پیرمحل (نامہ نگار) 70 ارب روپے کا ZKB کا ٹھیکہ ،،،،ٹھیکیدار نے سرکاری رقبہ سے مٹی اٹھاکر زیر تعمیر لاہور کراچی موٹروے کی برتی کرنا شروع کر دی اربوں روپے کا صوبائی حکومت کو ٹیکہ بھرتی کی رقم ٹھیکیدار کو جاری ہونے کے باوجود غیر قانونی طورپر مٹی اٹھانے کا سلسلہ جاری اے سی پیرمحل اور مجاز اتھارٹی کی طرف سے ایکشن لینے کے باوجود بااثر ٹھیکیدار نے سرکاری رقبہ جات میں 20فٹ کے گڑھے ڈال کر مٹی اٹھاکر زیر تعمیر موٹروے کی بھرتی کی جارہی ہے فی الفور سرکاری رقبہ جات سے مٹی چوری بند کروائی جائے محمد اسلم گڈگور یا سماجی حلقے تفصیل کے مطابق چک نمبر321گ ب مربع نمبر19، مربع نمبر31مربع نمبر33مربع نمبر50سمیت سینکڑوں ایکڑ رقبہ ملکیتی صوبائی حکومت ہے اس رقبہ سے بااثر ٹھیکیدار ٹوبہ ٹیک سنگھ ظاہر خان مالک ZKBکنٹرکشن کمپنی وغیرہ نے موٹر وے کراچی تالاہور کی بھرتی کے لیے 70ارب روپے کا ٹھیکہ لے رکھا ہے اردگر کے زمینداروں کو مٹی کی قیمت دینے کی بجائے انہیں حکومت کی طرف سے اجازت کا ڈرامہ کرکے اور سرکاری رقبہ سے مٹی اٹھاکر زیر تعمیر موٹروے کا بھرت ڈالا جارہا ہے جبکہ اس بھرت کا ٹھیکیدار نے حکومت سے کروڑوں روپے پیشگی وصول کررکھا ہے حالانکہ رقبہ صوبائی حکومت ہے جس کی مٹی کی ادائیگی نہیں ہونی چاہیے تھی اگر ادائیگی کی گئی ہے تو وہ خزانہ سرکارمیں جمع ہونا چاہیے تھی مگرٹھیکیدار نے کسی بھی قسم کی ادائیگی خزانہ سرکار میں جمع نہ کروائی اور نہ ہی کسی قسم کی اجازت لی حافظ محمد نجیب اسسٹنٹ کمشنر پیرمحل ، تحصیلدار پیرمحل اور پٹواری کی رپورٹ پر موقع ملاحظہ کرکے ایک ماہ سے ڈی سی اوٹوبہ ٹیک سنگھ کی وساطت سے ممبر کالونی بور ڈ جواد رفیق ملک جن کے پاس سینئر ممبر بورڈ آف ریونیو کا اضافی چارج بھی ہے کو تحریر ی طورپر آگاہ کررکھا ہے مگر پنجاب بورڈ آف ریونیو کی طرف سے کسی قسم کی کاروائی نہ ہونے پر بااثر ٹھیکیدار اربوں روپے کی ادائیگی ہونے کے باوجود کروڑوں روپے مالیت کی مٹی سرکاری رقبہ جات سے سرعام چوری کرکے موٹروے بھرتی میں استعمال کر چکا ہے جبکہ پنجاب بورڈ آف ریونیو کی طرف سے کسی قسم کی کاروائی کے احکامات جاری نہ ہونے پر بااثر ٹھیکیدار کے سامنے تحصیل انتظامیہ بے بس ہے محمد اسلم گڈگور نے اعلیٰ حکام کو دی گئی درخواستوں میں کروڑوں روپے کی سرکاری رقبہ جات سے مٹی چوری کرنے پر ٹھیکیدار کے خلاف کاروائی کا مطالبہ کرتے ہوئے وصول کی گئی رقم بازیاب کرواکر خزانہ سرکار میں جمع کروانے کا مطالبہ کیا ہے جبکہ ٹھیکیدار کے موجود کارندوں کا کہنا ہے کہ مٹی کی قیمت اداکررہے ہیں
