پیرمحل (نامہ نگار) اے سی پیرمحل کا شادی ایکٹ کی خلاف ورزی کرنے اور غیرقانونی بس اسٹینڈ کے خلاف کاروائی کا حکم تفصیل کے مطابق حافظ محمد نجیب اسسٹنٹ کمشنر پیرمحل نے تحصیل بھر میں گلیوں بازاروں اور شاہرائوں پر ٹینٹ لگاکر روڈبلاک کرکے شامیانے لگانے اور ایک سے زائد ڈش کی خلاف ورزی کرنے پر کاروائی کا عندیہ دیا ہے انہوںنے ٹینٹ مالکان کو وارننگ جاری کی کہ عام شاہرائوں اور گلیوں بازاروں اور چوکوں میں ٹینٹ لگاکر روڈ بلاک کرنے والے ٹینٹ مالکان کے خلاف سخت ایکشن لیتے ہوئے سامان کو قبضہ میں لے کر بھاری جرمانے عائد کیے جائیں گے اور ون ڈش کی خلاف ورزی کرنے والے لوگوں کے خلاف سخت تادیبی کاروائی کی جائے گی انہوںنے ٹریفک پولیس پیرمحل کو لاری اڈا پیرمحل کے باہر مین گیٹ پر گاڑیاں کھڑی کرنے والے ٹرانسپورٹرز اور متبادل پرائیویٹ اڈا جات کو فی الفور ختم کرنے کا حکم جاری کیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) میونسپل کمیٹی پیرمحل کے متوقع چیئرمین چوہدری خالد سردار اور کونسلروں کے اعزاز میں لیبر کونسلر کا پروقار عشائیہ تفصیل کے مطابق سماجی سیاسی شخصیت محمد افضل بابو نے میونسپل کمیٹی پیرمحل کے متوقع چیئرمین چوہدری خالد سردار کے اعزاز میں اپنی رہائش گاہ پر پروقار عشائیہ دیا گیا جس میں کونسلروں سید مقبول احمد شاہ ، محمد رفیق صدیقی ، چوہدری عبدالغفار ، محمد اقبال بالو ، رضا حسین گڈو ، مشتا ق احمد ،منیر احمد ، چوہدری محمد سلطان ،بشیر احمد رحمانی ، حافظ محمد عبید ، سمیت محمد صدیق پیارا سابق نائب تحصیل نائب ناظم ، مشتاق احمد سعید ، محمد طارق چوہدری ، طارق فرید کوٹلی والے سمیت کثیرتعداد میں مسلم لیگ ن کارکنان نے عشائیہ میںشرکت کی اس موقع پر چوہدری خالد سردار نے جملہ ممبران کی طرف سے بھرپور حمایت پر شکریہ اداکرتے ہوئے اسے اپنی خدمات پر بھراعتماد قرار دیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) میونسپل کمیٹی پیرمحل کے انتخابات ، چیئرمین وائس چیئرمین کے لیے چھ امیدواروں کے کاغذات نامزدگی داخل کروادیے تفصیل کے مطابق ریٹرننگ آفیسر حافظ محمد نجیب کی سربراہی میں میونسپل کمیٹی پیرمحل کے چیئرمین وائس چیئرمین کے انتخابات کے لیے چوہدری خالد سردار، ملک کوکب ، مشتاق احمد نے چیئرمین شپ کے لیے جبکہ چوہدری سلطان احمد ، کاشف جان میو ، نذیر احمد ٹھیکیدار نے وائس چیئرمین شپ کے لیے کاغذات نامزدگی داخل کروائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) شکار کی آڑ میں کسانوں کی فصلیں خراب کرنے والے قطری شہزادوں کے خلا ف احتجاج کرنے والے کسانوں پر پولیس کابہیمانہ تشدد ریاستی دہشت گردی کی بدترین مثال ہے جس کی بھرپور مذمت کرتے ہیںممتازدولتانہ ضلعی چیئرمین کسان ونگ غلام شبیر وڑائچ جنرل سیکرٹری نے مشترکہ بیان میں اپنی فصلوں کے نقصان کے خلاف احتجاج کرنے والے کسانوں پر پولیس کے لاٹھی چارج اور شدید شیلنگ کرنے کی بھرپور مذمت کرتے ہوئے مطالبہ کیا کہ کسانوں کے نقصان کا ازالہ کرتے ہوئے کسانوں کی عزت نفس کو مجروح کرنے والے ذمہ داروں کے خلاف حکومت کاروائی کرے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) نامعلوم چور کسان کے ڈیرہ سے دوبکریاں چوری کرکے لے گئے تفصیل کے مطابق چک نمبر667/8گ ب کے رہائشی معمورا ولدولی محمد قوم ماچھی کے مال مویشی احاطہ سے دوبکریاں مالیت 20ہزار روپے نامعلوم چور چوروں نے رات کے وقت چوری کرلی تھانہ پیرمحل پولیس نے اطلاع پر کاروائی شروع کردی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) تاریخ وفات کے اندراج اور بچوںکی پیدائش کی رجسٹریشن کو 100فیصد ممکن بنانے کیلئے ضلع بھر میں یونین کونسل سطح پر خصوصی مہم کا آغاز کیا جائے سماجی فلاحی حلقے تفصیل کے مطابق تاریخ وفات اور بچوں کی پیدائش کی رجسٹریشن کا اندراج کا اختیار پہلے ہر دیہات کے چوکیدار کے پاس تھا جوکہ ان پڑھ اور لاعلم ہونے کے