پیرمحل (نامہ نگار) موٹرسائیکل پر جعلی نمبرپلیٹ لگاکر گھومنے پھرنے والا رنگے ہاتھوں گرفتار مقدمہ درج تفصیل کے مطابق ضیغم عباس چک نمبر 741 بسواری موٹرسائیکل نمبر 8667 /TSL پرسوار جارہاتھاکہ گلزاراحمد ASI/PHP معہ ملازمان نے دوران گشت مشکوک پاکر روک کرچیک کرنے پر ضیغم عباس نے اپنے موٹرسائیکل پر جعلی نمبر پلیٹ لگا رکھی تھی جس کو گرفتار کرکے زیردفعہ 420/468/471 کے تحت مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) دکان میں گیس ری فلنگ کرنے پر مقدمات درج تفصیل کے مطابق زاہد اقبال ASI نے مخبر کی اطلاع پر چک نمبر 673/14گ ب میں دکان میں گیس ری فلنگ کرتے دکاندار کو رنگے ہاتھوں گرفتا رکرکے گیس ری فلنگ کرکے انسانی جانوں کو خطرہ میں ڈالنے پر زیر دفعہ 285/286کے تحت مقدمہ درج کرلیا دوسرے چھاپہ میں رفاقت علی ASI تھانہ اروتی نے دوران گشت مخنر کی اطلاع پر فقیر حسین کو گیس ری فلنگ کرتے ہوئے گرفتار کر کے موقع سے 3عدد سلنڈر ،کنڈا وغیرہ برامد کر قبضہ پولیس میں کر 285/286مقدمہ درج ہوا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) وال چاکنگ کی خلاف ورزی کرنے پر مقدمہ درج تفصیل ک مطابق اشعر اسلم نے چک نمبر 320گ ب فٹ بال کی گروانڈ کی دیوار پر اتحاد میڈیکل سٹور کی وال چاکنگ کی ہوئی تھی جوکہ پنجاب حکومت نے وال چاکنگ پر پابند ی لگارکھی ہے جاوید اقبال ASI نے زیر دفعہ 2پنجاب وال چیکنگ آرڈی نینس 2015 مقدمہ درج کرلیا تھانہ اروتی پولیس نے محمد ساجد نامی شخص کے خلاف الفلاح پبلک سکول کی وال چاکنگ کرنے پر زیر دفعہ 2پنجاب وال چیکنگ آرڈی نینس 2015 مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) پنجاب سکیورٹی آرڈنینس2015خلاف ورزی کرنے پر مقدمہ درج تفصیل کے مطابق غلام فاروق ASI نے بسلسلہ چیکنگ سکیورٹی حساس عمارت چاند پیٹرولیم سندھلیانوالی روڈ کوچیک کیا نذرحسین بغیر گن مین پٹرول سیل کررہا تھا جس پر تھانہ پیرمحل پولیس نے 14پنجاب سکیورٹی آرڈنینس2015خلاف ورزی کرنے پر مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) کھیتوں میں کام کرتے ہوئے ٹریکٹر سوار شخص ٹریکٹر سے گرکر جاں بحق تفصیل کے مطابق چک نمبر756گ ب میں کھیتوں میں کام کرتے ہوئے چک نمبر751گ ب کا رہائشی مشتاق گرونامی شخص ٹریکٹر بے قابو ہونے پر اپنے ہی ٹریکٹر سے گر کر جاں بحق ہوگیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) قلم وقرطاس کی حرمت کے پاسبانوں نے آزادی صحافت کے لیے جانوں کے نذرانے پیش کرکے عوام کو شعوری بلندی کے اُس درجے پرپہنچا دیا ہے کہ وہ حکمرانوں کے محتسب بن چکے ہیںاب اُن کے بنیادی حقوق کو سلب کرنے کی کوئی کوشش کامیاب نہیں ہو گی موجودہ دور میں میڈیا کو ریاست کے زیرِ اثر رکھنا ناممکن ہو گیاہے ۔