قصور (بیور و رپورٹ) شہریوں کی جان و مال اور عزت کی حفاظت ،کرائم کا خاتمہ اور عوامی خدمت قصور پولیس کی پہچان ہے کیونکہ اللہ کو راضی کرنے کیلئے مخلوق خداکی خدمت کرنا ہی بہترین ذریعہ ہے ، قصور پولیس کریمنل اورجرائم پیشہ عناصر کیخلاف بہادری اور دلیری سے کام کررہی ہے ان خیالات کا اظہار ڈی پی اوقصور سید علی ناصر رضوی نے اپنے آفس میں صحافیوں کے ایک وفد سے بات چیت کرتے ہوئے کیا ۔انہوں نے کہا کہ کرپٹ پولیس آفیسر اورجو جرائم پیشہ افراد کی پشت پناہی کرتے ہیں ان کو ہمیں اپنی صفوں سے باہر نکا ل دیا کیونگہ یہ محکمہ پولیس کی بدنامی کا با عث ہیں ۔ پولیس کی وردی درحقیقت اللہ کی طرف سے دی گئی امانت ہے اور اس امانت کے متعلق جو بھی ذمہ داریاں ہیں وہ تمام ذمہ داری پوری نیت اور ایمانداری کیساتھ ادا کرنے کی کوشش کررہے ہیں تاکہ صحیح معنوں میں لوگوں کی خدمت کرسکیں۔ انہوں نے مزید کہا کہ جرائم پیشہ افراد ، کریمنل اور ڈاکوؤں کے خلاف روازنہ کی بنیاد پر کریک ڈاؤن کیا جارہا ہے اور انشاء اللہ ضلع قصور کو جرائم سے مکمل پاک کر کے ہی دم لیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (بیور و رپورٹ) ڈی سی او قصور عمارہ خان نے ڈسٹرکٹ ہیڈ کوارٹر ہسپتال میں گزشتہ روز بچوں کو قطرے پلا کر تین روزہ پولیو مہم کا افتتاح کر دیا ہے ۔ اس موقع پرای ڈی او ہیلتھ ڈاکٹر عبدالمجید ‘ ایم ایس ڈی ایچ کیو ہسپتال ڈاکٹر جاوید اقبال ‘چیئر مین فسیلیٹیشن کمیٹی برائے ہیلتھ افضال حسین زین ‘ڈسٹرکٹ سرویلنس آفیسر و انچارج پولیو مہم ڈاکٹر محمد خالد ، اے ایم ایس ڈاکٹر حافظ محمد یاسین ‘ڈی او ایچ ڈاکٹر محمد ناصر اسلام خاں ‘ڈپٹی ڈی ایچ او ڈاکٹر نذیر احمد ‘ڈسٹرکٹ کوارڈینیٹرآئی آر ایم این سی ایچ اینڈ نیو ٹریشن پروگرام ڈاکٹر ثمرہ خرم‘ایگزیکٹو ممبر پی ایم اے قصور ڈاکٹر شفیق احمد اور دیگر محکمہ صحت کے افسران نے شرکت کی ۔ اس موقع پر گفتگو کرتے ہوئے ڈی سی او عمارہ خان نے بتایا کہ ضلع قصور میں تین روزہ پولیو مہم 19دسمبر سے شروع ہو رہی ہے جو21دسمبر 2016ء تک جاری رہے گی جبکہ 22دسمبر کو فالواپ ہو گا۔ مہم کے دوران ضلع میں ٹارگٹ کے مطابق پانچ سال سے کم عمر 5لاکھ82ہزار 109بچوں کو پولیو کے قطرے پلائے جائینگے ۔ پولیو مہم کی کامیابی کیلئے تمام تر انتظامات مکمل کر لئے گئے ہیں اور ضلع میں 113یونین کونسل انچارجز ، 240ایریا انچارجز ، 1125موبائل ٹیمیں ، 122فکسڈ ٹیمیں ، 50ٹرانزٹ ٹیمیں اور مجموعی طور پر کل1297ٹیمیں تشکیل دیدی گئی ہیں جو مہم کی کامیابی کیلئے کردار ادا کرینگی ۔ انہوں نے مزید کہا کہ تحصیل قصور میں 2لاکھ 10ہزار 980،تحصیل کوٹ رادھا کشن میں 67ہزار681، تحصیل چونیاں میں 1لاکھ 43ہزار 310اور تحصیل پتوکی میں 1لاکھ 60ہزار 138بچوں کو پولیو کے قطرے پلائے جائینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (بیورورپورٹ) ڈرائیونگ لائسنس برانچ میں تعینات شریف کانسٹیبل نے رشوت کا بازا ر گرم کر دیا، لائسنس برانچ میں نواحی دیہات سے آنے والے سائلین سے مختلف حیلو ں بہانوں سے رشوت کی وصولی کا سلسلہ جاری ، اعلی حکام سے فوری نوٹس لینے کا مطالبہ، تفصیلات کے مطابق ڈرائیونگ لائسنس برانچ قصور میں مصطفی آباد اور اس کے نواحی دیہات سے آنے والے سائلین کو کانسٹیبل شریف نے دونوں ہاتھوں سے لوٹنا شروع کر دیا، لائسنس برانچ میں آنے والے سادہ لوح سائلین سے مختلف حیلوں بہانوں سے رشوت وصول کرنا معمول بنا لیا ہے، رشوت نہ دینے والے سائلین کے کام میں کوئی نہ کوئی رکاوٹ ڈال کر رشوت وصول کرنے کا سبب بنوا لیتا ہے اور وقتی طور پر پریشان ہونے والے سائلین سے منہ مانگی رقم وصول کرکے ان کا لائسنس بنوا دیتا ہے، اہل علاقہ نے اعلی حکام سے فوری نوٹس لیتے ہوئے کرپٹ کانسٹیبل شریف اور اس کی کرپشن میں ملوث اہلکاروں کے خلاف سخت کاروائی کا مطالبہ کیا ہے۔ دوسری جانب ترجمان ٹریفک نے بتایا کہ تمام الزامات بے بنیاد ہیں ،یہاں کام کی سرکاری فیسیں مقررہیں وہی لی جاتی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (بیورورپورٹ) 9سالہ معصوم بچی سے بداخلاقی کرنے والا درندہ صفت ملزم گرفتار، مقدمہ درج ۔تفصیلات کے مطابق اتفاق اڈا پھولنگر کی رہائشی غلام ظہور اں بی بی نے تھانہ سٹی پھولنگر پولیس کو بتایا کہ سائلہ کی بیٹی شگفتہ بعمر9سال گھر سے ہمسایہ کے گھر جا رہی تھی کہ ملزم جادید اس کو پکڑ کر زبردستی اپنے گھر لے گیا اور اس کے ساتھ زنا بالجبر کیا.تھانہ سٹی پھولنگر پولیس نے مقدمہ درج کر کے ملزم جاوید کو گرفتار کرلیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (بیورورپورٹ) 15000 روپے والے قومی انعامی بانڈز کی قرعہ اندازی 02 جنوری بروز سوموار راولپنڈی میں منعقد ہوگی 15000 روپے والے قومی انعامی بانڈز کی یہ مجموعی طور پر 69 ویں قرعہ اندازی ہے 15000 روپے والے قومی انعامی بانڈز کا پہلا انعام 3 کروڑ ‘ دوسرا انعام 1 کروڑ کے 3 انعامات‘ جبکہ تیسرا انعام 1 لاکھ 85 ہزار روپے کے 1696 انعامات خوش نصیبوں میں تقسیم کئے جائینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (بیورورپورٹ) مہرعمران آفتاب کی والدہ کاانتقال،شہریوں ومذہبی تنظیموں کا اظہارِتعزیت، تفصیلات کے مطابق پاکستان فلاح پارٹی کے نائب صدر وسابق ناظم اے ٹی آئی مہرعمران آفتاب کی والدہ کے انتقال پرسابق نائب ضلع ناظم حاجی مقصودصابرانصاری ،تحریک انصاف کے آرگنائزر وامیدوار ایم این اے میاں فاروق احمدانصاری،صدر یونین آف جرنلسٹس عطاء محمدقصوری ، پاکستان میڈیا کونسل کے نائب صدر حاجی عمران شہزاد انصاری ،صدر پاکستان فلاح پارٹی مفتی فیاض احمدانصاری، محمودچوہدری جنرل سیکرٹری ٹریڈونگ پنجاب ،سمیع اللہ جٹ سابق ناظم اے ٹی آئی ،راناسعیدقادری، جمیل نقشبندی، قاری غلام مصطفی ،میونسپل کمیٹی کے کونسلرز مہرعمران ایڈوکیٹ ، کونسلرچوہدری امتیاز اختر نے مہرعمران آفتاب نائب صدر پاکستان فلاح پارٹی قصور شہر سے انکی والدہ کے انتقال پراظہارِ تعزیت کیا ہے ، اور اجلاس میں مرحومہ کے ایصال ثواب کیلئے قرآن خوانی بھی کی گئی۔
