ممتاز سیاسی و سماجی شخصیت مہر مشتاق احمد نے کہا ہے کہ حکومتی پالیسیوں کی وجہ سے عوام کو بے پناہ مسائل کا سامنا ہے
گجرات ( جی پی آئی ) ممتاز سیاسی و سماجی شخصیت مہر مشتاق احمد نے کہا ہے کہ حکومتی پالیسیوں کی وجہ سے عوام کو بے پناہ مسائل کا سامنا ہے ‘ ہر طرف بے روزگاری لہر دوڑ ہوئی ہے ‘ غربت کیوجہ سے عوام خودکشیاں کرنے پر مجبور ہیں ۔ انہوں نے کہا ہے کہ پراپرٹی کا کاروبار بھی حکومتی پالیسیوں کی وجہ سے ٹھپ ہو کر رہ گیا ہے ۔ اور کوئی بھی شعبہ ایسے نہیں جہاں پر حکومت کی پالیسیاں عوام کے حق میں بہتر ہوں پراپرٹی کے کاروبار کو تباہ کرنے کے سلسلہ میں حکومت نے بے پناہ ٹیکسز لگا دیئے ہیں ۔ فوری طور پر کاروبار بہتر بننے کے لئے سلسلہ میں اقدامات کئے جائیں ۔ اور عوام کو بہتر روزگار فراہم کیا جائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلع گجرات کے ممتاز تعلیمی ادارے چناب گروپ آف کالجز نے ہمیشہ عوام کو بہتر معیار تعلیم کی فراہمی کے سلسلہ میں کام کیا ہے
گجرات ( جی پی آئی ) ضلع گجرات کے ممتاز تعلیمی ادارے چناب گروپ آف کالجز نے ہمیشہ عوام کو بہتر معیار تعلیم کی فراہمی کے سلسلہ میں کام کیا ہے ‘ ان خیالات کا اظہار چیئر مین چناب گروپ آف کالجز پروفیسر غلام مصطفی نے صحافیوں سے گفتگو کرتے ہوئے کیا ۔ انہوں نے کہا ہے کہ ہم اپنے وسائل عوام کی فلاح و بہبود کیلئے وقف کر رکھے ہیں ۔ اور ہم اس مشن میں ہیں کہ عوام کو کچھ ملے اور عوام خوشحال ہوں ۔ یہ تب ہی ممکن ہو سکتا ہے جب عوام کو بہتر تعلیم و تربیت کے مواقع ملیں’ اور ہم نے چناب گروپ آف کالجز میں بہتر تعلیم و تربیت کے مواقع فراہم کئے ہیں ۔ اور مختلف شعبہ جات میں تربیت دی جا رہی ہے ۔ الحمد اللہ چناب انسٹیٹیوٹ آف ٹیکنالوجی کے نتائج سو فیصد رہے ہیں۔ تمام طلباء نے نمایاں کارکردگی کا مظاہرہ کیا ہے ۔ جن میں حبیب اللہ میکنیکل ‘ محمد سلیمان اشرف الیکٹریکل ‘ زبیحہ اللہ سول ‘ علی رضا سول ‘ شاہ رخ شوکت نے سول میں بہترین کارکردگی کا مظاہرہ کیا ہے جس پر ہم ٹیکنالوجی کے پرنسپل جناب ذاکر صاحب کو مبارکباد پیش کرتے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خوش قسمت ہیں وہ لوگ جنہیں اللہ تعالیٰ بار بار اپنے گھر بھلاتا ہے