باعث تاریخ وفات اور بچوں کی پیدائش کی رجسٹریشن نہ ہونے کے برابر تھی نئے بلدیاتی نظام میں تاریخ وفات اور بچوں کی پیدائش کی رجسٹریشن کا اختیار یونین کونسلوں کو دے دیا گیا قومی شناختی کارڈ سمیت سکول میں داخلہ کے لیے ب فارم کے لیے تاریخ پیدائش سرٹیفکیٹ اور وراثتی انتقال اور دیگر امور کے لیے تاریخ وفات سرٹیفکیٹ لازمی ہے مگر اکثر مردوخواتین بچوں کی تاریخ وفات اور بچوں کی پیدائش کی رجسٹریشن نہ ہونے سے سنگین مسائل پیدا ہورہے ہیں لیٹ اندراج کے لیے طویل پراسس وضع کیا گیا ہے جس سے تاریخ وفات اور بچوں کی پیدائش کی رجسٹریشن ناممکن ہوکر رہ گئی سماجی فلاحی حلقوںنے وزیر اعلیٰ پنجاب میاں شہبازشریف ، کمشنر فیصل آباد ، ڈی سی اوٹوبہ ٹیک سنگھ سے مطالبہ کیا ہے کہ تاریخ وفات اور بچوں کی پیدائش کی رجسٹریشن سوفیصد یقین بنانے کے لیے ضلع بھر میں یونین کونسل سطح پر خصوصی مہم کا آغاز کیا جائے اور تاریخ وفات اور بچوں کی پیدائش کی رجسٹریشن کے لیٹ اندراج کا اختیار یونین کونسل ایڈمنسٹریٹر کو دیتے ہوئے پراسس کو ون ونڈوکیا جائے تاکہ ہر پیدا ہونیوالا بچہ رجسٹر ہو اور تعلیم وملازمت میں اس کو پیش آنیوالی مشکلات کو دور کیاجاسکے موقف پر یونین کونسل سیکرٹریز کا کہنا ہے کہ اگر تاریخ وفات اور بچوں کی پیدائش کی رجسٹریشن کے لیٹ اندراج کا اختیار یونین کونسل سیکرٹریز کے د ے دیاجائے تو کافی حدتک مشکلات کم ہوسکتی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) گنا کی قیمت 170جلانے والی لکڑی چار سو من حکومت کسانوں سے پوری قیمت پر گنا خرید کرے صدرکسان یونین چوہدری محمد قاسم، کسان راہنما چوہدری محمدطارق بھٹے والے ، کا مطالبہ تفصیل کے مطابق شوگرملیں کسانوں زمینداروں سے 170 روپے فی من سے گنا خرید کررہی ہے جس پر فی من تین کلو کٹوتی کرکے نقد رقم دینے کی بجائے سی پی آر تھمادیا جاتا ہے ستم ظریفی یہ ہے کہ چولہے میں جلائی جانے والی لکڑی چارسوروپے فی من فروخت کی جارہی ہے کسان راہنمائوں نے وزیر اعلیٰ پنجاب میاں شہبازشریف سے مطالبہ کیا ہے کہ فی الفور شوگر ملزپر چیک اینڈ بیلنس کے ذریعے شوگرملزمالکان کو کسانوں زمینداروں کو موقع پر ادائیگی کروائی جائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار) ملک میں ہر سال 15سے 20ہزار افراد امراض جگر میں مبتلا ہوکر ہلاک ہوجاتے ہیں جس کی بنیادی وجوہات میں ہیپاٹائٹس بی،ہیپاٹائٹس سی،موٹاپا،شراب کا استعمال اور دیگر زہریلے مادے شامل ہیں،ابتدائی علامات میں مریض کا وزن کم ہونا،بھوک نہ لگتا سمیت دیگر علامات شامل ہیں جس کے لئے فوری طور پر معالج سے رابطہ کیا جاجائے۔ان خیالا ت کااظہار ڈاکٹر باہلک علی ڈپٹی ڈسٹرکٹ ہیلتھ آفیسر معروف معالج نے اپنے بیان میں کیا انہوں نے کہا جگر کے امراض سے ہونے والے نقصانات جن میں جگر کا سکڑنا اور جگر کا سرطان شامل ہیں جن سے بچنے کے لئے اپنا طبی معائنہ کراتے رہنا چاہئے جگر نظام ہضم کا سب سے بڑا عضو ہے یہ خون سے تمام نقصان دہ مادوں کو خارج کرنے میں مدد کرتاہے۔انہوںنے کہاکہ ایک اندازے کے مطابق ملک کے 8سے 9فیصد لوگ ہیپاٹائٹس بی اور سی کے مرض میں مبتلا ہیں جوکہ امراض جگر کا سبب بن رہے ہیں ایک اندازے کے مطابق ملک میں ہر سال 15سے 20ہزار افراد امراض جگر کے مرض میں مبتلا ہوکر ہلاک ہوجاتے ہیں جس کی شرح میں ہر سال اضافہ ہورہاہے۔انہوںنے کہا کہ پاکستان میں ابھی تک جگر کا ٹرانسپلانٹ نہیں ہورہالیکن اس کے لئے گزشتہ کئی سال سے کوششیں جاری ہیں جگر کے سرطان پیدا کرنے والے اہم عناصر میں ہیپاٹائٹس بی،ہیپاٹائٹس سی ،موٹاپا،شراب کا استعمال ،زیابطیس اور دیگر زہریلے مادے شامل ہیںانہوںنے کہا کہ ملک میں ہیپاٹائٹس بی اور سی کا جراثیم پایاجاتاہے مریض کے وزن میں کمی آنا،بھوک نہ لگنا،پیٹ کا پھولنا،متلی،قے،پیٹ میں درد اور دیگر علامات ہوسکتی ہیں جس سے بچائوکے لئے ضروری ہے کہ فوری طور پر اپنے معالج سے رابطہ کیا جائے۔