ذرائع ابلاغ کے نمائندوںنے اپنی راہیں متعین کرکے حق سچ کی آواز کو بلند کرنے کے لیے صحافت کو بام عرو ج پر پہنچا دیا ان خیالات کا اظہار رانا غلام سروربابر صدرجرنلسٹ ایکشن کونسل پاکستان نے پریس کلب پیرمحل میں ضلع بھر کے صحافیوں کی منعقدہ پروقار تقریب میں خطاب کرتے ہوئے کیا انہوںنے کہا جرنلسٹ ایکشن کونسل کے پلیٹ فارم سے علاقائی صحافیوں کو درپیش مسائل کے حل کے لیے کہنہ مشق صحافیوں کی قیادت میں تحریک کاآغاز کردیا ہے انشاء اللہ جلد ہی تنظیم کا دائرہ کار پاکستان کے دوسرے صوبوں تک وسیع ہوجائے گا تقریب میں رانا وحید نسیم چیئرمین جرنلسٹ ایکشن کونسل رانا شاہدالرحمن وائس چیئرمین جرنلسٹ ایکشن کونسل ، ، رانامحمد اشرف جنرل سیکرٹری جرنلسٹ ایکشن کونسل، سمیت کثیرتعداد میں صحافیوںنے شرکت کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) انتظامیہ کی غفلت یا لاپرواہی چیکنگ نہ ہونے کے باعث ناقص اور غیرمعیاری کھانے کی پراڈکٹ شہریوں کو موذی امراض میں مبتلا کرنے لگی ڈی سی او ٹوبہ ٹیک سنگھ فی الفور کاروائی کروائیںسماجی فلاحی حلقوں کا مطالبہ تفصیل کے مطابق پیرمحل شہر میں بڑے بڑے د رجنوں فوڈ پوائنٹ شامل ہیں پر کھانے پینے کی غیر معیاری اشیا ء محکمہ صحت کی عدم توجہی کے باعث سرعام فروخت کی جارہی ہے برگر پیزا اور سینڈ وچ، چکن شوارمے کے نام پر شہریوں کو موذی امراض میں مبتلا کیا جارہا ہے کئی کئی دنوں کے باسی ہونے سمیت مین روڈ پر واقع ہونے کے باعث دن بھر کی گردوغبار جراثیم شدہ ہونے کے باعث شہری موذی امراض میں مبتلا ہورہے ہیںحاجی اللہ دتہ سماجی شخصیت نے ڈی سی اوٹوبہ ٹیک سنگھ سے مطالبہ کیا کہ فی الفور معیار اور مقدار کو الٹی کے نام پر شہریوں کو موذی امراض میں مبتلا کرنے والے فوڈ پوائنٹ کے خلاف گرینڈ آپریشن کیا جائے من مانی کرنے والے مالکان کے لیے فوڈ پراڈکٹ کا ضابطہ جاری کیا جائے تاکہ باسی او رگلی سڑی غیر معیاری اشیاء کی فرو خت کی روک تھام ہوسکے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) عالمی مارکیٹ میں پیٹرولیم مصنوعات کی قیمتوں میں مسلسل کمی کا فائدہ عوام کو نہیں دیا جارہا۔حکومت عالمی مارکیٹ میں پیٹرولیم مصنوعات کی قیمتوں میں ہونے والی کمی کے مطابق پاکستان میں پیٹرولیم مصنوعات کی قیمتیں کم کرے۔ ان خیالا ت کا اظہار چوہدری احسان عرف ننھا آرے والے راہنما تحریک انصاف نے اپنے بیان میں کیا انہوں نے کہا کہ موجودہ حکمرانوں کو عوام کے مسائل سے کوئی سروکار نہیںجوں جوں حکومت کا اقتدار بڑھتا چلا جاتا ہے عوام کی زندگی بحرانوں میں پھنس کر رہ گئی ہے موجودہ حکمرانوں کو اپنے بنک بیلنس میں اضافے کے علاوہ کوئی عوامی فلاح کے منصوبے نظر نہیں آتے نوجوانوں کو روزگا رکے مواقع دینے کے وعدے اور مہنگائی کم کرنے کے وعدے کہاں گئے اقتدار حاصل کرنے کے بعد حکمران تمام تر نعروں کو بھول گئے اور عوام ان خوش نما نعروں کے فریب میں پھنس کر رہ گئے