۔۔۔۔۔۔۔۔۔۔۔
۔۔۔۔۔۔۔۔۔۔۔۔
پیرمحل ( نامہ نگار ) جعلی بوگس ڈرائیونگ لائسنس بناکر عدالت سے ضمانت کروانے پر مقدمہ درج تفصیل کے مطابق ظفر اقبال ولد اللہ بخش قوم نوناری چک نمبر755گ ب تحصیل پیرمحل کے رہائشی کے دوبیٹے محمد مبین ظفر عمر سات سال محمد وقار عمر نوسال پسران ظفر اقبال اور بھتیجا محمد فیضان عمر 8سال اپنے گھر سے بلال مدرسہ میں قرآن پاک کی تعلیم حاصل کرنے کے لیے جارہے تھے کہ پیچھے سے سفیدر نگ کار نمبریLEE-8006جس کو محمدا متیاز ولد رستم علی قوم میوراجپوت ساکن چک755گ ب نے تیزرفتاری سے کار بچوں پر چڑھادی جس سے دوبچے محمد مبین او فیضان موقع پر ہلاک ہوگئے تھے جبکہ تیسرا بچہ محمد وقار شدید زخمی ہواجوکہ ہسپتال میں جاکر دم توڑ گیا تھا محمد امتیاز ملزم کے خلاف مقدمہ نمبر89زیر دفعہ322ت پ تھانہ اروتی درج ہوا محمدا متیاز ولد رستم علی قوم میوراجپوت نے ڈرائیونگ لائسنس نمبرCOU9022 خیرپور ٹامیوالی سکھرسے جاری کرواکر عدالت سے ضمانت کروالی جوتصدیق پر جعلی ثابت ہوا جس پر تھانہ پیرمحل پولیس نے زیر دفعہ 420/468/471ت پ کے تحت مقدمہ درج کرلیا
۔۔۔۔۔۔۔۔۔۔۔
۔۔۔۔۔۔۔۔۔۔۔۔
پیرمحل ( نامہ نگار )گنجائش سے زیادہ توڑی لوڈکرکے تیز رفتاری سے ٹریکٹر ٹرالی چلانے پر مقدمہ درج تفصیل کے مطابق وحیداحمد ASIمعہ ملازمان بسلسلہ ٹریفک ڈیوٹی غویثہ چوک میں محمد حسین ٹرالی ٹریکٹر خطرناک طریقہ سے توڑی لوڈکرکے انتہائی تیزرفتاری سے چلا رہا تھا کہ پولیس نے ٹریکٹر ٹرالی کوڈرائیور سمیت اپنی تحویل میں لے کر مقدمہ درج کرلیا
۔۔۔۔۔۔۔۔۔۔۔
۔۔۔۔۔۔۔۔۔۔۔۔
پیرمحل ( نامہ نگار) میونسپل کمیٹی پیرمحل کے قیام سے پیرمحل تحصیل کے لیے ترقی کی راہیں ہموارہوں گی پیرمحل تحصیل کا دیرینہ خواب پورا ہونے سمیت عوام کے مسائل مقامی سطح پر حل ہونگے ان خیالات کا اظہار چوہدری خالد سردار متوقع چیئرمین میونسپل کمیٹی پیرمحل سابق ضلع ناظم نے اپنے بیان میںکیا انہوں نے کہا خادم بن کر عوام کی خدمت کرنا میر ی ترجیحات میں شامل ہے عوامی مسائل کے خاتمے کے لیے عوام کو ساتھ لیکر چلیں گے۔ عوام ہی میرے لئے سرمایہ حیات ہے ۔ علاقے کی تعمیر وترقی فوری مسائل کا اپنی مد دآپکے تحت حل میری اولین ترجیح ہے۔ حلقہ کے عوام نے جس بھرپور اعتماد کا اظہار کیا ہے ۔ا نشاء اللہ ان کے اعتماد کو ٹھیس نہیں پہنچائیں گے علاقے کی تعمیر وترقی کیلئے اپنا بھرپور کردار اد اکریں گے۔ اور باہمی مشاورت سے کام کریں گے۔ بلا تفریق اور بلا امتیاز خدمت ہی ہمارا نصب العین ہے جس کیلئے ہم سرگرم عمل ہیںانہوںنے کہاکہ وقت کا تقاضا ہے ۔ کہ علاقہ کے عوام علاقائی اور عوامی مفادات کو مد نظر رکھتے ہوئے علاقے کی تعمیر وترقی میں ہمارا ساتھ دیں تاکہ حلقہ کی محرومیوں کا ازالہ ہوسکے۔
