پیرمحل (نامہ نگار) مخصوص نشستوں کے انتخابات میونسپل کمیٹی پیرمحل کی سات مخصوص نشستوں کے لیے خواتین سمیت14امیدواران میدان میں آگئے کسان ممبرکی سیٹ کے لیے چار امیدواروںنے کاغذات نامزدگی واپس لے لیے تفصیل کے مطابق ریٹرننگ آفیسر حافظ محمد نجیب کی نگرانی میں میونسپل کمیٹی پیرمحل کی سات مخصوص نشستیں جن میں چار خواتین ایک اقلیتی ایک یوتھ ایک کسان ممبر کے لیے 19 امیدوار وں نے کاغذات نامزدگی جمع کروائے جن میں سے کسان سیٹ کے لیے چار امیدواران جن میں محمد لطیف ،نثار احمد، محمود احمد شاہ ،محمد شاہد عدنان نے کاغذات نامزدگی واپس لے لیے جبکہ اب تین امیدوار جن میں سے ریحا ن افضل ن لیگ ، قیصر شہزاد ،محمد بابر آزاد مقابلہ میں حصہ لیں گے خواتین کی چارنشستوں کے لیے ن لیگ کی طرف سے امینہ طالب ، انیس تبسم ، خالدہ نسرین ، عقیلہ مشتاق ، جبکہ آزاد امیدوار کی طرف سے کشوربی بی ،ممتازناہید ، نادیہ کریم کے درمیان مقابلہ ہوگا عذراشفیق نے اپنے کاغذات واپس لے لیے اقلیتی سیٹ کے لیے عاشق مسیح بابر ن لیگ جبکہ منظور بابر پی ٹی آئی کے امیدوا رکے درمیان مقابلہ ہوگا یوتھ ممبر کے طلحہ بابر آزاد امیدوار جبکہ محمد دانیال ن لیگ کے درمیان مقابلہ ہوگا دس نومبر2016کو خفیہ رائے شماری کے ذریعے ووٹنگ ہوگی جس کے پریذائڈنگ آفیسرحافظ محمد نجیب اسسٹنٹ کمشنر پیرمحل اسسٹنٹ ریٹرننگ آفیسر چوہدری منظر حفیظ تحصیلدار پیرمحل ، چوہدری محمد علی اے ای اوپیرمحل معاونین منورحسین ، چوہدری محمد اسلم ، مرزا بشیر احمد ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) سکیورٹی آرڈنینس کی خلاف ورزی کرنے پرپٹرول پمپ منیجر کے خلاف مقدمہ درج تفصیل کے مطابق ایس ایچ او تھانہ پیرمحل چوہدری منیراحمد نے بسلسلہ چیکنگ سکیورٹی گارڈز چدھڑ پٹرولیم درکھانہ روڈ پیرمحل کو چیک کیا تو پٹرول پمپ پر گن مین موجود نہ تھا پٹرول پمپ منیجر محمد جمیل کیخلاف دی پنجاب سکیورٹی آف ویلنر ایبل اسٹیبلشمنٹ آرڈنینس2015 کے تحت تھانہ پیرمحل پولیس نے مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) اشتہاری ملزم کو پناہ دینے پر مقدمہ درج تفصیل کے مطابق رفاقت علی ASI تھانہ اروتی نے دوران گشت مخبر کی اطلاع پر مجرم اشتہاری مظہر حسین متعلقہ مقدمہ 318/14بجرم 379/411ت پ تھانہ اروتی کو فیصل نے ہوٹل پر چائے پلا کر اور فرارکروادیا محمد فیصل کے خلاف زیردفعہ216ت پ کے تحت مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) دیواروں پر وال چاکنگ کرنے پر دواخانہ کے مالک کے خلاف مقدمہ درج تفصیل کے مطابق تھانہ اروتی میں تعینات
