لیہ (محمد صدیق پرہار) ترقیاتی منصوبے مقررہ معیاد میں مکمل کرنے سے ہی شہریوں کو ان سے مستفید کیا جاسکتا ہے اس لیے موثر مانیٹرنگ اور دیانت داری سے خدمات سرانجام دیتے ہوئے 794ترقیاتی منصوبوں کی تکمیل کو یقینی بنائیں ۔یہ بات ڈپٹی کمشنر واجد علی شاہ نے ڈسٹرکٹ ڈویلپمنٹ کمیٹی کے اجلاس کی صدارت کرتے ہوئے کہی۔اجلاس میں اے ڈی سی آر نعیم اللہ بھٹی ،اے ڈی سی جی محبوب احمد ،اے ڈی سی فنانس منظور احمد چانڈیہ ،سی ای او صحت ڈاکٹر امیر عبداللہ سامٹیہ،سی ای او تعلیم خالد ہ شاہین،اے سی لیہ محمد عابد کلیار،اے سی کروڑ تنویر حسین یزداں ،ایکسین بلڈنگ محمد ارشد ایس ڈی او زذوالفقار چوہدری ،محمد جمشید ،ایکسین انہار آغااحسان ،ڈسٹرکٹ ایمرجنسی آفیسر ڈاکٹر تسلیم،اے ڈی ایل جی یوسف کلیم ،ڈی ایل او ڈاکٹر محمد طارق ، ملک عبدالشکور سواگ،چوہدری رضوان احمدکے علاوہ دیگر متعلقہ افسران نے شرکت کی۔اجلاس میں ڈی او پلاننگ عرفان انجم نے بریفنگ کے دوران بتایا کہ مختلف سیکٹر ز میں 794ترقیاتی منصوبوں پر کام جاری ہے جن کی مجموعی لاگت 33ارب 95کروڑ 70لاکھ روپے ہیں اور جاری شدہ 6ارب 14کروڑ 30لاکھ روپے میں سے 4ارب 23کروڑ90لاکھ روپے کے اخراجات سے ترقیاتی منصوبے69فی صد تک مکمل کیے جاچکے ہیں جن میں صوبائی اے ڈی پی کی 75سکیمیں 16ارب 78کروڑ روپے کی لاگت سے جاری شدہ 54سکیمیں 7ارب 89کروڑ روپے ،21نئی سکیمیں 8ارب 18کروڑ روپے ،کے پی آر آر پی کی3سکیمیں 87کروڑ 63لاکھ روپے ،پاک ایم ڈی جی کی 264سکیمیں 24کروڑ 80لاکھ روپے ،مخدوش عمارات کی تعمیر ومرمت کی 194سکیمیں 36کروڑ 22لاکھ روپے ،عدم دستیاب سہولیات کی 143سکیمیں 14کروڑ 92لاکھ روپے ،سائنس لیب کی 34سکیمیں 5کروڑ35لاکھ روپے اور ماڈ ل ویلیج 105ایم ایل کی چھ سکیمیں 10کروڑ 97لاکھ روپے کی لاگت سے مکمل کرنے کا عمل جاری ہے ۔اجلاس میں صحت تعلیم ،سپیشل ایجوکیشن ،سپورٹس ،سوشل ویلفئیر ،پولیس ،ڈسٹرکٹ جیل ،جوڈیشنری ،ایمرجنسی ،لائیوسٹاک ،زراعت کے محکموں کی ترقیاتی سکیموں کا فرداً فرداًجائزہ لیا گیا ۔اسی طرح عدم دستیاب تعلیمی سہولیات کی 143سکیمیں جن میں 127دیوریاں ،16ٹائلٹس بلاکس کی تعمیر کے منصوبے شامل ہیںکا بھی جائزہ لیاگیا۔اجلاس سے خطاب کرتے ہوئے ڈپٹی کمشنر نے کہا کہ ترقیاتی منصوبوں میں اعلی تعمیراتی میٹریل کے استعمال کویقینی بناتے ہوئے مقررہ میعاد میں مکمل کرنے کے لیے قومی جذبہ سے خدمات سرانجام دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیہ ( محمدصدیق پرہار) گورنمنٹ کالج براے خواتین لیہ میں شجر کاری مہم کے تحت پرنسپل روبینہ نسیم نے آشوک کا پودا لگا افتتاح کیا ۔اس موقع پر شجر کاری کے ذریعے ماحولیاتی آلودگی کے خاتمہ کے بارے میں آگاہی دی گئی اور وائس پرنسپل نے بھی باٹل پام کا پودا لگایا ۔