جھنگ (ڈسٹرکٹ رپورٹر) ضلع جھنگ کی شہری حددو میں باربی کیو ہوٹلز شہریوں کیلئے مضر صحت کھانوں کا مرکز بن گئے ،جگہ جگہ گندگی ،صفائی کا نظام ناقص ،کیش بک نشتہ ،من پسند ریٹ ،حفظان صحت کے اصولوں کے منافی پالیسی، ہوٹلز مالکان اثر رسوخ اور رشوت کی بنیاد پر ضلعی انتظامیہ کے افسران پر حاوی اعلیٰ حکام سے کارروائی کا مطالبہ ۔تفصیلات کے مطابق ضلع جھنگ اور اس کے گردو نواح بار بی کیو ہوٹلز شہریوں میں مضر صحت کھانے بنا کر فروخت کر رہے ہیں ۔بار بی کیو ہوٹلز حفظان صحت کے اصولوں کے منافی چل رہے ہیں ۔کھانہ کھانے کے بعد شہریوں کو کھانے کا بل بھی نہیں دیا جاتا جبکہ من پسند ریٹ مقرر کر رکھے ہیں ۔پرانا چنیوٹ روڈ پر واقع نیو لاثانی ہوٹل با ر بی کیو کے مالکان کا کہنا ہے کہ اگر ڈی سی او بھی آ جائے تو ہم پکا بل نہیں دیں گے ۔اثرو رسوخ ہونے کی وجہ سے کوئی بھی ہمارا ہوٹل سیل نہیں کر سکتا ۔مل بانٹ کر کھانے کی پالیسی پر عملدآمد ہیں ۔شہریوں کا کہنا ہے کہ مذکورہ ہوٹل پر روٹی اور کھانے بھی باسی ملتے ہیں جبکہ غیر معیاری کھانے کھانے کی وجہ سے شہری مختلف بیماریوں میں مبتلا ہو رہے ہیں روٹی کا وزن بھی کم دیا جاتا ہے نیز شہریوں سے پیسے بھی زیادہ لئے جاتے ہیں ۔ معتبر ذرائع سے معلوم ہوا ہے کہ اس ہوٹل کے بے ضابطگوں کے خلاف سینٹری انسپکٹر ہیلتھ نے مذکورہ ہوٹل کا چالان بھی کیا ہے ۔شہریوں نے نیو لاثانی ہوٹلز کے علاوہ شہر بھر میں بنے ہوٹلوں کے کریک ڈاؤن کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) ڈسٹرکٹ کوآرڈی نیشن آفیسر غازی امان اللہ نے انچارج اراضی ریکارڈ سنٹرکو ہدایت کی ہے کہ فرد ملکیت و انتقالات کے سلسلہ میں آنے والے اراضی مالکان کی زیر التواء درخواستوں کو جلد از جلد نمٹائیں۔اس ضمن میں عوام کی خدمت، فلاح و بہبود اور دادر سی ہمارا نصب العین ہونا چاہیے اور اس فرض کی بجا آوری میں کسی قسم کی سستی ہرگز برداشت نہیں کی جائیگی۔یہ ہدایات انہوںنے اراضی ریکارڈ سنٹر کے اچانک دورہ کے دوران جاری کیں۔ اس موقع پرڈی او زراعت اوردیگر متعلقہ افسران بھی انکے ہمراہ تھے۔ڈی سی او غازی امان اللہ نے کہا کہ اراضی ریکارڈ سنٹر پرلوگوں کیلئے بیٹھنے کی جگہ اور دیگر امور کا خاص خیال رکھا جائے اور ٹوکن سسٹم سے لیکر آخری مراحل کے دوران عوام سے انتہائی خوش اخلاق طریقے سے پیش آیا جائے۔انہوںنے محکمانہ سروسز کے معیار میں بہتری لانے کے حوالہ سے سٹاف کی حاضری ، صفائی ستھرائی اوردیگر امور کی مانیٹرنگ روزانہ کی بنیاد پر کو سو فیصد یقینی بنانے کی ہدایت جاری کی۔ڈی سی او غازی امان اللہ نے عوام کی سہولیات کے پیش نظراراضی ریکارڈ سنٹر کے باہرمرد وخواتین کیلئے بنائے گئے اضافی ہیلپ ڈیسک اور بیٹھنے کیلئے علیحدہ انتظامات کا بھی جائزہ لیااور اس حوالہ سے لینڈ ریکارڈ انتظامیہ کو احکامات جاری کئے ۔بعد ازاں ڈی سی او نے موقع پرلوگوں کے مسائل سنے اور ترجیحی بنیادوںپرفوری حل کی یقین دہانی کرائی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) ڈسٹرکٹ کوآرڈی نیشن آفیسرغازی امان اللہ نے پرائس کنٹرولنگ مجسٹریٹس کی طرف سے پیش کی گئی پراگرس رپورٹ کا جائزہ لیتے ہوئے تمام مجسٹریٹس کو ہدایت کی ہے کہ ضلع میں خود ساختہ مہنگائی کو قابو کرنے کیلئے اپنی ذمہ داریا ں احسن طریقے سے سرانجام دیں تاکہ عوام الناس کی شکایات کا بروقت ازالہ کیا جا سکے ۔انہوںنے کہا کہ انتظامیہ کی طر ف سے مقرر کردہ ریٹ کے مطابق لوگوں کو اشیائے خوردونوش کی فروخت،دوران چیکنگ تندوری روٹی کا وزن اور کریانہ سٹوروں پر دالوں اور دیگراشیاء کی فروخت اور دکانوں پر ریٹ لسٹیں نمایاں جگہ پر آویزاں کرنے کے کام کو یقینی بنانے میں فعال کردار ادا کریں اور روزانہ کی بنیاد پرپراگرس رپورٹ ارسال کریں۔ یہ ہدایات انہوںنے پرائس کنٹرولنگ مجسٹریٹس کی کارکردگی اور دیگر امور کا جائزہ لینے سے متعلق اجلاس کی صدارت کرتے ہوئے جاری کیں۔ اجلاس میں اسسٹنٹ کمشنرز، پی آر او آغا حسین ،ڈی او زراعت یوسف حسن تتلہ،ڈی او لائیو سٹاک ڈاکٹر تنویر احمد، ڈی او انڈسٹری محمد متین اصغر اوردیگرمتعلقہ ضلعی افسران بھی موجود تھے۔ڈی سی او غازی امان اللہ نے کہا کہ روزمرہ استعمال کی اشیائے ضروریہ کی مقررہ نرخوں پرفراہمی کے عمل درآمد کو یقینی بنانے کیلئے گراں فروشوں اورذخیرہ اندوزوں کے خلاف بھر پور کاروائی عمل میں لائی جارہی ہے تاکہ صارفین کے مفاد کاتحفظ کیا جا سکے۔انہوںنے کہا کہ روزمرہ استعمال کی اشیائے ضروریہ میں ملاوٹ کرنے والے عناصر کا محاسبہ کرکے بلا تفریق اور ٹھوس کاروائی عمل میں لائی جائے اس حوالہ سے پرائس کنٹرولنگ مجسٹریٹس روزانہ کی بنیاد پر رپورٹ پیش کریں ۔انہوںنے ضلع بھر کے پرائس کنٹرولنگ مجسٹریٹس کوفیلڈ میں ہمہ وقت متحرک رہنے کی بھی ہدایات جاری کیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) وزیر اعلیٰ پنجاب محمد شہباز شریف کی خصوصی ہدایات کی روشنی میںکسان پیکنج کے تحت چھوٹے کاشتکاروں کی زندگی میں خوشحالی لانے کیلئے بلاسود قرضوں کی فراہمی کو یقینی بنانے کیلئے بھرپور اقدمات کئے جا رہے ہیں ۔یہ بات اسسٹنٹ کمشنر شاہد عباس جوئیہ نے ڈی سی او غازی امان اللہ کی ہدایت پر منعقدہ تقریب سے خطاب کرتے ہوئے کہی جس کا مقصدکسانوں او رکاشتکاروں میں کسان پیکج کے ثمرات کے حوالہ سے آگاہی فراہم کرنا تھا۔ اس موقع پر محکمہ زراعت،ریونیو،کسانوں، زمینداروں اور زرعی ماہرین کے علاوہ دیگر متعلقہ افسران نے شرکت کی ۔ اے سی شاہد عباس جوئیہ نے کہا کہ زرعی ترقی اور چھوٹے کسانوں کی خوشحالی کو ممکن بنانے کیلئے کسان پیکج کے تحت پانچ ایکڑ کے کاشتکاروں کو ترجیحی بنیادوں پر قرضہ فراہم کیا جائیگا اس ضمن میں کسان اور کاشتکاران فی ایکڑ پیداوار میں خاطر خواہ اضافہ کیلئے فصلات کی زیادہ سے زیادہ کاشت کو یقینی بنائیں ۔اے سی شاہد عباس جوئیہ نے بتایا کہ اس حوالہ سے حکومت کی طرف سے زیادہ سے زیادہ سہولیات باہم پہنچانے کیلئے کسانوں اورزمینداروں کی رجسٹریشن کاعمل شروع کیا جا رہاہے تاکہ زرعی قرضہ جات کی فراہمی کے عمل کویقینی اور شفاف بنایا جا سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) حکومت پنجاب نے بھٹہ خشت مزدوروں کے بچوں کو تعلیم جاری رکھنے کیلئے دی جانے والی مراعات کی سو فیصد فراہمی کو ممکن بنانے کیلئے واضع ہدایات جاری کر رکھی ہیں جس میں معمولی سی بھی کوتاہی برداشت نہیں کی جائیگی۔یہ بات ڈی سی او غازی امان اللہ کی ہدایت پر ایڈیشنل ڈسٹرکٹ کلکٹر محمد اویس ملک نے ڈسٹرکٹ ویجیلنس کمیٹی کی کارکردگی اور دیگر امورکا جائزہ لینے سے متعلق اجلاس کی صدارت کرتے ہوئے کہی۔ اس موقع پر ڈی او لیبر محمد نواز ، محکمہ تعلیم اور دیگر متعلقہ افسران بھی موجود تھے۔ ایڈیشنل ڈسٹرکٹ کلکٹر محمد اویس ملک نے کہا کہ بھٹہ خشت مزدوروں کے بچوں کو کتابیں ، سکول بیگ ، یونیفارم اور دیگر تعلیمی سہولیات کی فراہمی کو یقینی بنائے جائے اس ضمن میں اگر کوئی شکایت سامنے آئی تو محکمہ تعلیم کے متعلقہ افسران ذمہ دار ہونگے ۔اجلاس میں سوشل سیکورٹی کارڈ کے اجراء ،جبری مشقت /باندڈ لیبر،بھٹہ مالکان اور نمائندہ کارکنان کے باہمی مسائل زیر بحث لائے گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) جو لوگ عوام کی بے لوث خدمت کرتے ہیں انکی عوامی مقبولیت میں کبھی کمی نہیں ہوتی بلکہ عوام انکے دست بازو بن کرالیکشن میں ا نکی کامیابی کیلئے بھر پور کردار ادا کرتے ہیں۔ان خیالات کااظہارامیدواربرائے ایم پی اے مولانامسرورنوازجھنگوی نے پی پی78جھنگ میں ہونیوالے ضمنی انتخابات میںحلقہ کے بااثر برادریوں کے سرکردہ افراد سے خطاب کرتے ہوئے کیا۔اس موقع پررانامحمد عاصم،رانامحمدعثمان،رانامحمدقاسم،رانامحمدناظم،محمدصابر،محمدوقاص وکی اورملک محمداقبال بشیرسمیت دیگر برادریوں ملک برادری ،راناراجپوت برادری،انصاری برادری اور حلقہ کے دیگر سرکردہ بااثر افراد بھی موجود تھے جنہوں نے ضمنی انتخابات میں ان کی بھر پور حمایت کا اعلان کرتے ہوئے کہا کہ وہ مولانامسرورنوازجھنگوی کو بھاری اکثریت سے ضمنی انتخابات میں ایم پی اے منتخب کروائینگے۔امیدوا رایم پی اے مولانا مسرورنوازجھنگوی نے ان تمام دوست احباب کو خوش آمدید کہتے ہوئے الیکشن میں حمایت کرنے پرشکریہ ادا کیاانسانیت کی خد مت کا جذبہ لیکرمیدان میں اترا ہوں اور اہلیان جھنگ کی خدمت میری زندگی کا مشن ہے اس مشن میں حلقہ کی تمام برادریوں ،کارکنو ںاور عوام کی را ئے کا احترام کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (تحصیل رپورٹر) آل اساتذہ الائنس پنجاب و پنجاب ٹیچرزیونین کے مرکزی صدر صوفی رمضان انقلابی نے وزیراعلیٰ پنجاب ، وزیرتعلیم اور سیکرٹری ایجوکیشن کو خط میں لکھا ہے جس میں کہا گیا ہے کہ ہزاروں نوجوان ایجوکیٹرز کیلئے درخواستیں دینے سے محروم ہوگئے ہیں ، NTSکی تاریخ کو بڑھایا جائے اورپاس مارکس 40%تک ہونے چاہیئں۔ انہوں نے کہا کہ چونکہ کالجز اور یونیورسٹیز میں پاس مارکس 33%ہیں اس لئے NTSمیں بھی کم ازکم 40%مارکس ضروری قرار دئیے جائیں۔ انہوں نے کہا ہے کہ اساتذہ کش پالیسیاں ختم کی جائیں اور اساتذہ مسائل کو فی الفور حل کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ریسکیو1122جھنگ کے نوجوانوں کی فٹنس کے لئے ماہانہ فٹنس ٹیسٹ سپورٹس کمپلیکس میں منعقد کیا گیا
جھنگ (تحصیل رپورٹر) میڈیا کواڈینیٹر محمد زبیر کے مطابق انچارج ریسکیو 1122 جھنگ علی حسنین کا کہنا تھا کہ اس وقت ضلع جھنگ میں 162 ریسکیواہلکار اپنی خدمات سرانجام دے رہے ہیں اورانکی ذہنی اور جسمانی صحت کو برقرار رکھنے کیلئے فٹنس ٹیسٹ لینا نہایت ضروری ہے جس سے اُن کے دل و دماغ پر مثبت اثرات مرتب ہوتے ہیں ٹیسٹ کا انعقاد سپورٹس کمپلیکس کیا گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ریسکیو1122جھنگ کے اہلکاروں نے 395050 کی رقم مریض کو واپس لوٹا دی
جھنگ (ڈسٹرکٹ رپورٹر) تفصیلات کے مطابق گذشتہ رات شیخپورہ کا رہاشی 45 سالہ محمد مشتاق ولد محمد شریف بس میں سوار شیخپورہ سے کوٹ بہارد جا رہا تھا کہ فیصل آباد روڈ سید آباد چمرانوالی کے قریب ٹرک اوور ٹیک کرتے ہوئے بس کی سائیڈ سے ٹکڑا گیا جس سے وہ شدید زخمی ہو کے بے ہو ش گیا ریسکیو1122 کو اطلا ع ملتے ہی ریسکیو کی ٹیم مو قع پر پہنچ گئی زخمی شخص کو طبی امداد کے بعد سول ہسپتال جھنگ شفٹ کیا اور اُ س سے ملنے والی 395050کی رقم کو محفوظ کر لیا اور بعدازاں لواحقین کے حوالے کر دی جس پراُنہوں ریسکیو انچارج اور اُ ن کی ٹیم کا شکریہ ادا کیااور بہت سی دعائیں دیںریسکیو ٹیم میں نعیم،اختراور شفٹ انچارج جمشید شامل تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مہذب شہریوں سے اپیل ہے کہ دھند کے موسم میں دوران ڈرائیونگ احتیاط سے کام لیں
جھنگ (تحصیل رپورٹر)ڈائر یکٹر جنرل پنجاب ایمرجنسی سروس ریسکیو1122ڈاکٹر رضوان نصیرکی ہدات پر انچارج ریسکیو 1122 جھنگ علی حسنین نے موسمیاتی تبدیلیوں کے پیش نظرکہا کہ فضامیں دھند چھائی ہو ئی ہے جسے کہ سموگ کہا جاتا ہے سموگ جوکہ دھواں ، گرد اور دھند پر مشتمل ہوتی ہے جس کے باعث ٹریفک حادثات میں اضافہ ہو رہا ہے لہذاتمام مہذب شہریوں سے اپیل ہے کہ دوران ڈرائیونگ احتیاط کریںاور کم سے کم سپییڈرکھیں،فوگ لائیٹ،گاڑیوں پے ریفلیکٹنگ ٹیب لگائیں،گاڑیوں کے وائپرز ٹھیک رکھیںاور دوران موٹر سائیکل ڈرائیونگ چشمہ ،فیس ماسک اور ہیلمٹ کا استعمال کریںتا کہ آنکھ اور سانس کی بیماریاںسے بھی بچا جاسکے اور ٹریفک حادثات میں بھی کمی واقع ہو۔
