پیرمحل (نامہ نگار) معمولی بات پر سرکاری ملازم کو بہیمانہ تشدد کانشانہ بنانے پر مقدمہ درج تفصیل کے مطابق چک نمبر762گ ب کے جاوید اقبال نے جوکہ RHCسندھیلیانوالی میں ملازم ہے یونہی حاضری لگا کر ایمرجنسی روم میں گیا تو مظہر عباس نے معمولی رنجش کی بناء پر سوٹا کے وار کرکے شدید زخمی کرڈالا تھانہ اروتی پولیس نے ملزم کے خلاف زیر دفعہ 337Fت پ کے تحت مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) چار کس افراد نے حرام کاری کی نیت سے شادی شدہ خاتون اغواکرلی مقدمہ درج تفصیل کے مطابق چک نمبر744گ ب کے رہائشی محمد بلال عرف یسین کی بیوی نسرین اختر کوحسنین شاہ وغیرہ چار کس افراد حرام کاری کی نیت سے کار میں اغواکرکے لے گئے تھانہ پیرمحل پولیس نے ملزمان کے خلاف زیردفعہ 496ت پ کے تحت مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) لینڈریکارڈ بارے سائلین کو درست معلومات مہیاکریں فرد کے حصول اور انتقال رجسٹری بارے ہرممکن تعاون کریں تاکہ انتقال رجسٹری اور محکمہ مال کے متعلق پیش مسائل میں کمی واقع ہوان خیالا ت کا اظہار حافظ نجیب احمد اسسٹنٹ کمشنر پیرمحل تحصیل پیرمحل کے پٹواریوں سے خصوصی خطاب میں کیا انہوںنے کہا لینڈر یکارڈ کمپیوٹرائز کے پراسس میں ہے جس سے عام شہری کو اپنی زمین کے انتقال رجسٹری اور دیگر امور میں دشواری پیش آرہی ہے جس کے ازالہ کے لیے محکمہ مال کے پٹواریوں اورافسران کو فرد کے حصول اور نئے طریقہ کار سے سائلین کو آگاہ کرناچاہیے تاکہ محکمہ مال کی عوام کی خدمت قائم کی روایت زندہ رہے انہوںنے سائلین سے تعاون نہ کرنے والے پٹواریوں کے خلاف محکمانہ تادیبی کاروائی کا عندیہ بھی دیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) حکومت پنجاب کی ڈینگی کے خلاف مہم برائلر مرغیوں کی غلاظت اکھٹی کرنے والی گاڑیاں شہریوں کے دردسر بن گئی مرغیوں کا کچرا اکھٹا کرنے کے لیے کھلے ڈرم او رموٹرسائیکل رکشہ پر کھلے عام رکھے ہوئے ڈرم سرعام بیماریاں پھیلانے لگے تعفن اور بدبو سے شہریوں کی زندگی اجیرن تفصیل کے مطابق حکومت پنجاب کی طرف سے ڈینگی مہم شروع کررکھی ہے مگر ڈینگی وائرس سمیت موذی امراض کا باعث بننے والے عوامل کا تدارک کرنے میں ضلعی افسران کی عدم دلچسپی کے باعث آئے روز نت نئی بیماریاں جنم لے رہی ہے پیرمحل شہر اور اردگرد کے دیہاتوں میں لگائے گئے برائلر سیل سنٹروں سے الائشیں اکٹھی کرنے والی گاڑیاں کھلے منہ والے ٹرک یہ ا لائشیں غلاظت ، اکھٹی کرکے لے جاتے ہیں ، موٹرسائیکل رکشہ جات کے ذریعے الائشیں جمع کرکے اپنے گھروں میں رکھے ڈرموں میں رکھ لیتے ہیں جس سے نہ صرف ان راستوں کے مکین سخت تعفن کا شکار ہوجاتے ہیں جہاں جہاں سے یہ گاڑیاں یا موٹرسائیکل رکشے جہاں سے گذرتے ہیں بلکہ ان محلہ جات کے مکین سخت مشکلات کا شکار ہے جن گھروں میں یہ آلائشیں محفوظ کی جاتی ہے سماجی فلاحی حلقوںنے ڈی سی اوٹوبہ ٹیک سنگھ سے مطالبہ کیا ہے کہ فی الفور شہریوں کو برائلر کی آلائشیں اکھٹی کرنے والی گاڑیوں سے نجات دلائی جائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) وفاقی حکومت لوگوں کا معیار زندگی بہتر بنانے کی بجائے غربت کے خاتمہ کے لیے اقدامات کرے مسلم لیگ ن نے الیکشن میں نوجوانوں کو قرضوں کا ، لولی پاپ دے کر انتظار کے تکلیف دہ مراحل میں پھینک دیا بہتر تو یہ تھا کہ غریبوںکے لئے ضروریات زندگی کی تمام اشیا میں ریلیف دیا جاتا تاکہ انہیں ملک میں جمہوری حکومت کی موجودگی کا تاثر مل سکتاتاہم موجودہ حالات میںجمہوریت اور آمریت کا موازنہ کرنا ممکن نہیںرہا ان خیالات کا اظہار رانا محمد جمیل راہنما مزدور کسان اتحا کونسل نے اپنے بیان میں کیا انہوںنے کہاکہ میاں نواز شریف نے اپنے پہلے خطاب میں نوجوانوں کے لیے مختلف پیکجزکا اعلان کیا جس کے ذریعے غریب عوام کوخوشحال بنانے کے دعوے کیے ان وعدوں اور دعووں جس میں نوجوانوں کو چھوٹے قرضوں کی آسان شرائط پر فراہمی کا عندیہ دیا گیا تین سال گذرنے کے باوجود کسی قسم کی پیش رفت نہ ہوسکی حکومت کے ایسے جعلی منصوبوں سے لگتا ہے کہ وہ غربت ختم کرنے کی بجائے آئی یم ایف کے ایجنڈے کی تکمیل کے لئے ملک سے غریب ختم کررہی ہے ۔