پیرمحل (میاں اسد حفیظ سے ) گورنمنٹ عثمانیہ پرائمری سکول میں تقسیم انعامات کی تقریب منعقد ہوئی تقریب کے مہمان خصوصی سماجی شخصیت میاں اسد حفیظ تھے اس موقع پرہیڈ ماسٹر محمد علی، ٹیچرز ظہور احمد، اسحاق ،جاوید ،سٹاف اور والدین نے شرکت کی تقریب کے دوران سکول میں نمایاں پوزیشنز حاصل کرنے والے طلباء میں میڈلز اور اعزازی ٹرافیاںتقسیم کیں۔میاں اسد حفیظ نے خطاب کرتے ہوئے کہاکوئی بھی معاشرہ تعلیم کے بغیر ترقی نہیں کرسکتا ، موجودہ دور میںبچوں کو جدیدتعلیم کے ساتھ اخلاقی اور مذہبی تربیت کی بھی خاصی ضرورت ہے، تعمیری سوچ کو فروغ دینا ہر فرد پر لازم ہے نئی نسل کی تعمیر و ترقی کے حصول کو یقینی بنانے میں جدید ٹیکنالوجی اور سائنسی علوم پر گرفت مضبوط کرنے کی ضرورت ہے جبکہ استاداور والدین ملکر بچوں کی تربیت میں اہم کردار ادا کرسکتے ہیں۔ انہوں نے کا میاب ہونے والے طلباء اور ان کے اساتذہ کو مبارک باد بھی دی۔ہیڈ ماسٹر محمد علی نے کہاکہ ملک کی تعمیر و ترقی کے لئے تعلیم کی اہمیت ایسے ہی ہے جیسے زندگی کے لئے آکسیجن۔ جو قومیں علم کے بغیر کامیابی کے خواب دیکھتی ہیں وہ احمقوں کی جنت میں رہتی ہیں۔ ہم معیار ی اور اعلیٰ تعلیم کے لئے ہمہ تن مصروف عمل ہیں، سینئرٹیچرظہور احمد نے کہاکہ معیار تعلیم ہی ہماری پہچان ہیں۔ تعلیم کے معیار پر کسی بھی صورت سودے بازی نہیں کی جائے گی، تعلیم کو تجارت نہیں بلکہ عبادت سمجھ کر فروغ دینا چاہتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (میاں اسد حفیظ سے ) کریانہ مر چنٹس ایسوسی ایشن پیرمحل کی جانب سے شٹر ڈئوان ہڑتال کی گی تفصیل کے مطابق ضلعی انتظامیہ کے مبینہ ناروا سلوک کے خلاف ضلعی کریانہ مرچنٹس ایسوسی ایشن کی کال پر پیرمحل کی کریانہ مرچنٹس ایسوسی ایشن کی طرف سے مکمل طور پر شٹر ڈئوان ہڑتال کی گی کریانہ ایسوسی ایشن کے صدر پرویز محمود نے صحافیوں کو بتایا کہ ضلعی انتظامیہ مہنگائی روکنے کی آڑ میں دکان داروں کے بلاجواز چالان اور جرمانے کر رہی ہے جس سے شہر بھر کے کاروباری طبقے میں بے چینی کی لہر دوڑ گئی ہے ، یہ سلسلہ بند نہ ہونے پر ہم ضلعی تنظیم کی کال پر مکمل شٹر ڈاؤن کر دیں گے۔اگر ہمارے مطالبات منظور نہ کئے گئے تو ہڑتال جاری رہے گیمرکزی انجمن تاجران کی صدر میاں طارق کوٹلی والے نے کہاکہ ہم کریانہ ایسوسی ایشن کے ساتھ ہیں ضلعی انتظامیہ اپنی مرضی سے اشیاء خوردنوش کے ریٹ دیتی ہے جبکہ تھوک مارکیٹ سے ریٹ نہیں لیتی اپنی من مرضی کرتی ہے جس کی وجہ سے تمام تاجر پریشان ہیں ہم وزیر اعلیٰ پنجا ب میاں محمد شہبازشریف سے مطالبہ کرتے ہیں کہ ضلعی انتظامیہ کی طرف تاجروں کے ساتھ ناروا سلوک ایکشن لے کر فوری کاروائی کریں