۔۔۔۔۔۔۔۔۔۔۔
۔۔۔۔۔۔۔۔۔۔۔۔
پیرمحل ( نامہ نگار ) تحصیل کونسل کمالیہ نان تحصیل ہیڈکوآرٹر انتظامیہ کی غفلت یا لاپرواہی سابق ڈی سی اوٹوبہ ٹیک سنگھ کا پیرمحل جنرل بس اسٹینڈکے ساتھ متبادل بس سٹینڈ ختم کروانے کا حکم ایک سال گذرنے کے باوجود متبادل غیر قانونی بس اسٹینڈ ختم نہ کروائے جاسکے کسی بھی وقت دہشت گردی کا واقعہ رونماہونے کا خدشہ تفصیل کے مطابق پیرمحل جنرل بس سٹینڈ کے اندر وسیع جگہ اور اے سی روڈلائنر کو بیس الاٹ ہونے کے باوجودلاری اڈا سے باہر متبادل اے سی روڈ لائنر کا اڈاقائم کرکے ماہانہ ہزاروں روپے کا نقصان پہنچایاجارہا ہے کھلی جگہ پر بسیں کھڑی ہونے کے باعث کسی بھی وقت کوئی بھی دہشت گردی کا سانحہ رونماہوسکتاہے سابق ڈی سی اوٹوبہ ٹیک سنگھ نے دورہ پیرمحل کے دوران پیرمحل جنرل بس سٹینڈ کے ساتھ متبادل اے سی روڈ لائنر کا اڈاختم کرنے کا آرٹی سیکرٹری ٹرانسپورٹ ٹوبہ ٹیک سنگھ کو حکم دیا جنہوںنے اے سی روڈ لائنر کو لاری اڈا گیٹ پر بنائے گئے موٹرسائیکل رکشہ سٹینڈ پر کھڑا کردیا جس سے جنرل بس سٹینڈ پر آنے جانے والی دونوں اطراف کی ٹریفک بلاک ہونے لگی ڈی سی اوٹوبہ ٹیک سنگھ نے لاری اڈا پیرمحل کا دورہ کرکے موقع پر ای ڈی آر ٹوبہ ٹیک سنگھ اور ڈی ڈی اوآرکمالیہ اور تحصیل میونسپل آفیسرکمالیہ کو اے سی گاڑیاں سمیت ہر روٹ کوجانے والی گاڑیوں کو ایک ایک بیس منٹ سے نکالنے کا حکم دیا تھاجس پر عملدرآمد کی بجائے تحصیل کونسل کمالیہ نان تحصیل ہیڈکوآرٹر انتظامیہ نے اے سی روڈ لائنر کو دوبارہ جنرل بس سٹینڈ سے باہر نکال کر دہشت گردوں کے لیے راہ ہموار کردی سماجی فلاحی تنظیموںنے ڈی سی اوٹوبہ ٹیک سنگھ، ڈی پی اوٹوبہ ٹیک سنگھ۔ کمشنر فیصل آباد سے مطالبہ کیا کہ فی الفور تمام اے سی روڈلائنر کو جنرل بس سٹینڈ جہاں پر ان کے بیس موجود ہے پر منتقل کیاجائے تاکہ کسی بھی وقت سیکورٹی کے پیش نظربڑے سانحہ سے بچنے کے ساتھ شہرکو آنے جانے والی روڈز پر ٹریفک بلاک ہونے کے مسائل سے نجات مل سکے جنرل بس سٹینڈ کے اندر فرضی بیسمنٹ کو منسوخ کرکے نئے سرے سے ٹرانسپورٹر زکو الاٹ منٹ کی جائے
۔۔۔۔۔۔۔۔۔۔۔
