بھمبر ( ڈسٹرکٹ رپورٹر ) یونین کونسل ملوٹ میرا آبائی گھر ہے حکمرانوں نے ایک سازش کے تحت یونین کونسل ملوٹ کے عوام کا استحصال کیا 30 ہزار نفوس پر مشتمل آبادی کو صحت، تعلیم سمیت دیگر بنیادی سہولتوں سے محروم رکھ کر انہیں پسماندہ تر پسماندہ کر کے اپنا غلام بنایا گیا سیاست میں قدم رکھ دیا آئندہ کسی کو یونین کونسل ملوٹ میں سیاست کو کاروبار نہیں بنانے دینگے آمدہ الیکشن میں حلقہ برنالہ سمیت یونین کونسل ملوٹ میں خدمت کی سیاست متعارف کرائینگے ان خیالات کا اظہار امیدوار اسمبلی حلقہ برنالہ عبدالمالک اعوان نے ڈھمک میں اپنے ڈیرہ پر ملنے والے مختلف عوامی وفود سے ملاقات کے دوران کیا انہوں نے کہا کہ موجودہ حکمرانوں نے یونین کونسل ملوٹ کو جو حلقہ برنالہ کی سب سے بڑی یونین کونسل ہے کو جان بوجھ کر پسماندہ رکھا ہے یونین کونسل ملوٹ کی آبادی 30 ہزار سے زائد ہے لیکن علاقہ میں نہ تو کوئی بہترین ہسپتال اور نہ ہی لڑکوں اور لڑکیوں کیلئے کالجز ہیں حتیٰ کہ کئی کئی سالوں سے پرائمری اور مڈل سکول بھی اپ گریڈ نہ ہو سکے جس کے باعث علاقے کے بچے روز بچیاں نہ صرف اعلیٰ تعلیم سے محروم ہیں بلکہ ان کا مستقبل بھی تباہ ہو کر رہ گیا ہے اور اس کی تمام تر ذمہ داری حلقہ سے منتخب ہونیوالوں پر ہے انہوں نے کہا کہ آئندہ الیکشن میں حلقہ کے عوام کے حقوق غصب کرنے والوں کا بھر پور محاسبہ کریںگے اور حلقہ کے عوام کو ان کے حقوق ولانے کیلئے آئندہ بھر پور کردار ادا کرینگے برنالہ کے عوام نے حکمرانوں سے تنگ آ کر سگنل دے دیا ہے عوام کی طاقت سے انشاء اللہ آئندہ الیکشن میں بھر پور کامیابی حاصل کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر (ڈسٹرکٹ رپورٹر ) بھمبر اور گرد و نواح میں پٹرول ناپیدہو گیا نظام زندگی مفلوج ٹرانسپورٹ جام سڑکیں اور بازار سنسان عوام کو شدید مشکلات اور پریشانی کا سامنا پٹرول پمپ بند تیل ایجنسیاں بلیک میں مہنگے داموں پٹرول فروخت کرنے لگی کئی مسافر پھنس کر رہ گئے تفصیلات کے مطابق ملک بھر کی طرح بھمبر اور گرد و نواح میں پٹرول ناپید ہو گیا جس کے باعث نظام زندگی مفلوج ہو کر رہ گیا پٹرول پمپ بند تیل ایجنسیاں بلیک میں مہنگے داموں پٹرول فروخت کرنے لگیں پٹرول کی عدم دستیابی کے باعث پبلک ٹرانسپورٹ بند ہو گئی جبکہ رکشہ اور ٹیکسی والوں نے من مانے کرائے وصول کرنے شروع کر دئیے ٹرانسپورٹ کی بندش کے باعث لوگوں کی آمدو رفت کا سلسلہ رک گیا جس کے باعث سڑکیں اور بازار سنسان پڑے ہیں تاجروں کا کاروبار بھی شدید متاثر جبکہ سرکاری دفاتر اور سکولوں میں بھی حاضری کم ہونے لگی کئی مسافر بھی پھنس کر رہ گئے پٹرول کی عدم دسیتابی پر عوام شدید مشکلات اور پریشانی کا سامنا کر رہے ہیں عوام نے حکومت سے مطالبہ کیا ہے کہ وہ پٹرول فراہم کرنے کیلئے فوری طور پر اقدامات عمل