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (میاں اسد حفیظ سے ) کسی شخص کو بھی قانون ہا تھ میں لینے کی اجازت ہر گز نہیں دیں گے ،پولیس کے نوجوان ہر وقت عوام کے تحفظ کیلئے ڈیو ٹیا ں سر انجام دے رہے ہیں ،جرائم پیشہ عناصر کا خا تمہ میر ی اولین تر جیح ہے ،عوام کیلئے میر ے دروازے ہر وقت کھلے ہیں۔ان خیا لا ت کا اظہا رتھانہ پیرمحل میں نئے تعینات ہونے والے ایس ایچ او رانا نصیر حسن نے پریس کلب کے وفد سے خصو صی گفتگو کر تے ہو ئے کیا۔انہو ں نے کہا کہ تمام اے ایس آئیز کو جر ائم کے خا تمہ کیلئے ہدایا ت کر دی گئیں ہیں اور جو شخص بھی کسی غیر قا نو نی دھند ے میں ملو ث پا یا جا ئے اسکے خلا ف سخت سے سخت قا نو نی کا روائی عمل میں لا ئی جا ئے۔پیرمحل شہراور گر دونو اح میں امن واما ن کو کنٹرول کر نے کیلئے پو لیس کے نو جوان ہر وقت تیا ر ہیں اور گشت کے نظا م کو مز ید بہتر کیا جا رہا ہے تا کہ جر ائم پیشہ عنا صر کا گھیرا مز ید تنگ کیا جا ئے کسی شخص کو بھی غیر قا نو نی کا م کر نے کی اجازت کسی صورت نہیں دی جا سکتی اور جو بھی عنا صر قا نو ن کو ہا تھ میں لینے کی کو شش کرے گا اسکے خلاف سخت سے سخت قانونی کاروائی عمل میں لائی جائے گی۔ میر ے دروازے ہر وقت عوام کیلئے کھلے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (میاں اسد حفیظ سے ) گورنمنٹ سپیشل ایجوکیشن سنٹر پیرمحل میں زیر تعلیم متاثرہ سماعت ، نابینا، ذہنی پسماندہ اور جسمانی ناہموار بچوں کے سالانہ جائزہ امتحان کے نتائج کا اعلان کردیا گیا، انچارج داخلہ و آگاہی مہم سینئر سپیشل ایجوکیشن ٹیچر بشیر احمد ربانی نے سپیشل بچوں کے نتائج کا اعلان کیا، ووکیشنل ٹریننگ انسٹی ٹیوٹ کے پرنسپل وقاص چوہدری ، متاثرہ سماعت ٹیچر حمیرہ صدیقہ امین،ایڈمن آفیشل ممتاز حسین اور سپیشل بچوں کے والدین بھی اس موقع پر موجود تھے، وقاص چوہدری نے خطاب کرتے ہوئے کہاکہ سپیشل بچوں کو معاشرے کے مفیداور ذمہ دارشہری بنانے کے لئے تعلیم و تربیت اور کردارسازی کی اشد ضرورت ہوتی ہے، سپیشل ایجوکیشن ٹیچرز کا کردار قابل تعریف ہے۔ بشیر ربانی نے کہاکہ سپیشل ایجوکیشن اداروں میں سپیشل بچوں کو تمام سہولیات کی فراہمی یقینی بنائی جارہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔
مہنگے داموں گھی فروخت کرنے والے تین دوکاندار پر الگ الگ مقدمات درج تفصیل کے مطابق ڈی سی او ٹوبہ ٹیک سنگھ کی خصوصی ہدایت پر سپیشل مجسٹریٹ پرائس کنٹرول چوہدری منظر حفیظ اورطارق جاوید کمبوہ نے دوکانداروں کے نرخ نامے چیک کئے ـ چیکنگ کے دوران مہنگے داموں گھی فروخت کرنے والے دوکانداروں جن میں محمد ہارون ، محمد رمضان ولد خوشی محمد،راشد حمید ولد عبدالحمید کو گرفتار کرکے پرائس کنٹرول ایکٹ کے تحت الگ الگ مقدمات درج کرکے قانون کے مطابق کاروائی کا آغاز کر دیا سپیشل مجسٹریٹ چوہدری منظر حفیظ نے صحافیوں کو بتایا کہ گراں فروشی کے خلاف مہم جاری رہے گی اور قانون کی خلاف ورزی کے مرتکب دوکانداروں کے خلاف مزید سخت کاروائی کی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (میاں اسد حفیظ سے ) بھائی سے