پیرمحل (نامہ نگار) فرضی بولی ،، فرضی گاہک ،، ڈی سی اوٹوبہ ٹیک سنگھ کا سبزمنڈی پیرمحل کا دورہ ،، مارکیٹ کمیٹی پیرمحل نے ڈی سی او ٹوبہ ٹیک سنگھ کو چکمہ دے ڈالا ، سبزی وفروٹ کی بولی چھ بجے صبح شروع ہوتی ہے ڈی سی او کو پانچ بجے دورہ کرواکر سب اچھا کی رپورٹ پیش ،، وزیر اعلیٰ پنجاب کا رمضان المبارک میں عوام کو سستی اشیاء کی فراہمی کا ویژن ،، انتظامیہ کے فرضی دوروں کی نظر ، عوام کو ریلیف فراہم کرنے کے لیے عملی اقدامات کیے جائیں شہری حلقے ،، تفصیل کے مطابق رمضان المبارک میں عوام کوفروٹ سبزی ارزاں نرخوں پر فروخت کرنے کے لیے وزیر اعلیٰ پنجاب میاں شہباز شریف کے احکامات پر ضلعی انتظامیہ ڈی سی او ، ڈی پی او ، ضلع بھر کی سبزمنڈیوں کے دورے کررہے ہیں یہ دورے عملی سے زیادہ فرضی ہوتے ہیں سبزمنڈی پیرمحل جس میں بولی صبح چھ بجے شروع ہوتی ہے مگر ڈی سی اوٹوبہ ٹیک سنگھ عامر اعجا زاکبر ، ہمرا ہ ڈی ایس پی رانا عثمان رشید سبزمنڈی پیرمحل علی الصبح پانچ بجے پہنچ گئے جس پر مارکیٹ کمیٹی پیرمحل کے اہلکاروںنے فرضی آڑھتیاں کے ذریعے فرضی گاہکوں کو ٹماٹر ، آلو پیاز اور دیگر سامان کی بولی کرنے کا ڈرامہ کرکے چکمہ دے ڈالا جبکہ عملی طورپر چھ بجے کے بعد اوپن آکشن کی بجائے سبزی ، آلوپیاز مرچ ٹماٹر تول کرفروخت کیاجارہا ہے شہری حلقوںنے ڈی سی اوٹوبہ ٹیک سنگھ کے سبزمنڈی پیرمحل کے دورہ کو ڈرامہ قرار دے دیا کیونکہ عملی طورپر سبزمنڈی پیرمحل میں اشیاء وخوردنوش سبزی فروٹ کی بولی سے پہلے ریٹ لسٹ جاری کرنا اور ضلعی انتظامیہ کے دورے کروانا وزیر اعلیٰ پنجاب میاں شہباز شریف کے ویژن کو دریابرد کرنے کے مترادف ہے اگر ڈی سی اوٹوبہ ٹیک سنگھ نے مانیٹرنگ کرنی ہوتو چھ سے نوبجے کے دوران بغیر مقامی انتظامیہ کو بتائے عام آدمی کی حیثیت سے دورہ کریں تاکہ عام آدمی ریلیف حاصل کرسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) پیرمحل سمیت ضلع بھر میں قائم آئس فیکٹریاں موت بانٹنے لگیں ، آئس فیکٹریوں میںنہ فلٹریشن پلانٹ ،نہ صفائی ،برف میں زہریلے حشرات ملنا معمول ،لوگ بیماریوں میں مبتلاہونے لگے ۔ضلعی انتظامیہ نے مک مکا کر کے موت کے لائسنس جاری کر دیئے ۔ڈی سی او ٹوبہ ٹیک سنگھ فوری کاروائی کریں تفصیل کے مطابق پیرمحل سمیت ضلع بھر میں قائم آئس فیکٹریوں نے حکومتی احکامات کو نظر انداز کرتے ہوئے برف کے نام پر موت بانٹنا شروع کر دی ہے۔حکومت کی جانب سے واضع طورپر آئس فیکٹریوں کو مطلع کیا جا چکا ہے کہ وہ آئس فیکٹریز میں فلٹریشن پلانٹس لگائیںاور صاف پانی سے برف تیارکریں مگرآئس فیکٹریز مالکان نے حکومتی احکامات کو نظر انداز کر کے اپنی مرضی سے کھارے، گندے اور زہریلے پانی سے برف تیار کر رہے ہیں۔آئے روز برف سے چھپکلی ،کاکروچ،مینڈک جیسے زہریلے حشرات ملنا معمول بن چکا ہے ۔ آئس فیکٹریوں میں گندگی کے انبار لگے ہوئے ہیں جس کی وجہ سے بدبودار اور زہریلی برف تیار کی جا رہی ہے ۔گندی اور زہریلی برف کے استعمال سے لوگوں میں تیزی سے بیماریاں پھیل رہی ہیں انتظامیہ آئس فیکٹریز مالکان کے خلاف کاروائی کرنے کے بجائے ان کی سرپرستی کرنے میںمصروف نظر آتی ہے جبکہ کئی آفسران نے منتھلی فکس کر کے موت کے لائسنس جاری کر رکھے ہیں۔ سماجی فلاحی حلقوں نے ڈی سی او ٹوبہ ٹیک سنگھ سے فوری برف کے نام پرلوگوں میں موت بانٹنے والوں کے خلاف فوری کاروائی کا مطالبہ کیا ہے ۔ ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) ای ڈی او ہیلتھ ٹوبہ ٹیک سنگھ کی من مانیاں ،،،پیرا میڈیکل سٹاف کی سرکاری ہسپتالوں میں بھرتی ،، ضلع ٹوبہ ٹیک سنگھ کے رہائشی بھرتی کرنے کی بجائے ، بیرون ضلع جات سے پیرامیڈیکل سٹاف بھرتی کرلیے ،،دوسرے اضلاع کے ڈومیسائل کے حامل پیرامیڈیکل سٹاف ملازمین بھرتی ہونے کے چند ماہ بعد اپنے اپنے ضلع میں ٹرانسفر کروانے لگے ضلع ٹوبہ ٹیک سنگھ میں پیرا میڈیکل سٹاف کی آسامیاں بدستور خالی ، ڈی سی او ٹوبہ ٹیک سنگھ ، صوبائی وزیر صحت مبینہ بھرتیوں کا نوٹس لیں سماجی حلقے تفصیل کے مطابق ای ڈی او ہیلتھ ٹوبہ ٹیک سنگھ نے ضلع ٹوبہ ٹیک سنگھ کیڈومیسائل کے حامل پیرا میڈیکل سٹاف کو بھرتی کرنے کی بجائے مبینہ طورپر بھاری رقم لے کر منڈی بہائوالدین ،ننکانہ ، جھنگ اور دیگر اضلاع کے رہائشی پیرامیڈیکل امیدواروں کوبھرتی کرکے ضلع ٹوبہ ٹیک سنگھ کے آرایچ سی ، بی ایچ یو میں تعینات کردیا ضلع ٹوبہ ٹیک سنگھ میں دوسرے اضلاع کے بھرتی ہونے والے امیدواروں نے اپنے اپنے اضلاع میں سیاسی اثر رسوخ پر اپنی ٹرانسفر کروانا شروع کردی جس سے ضلع ٹوبہ ٹیک سنگھ میں نئے ملازم بھرتی ہونے کے باوجود سیٹیں خالی ہونا شروع ہوگئی جبکہ ضلع ٹوبہ ٹیک سنگھ کے ڈومیسائل کے حامل امیدوار ای ڈی او ٹوبہ ٹیک سنگھ کی مبینہ ملی بھگت کی وجہ سے ملازمت حاصل کرنے سے محروم رہ گئے سماجی حلقوںنے ای ڈی او ہیلتھ ٹوبہ ٹیک سنگھ کی طرف سے مبینہ طورپر ضلع ٹوبہ ٹیک سنگھ کے حامل امیدواروں کی بجائے دوسرے اضلاع کے امیدواروں کو بھرتی کرنے پرڈی سی او ٹوبہ ٹیک سنگھ ، صوبائی وزیر صحت سے کاروائی کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) رائو عابد بشیر ایس ڈی او رورل پیرمحل نے آگاہی بیان میں کہا ہے کہ حکومت پاکستان کے اعلان کے مطابق جو کسان ماہ جون تک تمام واجبات 30تک اداکرے گااس کو ماہ جولائی سے حکومت کی پالیسی کے مطابق پانچ روپے فی یونٹ رعایت دی جائے گی یہ رعایت ماہ اگست میں آنے والے بل پر لاگوہوگی اور جو کسان ماہ جون تک کے تمام واجبات ادانہیں کرے گا اس پر یہ پالیسی لاگو نہیں ہوگی اور وہ سارا سال رعایت سے محروم رہے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) جولائی کے پہلے 10 دن بینک صرف 1 دن کھلیں گے۔۔۔