۔۔۔۔۔۔۔۔۔۔۔۔
پیرمحل ( نامہ نگار ) پولیس ٹریننگ سینٹر کوئٹہ کے شہداء کی قربانیاں رائیگاں نہیں جائیں گی،شہدا نے پاکستان کے آنے والے ہر بہترین کل کیلئے اپنی آج قربان کیاجسے عوام کبھی فراموش نہیں کریگے بزدلانہ کاروائیوں سے ہماری افواج،قانون نافذ کرنے والے اداروں اور لوگوں کو ڈرایا نہیں جاسکتا۔انہوں نے کہا کہ یہ دہشت گرد ملک دشمن ہی نہیں بلکہ انسانیت کے بھی دشمن ہیں۔ان کاروائیوں کے باوجود بھی قوم کے حوصلے بلند ہیںان خیالات کا اظہار عبدالشفیق میو ضلعی چیئرمین بیت المال نے کوئٹہ پولیس ٹریننگ سینٹر پر دہشتگردوں کے حملے کی مذمت کرتے ہوئے کیا انہوںنے کہا کہ دشتگردوں کے بزدلانہ حملے کی جتنی بھی مذمت کی جائے وہ کم ہے۔ دہشتگرد اپنے بزدلانہ حملوں سے دہشتگردی کے خلاف جاری جنگ میں قوم کے غیر متزلزل عزم کو کمزور نہیں کرسکتے۔ انہوں نے کہا کہ پاکستانی قوم دہشتگردی اور انتہا پسندی کا مکمل صفایا کرنے کا پختہ عزم کرچکی ہے۔ قوم کا اتحاد اور اتفاق دہشتگردوں کے ناپاک عزائم کو خاک میں ملا دے گاآخری دہشتگرد کے خاتمے تک ملک دشمن دہشتگردوں کے خلاف کارروائیاں جاری رہیں گی۔انہوں نے قومی سلامتی کے اداروں کی دہشتگردوں کے خلاف کامیابیوں کو سراہتے ہوئے کہا کہ دہشتگردوں کے خلاف سخت ترین کارروائیاں کی جارہی ہیں۔پاکستانی قوم قومی سلامتی کے اداروں کے افسران و اہلکاروں کی قربانیوں کو فراموش نہیں کرسکتی۔
۔۔۔۔۔۔۔۔۔۔۔
۔۔۔۔۔۔۔۔۔۔۔۔
پیرمحل ( نامہ نگار ) کوئٹہ پولیس ٹریننگ سینٹر میں دہشتگردوں کے بزدلانہ حملے میں60سے زائد جوانوں کی شہادت پر پوری قوم غم زدہ ہے ان خیالات کا اظہار چوہدری احسان ننھا راہنما پاکستان تحریک انصاف نے کوئٹہ پولیس ٹریننگ سینٹر پر دہشتگردوں کے حملے کی مذمت کرتے ہوئے کیا ۔انہوں نے کہا کہ دہشت گردی اور کر پشن دونوں ہی ملک کیلئے ناسور ہیں، نیشنل ایکشن پلان پر عملددرآمد میں حکومتی رکاوٹوں کو دور کر نا ہوگا ورنہ امن کو خطرہ موجود رہے گا ،دہشت گردی میں ملوث غیر ملکی ہاتھوں کو بے نقاب کر نے کیلئے حکمرانوں کواب ذاتی تعلقات اور خاندانی تجارتی مفادات سے بالا تر ہو کر سفارتی سطح پر جنگ لڑ نا ہوگی، ورکنگ بائونڈی پر بھارتی فائر نگ سے3افراد کی شہادت بھی بدترین دہشت گردی ہے بھارت خطے میں امن کا سب سے بڑادشمن ہیں ،تحر یک انصاف دہشت گردی کے خلاف جنگ میں سیکورٹی فورسز کے ساتھ ہے،2نومبر کو پر امن احتجاج کے ذریعے ملک میں احتساب کی جنگ کافیصلہ کن آغاز کیا جائیگا۔
