بی زوجہ عمرحیات کی بیٹی نگینہ بی بی او راس کا بیٹا عثمان عمر پانچ سال کو اظہر ولد نواز ،خان ولد مستا ،عاشق ولد محمد حسین ،صغیر ولدعاشق ،زرینہ زوجہ نصرت ،چمن بی بی دختر نواز ساکن سی پلاٹ پیرمحل حرام کاری کی نیت سے اغواکرکے لے گئے اور گھر سے نقدی 30ہزار روپے چوری کرکے لے گئے چک نمبر673/14گ ب عرفان ولد لقمان میں دیوار پھلانگ کرگھر میں سوئی ہوئی نوسالہ بچی یاسمین دخترذاکر کو زیادتی کا نشانہ بنانے کی کوشش کی تھانہ پیرمحل پولیس نے مقدمات درج کرلیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) نامعلوم چوروںنے دکان اور سٹور میں نقب لگاکر یوپی ایس اور لاکھوں روپے کا گودام سے سامان کباڑ اور موٹر سائیکل رکشہ چوری کرلیا مقدمات درج تفصیل کے مطابق برہان شاہد ولد شاہد اقبال نے میجر احمد نواز پلازہ پیرمحل ضلع ٹوبہ ٹیک سنگھ میں اقبال میرج بیور و دفتر بنارکھا ہے نامعلوم چوروںنے نقب لگاکر ہزاروں روپے مالیت کا یوپی ایس اور انعامی کوپن چوری کرلیے ذوالفقار ٹائون پیرمحل میں لیاقت علی ولد شوکت علی نے سامان کباڑکا سٹور بنارکھا ہے سٹور سے نامعلوم چور موٹرسائیکل رکشہ مالیت ایک لاکھ روپے ، چھ من 25کلو تانبہ مالیت ایک لاکھ 12ہزار روپے تین من15کلو پیتل مالیت 37ہزار روپے باریک سلو ر پیتل دومن مالیت 13ہزار روپے چوری کرکے لے گئے تھانہ پیرمحل پولیس نے نامعلوم چوروں کے خلاف مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) ٹریفک پولیس تحصیل پیرمحل ماہ جولائی 2016میں 1020چالان کرکے 281500روپے وصول کرلیے تفصیل کے مطابق ٹریفک پولیس پیرمحل میں تعینات اظہر شیرازی نے ماہ جولائی 2016میں 341چالان کرکے ایک لاکھ 6ہزار پانچ سوروپے حامد علی اے ایس آئی نے 367چالان کرکے 98ہزار روپے عاشق علی اے ایس آئی نے 312چالان کرکے 77ہزار روپے وصول کیے اس طرح ٹریفک پولیس تحصیل پیرمحل ماہ جولائی 2016میں 1020چالان کرکے 281500روپے وصول کرکے خزانہ سرکار میں جمع کروادیے