گجرات ( جی پی آئی ) خوش قسمت ہیں وہ لوگ جنہیں اللہ تعالیٰ بار بار اپنے گھر بھلاتا ہے ان خیالات کا اظہار سٹیزن فرنٹ ضلع گجرات کے صدر چوہدری علی ابرار جوڑا نے سٹیزن فرنٹ کی سپریم کونسل کے وائس چیئر مین چوہدری ندیم طفیل سے حج کی روانگی کے موقع پر ملاقات کے دوران کیا ۔ اس موقع پر مہر مشتاق احمد ‘ شیخ عرفان پرویز ‘ اور عامر چوہدری قادری فضل شاہی بھی موجود تھے ۔ سٹیزن فرنٹ کے عہدیداران نے چوہدری ندیم طفیل کو پھولوں کے ہار پہنائے اور مبارکباد دی اس موقع پر چوہدری ندیم طفیل نے کہا ہے کہ اللہ تبارک و تعالیٰ اور اسکے حبیب حضرت محمد صلی اللہ علیہ و آلہ وسلم کے فضل و کرم سے میں دو حج کر چکا ہوں اور اس بار اپنے والد محترم بانی سٹیزن فرنٹ چوہدری محمد طفیل شہید کے نام کا حج کرنے جا رہا ہوں والد محترم کی بڑی خواہش تھی کہ وہ میرے ساتھ حج کرنے جائیں ‘ لیکن زندگی نے وفا نہیں کی اس لئے میں اب ان کا ہی حج کرنے جا رہا ہوں ‘ انہوں نے سٹیزن فرنٹ کے عہدیداران کا الوادع کرنے کیلئے آنے پر شکریہ ادا کیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیر طریقت رہبر شریعت فخرالسادات حضرت قبلہ الحاج پیر سید فضل شاہ بخاری قادری الحسینی والحسنی المعروف سید العارفین شہنشاہ
گجرات ( جی پی آئی ) پیر طریقت رہبر شریعت فخرالسادات حضرت قبلہ الحاج پیر سید فضل شاہ بخاری قادری الحسینی والحسنی المعروف سید العارفین شہنشاہ فضل رحمتہ اللہ علیہ کے 31ویں سالانہ عرس مبارک کے سلسلے میں گزشتہ روز صاحبزادہ پیر سید محمود الحسن شاہ بخاری قادری الحسینی و الحسنی سجادہ نشین آستانہ عالیہ غوثیہ فضلیہ کھیپڑانوالہ شریف نے ممتاز علماء کرام مشائخ عظائم ‘ نعت خوانان شریں بیان حفاظ کرام اور سینکڑوں پیر بھائیوں اور مریدوں کے ہمراہ پیر سید فضل حسین شاہ بخاری قادری رحمتہ اللہ علیہ کے مزار اقدس پر چادر چڑھائی درودو سلام کا نذرانہ پیش کیا اور خصوصی دعائیں کیں اور لنگر شریف تقسیم کیا ۔ کل بیس ستمبر 2014کو چراغاں ہوگا ‘ جبکہ عرس پاک اتوار 21ستمبر 2014کو ہوگا ‘ جس میں اندرون و بیرون ممالک سے فرزندان اسلام بھرپور شرکت کرینگے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سٹیزن فرنٹ متاثرین سیلاب کی بحالی تک دن رات کام کرتی رہے گی
گجرات( جی پی آئی ) سٹیزن فرنٹ متاثرین سیلاب کی بحالی تک دن رات کام کرتی رہے گی ‘ اسی سلسلے میں 26ستمبر 2014ء بروز اتوار کو سٹیزن فرنٹ ایک میڈیکل کیمپ لگائے گی ‘ جس میں آٹھ مرد و خواتین ڈاکٹرز مریضوں کو چیک کرینگی اور انہیں فری ادویات دی جائے گی ان خیالات کا اظہار سٹیزن فرنٹ کی سپریم کونسل کے ماہانہ اجلاس میں خطاب کرتے ہوئے کیا ۔ انہوں نے کہا ہے کہ میڈیکل کیمپ نتھو کوٹ’ نواں کوٹ ‘ قاسم آباد و دیگر ملحقہ دیہات کے سیلاب متاثرین کیلئے لگایا جائے گا ‘ اجلاس میں تنظیم ساز ی و ذیلی تنظیموں کے حوالے سے بھی تبادلہ خیال کیا گیا ۔ اجلاس میں سیلاب اور گھروں کی چھتیں گرنے سے جاں بحق ہونے والے افراد کی روح کے ایصال ثواب کیلئے خصوصی دعا بھی کی گئی ۔ اجلاس میں محمد اشرف منہاس ‘ شیخ عرفان پرویز ‘ راجہ محمد اعجاز ‘ ایم وائی ناصر ‘ مرزا اکبر بیگ برلاس ‘ شاہد پال ولیم ‘ ڈاکٹر رزاق احمد غفاری اور عامر چوہدری نے بھی اظہار خیال کیا ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔
گدی نشین آستانہ عالیہ حضرت سائیں کرم الٰہی المعروف کانو اںوالی سرکار سائیں اختر حسین
گجرات ( جی پی آئی ) گدی نشین آستانہ عالیہ حضرت سائیں کرم الٰہی المعروف کانو اںوالی سرکار سائیں اختر حسین کے والد محترم سائیں انور حسین کی برسی عقیدت و احترام کے ساتھ منائی گئی ۔ اس موقع پر دربا شریف کو غسل دیا گیا۔ اور چادری چڑھائی گئی ‘ گدی نشین سائیں اختر حسین نے سائیں ساجد حسین چادر چڑھائی ‘ اس موقع پر خصوصی محفل منعقد ہوئی جس میں ممتاز عالم دین صاحبزادہ عثمان بشیر نقشبندی نے خصوصی خطاب کیا ۔ نقابت کے فرائض عمران چشتی سرانجام دیئے ۔ قاری محمود ‘ صوفی غلام حسین لوراں ‘ غلام محمد ‘ محمد یوسف ‘ محمد بلال ‘ محمد اشرف ‘ قاری اسلم ‘ علی حسن ‘ مقبول نوشاہی و دیگر نے ہدیہ نعت پیش کیا ۔ حاجی صبغت ‘ چوہدری مجید ‘ سیٹھ امجد ‘ رانا مشرف علی ناز ‘ قاری عامر رضوان قادری’ عامر چوہدری ‘ راجہ محمد نعیم ودیگر اہم شخصیات موجود تھیں۔ بعدازاں محفل سماء منعقد ہوئی ‘ سینکڑوں خواتین و حضرات کو خشک راشن دیا گیا ۔ اور لنگر تقسیم کیا گیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کنسٹبل مدثراقبال کو شہید کرنے والا ملزم پولیس مقابلہ میں ہلاک،تفصیلات کے مطابق2012میںتھانہ صدر کھاریاں
گجرات(جی پی آئی)کنسٹبل مدثراقبال کو شہید کرنے والا ملزم پولیس مقابلہ میں ہلاک،تفصیلات کے مطابق2012میںتھانہ صدر کھاریاںمیں تعینات کنسٹیبل مدثر اقبال کو ملزم اسماعیل نے ہمراہ حافظ ممتاز عرف گوگ اور دیگر ملزمان کے ساتھ مل کر پنجاب ہوٹل سے اغواہ کرکے کھاریاں کے قریب پبی کے علاقہ میں لے جا کر شہید کردیا اور دیگر بہت سارے ڈکیتی ،قتل اور دہشت گردی کے وقوعے کئے جس سے یہ ملزم دیگر ملزمان کے ہمراہ علاقہ میں خوف ہراس اور دہشت کی علامت بن گئے تھے۔گزشتہ رات غلام عباس SIنے دوران ناکہ بندی منڈی روڑ نزد بھلوال غربی کی جانب سے موٹرسائیکل ہنڈا125/CCجس پر تین افراد سوار تھے جن کو رکنے کا اشارہ کیا جو رکنے کے بجائے پولیس پر فائرنگ کرتے ہوئے منڈی روڑ کیطرف بھاگ گئے ،جس پر پولیس پارٹی نے بہادری کا مظاہرہ کرتے ہوئے ملزمان کا تعاقب کیا۔ تھوڑاآگے جاکر ملزمان موٹر سائیکل چھوڑ کر ساتھ ہی باجرہ کی فصل میں چھپ گئے اور وقفہ وقفہ سے پولیس پارٹی پر فائرنگ کرتے رہے ۔ پولیس نے خفاظت خود اختیاری کے تحت فائرنگ شروع کی۔ اسی دوران SHOصدر سرائے عالمگیرمعہ بھاری نفری اور ایلیٹ پولیس ٹیم کے ہمراہ موقع پرپہنچ گئے کافی دیر تک دونوں جانب سے فائرنگ کا تبادلہ ہوتا رہا۔ جب فائرنگ کا سلسلہ ختم ہواتو ایک ملزم محمد اسماعیل ہلاک ہوچکا تھا جبکہ دو ملزمان اندھیرے کا فائدہ اٹھاتے ہوئے بھاگ گئے ۔ملزم اسماعیل پنجاب بھر کے مختلف اضلاع میںکئی مقدمات میں مطلوب تھا ۔جبکہ ملزمان کے قبضہ سے برآمد ہونے والا موٹرسائیکل تھانہ صدر کھاریاں سے چھینا گیا تھا جسکا مقدمہ تھانہ صدر کھاریاں میں درج ہے۔اس بہترین کارکردگی پر پر ڈی پی او گجرات رائے اعجاز احمد نے پولیس ٹیم کو نقد انعام اور تعریفی سرٹیفکیٹ دینے کا اعلان کیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈسٹرکٹ آفیسر ایکسائز اینڈ ٹیکسیشن گجرات فرخ شیر گوندل کی پریس ریلیز
گجرات ( جی پی آئی ) ڈسٹرکٹ آفیسر ایکسائز اینڈ ٹیکسیشن گجرات فرخ شیر گوندل کی پریس ریلیز کے مطابق محکمہ ایکسائز اینڈ ٹیکسیشن نے تمام پراپرٹی ٹیکس دہندگان کو پراپرٹی ٹیکس کی یک مشت ادائیگی پر مورخہ 30 ستمبر 2014 تک 5 فیصد اور لگثری ہائوس پر 10 فیصد رعایت کا اعلان کیا ہے یاد رہے کہ 30 ستمبر 2014 کے بعد پراپرٹی ٹیکس کی عدم ادائیگی کی صورت میں بھاری جرمانہ اور قانونی کارروائی کا سامنا کرنا پڑے گا ۔لہذا تمام پراپرٹی ٹیکس دہندگان سے گزارش ہے کہ وہ واجبات بروقت ادا کرکے تمام قسم کی خفت اور پریشانیوں سے بچیں اور ایک فرض شناس اور ذمہ دار شہری ہونے کا ثبوت دیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دور حاضر مختلف شعبہ ہائے علوم میں تخصیص حاصل کرنے کا دور ہے
گجرات (جی پی آئی)دور حاضر مختلف شعبہ ہائے علوم میں تخصیص حاصل کرنے کا دور ہے ۔ ملکی جامعات کے تعلیمی نظام میں جدید ترین تبدیلیاں وقت کا اہم تقاضا ہے ۔ اساتذہ اور طلباء وطالبات کے ذریعے تخلیقی، فلاحی اور معاشرہ کی مجموعی بہتری پر مبنی پراجیکٹس کو پروان چڑھا کر ملکی ترقی کو نئی جہتوں سے روشناس کروایا جاسکتا ہے ۔ ٹیم ورک پراجیکٹس کی کامیابی میں اہم کردار ادا کرتا ہے ۔ جامعہ گجرات مختلف بین الاقوامی جامعات کے تعاون سے جدید تعلیم کے تصور کو آگے بڑھانے میں نمایاں کردار ادا کر رہی ہے ۔ میں پروفیسر جم ایوری کا مشکور ہوں کہ انہو ں نے ہمارے اساتذہ کی راہنمائی کے لیے پراجیکٹ مینجمنٹ ورکشاپ کے انعقاد کو ممکن بنایا۔ ان خیالات کا اظہار وائس چانسلر جامعہ گجرات پروفیسر ڈاکٹر محمد نظام الدین نے جامعہ گجرات کے مرکز برائے ابلاغیاتی علوم کے زیر اہتمام اساتذہ کے لیے منعقدہ ایک ورکشاپ کے شرکاء سے خطاب کرتے ہوئے کیا ۔ اس ورکشاپ کا مقصد علم کے جدید تناظر میں مختلف پراجیکٹس کو بنانا اور پھر کامیابی سے انہیں چلانے کے متعلق مختلف طریق کار کی آگاہی تھا۔ یہ پراجیکٹ مینجمنٹ ورکشاپ جامعہ گجرات میں 14 ستمبر سے لیکر 19 ستمبر تک منعقد ہوئی۔ ورکشاپ کے انسٹرکٹر اوکلوہاما یونیورسٹی کے شعبۂ ابلاغیات و صحافت کے استاد پروفیسر جم ایوری تھے۔ جبکہ جامعہ گجرات میں اس کے کوارڈینیٹروں میں مرکز ابلاغیات کے استاد محمد زاہد بلال اور صدر شعبۂ سوشیالوجی ڈاکٹر فوزیہ مقصود تھے ۔ ورکشاپ کے شرکاء میں مختلف شعبہ جات کے اساتذہ جن میں ڈاکٹر ارشد علی، عمیر ندیم، سمیع اللہ ، ڈاکٹر فیصل محمود مرزا، ڈاکٹر بشریٰ اکرم، سمیرا شفیق، عمران باری، نسیم احمد ، مرزا رضوان ساجد اور منعم شہزاد شامل تھے نے شرکت کی ۔ ورکشاپ کے اختتام پر تمام شرکاء میں کامیابی کی اسناد تقسیم کی گئیں۔ پروفیسر جم ایوری نے تمام شرکاء کے سیکھنے کی لگن کو سراہتے ہوئے کہا کہ جدید دنیا میں علم کے تناظرات بدل چکے ہیں اور جدید نظریۂ تعلیم ہمیں کئی اختراعی خیالات سے روشناس کرواتا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مرکزی جماعت اہلسنت پاکستان کے سیکرٹری جنرل سید عرفان مشہدی نے کہا ہے
گجرات(جی پی آئی)مرکزی جماعت اہلسنت پاکستان کے سیکرٹری جنرل سید عرفان مشہدی نے کہا ہے کہ جب تک اسلام کی حقیقی تعلیم کو عام نہیں کیا جائے گا اس وقت تک معاشرے سے انتہا پسندی ختم نہیں کی جا سکتی، پاکستان کے مسائل کا حل نفاذِ نظامِ مصطفی میں پوشیدہ ہے۔ ملک میں افراتفری پیدا کرنا حُبّ الوطنی نہیں، اہل حق میدان عمل میں آئیں اور اسلام کا حقیقی پیغام لوگوں کے دلوں میں موجزن کرنے میں اپنا کردار ادا کریں تاکہ گمراہی ،بے دینی ،جھوٹ اورہر طرح کی برائیوں سے معاشرے کو پاک کیا جا سکے۔ ان خیالات کا اظہار انہوں نے گذشتہ روزر”مجاہد ملت” کانفرنس سے خطاب کرتے ہوئے کیا۔ اس موقع پر مرکزی جماعت اہلسنت پنجاب کے امیر پیر امانت علی شاہ، جنرل سیکرٹری قاضی عبدالغفارقادری،علامہ اکبر عرفانی،پیر عبدللہ مشہدی سمیت دیگر نے بھی خطاب کیاْمقررین نے کہا کہ پاکستان عالمی سازشوں کی آماجگاہ بن چکا ہے۔ استحکام وطن کے لیے پوری قوم متحد ہو جائے۔ قومی سلامتی کو درپیش خطرات کے مقابلہ کے لیے قومی اتحاد ضروری ہے۔ پاکستان عالمی گریٹ گیم کا میدان بن چکا ہے، پاکستان کے خلاف مقامی اور عالمی سازشوں کا راستہ روکیں گے اور پاکستان دشمن طاقتوں کے ناپاک عزائم کامیاب نہیں ہونے دیں گے۔