محمد عامر Siمعہ ملازمان دوران گشت سندھیلیانوالی میں دیوار پر سلمان دواخانہ کی وال چاکنگ کرنے پر سلمان دواخانہ کے مالک حافظ محمد سلیم کے خلاف مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) کرایہ داری ایکٹ کی خلاف ورزی پر مالک مکان کے خلاف مقدمہ درج تفصیل کے مطابق خالد حسین نامی شخص نے اپنا ذاتی مکان واقع چک 750گ ب لال محمد کو ماہانہ 3000روپے میں کرایہ پر دے رکھا ہے اور اس بابت کوئی اطلاع یا اشٹام کا تھانہ میں اندراج نہ کروایا ہے جس پر تھانہ اروتی پولیس محمد عامر Si نے چھاپہ ماکر کرایہ داری ایکٹ کے تحت مالک مکان کے خلاف مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) پیرمحل شہراورگردونواح کے مختلف علاقوں میں مرغی کاگوشت260روپے فی کلوفروخت ہوناشروع ہوگیا’ تندرست مرغی کے علاوہ بیمارمرغیوں کابھی گوشت کرکے کھلے عام فروخت کیاجارہاہے جبکہ بڑے دکانداروں کی بڑی تعدادنے اپنے کنڈے بھی خراب کررکھے ہیں جس سے ناپ تول میں بھی ڈنڈی مار کرشہریوں کوکھلے عام لوٹاجارہاہے ‘ شہریوں نے اس امرپرسخت احتجاج کیاہے کہ دکاندارملی بھگت کرکے گوشت کاریٹ طہ کرتے ہیں بعدازاں تندرست مرغی کوپنجروں میں دکان کے سامنے بٹھادیتے ہیں جبکہ بیمارمرغیوں کاپہلے ہی گوشت کرکے گاہکوں کوفروخت کردیاجاتاہے بیمار مرغیوں کاگوشت کھانے سے شہری مختلف موذ ی امراض کاشکار ہورہے ہیں لیکن انتظامیہ شکایات کے باوجودخاموشی اختیارکیے ہوئے ہے شہریوں نے اعلی حکام سے نوٹس لے کراصلاح واحوال کامطالبہ کیاہے۔
۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) پنجاب حکومت نے صوبہ بھر کے تمام 36 اضلاع کے5لاکھ کاشتکاروں کو 5ہزار روپے مالیت کا موبائل فون صرف 110 روپے میں فراہم کرنے کیلئے 2ارب 50کروڑ روپے کی رقم مختص کردی ہے جبکہ اس ضمن میںکاشتکاروں کی رجسٹریشن بھی بھرپور طریقے سے جاری ہے جس کا مقصد انہیں شفاف انداز میں بذریعہ موبائل ١ن لائن ایزی پیسہ سروس کے ذریعے بلا سود قرضوں کی فراہمی کے ساتھ ساتھ مفید زرعی مشوروں سے نوازنا بھی ہے تاکہ وہ ملک میں سر سبز زرعی انقلاب لانے کا پیش خیمہ ثابت ہو سکیں نیز خوشحال کسان ،خوشحال پاکستان پروگرام کے بہاولپور ڈویژن کے تینوں اضلاع سمیت صوبہ بھر میں قائم 143 تحصیل اراضی ریکارڈ سنٹرز پر ساڑھے 12ایکڑ تک اراضی کے مالک پانچ لاکھ کاشتکاروں،مزارعین ،مالک کسانوں کو 80 ارب روپے کے بلاسود قرضوں کی فراہمی کیلئے رجسٹریشن کا عمل بھی شروع ہے اور روزانہ ہزاروں کی تعداد میں کاشتکاروں کو حسب ضابطہ رجسٹرڈ کیاجارہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔
پیرمحل ( نامہ نگار ) جعلی ادویات فروخت کرنے والوں کے خلاف کارروائی تیزکرنے کاحکم۔تفصیل کے مطابق حکومت پنجاب کی ہدایت پرایف آئی اے پنجاب نے جعلی ادویات فروخت کرنے والوں کے خلاف کارروائی تیزکرنے کاحکم دیا ہے اس سلسلہ میں ڈائریکٹرایف آئی اے پنجاب نے صوبہ بھرکے ایف آئی اے حکام کوجعلی ادویات فروخت کرنے والوں کے گردشکنجہ سخت کریں اورہفتہ واررپورٹس بھی بھجوائی جائیں ‘ کریک ڈائون کے دوران ہرضلع میں ٹیمیں تشکیل دی جائیں جواچانک چھاپہ مارکارروائیاں عمل میں لاتے ہوئے مرتکب افرادکے خلاف مقدمات کااندراج بھی کروائیں ‘ کسی قسم کی غفلت یاکوتاہی ہرگزبرداشت نہ کی جائے احکامات پرعملدرآمدشروع کردیاگیاہے۔
