پیرمحل (نامہ نگار) تقریروں، وعدوں اور دعوئوں کے ذریعے سیاست کرنے کا دور جا چکا پاکستان کے عوام اب کسی بھی نئے وعدے سے جھانسے میں نہیں آئیں بلاول بھٹو زرداری اور آصف علی زرداری کا پاکستان پیپلزپارٹی کے ورکروں کو بیدار کرنے سے انقلاب کی راہ ہموارہوگی ان خیالات کا اظہار انامحمد جمیل راہنما پاکستان پیپلزپارٹی محمد سجاد تحصیل پاکستان پیپلز بیور ونے سابق وفاقی وزیر وسابق ایم این اے خالد خاں کھرل کی پیپلزپارٹی میں واپسی پر اپنے بیان کیا انہوںنے کہا حلقہ این اے 94سے پاکستان پیپلزپارٹی کے پلیٹ فارم سے ایم این اے منتخب ہونے والے خالد خان کھرل کے دوبارہ پاکستان پیپلزپارٹی میں آنے سے حلقہ این اے 94میں ایک دفعہ پھر پاکستان پیپلزپارٹی کامیابی کے جھنڈے لہرائے گی انہوںنے کہا حالیہ عام الیکشن میں علی بابا کا پورے پاکستان بھر کے حلقہ جات میں سے پیپلزپارٹی کے ٹکٹ سے 62ہزار ووٹ لینا اس بات کا ثبوت ہے کہ حلقہ این اے 94پاکستان پیپلزپارٹی کا لاڑکانہ ہے حلقہ این اے 94کے پاکستان پیپلزپارٹی کے ورکرز کارکنان کو ایک پلیٹ فارم پر جمع کرکے جھوٹ مکر فریب کی سیاست کو دریا برد کیا جاسکتا ہے انہوںنے کہا پیپلز پارٹی کی قیادت اور بھٹو خاندان کے خلا ف یک طرفہ پرپیگنڈہ جمہوریت کے خلاف گھنائونی سازش ہے انہوں نے کہا کہ جمہوریت کی مضبوطی اور جمہوری اداروں کی کامیابی کے لیے پاکستان پیپلز پارٹی کے جیالے اور کارکن کسی قسم کی قربانی سے دریغ نہیں کریں گے اور حکومت کے خلاف ہونے والی ہر کاروائی کا منہ توڑ جواب دیں گے پاکستان کو مضبوط کرنے کی تمام تر صلاحیت ہمارے لیڈروں اور کارکنوں میں موجود ہیں ذوالفقار علی بھٹو شہید ،بے نظیر بھٹو شہید نے جمہوریت اور قوم کیلئے اپنی جانوں کا نذرانہ دیا اور ہم بھی اپنی جانیں دے کر جمہوریت اور عوامی حقوق کا تحفظ کریںگے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) معروف ماہر تعلیم ریٹائرڈ ہیڈماسٹر محمد امین عارف انتقال کر گئے تفصیل کے مطابق ڈاکٹر عارف سلیم عارف ڈائریکٹر علامہ اقبال اوپن یونیورسٹی کے ماموں جان عدنان امین لیکچرار کے والد محترم معروف ماہر تعلیم ریٹائرڈ ہیڈماسٹر محمد امین عارف انتقال کر گئے جن کی نمازجنازہ اقبال پارک پیرمحل میں اداکی گئی نمازجنازہ میں سیاسی سماجی صحافتی ۔شخصیات سمیت اساتذہ وکلاء نے کثیر تعداد میں شرکت کی مرحوم گورنمنٹ ہائی سکول نمبر1پیرمحل میں بطور ہیڈماسٹر فرائض دیتے ہوئے ریٹائر ڈ ہوئے اور علامہ اقبال اوپن یونیورسٹی کے ٹیوٹر اور نگران فرائض انجام دیتے رہے مرحوم چند روز قبل ٹریفک حادثہ میں شدید زخمی ہوگئے تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگا ر) موٹرسائیکل سوار میاں بیوی گنے کی ٹرالی سے ٹکرانے سے موقع پر ہلاک تفصیل کے مطابق غوثیہ چوک پیرمحل کا رہائشی محمد شمعون اپنی بیوی بشریٰ بی بی کے ساتھ موٹرسائیکل نمبرTSK-7835پر سوار چک نمبر320گ ب شورکوٹ روڈپر جارہے تھے کہ زیر تعمیر موٹروے پل پر گنے کی ٹرالی کی زد میں آکر موقع پر ہلاک ہوگئے پولیس اور 1122اطلاع کے باوجود