اسی طرح فارسی ،کیمسٹری ،اردو ،پولیٹیکل سائنس ،عربی ،بیالوجی ،باٹنی ،انگلش اساتذہ ودیگر نے بھی پودے لگائے اور شجر کاری مہم کی افادیت پر مرحوم پروفیسر شہباز نقوی کی نظم بھی ترنم سے پڑھی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیہ(پینانیوز) صدر ڈسٹرکٹ بار ایسوسی ایشن مہر احمد علی واندر نے ٹریفک حادثہ میں جاں بحق ایڈیشنل ڈسڑکٹ اینڈ سیشن جج محمد اسلم سیال مرحوم کی روح کے ایصال ثواب کے لیے جوڈیشنری کمپلیکس کی مسجد میں قرآن خوانی کا اہتمام کیا۔ جس میں ڈسڑکٹ اینڈ سیشن جج راجہ قمرالزمان ،ججز صاحبان ،آراکین ڈسڑکٹ بار کونسل اوروکلاء کی کثیر تعداد نے شرکت کی ۔قرآن خوانی کے بعد مرحوم کے درجات کی بلندی و لواحقین کے صبر و جمیل کے لیے دعائیں کی گئیں۔ڈسڑکٹ اینڈ سیشن جج و صدربار نے مرحوم کی انصاف کی فراہمی کے لیے گراں قدر خدمات کو خراج تحسین پیش کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیہ( محمدصدیق پرہار) ڈسڑکٹ اینڈ سیشن جج راجہ قمرالزمان نے کہا ہے کہ دہشت گردی کی موجود لہر کا مردانہ وار مقابلہ کر کے ہی مٹھی بھرملک دشمن عناصر کو شکست دی جاسکتی ہے جس کے لیے پوری قوم متحد ہے اور ڈسٹرکٹ جوڈیشنری کمپلیکس میں آنے والے آراکین جوڈیشنری ،وکلاء و عوام کی سیکورٹی کے لیے ڈسڑکٹ بار کی مشاورت سے بھر پور سیکورٹی انتظامات عمل میں لائے گئے ہیں جن پر عمل درآمد کے لیے معزر وکلاء بھر پور معاونت کا فریضہ سرانجام دیں ۔یہ بات انہوں نے ڈسٹرکٹ جوڈیشنری کمپلیکس کی مسجد میں قرآن خوانی کے موقع پر وکلاء سے اپنے خطاب میں کہی ۔اس موقع پر صدر ڈسٹرکٹ بار ایسوسی ایشن مہر احمد علی واندر نے بھی اراکین جوڈیشنری کو سیکورٹی کے لیے اپنے بھر پور تعاون و مشاورت کا یقین دلایا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیہ : آپریشن ردالفسادکی کامیابی کے لیے جدالفسادکابندوبست ضروری ہے۔ان خیالات کااظہارکالم نویس اورشادی آسان کروتحریک کے بانی محمدصدیق پرہارنے جامع مسجدگلزارمدینہ ریلوے کالونی لیہ میںنمازجمعہ کے اجتماع سے خطاب کرتے ہوئے کیا۔انہوںنے کہا کہ ملک سے دہشت گردی کے خاتمے میں پاک فوج کے کردارکوبنیادی اہمیت حاصل ہے۔ملک سے فسادکے خاتمے کے لیے پاکستان کی بہادرافواج کی خدمات کورہتی دنیاتک یادرکھاجائے گا۔انہوںنے کہا کہ آپریشن ردالفسادکی کامیابی کے لیے ضروری ہے کہ جدالفسادکابندوبست بھی کیاجائے ۔جب تک جدالفسادموجودرہیں گے دہشت گردی کاخاتمہ بروقت نہیںہوسکے گا۔انہوںنے کہا کہ جدالفسادکے خلاف بھی کارروائیوں کا آغاز ہو چکا ہے۔ سیکیورٹی ادارے اورقوم اچھی طرح جانتی ہے کہ جدالفسادکون ہیں۔
