پولیس کا جواء کے اڈا پر چھاپہ پانچ جواری گرفتار۔تفصیل کے مطابق پولیس نے مخبر کی اطلاع
پیرمحل ( میاں اسد حفیظ سے) پولیس کا جواء کے اڈا پر چھاپہ پانچ جواری گرفتار۔تفصیل کے مطابق پولیس نے مخبر کی اطلاع پر مدینہ رو ڈپر واقع ویلکم ٹینٹ سروس پر لڈو پر جواء کھیلتے پانچ جواری محمد اقبال ولد محمد طفیل ،لیاقت علی ولد محمد ارشاد ،محمد سہیل ولد صابر علی ،شکیل احمد ولد بشیر احمد ساکنان محلہ غوثیہ آباد محمد شہزاد ولد محمد حاجی تاج محمد سکنہ Cپلاٹ کو رنگے ہاتھوں گرفتار کرتے ہوئے جواء پر لگی رقم5560روپے تحویل میں لیتے ہوئے مذکورہ بالا پانچوں ملزمان کے خلا ف 5قمار بازی آرڈینینس کے تحت مقدمہ کا اندراج کر کے کاروائی کا عمل شروع کر دیاتھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحصیل سرکل پیرمحل میں تعینات ٹریفک پولیس افسران حامد علی اور محمد وحیدنے ماہ دسمبر2014میں 375گاڑیوں کے چالان
پیرمحل ( میاں اسد حفیظ سے) تحصیل سرکل پیرمحل میں تعینات ٹریفک پولیس افسران حامد علی اور محمد وحیدنے ماہ دسمبر2014میں 375گاڑیوں کے چالان کرنے کے علاوہ1,21,850روپے جرمانہ بھی کئے۔جب کہ پولیس افسران نے دھواں چھوڑنے والی اوور لوڈ اگاڑیوں کے علاوہ بغیر ہیلمٹ کے موٹر سائیکل چلانے والے موٹر سائیکل سواروں کے خلاف بھی کاروائی عمل میں لائی۔مذکورہ افسران نے ایک ملاقات میں بتایا کہ قانون سے کوئی بھی شہری بالا تر نہیں۔ٹریفک قوانین پر عمل درآمد کروانا ہماری اولین ذمہ داریوں میں شامل ہے۔انہوں نے بتایا کہ بھاری ٹریفک کو کسی صورت بھی شہرکی وسطی شاہراہ سے نہیں گزرنے دیا جائے گا اور یہ با ت یقینی بنائی جائے گی کہ تمام بھاری ٹریفک کا گزر بائی پاس روڈ سے ہو۔جب کہ کم عمر رکشہ ڈرائیوروں کے خلاف بھی ہنگامی بنیادوں پر کاروائی عمل میں لائی جا رہی ہے اور ساتھ گاڑیوں اور موٹرسائیکلوں پر لگے پریشر ہارن کی تلفی بھی ہر صورت یقینی بنائی جائے گی۔ علاوہ ازیں ختم ہونے والے مہینہ کے دوران وقتاً فوقتاً ٹریفک پولیس افسران نے ٹریفک قوانین بارے آگاہی دینے کیلئے بسوں ،ویگنوں ،رکشائوں کے ڈرائیوروں کو ٹریفک قوانین بارے لیکچرز بھی دیئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شہر کے گنجا ن آباد محلہ جات گندگی کی آمجگاہ بن گئے شہریوں کا مساجدمیں جانا بھی دشوار ہو گیا