میں لائے اور ملک کے اندر پٹرول فراہم کر کے عوام کی پریشانی کو دور کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) ملکی سیکورٹی صورتحال کے پیش نظربھمبر میں پولیس کی کارروائیوں کا خوف بھکاریوں نے نواحی علاقوں میں ڈیرے ڈال لیے گائوں گائوں گداگری میں مصروف کئی جرائم پیشہ بھی بھکاریوں کے روپ دھار کر نواحی علاقوں کیلئے خطرہ بن گے عوام علاقہ پریشان، سیکورٹی اثرات نواحی علاقوں تک پہنچائیں جائیں عوام علاقہ کا انتظامیہ سے مطالبہ تفصیلات کے مطابق ملکی سیکورٹی صورتحال کے پیش نظر بھمبر شہر میں پولیس کی کارروائیوں کے باعث شہر میں گدا گری کرنے والے بھکاریوں نے نواحی علاقوں اور دیہاتوں میں ڈیرے ڈال لئے بھکاری مردو خواتین گائوں گائوں جا کر گداگری میں مصروف ہیں جبکہ کئی جرائم پیشہ افراد بھی بھکاریوں اور ملنگوں کے روپ دھار کر کئی علاقوں میںگشت جاری رکھے ہوئے ہیں جس سے علاقے میں خوف و ہراس پھیلا ہوا ہے عوام علاقہ نے ضلعی انتظامیہ سے مطالبہ کیا ہے کہ سیکورٹی صرف شہروںعلاقوں تک محدود نہ رکھی جائے بلکہ نواحی علاقوں میں بھی سیکورٹی دی جائے اور علاقے میں پھرنے والے بھکاریوں کے خلاف ایکشن لے کر علاقے میں امن و امان برقرار رکھنے کیلئے کوششیں کی جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر (ڈسٹرکٹ رپورٹر ) گرلز پرائمری سکول سیرلہ میں خلاف میرٹ ہونیوالی تقرری کسی صورت قبول نہیں کی جانیوالی بوگس تقرری فی الفور منسوخ کی جائے بصورت دیگر سکول کو تالا لگا کر بند کر دینگے وزیر تعلیم آزاد کشمیر نوٹس لیکر ذمہ داران کیخلاف کارروائی عمل میں لائیں ان خیالات کا اظہار راجہ محمد اقبال آف سیرلہ نے اپنے بیان میں کیا انہوں نے کہا کہ گرلز پرائمری سکول سیرلہ میں کالرہ نائب قاصدہ کی خالی آسامی پر پہلا حق مقامی امیدوارہ کا ہے ایجوکیشن ڈیپارٹمنٹ بھمبر کے ذمہ داران نے دوران انٹرویو ، قوائد و ضوابط کو نظر انداز کر کے خلاف میرٹ زائد العمر خاتون کی بھرتی عمل میں لا کر نہ صرف قانون کی دھجیاں بکھیری ہیں بلکہ غریب اور میرٹ پر آنے والی امیدوارہ کا استحقاق مجروع کیا گیا جو اہلیان سیرلہ کو کسی صورت قبول نہیں انہوں نے کہا کہ ہم نے ڈسٹرکٹ ایجوکیشن آفیسر بھمبر پر واضح کر دیا ہے کہ خلاف میرٹ ہونیوالی تقرری فی الفور منسوخ کی جائے بصورت دیگر اہلیان سیرلہ سکول کو تالا لگا کر بند کرنے پر مجبور ہو جائینگے اور میرٹ پر آنے والی مقامی امیدورارہ کے حق میں فیصلہ دے کر انصاف کے تقاضے کو پورا کیا جائے انہوں نے کہا کہ ہمارا وزیر تعلیم آزاد کشمیر سے مطالبہ ہے کہ سیرلہ گرلز پرائمری سکول میں ہونیوالی بوگس اور خلاف میرٹ ہونیوالی تقرری کا نوٹس لیا جائے اور قوائد و ضوابط کی دھجیاں بکھیرنے والے ایجوکیشن ڈیپارٹمنٹ کے ذمہ داران کے خلاف کارروائی عمل میں لائی جائے۔