ایک گھنٹہ تک موقع پر نہ پہنچ سکی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگا ر) براڈ بینڈ انٹرنیٹ کی ناقص سروس آئن لائن اداروں کے دردسربن گئی صارفین کا احتجاج ہیلپ لائن پر گھنٹوں رابطہ کرنے کے باوجود پنگ چیک کرنے کا مشورہ طالب علم اور کاروبار ی افراد کا شدید نقصان تفصیل کے مطابق پیرمحل شہر میں براڈ بینڈ انٹرنیٹ سروس کے سینکڑوں کنکشن لگے ہوئے ہیںجس کی ناقص سروس کے باعث رات دن میں کئی کئی گھنٹے سروس منطقع ہونے کے باعث آن لائن تعلیم حاصل کرنے والے طلبہ وطالبات متاثرہونے کے ساتھ آن لائن بزنس ادارے جس میںموبائل فرنچائزز نادراکیاسک سنٹر ،بنک شامل ہے شدید متاثرہورہے ہیں صارفین جب ہیلپ لائن سے رابطہ کرتے ہیں توگھنٹوں بعد ہیلپ لائن پر رابطہ ہوتا تو کمپلین درج کرنے کی بجائے براڈ بینڈانٹرنیٹ کی پنگ چیک کرنے کا مشور ہ دے کر آپریٹر لائن ختم کردیتا ہے جس پر صارفین نے احتجاج کرتے ہوئے کمپنی کے اعلٰی حکام سے فی الفور براڈ بینڈ سروس درست کرنے کا مطالبہ کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) محکمہ صحت کی بے حسی ضلع بھر میں بندے مار عطا ئیوں کو کھلی چھٹی ،ہر ما ہ محکمہ صحت کے ضلعی دفتر میں بیٹھے اہل کار لاکھوں روپے منتھلی اکھٹی کررہے ہیں جو اوپر سے نیچے تک تقسیم کی جاتی ہے میڈیکل سٹور وں پر غیر قانونی پریکٹس کر نے والوں اور ممنوعہ ادویات کا دھندہ کرنے والوں سے بھی ڈیل کے ذریعے لاکھو ں وصول کئے جارہے ہیں دیہاتوں میں انڈر میٹرک لڑکوں نے کلینک بنارکھے ہیں جو لوگو ں کی جانوں سے کھیل رہے ہیں ذرائع کے مطابق ضلع ٹوبہ ٹیک سنگھ بھر میں پیرمحل سمیت گردونواح کے چکوک سے انکشاف ہوا ہے کہ ایک ایک گائوں میں انڈر میٹرک لڑکے عطائی ڈاکٹر بن کر لو گوں کی جانو ں سے کھیل رہے ہیں جبکہ پرائیویٹ کلینکوں پر محکمہ صحت کی کھلی چھٹی کے باعث سرکاری ڈیوٹی پر تعینات ایل ایچ وی کے ساتھ پریکٹس کرنے والی خواتین، معمولی پڑھی لکھی دائیاں سرعام ناجائز حمل گرانے سمیت سنگین قسم کے جرائم کا ارتکاب کررہی ہے سینکڑوں غریب مرد و خواتین بچوں اور بو ڑھوں کومعذور کر چکے ہیں خود تو دن بدن بنک بیلنس اور جائیداد میں اضا فہ کر رہے ہیں مگران کے پاس آنے والے غریب مریض ہمیشہ کیلئے معذور کر دیے جاتے ہیں جو نہ تو کام کر سکتے ہیں اور ناہی اپنے بچوں کی پرورش کر سکتے ہیں جبکہ دوسری طرف محکمہ صحت کے ضلعی آفسران جو ائیر کنڈیشر کمروںمیں بیٹھے کاغذی کاروایئوں کے ذریعے سب اچھا کی رپورٹ اوپر تک پہنچا رہے ہیں اور خود لاکھو ں روپے بطور رشوت لے کر عطایئوں کو کلینک چلانے کی کھلی چھٹی دے رکھی ہے تحریری درخواستوں اور نشاندہی کے باوجو د معمولی نوعیت کی کاروائی کی جاتی ہے کاروائی سے قبل اس کی اطلاع موبائل فون پر د ے دی جاتی ہے جس سے یہ عطائی کاروائی کے وقت تک اپنا سازوسامان سمیٹ چکے ہوتے ہیں سماجی فلاحی حلقوںنے وزیر اعلیٰ پنجاب میاں شہبازشریف ، صوبائی وزیر صحت ، کمشنر فیصل آباد سے مطالبہ کیا کہ ضلع بھر کے دیہاتوں میں بیٹھنے والے عطائی ڈاکٹر جو لو گو ں کو