عوام اگر عید کی تیاریاں اور کسی بھی لین کیلئے بینک سے رجوع کرنا چاہتے ہیں تو فوری طور پر کر لیں کیونکہ جولائی کے پہلے دس دن میں بینک صرف ایک دن ہی کھلیں گے یعنی 30جون کو جمع کروایا گیا چیک 11جولائی سے پہلے کلیئر نہیں ہو گا۔ یکم جولائی کو بینک ششماہی آڈٹ کی وجہ سے بند ہیں جبکہ دو اور تین جولائی کو ہفتہ وار تعطیل ہو گی ،پانچ سے آٹھ جولائی عید کی چھٹیاں ہوں گی ،9اور 10جولائی کو پھر ہفتہ وار تعطیل ہو گی یعنی جولائی کے پہلے ہفتے میں بینک صرف چار جولائی کے روز کھلیں گے چونکہ 30جون کو جمع کروائے گئے چیک کلیئر کرنے کیلئے ایک دن ناکافی ہو گا اس لیے چیک کلیئر کروانے کیلئے 11جولائی تک انتظار کرنا ہوگا۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) صحافت کے اغراض و مقاصد کے برعکس قلم کی عصمت کو سر بازار نیلام کرنے والوں کے محاسبہ کا وقت آن پہنچا آج بھی اگر علاقائی صحافیوںنے پریس کی آڑ لے کردھندوں میں ملوث قبضہ گروپوں اٹھائی گیروں کے خلاف آواز بلند نہ کی تو یہ مقدس پیشہ بدنام تر ہوجائے گا ان خیالات کا اظہاررانا غلام سرور بابر صدر ، رانا عبدالوحید خان نسیم چیئرمین جرنلسٹ ایکشن کونسل پاکستان نے میڈیافورم کے زیر اہتمام صحافیوں کی ورکشاپ سے اظہار خیال کرتے ہوئے کیا انہوںنے کہا ہم نے میڈیا کی آزادی بھیک میں نہیں حاصل کی جھوٹے مقدمات سختیاں اور جیلیں کاٹی صحافیوں کی عظیم قربانیوں کے نتیجہ میں جب صحافت کو تھوڑی سی پذیرائی ملی تو مفاد ات حاصل کرنے اور اپنے کالے دھندوں کو چھپانے کے لیے مافیا نے اپنی دولت کے بل بوتے پر اپنے آپ کو صحافت کے لبادے میں چھپاناشروع کردیا انہوںنے کہا ہم صحافت کے اغراض و مقاصد کے برعکس قلم کی عصمت کو سر بازار نیلام نہیں ہونے دیں گے اگر ایک طویل جنگ میڈیا کی آزادی کے لیے لڑی تو دوسری طویل جنگ صحافت میں چھپی کالی بھیڑوں کو اس عظیم شعبہ سے نکالنے کے لیے لڑیں گے اس موقع پر رانا شاہدالرحمن وائس چیئرمین ، رانا محمد اشرف جنرل سیکرٹری ، محمد سلیم گل نائب صدر نے بھی خطاب کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) برائلر کی افزائش کے لیے مردہ مرغی اور آلائشیں اور خون کا استعمال شہریCocci, H9, اور ND جیسے موذی وائرس کاشکار حکومت انسانی زندگیوں سے کھیلنے والے فیڈ ملزمالکان کے خلاف کاروائی کو یقینی بنائیں تفصیل کے مطابق فیڈ ملز مالکان ناقص اور مہنگی فیڈ فروخت کر رہے ہیں جس کی وجہ سے عوام مہنگا اور غیر معیاری گوشت خریدنے پر مجبور ہیں فیڈ ملز مالکان فیڈ میں مردہ مرغی اور ہر قسم کی غلاظت ڈالتے ہیں جس سے مرغی کی بیماری Cocci, H9, اور ND وغیرہ کا وائرس لگا تار چل رہا ہے جو کہ گوشت کے ذریعے لوگوں کے جسم میںداخل ہو رہا ہے جس سے عوام خطرناک قسم کی مختلف بیماریوں میں مبتلا ہو رہے ہیں محمد اسلم تاج سماجی شخصیت نے مطالبہ کیا کہ متعلقہ حکام اس کا نوٹس لے کر ذمہ داران کو کیفر کردار تک پہنچائیں جو اپنے ذاتی مفاد کی خاطر انسانی زندگیوں سے کھیل رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) جعلی پاس بک بنواکر بنک سے ایک کروڑ روپے نکلوانے کی کوشش اسسٹنٹ ڈائریکٹر لینڈ ریکارڈ غلام حسین کاٹھیہ نے جعلی بکیں رنگے ہاتھوں پکڑ لی اندراج مقدمہ کے لیے پولیس کو بھجوادی تفصیل کے مطابق چک نمبر312گ ب کے رہائشیوں سبطین نیاز ولد نیاز علی قوم وینس گیلن نے جعلی زرعی پاس بک نمبر0527719-Bجعلی فرد ملکیت بابت کھیوٹ نمبر130رقبہ 72کنال 12مرلہ جعلی انتقال نمبر1233بابت چک نمبر312اپنے نام پر مورخہ9-6-2016کو بذریعہ ادیب انجم ولد محمد علی تیار کرواکر،جبکہ دوسرے ملزم اختر عباس ولد مداح حسین ساکن چک312گ ب نے کھیوٹ نمبر160برقبہ 143کنال چار مرلے کی جعلی فرد ملکیت اپنے نام پر مورخہ21-6-2016کو بذریعہ ادیب انجم ولد محمد علی تیار کرواکر اس پر پٹواری حلقہ فضل قادر سروس سنٹر آفیشل ، اسسٹنٹ ڈائریکٹر لینڈ ریکارڈ کی جعلی مہر تیار کرکے جعلی دستخط کئے اور زرعی پاس بک پر منیجر حبیب بنک لمیٹڈ پیرمحل کی جعلی مہر وجعلی دستخط کرکے جعلی انتقال نمبر1233تیار کرکے بنک سے پچاس پچاس لاکھ روپے فراڈ سے بذریعہ زرعی قرضہ نکلوانے کی کوشش کی جب دونوںپاس بکس کی اے ڈی ایل نے تصدیق کی تو باس بک جعلی فرضی ثابت ہوئی جس پر پاس بک قبضہ میں لے کر تھانہ پیرمحل کو ملزمان کے خلاف کاروائی کے لیے بھجوادیا گیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار )عیسائی خاندان کے تین افراد کا عالمی مبلغ حافظ محمد عبداللہ چشتی ناظم اعلیٰ جماعت اہلسنت کے ہاتھوں قبول اسلام ،سینکڑوں عاشقان مصطفی کی موجودگی میں کلمہ طیبہ پڑھاکر دائر ہ اسلام میں داخل کیا حافظ محمد عبداللہ چشتی کے ہاتھوں مختلف مذاہب کے مشرف اسلام ہونے والے افراد کی تعداد 267ہوگئی تفصیل کے مطابق عیسائی خاندان کے تین افراد جن میں ٹامس مسیح ولد ایدون مسیح ساکن چک424ج ب گوجرہ ، پرویز مسیح ولدسردار مسیح ساکن چک424ج ب گوجرہ ، عدیل نجمی مسیح ولد جمیل نجمی مسیح گلشن اقبال کراچی شامل ہے نے عالمی مبلغ اسلام حافظ مولانا محمد عبداللہ چشتی ناظم اعلیٰ جماعت اہلسنت سے عظیم الشان اجتماع میں کلمہ توحید پڑھ کر عیسائیت سے تائب ہوکر مذہب اسلام قبول کرلیا ان کے اسلامی نام بالترتیب پرویز مسیح سے محمد ناصر ، عدیل نجمی مسیح سے محمد عبداللہ ، ٹامس مسیح سے محمد اجمل رکھے گئے یادرہے کہ عالمی مبلغ اسلام حافظ مولانا محمد عبداللہ چشتی ناظم اعلیٰ جماعت اہلسنت کے ہاتھ پر عیسائی قادیانی ، ہندو سکھ پارسی مذہب کے 267افراد مرد وخواتین کلمہ توحید پڑھ کر دائر ہ اسلام میں داخل ہوچکے ہیں۔
