پیرمحل (میاں اسد حفیظ سے) 12سالہ گونگا بہرہ بچہ ٹرین کی زد میں آ کر شدید زخمی تشویشناک حالت میں ہسپتال منتقل کردیا تفصیل کے مطابق نواحی بستی خان جوان کے رہائشی غلام شبیر کا 12سالہ گونگا بہرہ بیٹا علی ریلوے لائن کراس کررہا تھا کہ اچانک ٹرین آگئی بہرہ ہو نے کی وجہ ٹرین کی آواز نہ سن سکا جس کی وجہ سے وہ ٹرین کی زد میں آگیا جس کے نتیجہ میں بچے کی دونوں ٹانگیں اور ہاتھ کٹ گئے زخمی حالت میں سول ہسپتال منتقل کیاگیا لیکن حالت تشویشناک ہونے کے پیش نظر ڈسٹرکٹ ہسپتال ٹوبہ ٹیک سنگھ ریفرکردیا گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (میاں اسد حفیظ سے) ضلع کونسل کے انتخاب میں اپنے گروپ کے ساتھ سردار مسعود خاں گادھی کی مکمل حمایت کرتے ہیں ان خیالات کا پی پی 89سے صوبائی اسمبلی کی امیدوار سیدہ سونیا علی رضا شاہ نے ناصر نگر میں کارکنوں سے خطاب کرتے ہوئے کہاکہ ہمارے خاندان نے ہمیشہ عوامی خدمت کی سیاست کی ہے میرے والد اور سردار مراد خان گادھی کے درمیان بھائیوں جیسا رشتہ تھاہم اپنے گروپ کے ہمراہ ضلع کونسل کے چیئرمین کے انتخاب میں سردار مسعود خان گادھی کی مکمل حمایت کا اعلان کرتے ہیں انشااللہ ضلع کونسل میں ہمار ا ہی گروپ کامیاب ہو گا۔انہوں نے کہاکہ میں اپنے والد کے ادھورے سفر کو مکمل کروں گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (میاں اسد حفیظ سے) کسان پیکج کے ذریعے کاشتکا روں کو حکو مت پنجا ب فصلو ں کی کا شت کے لئے اعلیٰ معیا ر کے بیجو ں کی فراہمی ، معیاری کھا دوں ، زرعی آلا ت سبسڈی و بلا سود قرضوں کے پر وگرام پر عمل پیرا ہے،جس کا بنیا دی مقصد کا شتکا روں کو کسان پیکج کے ذریعے معاشی فوائد کے حصول کو یقینی بنا نا ہے یہ بات ڈی ڈی او کمالیہ چوہدری خالد محمود نے زرعی ما ہرین و کا شتکا روں سے خطاب میں کیا انہوںنے کہا کہ کسان پیکج پنجا ب حکو مت کا دور س نتا ئج کا حا مل پر وگرام ہے جس کے ذریعے کا شتکا روں کی معاشی حا لت بدلنے کی جا نب اہم پیش رفت ثابت ہو گی اور فصل ربیع کے لئے معیاری بیجوں ، زرعی آلا ت کی فراہمی اور بلا سود قرضوں سے کا شتکا روں کو براہ راست آسودگی حاصل ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (میاں اسد حفیظ سے) محکمہ زراعت کسانوں کو متبادل پلان دینے میں ناکام دھان کی فصل کو نظر آتش کرنے کی وجہ سے شہریوں کو پریشانی کا سامنا تفصیل کے مطابق دھان کے کاشتکاروں نے دھان کی فصل کی کٹائی کے بعد زمینوں میں بہت زیادہ مقدار میں دھان کی فصل کے ناڑ اور پرالی پڑی ہے ،محکمہ زراعت کی طرف سے کسی قسم کا متبادل پلان نہ دیا گیا ہے تاکہ کسانوں کو دھان کے ناڑ کسی دوسرے طریقے سے تلف کرنے کی طرف مائل کیا جا سکے اور اس کو سبز کھاد میں تبدیل کیاجائے جس کی وجہ سے کاشتکاروں نے دھان کی فصل کے ناڑ اور پرالی آگ لگا دی جس کی وجہ سے علاقہ کو دھوئیںنے اپنی