پیرمحل ( میاں اسدحفیظ ) سانحہ پشاور کے بعد حکومت کی ہدایات پر عمل کرتے ہوئے آئی جی پنجاب نے پنجاب بھرمیں ہائی الرٹ جاری کردیا ، مقامی پولیس نے اہم مقامات پر پولیس ناکے لگا دئیے ،داخلی اور خارجی راستوں پر گاڑیوں اور موٹرسائیکلوں سخت چیکنگ شروع تفصیل کے مطابق سانحہ پشاور کے بعدحکومت کی ہدایات پر عمل کرتے ہوئے آئی پنجاب نے پنجاب بھرمیں پولیس اور دیگر قانون نافذ کرنے والے اداروں کو ہائی الرٹ جاری کر دیا گیا۔ہائی الرٹ جاری ہونے پر پولیس حرکت میں آگئی تھانہ پیرمحل پولیس اور چوکی پولیس نے اہلکار مختلف علاقوں میں ناکہ بندی کرد ی اورمشکوک افراد کی کڑی جانچ پڑتال کی جا رہی ہے۔شہر کے داخلی اور خارجی راستوں پر پولیس کی نفری میں اضافہ کر کے گاڑیوں اور موٹرسائیکلوں کی سخت چیکنگ کی جارہی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( میاں اسدحفیظ ) سردی کی شدید لہر اور دھند کے باعث کاروبار زندگی معطل لوگ گھروں میں دبک کر رہ گے سرکاری دفاتر میں حاضری کم ٹھنڈ لگنے کے باعث درجنوں افراد اور بچے ہسپتالوں میں پہنچ گئے ڈاکٹروں کی شہریوں کو احتیاط برتنے کی ہدایات تفصیلات کے مطابق پیرمحل شہر و گردو نواح میںگذشتہ 3 روز سے سردی کی شدید لہر جاری ہے جبکہ شدید دھند کے باعث آمد ورفت اور دیگر کاروبار زندگی معطل ہو کر رہ گئے ہیں شدید سردی کے باعث بازار سنسنان جبکہ چائے اور خشک میوہ جات کی دوکانوں پر رش بڑھ گیا ہے شدید دھند سے خریداری اور دیگر کاروباری سرگرمیوں کیلئے آنے والے بھی گھروں میں دبک کر رہ گئے ہیں جبکہ سکولوں اور سرکاری دفاتر میں حاضری کم ہو گئی ہے شدید سردی سے روزانہ درجنوں افراد جن میں بوڑھوں اور بچوں کی کثیر تعداد شامل ہے ٹھنڈ لگنے سے بیمارہو کر ہسپتالوں میں پہنچ گے ہیں ڈاکٹروں نے شہریوں کو سردی سے بچنے کیلئے گرم کپڑوں کے استعمال، چائے،قہوہ اور خشک میوہ جات کا زیادہ سے زیادہ استعمال سمیت دیگر احتیاطی تدابیر اختیارکرنے کی ہدایت کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( میاں اسدحفیظ )بجلی و گیس کی بندش سے حکومت نے عوام کی زندگی عذاب بنا دی ہے، چولہے ٹھنڈے پڑے ہیں اور روزگار ختم ہو چکے ہیں ان خیالات کااظہار چوہدری سعید احمد سعیدی سابق امیدوار صوبائی اسمبلی و رہنما تحریک انصاف نے ایک بیان میں کہاکہ پور ے ملک میں خاتون خانہ بھی سڑکوں پر احتجاج کر رہی ہیں جنہیں گیس نہ ملنے کے باعث گھروں میں کھانا پکانے تک میں انتہائی مشکلات اور پریشانی کا سامنا ہے، گیس کی مسلسل بندش کے علاوہ بجلی کی گھنٹوں تک ا علانیہ و غیرا علانیہ لوڈشیڈنگ کے باعث بھی عوام کا روزگار بری طرح متاثر ہو رہا ہے اور محنت کش طبقہ سب سے زیادہ مشکلات کا شکار ہے، فیکٹریاں اور کاروبار بند ہونے سے بیروزگاری انتہا کو پہنچ چکی ہے انہوں نے کہا کہ لوڈشیڈنگ میں کمی کی بجائے بجلی اور گیس کا بحران دن بدن شدید تر ہوتا جا رہا ہے اور عوام کا کوئی پرسان حال نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( میاں اسدحفیظ ) مسلمان کی نبی کریم ۖ سے محبت ایمان کی تکمیل ہے ۔