انہوںنے کہا کہ حالات اسی طرح رہے تو کسی بھی وقت انقلاب نکل سکتا ہے جبکہ بھوک اورننگ کی وجہ سے ڈکیتیوں کے نام پر خانہ جنگی جاری ہے جوآہستہ آہستہ بڑہ رہی ہے ۔مہنگائی کی وجہ سے عوام خودکشیوں پر مجبورہے جبکہ حکمران لوٹ مار میںمصروف ہیںانہیں غربت اور غریبوں کے مسائل سے کوئی دلچسپی نہیں ہے انہوںنے کہا میاں نوازشریف فی الفور اپنے اقتدار کے پہلے خطاب میں کیے گئے وعدوں کو پور اکریں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) علامہ اقبال نے جمہوری عمل کو روحانی اقدار کے تابع قراردیتے ہوئے مغربی جمہوریت کو شہنشاہیت کا متبادل قراردیا مغرب نے جمہوریت کو شہنشاہیت کے پردے میں چھپارکھا ہے اسلام کا مقصودروحانی جمہوریت ہے شاعرمشرق نے اپنے افکا رکی بدولت دریا کو کوزے میں بند کردیا ان کی نظر مشرق مغرب کے تمام فلسفوں اور سیاسی نظریات پر تھی ا ن تجربات کی روشنی میں انہوں نے قوم کی راہنمائی کرتے ہوئے عملی راہ متعین کی مگر آج ہم فکر اقبال سے روگردوانی کرکے بحرانوں کے بھنور میں پھنس کر رہ گئے ہیں ان خیالات کا اظہار فاروق زاہد ڈپٹی ڈسٹرکٹ ایجوکیشن آفیسر نے حکیم الامت ڈاکٹر علامہ محمد اقبال کے139 ویں یوم ولادت کے موقع پر منعقدہ تقریب کے شرکاء سے خطاب میں کیاانہوں نے کہا قوموں کے عروج میں دانشوروں مفکروں کا اہم حصہ ہوتا ہے علامہ محمد اقبال نہ صرف برصغیر پاک وہند کے عظیم شاعر تھے بلکہ امت مسلمہ کے مفکراور قرآن کے عظیم داعی بھی تھے انہیں مفکر پاکستان مصورپاکستان ، مبشر پاکستان ہونے کا اعزا زحاصل ہوا ماسٹر سہیل محمود ڈی ایم نے کہا علامہ محمد اقبال نے خودی کے فلسفہ کی بدولت انسان میں عزت وقار کو بلند تر کردیا حق گوئی بے باکی کو اپنا شعار اپنانے کی تلقین کی عملی زندگی سے انسان جزاسزا کا مستحق ٹھہرتا ہے انسان اپنے عمل کردار کی بدولت فرشتوں سے افضل تر بن جاتا ہے مرد کامل کا تصور فرد کی انفرادی یکتائی کی ترجمانی کا حامل ہے علامہ اقبال نے انسان کی اصلیت واضح کردی کہ یہ خاکی اپنی فطرت میں نہ نوری ہے نہ ناری ہے چوہدری محمداسلم نے کہا علامہ اقبال نے مغربی نظام تعلیم کی حقیقت واضح کرتے ہوئے اس غلامانہ نظام تعلیم کے نتائج اور ہولناکیاں اپنی ملت کے سامنے رکھ دیںجس میں مغربی تعلیمی پالیسی کی بدولت برصغیر میں ملت اسلامیہ کے مستقبل کی تخلیق کاری لارڈ میکالے کی فکری تخم ریزی سے متوقع اگنے والی فصل کی ہولناک اثرانگیزی کو عیاں کرکے رکھ دیا علامہ محمد اقبال کے افکار وخیالات پر روشنی ڈالتے ہوئے انہیں حکیم الامت قرآن اور عاشق رسول ۖ اور مصور پاکستان قرار دیا دین اور سیاست کو ایک دوسرے کے ساتھ جوڑ کر لازم وملزوم بنادیا ان دونوں کی ایک مسابقت کو ضروری قراردیا ، علامہ اقبال نے عہد کے سیاسی نظاموں انکے معمولات ونتائج جمہوریت کا معیار انتخاب مقبولیت انسانی معاشرتی وسیاسی مسائل کو بڑے احسن انداز میں بیان کرکے حقائق واضح کردیے علامہ اقبال نے اپنے نظریہ میں بڑے واضح انداز میںواضح کردیا کہ جو قومیں علم اور تحقیق کو اپنا راہنما بناتی ہے وہ کامیاب وکامران ہوجاتی ہے جو نقش کہن کے بھنور میں پڑجاتی ہے زوال ان کا مقدر بن جاتاہے