موت بانٹنے میں مصروف ہیں ان کے ساتھ ساتھ ائیر کنڈیشر کمروں میں بیٹھے وہ ضلعی آفسران اور کلرک صاحبان جو اس سارے دھندے میں بر ار بر ار کے شریک ہیں ان کے خلاف فوری کاروائی کر تے ہو ئے قانو ن کے شکنجہ میں کسا جا ئے تاکہ آئندہ کسی بے گنا ہ کی موت واقع نہ ہو سکے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) ضلع بندی ہونے کے باوجود چیکنگ نہ ہونے کے باعث گوشت اور جانور بڑے شہروں میں منتقل ہونے کے باعث چھوٹے شہروں کے مکین بیمار اور لاغر گوشت مہنگے داموں کھانے پر مجبور بڑے شہروں کو جانوروں اور گوشت کی منتقلی پر پابندی پر عملدرآمد کروایاجائے عوامی حلقے تفصیل کے مطابق پیرمحل اور گردونواح سے روزانہ سینکڑوں من گوشت اور سینکڑوں جانور بڑے شہروں لاہور اسلام آباد کو بھیجے جارہے ہیں جبکہ مقامی سطح پر قصاب بیمار اور لاغر جانور مہنگے داموں خریدکر گوشت سپلائی کررہے ہیںجس سے بڑے گوشت میں بیماری یاکسی ناگہانی آفت کے باعث جانوروں کو ہلاک ہونے سے قبل ذبح ہونے والے جانورکا مضرصحت گوشت شہریوںکو فروخت کردیاجاتا ہے کچھ عرصہ قبل جانوروں اور گوشت کی نقل مکانی پر ضلع بندی کی گئی تھی جس سے نہ صرف شہریوں کو صاف گوشت ملتا تھا بلکہ قصاب بھی اپنی روزی روٹی کا وسیلہ بہتر انداز میں چلارہے تھے یونہی پابندی ختم ہوئی میلہ منڈی مویشیاں ویران ہوگئے بیوپاری اور آڑھتیاں فاقوں پر مجبور ہوگئے کچھ عرصہ قبل ضلع بندی دوبارہ کی گئی مگر کسی بھی اتھارٹی کی طرف سے اس پر عملدرآمد نہ کروایاگیاجس سے گوشت اور جانور بڑے شہروںکو بدستور سپلائی کیے جارہے ہیںسماجی فلاحی عوامی حلقوںنے ڈپٹی کمشنر ٹوبہ ٹیک سنگھ سے اپیل کی کہ فی الفور بڑے شہروں کو جانوروں اور گوشت کی منتقلی پر پابندی پرعملدرآمد کوموثر بنایاجائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگا ر) ہائی وے کی غفلت دوسو فٹ کے اندر پیرمحل رجانہ روڈ بائی پاس پرسائن بورڈ آویزاں نے ہونے کے باعث آئے روز حادثات کا باعث بننے لگے درجنوں حادثات کے باعث درجنوں قیمتی جانیں ضائع ہوچکی ہے فی الفورسائن بورڈ آویزاں کیے جائیں تفصیل کے مطابق محکمہ ہائی وے کی غفلت کے باعث پیرمحل رجانہ روڈ پر واقع بائی پاس جس پر روزانہ ہزاروں کی تعداد میں چھوٹی بڑی گاڑیاں گذرتی ہے محکمہ ہائی وے کے قانون کے مطابق دوکلومیٹر کے فاصلے سے بائی پاس کی نشاندہی کے لیے وقفے وقفے سے بائی پاس کی نشاندہی کے لیے بورڈ آویزاں ہونے ضروری ہے مگرہائی وے کی غفلت کے باعث کسی قسم کے کوئی بورڈ آویزاں نہ کیے گئے جس سے بائی پاس اور لنک روڈ پر گذرنے والی ٹریفک کے درمیان درجنوں حادثات کے باعث درجنوں افرادلقمہ اجل ہوچکے ہیں آئے روزحادثات کا محکمہ کے افسران کے علم میں بھی ہے مگر دیدہ دانستہ چشم پوشی کی جارہی چوہدری محمد اسلم تاج سماجی شخصیت نے ڈی سی او ٹوبہ ٹیک سنگھ کمشنر فیصل آباد سے اپیل کی کہ فی الفور پیرمحل رجانہ روڈ پر ایک کلومیٹر کی حدود میںجگہ جگہ بائی پاس کی نشاندہی کے بورڈ آویزاں کیے جائیں تاکہ آئے روز حادثات کے باعث جانی ضیاع کا تدارک ہوسکے