جھگڑ کربہن نے پسٹل سے گولی مارکرخودکشی کرلی تفصیل کے مطابق نواحی گائوں 753گ ب کے رہائشی شیر محمد کی جوان سالہ بیٹی صائمہ بی بی کی کسی بات پر اپنے سگے بھائی سے جھگڑ ہو گیاصائمہ بی بی نے گھر میں موجود پسٹل سے خود کو فائر مارکر خودکشی کرلی تھانہ اروتی پولیس کے ایس ایچ او چوہدری مختار احمد نے نعش تحویل میں لے کر قانونی کاروائی شروع کردی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (میاں اسد حفیظ سے ) ناقص سیکورٹی ڈیوٹی انجام دینے والے اہلکار کو ڈی پی او ٹوبہ ٹیک سنگھ نے معطل کردیا تفصیل کے مطابق تھانہ پیرمحل میں تعینات سیکورٹی اہلکار راشدنوید کو ناقص سیکورٹی ڈیوٹی انجام دینے پر ڈی پی او رانا شہزاد اکبر نے معطل کردیا اس کی جگہ پر عبدالشکور کو تھانہ پیرمحل میں تعینات کردیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (میاں اسد حفیظ سے ) پیرمحل (میاں اسد حفیظ سے ) پرنسپل کالج کے اعزاز میں الوادعی تقریب کا انعقاد تفصیل کے مطابق گورنمنٹ فرید بخش سائنس ڈگری کالج فریدآباد کے پرنسپل چوہدری بشارت جاوید کے اعزاز میں الوادعی تقریب کا انعقاد کیا گیا تقریب میں سابق پرنسپل کالج ہذاچوہدری خورشیدعلی، چوہدری اشرف علی، چوہدری نثار احمد،کرنل(ر) اسلم، ڈاکٹر عارف سیلم عارف، چوہدری طارق منیر، چوہدری افتخار احمد نمبردار، پروفیسرز ناصر محمود، سرفراز احمد، غلام حسین، رحیم احسن،سمیت پروفیسر وں اورسٹاف نے شرکت کی سابق پرنسپل چوہدری خورشید نے خطاب کرتے ہوئے کہاکہ تدریس کا مقدس پیشہ انسانی ذہن اور روح کو علم کی روشنی سے منورکرتاہے۔ تدریس ہی انسانی رویوں میں مثبت تبدیلی لا کر زندگی کو آسودہ بنا دیتی ہے۔ تعلیمی سرگرمیوں کی کامیابی کا تمام تر انحصار تدریسی طریقہ کار کی کامیابی پر ہے۔انہوں نے کہاکہ ریٹائر ہونے والے پرنسپل چوہدری بشارت جاوید کی کالج کے لیے 17سالہ تدریسی و انتظامی خدمات کو شاندار الفاظ میں سراہا اور امید ظاہر کی کہ کالج کے نئے پرنسپل چوہدری نثار احمدتعلیمی و سماجی روایات کو برقرار رکھیں گے۔ چوہدری بشارت جاوید نے خطاب کرتے ہوئے کہاکہ میںنے ہمیشہ نیک نیتی ، ایمان داری اور خلوص نیت سے ذمہ داریاں سرانجام دیں۔ انہوں نے عزت افزائی پر تمام سٹاف ممبران کا خصوصی شکریہ اداکیا۔انہوں نے کہا کہ میںنے کالج 1998میں شمولیت اختیارکی ، کالج کو ڈویثرن فیصل آباد کے اچھے کالجوں اور یونیورسٹی کی سطح کے تعلیمی معیار میں بہتری کے لیے اپنا فعال کردار ادا کیا،ہمارے طالب علموں نے تعلیمی اور کھیل کے میدان میں ڈوثیرن میںاچھی پوزیشن حاصل کیں،نئے پرنسپل چوہدری نثار احمد بھی بھرپور محنت اور لگن سے اس نئی ذمہ داری کو نبھائیں گے۔ نئے پرنسپل چوہدری نثار احمد نے کہاکہ ریٹائرڈ ہونے والے پرنسپل چوہدری بشارت جاوید کی خدمات لائقِ تحسین ہیں، انہوں نے کہاکہ بشارت جاوید نے کالج میں طلباء کا نظم و ضبط، کھیلوں اور ہم نصابی سرگرمیوںکے فروغ کے ساتھ ساتھ لائبریری کو بہتر بنانے کر ڈوثیرن کی نمبرون لائبریری کا درجہ دلوانے میں اہم کردار ادا کیا اور کالج کے لئے پانچ کروڑ روپے سے زائدکی گرانٹ سے ترقیاتی کاموں کروانے بھی بشارت جاوید کے اہم کارنامہ میں شامل ہے