پیرمحل ( میاں اسد حفیظ سے) شہر کے گنجا ن آباد محلہ جات گندگی کی آمجگاہ بن گئے شہریوں کا مساجدمیں جانا بھی دشوار ہو گیا۔تفصیل کے مطابق محلہ غوثیہ آباداور محلہ مسجد بلاک شہر کے سب سے زیادہ آبادی رکھنے والے محلے ہیں جن میں روز بروز بڑھتی گندگی و غلاظت کی وجہ سے رہائشی افراد کی زندگیاں اجیرن ہو گئیں ہیں۔گلی محلوں میں پڑے گندگی کے ڈھیر تحصیل انتظامیہ کی مبینہ غفلت و لاپرواہی کی زند ہ مثال ہیں۔مذکورہ محلہ جات میں سیوریج کا بھی مناسب بندوبست نہ ہونے سے نالیوں اور گٹرو ںکا گندا پانی گلیوں میں جمع ہونے کے بعد شہریوںکے گھروں میں داخل ہو رہا ہے جبکہ مساجد کے ارد گرد گندگی سے اٹی نالیوں سے اس قدر تعفن پھیلا ہوا ہے کہ نمازیوں کا مسجد میں نماز ادا کر نا بھی دشوار ہو گیا ہے۔سروے کے دوران شہریوں نے بتایا کہ ہمیں اپنے گلی محلوں کی صفائی کروانے کیلئے بااثر افراد کی سفارشات کا سہارا لینا پڑ رہا ہے اس سے بڑی تحصیل انتظامیہ کی نا اہلی کیا ہو سکتی ہے کہ محلہ جات کی جامع مساجد کے ارد گرد اور مساجد میں صفائی کا کوئی خاطر خواہ انتظام نہیں۔انہوں نے بتایاکہ تحصیل انتظامیہ کی جانب سے شہر میں صفائی کی صورتحال کو بہتر بنانے کیلئے چیف آفیسر آفس میں ایک شکایت سیل بھی قائم کیا گیا مگر وہاں پر شکایا ت کا اندراج ہونے پر بھی صفائی کی صورتحال روز بروز ابتر ہونا لمحہ فکریہ سے کم نہیں۔انہوں نے کہا کہ جب بھی گلی محلوں کی صفائی کیلئے التجا ئ کی گئی تو یہ کہہ کر ٹرخا دیا جاتا ہے کہ سینٹری ورکرز کم ہونے سے صفائی سمیت دیگر مسائل سامنے آ رہے ہیں۔اور یہ بات بھی علم میں آئی ہے کہ سینٹری ورکرز شہریوں کے گھروں سے روپے لے کر کوڑا کرکٹ اٹھاتے ہیں مگر نالیوں اور گٹروں کی غلاظت گلیوں میں پڑی رہتی ہے۔شہریوں نے مزید بتایا کہ ہم بھی دیگر شہریوں کی طرح حکومت کی جانب سے عائدتما م ٹیکسز ادا رکرتے ہیں مگر پھر بھی ہم سے سوتیلی ماں جیسا سلوک سمجھ سے بالا تر ہے۔ شہریوں نے مزید بتایا کہ محلہ غوثیہ آبادسے ملحقہ گرائونڈمیں لگنے والے “منگل بازار” کی صفائی ہر ہفتہ معمول کے مطابق کی جاتی ہے مگر چند فرلانگ کے فاصلے پر مسجد تحصیل انتظامیہ کی نظروں سے اوجھل ہے۔ہم DCOٹوبہ ٹیک سنگھ وقاص عالم سے پر زور اپیل کرتے ہیں کہ ہماری حالت زار پر ترس کھاتے ہوئے محلہ غوثیہ آباد اور مسجد بلاک کا وزٹ یقینی بنایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پولیس کا چھاپہ شراب کی چالو بھٹی پکڑی گئی۔تفصیل کے مطابق تھانہ میں تعینات
پیرمحل ( میاں اسد حفیظ سے) پولیس کا چھاپہ شراب کی چالو بھٹی پکڑی گئی۔تفصیل کے مطابق تھانہ میں تعینات اسسٹنٹ سب انسپکٹر غلام مرتضیٰ نے مخبر کی اطلاع پر سندھیلیانوالی روڈ پر واقع گائو 686/27گ ب میں اچانک چھاپہ مارتے ہوئے مسمی شہزاد رضا قو م راجپوت کو مکان کے ملحقہ احاطہ میں شراب کشید کرتے ہوئے رنگے ہاتھوں پکڑ کر 30لیٹر تیار شراب دیسی اور30لیٹر لھن سمیت دیگر شراب کشید آلات تحویل میں لیتے ہوئے مذکورہ ملزم کے خلاف سال 2015کا پہلا مقدمہ درج کروا دیا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پولیس نے سرکاری لکڑی چوری کرنے کی کوشش ناکام بنا دی ملزم کے خلاف مقدمہ درج