لپیٹ میں لے لیاشہریوں میں سانس کی نالیوں آنکھوں کی بیماریاں اور شدید قسم کی الرجی پائی گئی کسان دھان کی فصل کے ناڑ اور پرالی کو جلا کر تلف کر رہیں ہیں جبکہ دوسری طرف محکمہ زراعت نے کسی قسم کا اقدام کرنے سے قاصر نظر آتا ہے کماد کی فصل بھی تیار ہو چکی ہے ،اور کسان اپنے کھیتوں میں اْس کی کھوری کو جلا دیتے ہیں جس سے مزید فضائی آلودگی جنم لے سکتی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (میاں اسد حفیظ سے) ناجائز اسلحہ برآمد مقدمہ درج تفصیل کے مطابق پیرمحل پولیس نے دوران گشت موضع بب ظفراقبال عرف ظفری کو مشکوک پاکر چیک کرنے پر رائفل 222 بور 5 ضرب گولیاں برآمد کرکے مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (میاں اسد حفیظ سے) مکان پر قبضہ کرنے کے لیے اندھادھندفائرنگ کے دوواقعات مقدما ت درج تفصیل کے مطابق چک نمبر 773 گ ب کے رہائشی محمد عبداللہ اورعادل شہزاد اپنی بیٹھک میں سوئے ہوئے تھے کہ قیصر وغیرہ 19کس مسلح اسلحہ اتشیں و سوٹے ڈنڈے آ گئے اور فائرنگ شروع کر دی اور دونوں باپ بیٹے کو زخمی کرڈالا اور مال مویشی چھوڑ دیا اور مکانات و رقبہ پر قبضہ کرنے کی کوشش کی تھانہ اروتی پولیس نے ملزمان کے خلاف مقدمہ درج کرکے کاروائی شروع کردی ،دوسرے واقعہ میں موضع کوہل کے رہائشی عاشق سلطان کے رقبہ پر رب نوازوغیرہ نے قبضہ کرنے کی کوشش کی اور رقبہ میں اینٹیں پھنک کر قبضہ کرنے کی کوشش کی اور ہوائی فائرنگ کرتے ہوئے گالی گلوچ کرتے رہے تھانہ پیرمحل پولیس نے مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (میاں اسد حفیظ سے) اشتہاریوں کو پناہ دینے پر دومقدمات درج تفصیل کے مطابق تھانہ اروتی پولیس نے چک نمبر762گ ب نے دوران گشت مخبر کی اس اطلاع پر کہ اشتہاری ملزم علی رضا متعلقہ مقدمہ 46/16بجرم 395/412ت پ کو فلک شیر نے پناہ دے رکھی تھی پولیس کو دیکھ کر اشتہاری ملزم علی رضا کو فرارکروادیا فلک شیر کو گرفتار کر کے 216ت پ کے تحت مقدمہ درج کرلیا چک نمبر763گ ب منور حسین ASI معہ ملازمان نے دوران گشت مخبر کی اس اطلاع پر کہ Poظفر اس وقت پیر بخش کے ساتھ ہوٹل پر کھا نا کھا رہے ہیں جس پر متذکرہ جگہ ریڈ کیا تو پیر بخش نے پولیس کو دیکھ کر شور مچا دیا جس پر Poظفر فرار ہو گیا پیر بخش کو موقع پر گرفتار کر کے 216ت پ مقدمہ درج ہوا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (میاں اسد حفیظ سے) جہانگیر بدر جدو جہد پہ یقین رکھنے والے سیاسی قائد تھے جنہوں نے ملک سے آمریت کو بھگانے میں اپنا بھر پور کردار ادا کیا انکے انتقال سے پاکستان پیپلز پارٹی کو نا قابل تلافی نقصان ہوا ہے ان خیالات کااظہار شیخ محمد اکرم صدر پاکستان پیپلزپارٹی پیرمحل نے اپنے تعزیتی بیان میں کیاانہوں نے کہاکہ پاکستان پیپلز پارٹی ایک جمہوریت پسند ، نڈر، وفا کے پیکر اور آمریت کے بتوں کو توڑنے والے جیالے رہنما سے محروم ہو گئی ہے۔ انہوں نے کہا کہ جہانگیر بدر پنجاب کا وہ سپہ سالار تھا جس نے کوڑے، صوبتیںاور تکالیف سہنے کے باوجود مڈل کلاس کی نمائندگی کرتے ہوئے سامراجی قوتوں کو للکارا اور پیپلز پارٹی کو ایک قوت بخشی وہ کارکنوں کے لیے حوصلہ اور آمریت کے لیے للکار تھی۔ انکے انتقال پر پیپلز پارٹی ایک عظیم اور سیاسی جد و جہد والے رہنما سے محروم ہو گئی ہے۔ جہانگیر بدر جدو جہد پہ یقین رکھنے والے ایسے سیاسی قائد تھے جنہوں نے ملک سے آمریت کو بھگانے میں اپنا بھر پور کردار ادا کیا۔ وہ محترمہ بے نظیر بھٹو کے ایسے بھائی تھے جس پر آج پوری پیپلز پارٹی کو ناز ہے۔ انکے انتقال سے پاکستان پیپلز پارٹی کو نا قابل تلافی نقصان ہوا ہے۔ ہم اللہ تعالی سے دْعا گو ہیں کہ وہ مرحوم کو جنت الفردوس میں بہترین مقام اور انکے اہل خانہ اور عزیز و اقارب کو صبرِ جمیل عطاء فرمائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (میاں اسد حفیظ سے) ویسے تو لنڈے بازار کا نام لیتے ہی ذہن میں سستی چیزوں کا تصور ابھر آتا ہے مگرآجکل شہری اس بات سے بھی متفق نظر نہیں آتے ،موسم میں خنکی بڑھتے ہی لنڈا بازاروں میں رونقیں بڑھ گئیں، گزشتہ سالوں کی نسبت لنڈے کی اترن بھی کئی گنا مہنگی ہوگئی ہے۔ملک کے دیگرشہروں کی طرح پیرمحل میں بھی بدلتے موسم اور سرد ہوائوں کا سامنا کرنے کی تیاریاں شروع ہیں، لنڈا بازار میںصبح سے شام تک شہریوں کا ہجوم نظر آتا۔سردی کا استقبال، گرم کپڑوں کے انتظام اور انتخاب سے ہوتا ہے۔ محلہ کوثر آباد میں پرانی استعمال شدہ اشیا اور اترن کا یہ بازار ان لوگوں کی ضرورت پوری کرتا ہے جو کم پیسوں میں گزارا کرنا چاہتے ہیں۔ یہ بازار غریبوں کے ساتھ ساتھ امیروں کے بھی تن ڈھانپ ہی رہا ہے لیکن مہنگائی کا جن یہاں بھی بے قابو ہے۔اترن کے یہ تاجر، غریبوں کی امیدوں کے اس بازار میں اشیا کے قیمتیںزیادہ ہونے کا ذمہ دار مال کی قیمت میں کراچی کے ڈیلروں کی طرف سے اضافے کو قرار دیتے ہیں۔اس بازار میں صرف پرانے کپڑے ہی نہیں ملتے، بیگ قالین، پردے، میز کور اور برتنوں جیسی گھریلو استعمال کی اشیاء بھی مناسب قیمت پر آسانی سے مل جاتی ہیں۔اس لنڈا بازار میں بہت سے لوگوں کی ضرورت بھی پوری ہوتی ہے اور ان کا بھرم بھی رہ جاتا ہے.سردی کی تیاریاں شروع’ لنڈے بازار کی رونقیں بڑھ گئیں۔شہریوں کا کہنا ہے کہ مہنگائی کے دور میں شاپنگ کے لیے لنڈے بازار سے بہتر کوئی آپشن نہیں مگر اب یہاں بھی چیزیں سستی نہیں ہیں قیمتیں زیادہ ہیں۔دکانداروں کا کہنا ہے حکومت نے ہر چیز پر ٹیکس لگا رکھا ہے تو پھر وہ کیسے سستی چیزیں فروخت کر سکتے ہیں۔ اگر ٹیکس ختم کر دیا جائے تو مہنگائی ختم کی جاسکتی ہے۔بدلتے موسم کے ساتھ ہی لنڈے بازار کی رونقیں بڑھنے لگی ہیں لیکن روز بہ روز بڑھتی مہنگائی کی وجہ سے اب لنڈے بازار میں بھی ضروریات زندگی غریب عوام کی پہنچ سے دور ہو گئی ہیں۔
