پیرمحل (نامہ نگار) ناجائز تعلقات کا شبہ خاوند نے چھریاں مارکر آشناء اور اپنی بیوی کو قتل کرڈالا ملزم آلہ قتل سمیت فرار تفصیل کے مطابق بستی درآباد سندھلیانوالی کے رہائشی غلام شبیرکی بیوی رضیہ بی بی کے اسی محلہ کے رہائشی جعفر حسین ولد اللہ بخش قوم موچی کے ساتھ ناجائز تعلقات تھے غلام شبیر نے دونوں کو اپنے گھر میں رنگ رلیاں مناتے ہوئے پکڑکر چھری سے قتل کرڈالا اور موقع سے فرارہوگیا تھانہ اروتی پولیس نے دونوں نعشوں کو قبضہ میں لے کر پوسٹمارٹم کے بعد ورثاء کے حوالے کردیا مقدمہ درج کرکے ملزم کی تلاش شروع کردی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) ایس ایچ اوتھانہ پیرمحل کا منشیات فروشوں اور قانونی شکنی کرنے والوں کے خلاف آپریشن خاتون سمیت دومنشیات فروش گرفتار منشیات برآمد گیس ری فلنگ کرتے ہوئے دودکاندار گرفتار مقدمہ درج تفصیل کے مطابق ایس ایچ اوتھانہ پیرمحل رائے فاروق احمد نے سی پلاٹ خانجوان میں چھاپہ مارکر خاتون منشیات فروش شہناز بی بی زوجہ صابر کو گرفتار کرکے اس کے قبضہ سے 110گرام ہیروئن برآمد کرکے مقدمہ درج کرلیا چک نمبر734گ ب کے رہائشی محمد بخش ولد محمد نواز کو گرفتار کرکے 109گرام چرس برآمد کرکے مقدمہ درج کرلیا مکہ بلاک کالونی روڈ پیرمحل پر گیس ری فلنگ کرتے ہوئے دکاندر احمد نعیم شاہد ولد فقیرمحمد اور دکاندار محمد شہزاد ولد برکت علی قوم جٹ کوگرفتار کرکے زیر دفعہ 285/286ت پ کے تحت مقدمات درج کرلیے چک نمبر683/24گ ب کے رہائشی فہد محمود کی موٹرسائیکل نمبری9494/TSL مالیتی 35000روپے اپنے گھر کے باہر سے نامعلوم چور چوری کرکے لے گئے تھانہ پیرمحل پولیس نے نامعلوم ملزمان کے خلاف مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) ضلع کونسل ٹوبہ ٹیک سنگھ کا چیئرمین پاکستان مسلم لیگ ن کا نامزد کردہ امیدوارہوگا انشاء اللہ 22دسمبر کاسورج پاکستان مسلم لیگ ن کے نامزد کردہ امیدوارکی کامیابی لے کر طلو ع ہوگا ان خیالات کا اظہار عبدالشفیق میو ضلعی چیئرمین بیت المال نے ہمراہ ایم پی اے امجد علی جاوید ، ایم پی اے محمد رفیق ، ایم این اے جنید انوار کے ہمراہ پیرمحل تحصیل کے یونین کونسلوں کے چیئرمین کی طرف مسلم لیگ ن کے امیدوار سردار مسعود خاں گادھی کی حمایت کا اعلان کرتے ہوئے کیا انہوںنے کہا کہ ضلع کونسل ٹوبہ ٹیک سنگھ کا چیئرمین پاکستان مسلم لیگ ن کا نامزد کردہ ہی امیدوارہوگامخالفین جتنے مرضی دعوے کرلیں انہوںنے کہا شریف برادران ہمیشہ اصولوں پر مبنی سیاست کرتے ہیںوہ ذاتی مفادات پر قومی مفادات کو ترجیح دیتے ہیں ان کی انتھک محنت کی وجہ سے مسلم لیگ ایک عوامی پارٹی بن گئی ہے( ن) لیگ نے ہمیشہ ملکی معیشت کوپروان چڑھانے میں اہم کردارادا کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) ضلع ٹوبہ ٹیک سنگھ محکمہ ماحولیات کی غفلت لاپرواہی ضلع بھر میں حکومتی ہد ایات کے باوجود ممنوعہ شاپر کے استعمال کی روک تھام نہ ہوسکی تفصیل کے مطابق ممنوعہ شاپر کے استعمال سے پیدا ہونیوالے انتہائی سخت مضر اثرات کے پیش نظر پنجاب حکومت نے روک تھام کی سخت ہدایات جاری کررکھی ہیں مگر ضلع ٹوبہ ٹیک سنگھ محکمہ ماحولیات سمیت کسی بھی ذمہ دار ادارہ نے پنجاب حکومت کی ہدایات پر ممنوعہ شاپر کے استعمال پر پابندی عائدنہ کی اور نہ ہی کسی قسم کی کاروائی کی جس سے عام شہری مضر صحت بیماریوںمیں مبتلا ہونے سمیت سیوریج اور نالیوں میں گندے پانی