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (میاں اسد حفیظ سے ) لاری اڈا پیرمحل کے دونوں مین گیٹ بند لاری اڈاکے تاجروں کا احتجاج تفصیل کے مطابق پیرمحل لاری اڈا جہاںسے تقریبا بارہ سے زائد روٹس پر ویگنیں بسیں ہزاروں مسافروں کو لے کر اپنی منزل مقصود تک پہنچاتی ہے جس میں آنے اور جانے کے لیے دوگیٹ استعمال کیے جارہے جس میں آنے والے راستے پر ٹرانسپورٹرنے غیرقانونی طور پراے سی روڈ لائینرکا اڈا بنارکھا ہے جبکہ اس کے ساتھ انتظامیہ نے رکشہ سٹینڈ بناکر لاری اڈا کے اند رجانے والی ٹریفک کو بالکل بند کردیا جس سے نہ صرف لاری اڈاکے تاجر جنہوںنے ہزاروں روپے ماہانہ پر دکانیں کرایہ پر حاصل کررکھی ہے کے کاروبارتباہ ہوچکے ہیں بلکہ بارہ روٹس پر جانے والی سینکڑوں بسیں ویگنیںپرائیویٹ جگہوں پر اپنے اڈے بنانے کے منصوبے سوچ رہے ہیں تاجرحلقوں نے ، ڈی سی او اورڈی پی او ٹوبہ ٹیک سنگھ سے مطالبہ کیاکہ لاری اڈاپیرمحل کے مین گیٹ ہائے پر روڈلائنر کو روکنے کا سلسلہ بندکیا جائے تمام روٹس پر چلنے والی اے سی بسوں اور کوچز کو جنرل بس اسٹینڈ کے اندر بنائے گئے مجوزہ بیس سے نکالاجائے۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (میاں اسد حفیظ سے ) تھانہ صدر پیرمحل میں نئے تعینات ہونے والے ایس ایچ او چارج سنبھال لیا تفصیل کے مطابق ڈی پی او ٹوبہ ٹیک سنگھ شہزاد اکبرنے پیرمحل میں امن وامان کو کنٹرول نہ کرنے پر ایس ایچ او الیاس بیگ کو معطل کرکے رانانصیر حسین کو ایس ایچ او تھانہ پیرمحل میں تعنیات کردیا گیارانا نصیر حسین نے چارج سنبھال کر کام شروع کردیا۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (میاں اسد حفیظ سے ) سنی اتحاد کونسل علماء بورڈ کے وائس چیئرمین مفتی محمد اکبر رضوی نے اپنے بیان میں کہا ہے بنی آخر الزماں کے توہین آمیز خاکوںکی امریکہ میں نمائش، ہماری غیرت ایمانی کوللکارہی ہے، انہوں نے سوچی سمجھی سازش کے تحت صہیونی طاقتیں نبی پاک کی شان اقدس میں گستاخیاں کر نے کیسا تومسلمانوں پر دہشت گردی کی چھاپ لگاکر مذہب اسلام کو بدنام کرنے کے منصوبے پر عمل پیرا ہیں، انہوں نے کہا مسلمانوںکو دہشت گرد گرداننے والے امریکہ واسرائیل خود سب سے بڑے دہشت گرد ہیں جبکہ امریکہ میں مقیم غیر مسلم بنی پاک کی تعلیمات سے متاثر ہو کر تیزی سے اسلام کی جانب راغب ہو رہے ہیں۔ انہوں نے کہا کہ توہین آمیزخاکوں کی نمائش کو رکوانے کے لئے وفاقی حکومت امریکی حکومت پر دبو ڈالے کہ نمائش کو روک جائے جبکہ اس موقعہ پر جماعت اہل سنت سنی تحریک کے سٹی عہدید اران بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔
