عوامی مسائل کا خاتمہ مسلم لیگ ن کی حکومت کا اولین مقصد ہے حکومت کا ہر دن عوام ملک و قوم کی بھلائی
پیر محل ( میاں اسد حفیظ سے) عوامی مسائل کا خاتمہ مسلم لیگ ن کی حکومت کا اولین مقصد ہے حکومت کا ہر دن عوام ملک و قوم کی بھلائی میںصرف ہو رہا ہے میاں برادران عوام کے ووٹوں سے اقتدار میں آئے ہیں مسلم لیگ ن کامینڈیٹ نہ ماننے والے عوام کے دئیے ہوئے ووٹوں کی توہین کر رہے ہیں ان خیالات کا اظہار میاں محمد رفیق ایم اپی اے نے صحافیوں سے گفتگو کرتے ہوئے کہاکہ مسلم لیگ ن کی حکومت عوام سے کئے گئے وعدوں پر نہ صرف پوری طرح قائم و دائم ہے بلکہ روز اول سے ہی ملک کو درپیش سنگین مسائل کے خاتمے کے لئے بھرپور کوششیں جاری رکھے ہوئے ہے ، عوام کو یقین ہے کہ صرف میاںبرادران ہی ایسے لیڈر ہیں جو ملک کو مسائل کے بھنور سے نکال کر ترقی اور روشنی کی طرف لے جاسکتے ہیں تاریخ گواہ ہے کہ مسلم لیگ ن کے ہر دور حکومت میں ملک نے ترقی کی ہے اور یہ تاثر دینے کی کوشش سراسر بدنیتی ہے کہ جمہوری حکومتیں کام نہیں کر سکتیں، انہوں نے مزید کہا کہ ملک میں جاری موجودہ سیاسی محاذ آرائی ملک کے مفاد میں نہیںہے کیونکہ معاشی استحکام کے لئے ملک میں سیاسی استحکام ہونا پہلی شرط ہے،جمہوری حکومتوں کے خلاف منفی پراپیگنڈہ کرنے والے اقتدار کے لئے چور دروازے ڈھونڈ رہے ہیں ،، وفاقی حکومت میں آنے کے شوقین جلسوں پر بے پناہ وسائل اور وقت ضائع کرنے کی بجائے عوام کی خدمت کر کے2018ء کے الیکشن میں مسلم لیگ ن کا مقابلہ کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گورنمنٹ فرید بخش ڈگری سائنس کالج کے پرنسپل چوہدر ی بشارت جاوید کے صاحبزادہ چوہدری عبدالمنان ایڈوکیٹ
پیرمحل ( میاں اسد حفیظ سے) گورنمنٹ فرید بخش ڈگری سائنس کالج کے پرنسپل چوہدر ی بشارت جاوید کے صاحبزادہ چوہدری عبدالمنان ایڈوکیٹ رشتہ ازدواج میں منسلک ہوگئے شادی کی تقریب میں ایم پی اے میاں محمد رفیق ، سابق ایم پی اے اظہرندیم گجر، ڈپٹی ڈائریکٹر کالج میاں ارشد اقبال حاجی منیر احمد نائب تحصیلدار،کالجوں کے پروفیسر سمیت سیاسی سماجی شخصیات ،اہل خانہ ، رشتہ دار ، دوست احباب، عزیزو اقارب کی بڑی تعداد میں شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل شہر میں مختلف جگہوںجن میں اقبال پارک ،پارک روڈ، گرلز کا لج روڈ، نائب تحصیلدار کی عدالت
پیرمحل ( میاں اسد حفیظ سے) پیرمحل شہر میں مختلف جگہوںجن میں اقبال پارک ،پارک روڈ، گرلز کا لج روڈ، نائب تحصیلدار کی عدالت، ٹینکی گرئوانڈ و دیگر جگہوں پر لاکھوںروپے کے قیمتی درخت بروقت نیلام نہ ہونے کی وجہ ضائع ہورہے ہیں۔ اپنی عمر پوری ہونے کے ساتھ ہی یہ درخت خشک ہو نا شروع ہو گئے تھے۔ بارہا ٹی ایم اے کمالیہ کو نا ن ہیڈ کوواٹر پیرمحل کے عملہ نے درخواستیں بھی دی کہ ان درختوں کو فروخت کر کے ان کی رقم کو خزانہ میں جمع کروایا جائے لیکن ٹی ایم اے کمالیہ کے افسران کی عدم توجہی کی وجہ سے کئی سالوں سے یہ درخت خشک ہوکر ضائع ہورہے ہیں۔ بروقت نیلام نہ ہونے کی وجہ سے قومی خزانہ کو لاکھوں روپے کا نقصان ہو رہاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عوام کی ٹھکرائی ہوئی جماعتیں آخری سانسیں لے رہی ہیں ریاستی مشینری کو استعمال کر کے ملک بھر سے لوگوں کوجلسوں میں اکٹھا کر کے جعلی عوامی طاقت شو کی جارہی ہے
پیرمحل ( میاں اسد حفیظ سے) عوام کی ٹھکرائی ہوئی جماعتیں آخری سانسیں لے رہی ہیں ریاستی مشینری کو استعمال کر کے ملک بھر سے لوگوں کوجلسوں میں اکٹھا کر کے جعلی عوامی طاقت شو کی جارہی ہے۔ جلسوں میںزیادہ تر زبردستی لائے گئے مختلف محکموں کے سرکاری ملازمین ،پٹواری وغیر ہ شامل ہیں۔عوام فیصلہ کرچکی ہے کہ ان خاندانی پارٹیوں سے مستقل نجات حاصل کر لی جائے۔ان خیالات کا اظہار پاکستان تحریک انصاف تحصیل پیرمحل کے صدر میاں اخترجاوید ایڈوکیٹ نے اپنے ایک بیان میں کیا انہوں نے کہا کہ گزشتہ تین چار دہائیوں سے چند خاندانوں نے جمہوریت کے نام پر ملک میں آمریت کو مسلط کئے رکھا ۔جنہوں نے ذاتی لالچ کی خاطر ملک کو دو ٹکرے کردیا قوم اور ملک کو کنگال جبکہ اپنی آنے والی کئی پشتوں کیلئے جائیدادوںاور دولت کے انبار لگا لئے یہی لوگ تمام لوٹ مار کے بعدآج بھی مومن بننے کی کوششیں کررہے ہیں۔ انہوں نے کہا کہ قوم باشعور ہوچکی ہے اوربار بار مسلط رہنے والے حکمرانوں سے لوٹی ہوئی دولت کا حساب مانگتی ہے۔ اگر ملک اور بیرون ملک ان حکمرانوں کے بنائے گئے اثاثے فروخت کر کے ملکی خزانہ میںرقوم جمع کروائی جائیں تو بیرونی قرضوں کا خاتمہ ہوسکتا ہے اور ملک کو ترقی وخوشحالی کی راہوں میں ڈالا جاسکتا ہے۔