رب کریم کی حمدو ثناء ہونبی کریم ۖکا ذکرنہ ہووہ محفل نا مکمل رہتی ہے ۔نبی رحمتۖ کوصرف مسلمانوںکے لے ہی نہیںبلکہ پوری کائنات کے لئے رحمت بن کرمبعوث ہوئے ہیں۔سانحہ پشاور نے ملک کو ہلا کر رکھ دیا ہے ۔لوگ خون کے آنسو رو رہے ہیں۔ معصوم بچوں کو بربریت کا نشانہ بنانے والے کسی رعائت کے مستحق نہیں۔اب قانون نافذ کرنے والے اداروں کو سخت ایکشن لینا چایئے تاکہ کسی کو آئندہ ایسی دہشتگردی کی ہمت نہ ہوسکے۔ کتنا ظلم ہے کہ اسلام کے نام پر معرض وجود میں آنا والے عرض وطن میں دہشتگردی عروج پر ہے ۔ ان خیالات کااظہار صاحبزادہ حسین رضا پرنسپل دارالعلوم جامعہ رضویہ نے سنی رضوی جامع مسجد غلہ منڈی میں خطاب کرتے ہوئے کہاکہ اسلام تو امن و سلامتی اور بھائی چارے کا حکم دیتا ہے۔ لوگوں کو مارنے والوں اور سکولوں پر حملے کرنے والوں کا اسلام سے کوئی تعلق نہیں۔ انہوں نے کہا کہ حکمرانوں کی سستی سے حالات اس نہج پر آگئے ہیں کہ قانون نافذ کرنے والے ادارے بھی محفوظ نہیں اگر حکمران پہلے ہی صورتحال کا ادراق کرلیتے تو حالات اتنے خراب نہ ہوتے اور آرمی پبلک سکول پشاور جیسا سانحہ نہ ہوتا۔حکمران مجرمانہ غفلت کے مرتکب ہوئے تھے۔شہداء پشاوراوردیگرسانحا ت میںجا م شہادت نوش کرنے والوںکے لئے خصوصی دعائیںکی گئیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( میاں اسدحفیظ ) سیاسی نظام کو مضبوط بنانے کیلئے میرٹ پر بھٹو شہید نے فیصلے کئے جس سے عام کارکنوں ، مزدوروں ، کسانوں کو بھی ان کے کھوئے ہوئے حقوق ملے اس طرح پاکستان کے اندر پاکستان پیپلز پارٹی مضبوط ہوئی ان خیالات کااظہارشیخ محمد اکر م تحصیل صدر پاکستان پیپلز پاٹی نے اپنے ایک بیان میں کہاکہ پیپلز پارٹی کو ری آرگنائز کرنے کی ضرورت ہے وگرنہ آنے والے دور میں پیپلز پارٹی سیاسی بیداری اور دوسری سیاسی جماعتوں کا مقابلہ نہیں کر پائیگی اگر کسی کو پیپلز پارٹی سے دوستی اور ہمدردی ہے تو وہ پھر عام کارکن ہے عام کارکن کو نظر انداز کرنا گویا کہ زہر قاتل ہو گا غیر جماعتی لوگ پیپلز پارٹی کے مخالف لوگ اگر نوازے جاتے رہے تو پھر یہ بھٹو شہد اور محترمہ بے نظیر بھٹو شہید کے فلسفے کو نام کرنے والی بات ہو گی، جماعت میں اقرباء پروری ، غیر میرٹ فیصلے ، دوستی ، رشتہ داریاں پیپلز پارٹی کو تباہ کر دیں گی ،پیپلز پارٹی کے کارکنان اور عہدیداران تقریباً چار سال سے نظر انداز ہیں کوئی پرسان حال نہ ہے انہوں نے کہاکہ،ذمہ داران پارٹی تنظیم سازی اور پالیسیوں پر توجہ دیں پیپلز پارٹی اصل میں حقوق سے محروم لوگوں کو حقوق دینے کا نام ہے۔