پیرمحل ( میاں اسد حفیظ سے) پولیس نے سرکاری لکڑی چوری کرنے کی کوشش ناکام بنا دی ملزم کے خلاف مقدمہ درج۔تفصیل کے مطابق پیٹرولنگ پولیس چوکی واہگی میں تعینات اسسٹنٹ سب انسپکٹر قیصر اشفاق کو مخبر نے اطلاع دی تھی کہ گائوں 741گ ب کا شاہد اللہ ولد شہامد ٹریکٹرٹرالی نمبری DNBـ9819 پر بھسی جنگل سے ہزاروں روپے مالیت کی سرکاری لکڑی چوری کر کے فرار ہو رہا ہے جس پر پیٹرولنگ پولیس نے فوری کاروائی کرتے ہوئے ٹریکٹر ٹرالی تحویل میں لے کر ڈرائیور کے خلاف تھانہ پیرمحل میں مقدمہ کا اندراج کرواد یا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صحافی کے پلاٹ پر قبضہ کی کوشش ملازمہ پر وحشیانہ تشدد پلاٹ کی چار دیواری بھی گراڈالی
پیرمحل ( میاں اسد حفیظ سے) صحافی کے پلاٹ پر قبضہ کی کوشش ملازمہ پر وحشیانہ تشدد پلاٹ کی چار دیواری بھی گراڈالی۔تفصیل کے مطابق مقامی صحافی نواب جمیل احمد خاں نے بروئے انتقال نمبری1224رقبہ بقدر ‘4Kـ0Mکا مالک اور مربع نمبر 56کیلہ نمبر 16پر سال 1998ئ سے قابض ہے۔مذکورہ رقبہ مستغیث حمزہ سٹی ہائوسنگ سکیم چک نمبر 320گ ب کی چار دیواری کے باہر ملحقہ چار دیواری حمزہ سٹی ہائوسنگ سکیم ہے جو کہ خوشی محمد علی بخش ولد علی بخش کا مختار عام ہے نے رقبہ ‘9Kـ8Mبروئے انتقال نمبر 3329مورخہ 14ـ06ـ2010کو خرید کیا ہے۔انتقال حمزہ سٹی ہائوسنگ سکیم کے مالکان نے مبینہ طور پر سازش کرتے ہوئے مسمی خوشی محمد کے نام کروا دیا جس کا موقع پر قبضہ خوشی محمد کے نام منتقل نہ ہوا جس پر شہزاد سرو ر ولد معراج دین ،گل اکبر ولد رانا پولو ،عرفان اور بارہ کس نامعلوم افراد نے صحافی کے پلاٹ پر قبضہ کرنے کی کوشش کرتے ہوئے چار دیواری پختہ کمرہ اورنصب دروازہ توڑ ڈالا اور زبردستی اندر داخل ہو کر ملازمہ امیراں بی بی زوجہ غلام محمد کو وحشیانہ تشدد کا نشانہ بنا ڈالا۔خاتون کی چیخ و پکار پر غضنفر عباس ولد شیر محمد سردار امیر نے موقع پر پہنچ کر قبضہ گروپ سے خاتون کی جان بخشی کروائی۔پلاٹ پر قبضہ کی کوشش کرنے والے عناصر اور ان کی پشت پناہی کرنے والوں کے خلاف صحافی نواب جمیل احمد خاں نے تھانہ پیرمحل پولیس کو اندراج مقدمہ کیلئے درخواست گزار دی تھی۔ جب کہ دوسری جانب تحصیل کی صحافی برادری نے ڈسٹرکٹ پولیس آفیسر سے پرزرور مطالبہ کیا ہے کہ قبضہ مافیہ کے ناسور کو ختم کرنے کیلئے درخواست میں نامزد افراد کے خلاف جلد از جلد مقدمہ کا اندراج کیا جائے۔