کی رکاوٹ کا باعث بن رہے ہیں سماجی حلقوںنے ڈی سی اوٹوبہ ٹیک سنگھ سے فی الفور ممنوعہ شاپر کی فروخت پر پابندی اور عملدرآمد کا مطالبہ کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) الطاف حسین شہزاد ضلعی صدر جسٹس اینڈ پیس کونسل نے کہا جشن عید میلادالنبیۖ اگر مذہبی عقیدت و احترام اور جوش و جذبے کے ساتھ خود احتسابی کے آئینے کے ساتھ مناکر یہ دیکھنے کی کوشش کی جائے کہ ہم اللہ کی مخلوق ہونے ‘ انسان ہونے ‘مسلمان ہونے اور اْمت محمدی میں شامل ہونے کا کس قدر حق ادا کررہے ہیں یا پھر کس قدر تیز رفتاری سے راندہ ٔ درگاہ ‘ ملعون و لعین اور دشمن آدم ‘ اسلام و ایمان ” ابلیس ” کی پیروی میں اس راہ کے مسافر ہیں جہاں تباہی و بربادی ‘ ناکمی و تشنگی اور جہنم کی آگ ہماری منتظر ہے تو شاید آج ہم اپنی تخلیق کے مقصد کو پہچان کر اللہ و رسول کی حقیقی اطاعت کی جانب لوٹ آئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) مفتی محمد وسیم سیالوی نے کہا عشق مصطفی ہی در اصل عشق الٰہی کی جانب رغبت اور صراط مستقیم کی جانب سفر کی بنیاد و اسا س ہے اور جب تک راہ کی شناخت نہ ہو ‘ اس پر چلنے کیلئے درست رہنمائی نہ ہو منزل تک پہنچنا ممکن نہیں ہوتا۔ اسی لئے رب نے اہل ایمان کو قرآن کریم کی شکل میں بہشتی منزل تک پہنچے کی جو راہ دکھائی ہے اس کیلئے نبی کی سیرت وسنت رہنمائی کا ذریعہ ہی نہیں بلکہ منزل تک پہنچنے کی ضمانت بھی ہے یہی وجہ ہے کہ صرف اللہ پر ایمان لانے سے ہی رب کی رضا کا حصول ممکن نہیں ہے بلکہ اس کے محبوب سے محبت اور اللہ کی ہدایت و عبادت کیلئے محمد کی سیرت سے رہنمائی کی بھی ضرورت ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) خشک سردی کے موسم میں جسم کوڈھانپ کررکھیں بھاپ لینے سمیت دیگراحتیاطی تدابیرسے نزلہ کھانسی اورزکام جیسی موسمی بیماریوں سے بچاجاسکتاہے ان خیالات کااظہارمعرو ف معالج ڈاکٹر اورنگ زیب مان نے اپنے آگاہی بیان کیا انہوں نے کہاکہ خشک موسم اور بے جا آلودگی سمیت ٹھنڈے پانی اور چٹ پٹی چیزوں کے استعمال سے ناک ، کان ، گلے کے امراض میں اضافہ ہو رہا ہے۔ ان بیماریوں کا شکار چھوٹے بچے اور بوڑھے زیادہ ہوتے ہیں انہوں نے کہاکہ خشک سردی اوراس سے بچائو کے لئے گرم کپڑے پہن کر باہرنکلیں تاکہ سینے اورسرکوڈھانپ کررکھیں انہوں نے کہا کہ نزلہ اور زکام کی صورت میں گرم پانی کے غرارے اور گرم مشروبات کاا ستعمال مفید ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) تاریخ وفات سرٹیفکیٹ کے اندراج میں حائل مشکلات دورکی جائیں 60 دن کی معیاد ختم کرکے سابقہ طریقہ کار بحال کی جائے حاجی اللہ دتہ سماجی شخصیت تفصیل کے مطابق تاریخ وفات سرٹیفکیٹ کے اندراج کی مدت 60دن مقر رکی گئی ہے بوجہ لاعلمی شہری بروقت تاریخ وفات کا اندراج نہ کروانے پربذریعہ عدالت تاریخ پیدائش کا طریقہ کار رائج کردیا گیا جس سے نہ صرف عدالتوں پر بوجھ پڑا بلکہ عام شہری کا تاریخ وفات کا اندراج خواب بن کر رہ گیا حکومت کی طرف سے نادرا شناختی کارڈ کے لیے پالیسی نرم کی گئی مگر ڈیتھ سرٹیفکیٹ کے اندراج میں حائل مشکلات کو دور نہ کیا گیا جس سے اندراج وراثت سمیت دیگر امور میں عوام کو سخت مشکلات کا سامنا ہے حاجی اللہ دتہ سماجی شخصیت نے وزیراعلی پنجاب’ کمشنرفیصل آباد’ڈی سی اوٹوبہ ٹیک سنگھ سے فوری طورپر تاریخ وفات سرٹیفکیٹ کے اندراج میں حائل رکاوٹیں دور کرنے کا مطالبہ کیا ہے
