تحریک انصاف ہی ملک کو بحرانوں سے نکلنے کی صلاحیت رکھتی ہے
بھمبر(ڈسٹرکٹ رپورٹر)تحریک انصاف ہی ملک کو بحرانوں سے نکلنے کی صلاحیت رکھتی ہے قائد تحریک عمران خان تبدیلی کے سفر پر گامزن ہیں عوام کو حقیقی تبدیلی خوشحالی مہیا کرنے کیلئے ہم سب تحریک انصا کے ساتھ ہیں تحریک انصاف میں عوام میں شعور بیدار کر دیا ہے ان خیالات کااظہار تحریک انصاف ضلع بھمبر کے کارکنوں ندیم صابر آزاد ، عامر صدیق ، چوہدری انوار، انجینئر زبیر ، عامر مغل، چوہدری قیصر، راجہ شاہد ، راجہ اعجاز ، چوہدری صہیب، چوہدری شفاقت ودیگر نے اپنے مشترکہ بیان میں کیا۔ انہوںنے مزید کہا کہ پی ٹی آئی ضلع بھمبر میں ضلعی صدر چوہدری آصف حسین ایڈووکیٹ کی قیادت میں ایک مضبوط سیاسی قوت بن چکی ہے ضلعی صدر عمران خان کے سیاسی ویژن اور آذاد کشمیر کے صدر ڈاکٹرلطف الرحمن کی قیادتمیں منظم انداز میں اپنی جدوجہد جاری رکھے ہوئے ہیں ۔ نہایت ہی کم عرصہ میں پی ٹی آئی ضلع بھمبر میں ایک مضبوط سیاسی قوت بن چکی ہے ۔ انہوںنے کہا کہ تحریک انصاف ہی ملک سے غربت، بے روزگاری ، بدامنی اور دہشت گردی مسائل کے خاتمے کی صلاحیت رکھتی ہے ۔ عوام جانتی ہے کہ ان کے ساتھ مخلص کون ہے ۔ پی ٹی آئی کا آج جہلم میں ہونے والا جلسہ تاریخی اہمیت کا حامل ہوگا۔ ضلع بھمبر سے کارکن چوہدری آصف حسین ایڈووکیٹ کی قیادت میں بھرپور شرکت کرینگے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحریک انصاف ضلع بھمبر کے صدر چوہدری آصف حسین ایڈووکیٹ نے کہا ہے کہ شہداء اور غازیوں کی سرزمین جہلم میں آج ہونے والا پی ٹی آئی
بھمبر(ڈسٹرکٹ رپورٹر)تحریک انصاف ضلع بھمبر کے صدر چوہدری آصف حسین ایڈووکیٹ نے کہا ہے کہ شہداء اور غازیوں کی سرزمین جہلم میں آج ہونے والا پی ٹی آئی کا جلسہ انتہاہی اہمیت کا حامل ہے ۔ ضلع بھمبر سے تحریک انصاف کے کارکن بھرپور انداز میں شرکت کرینگے اور ثابت کردیں گے کہ وہ اپنے قائد عمران خان کی ہر آواز پر لبیک کہتے ہیں ۔ ان خیالات کااظہار انہوں نے پی ٹی آئی ضلع بھمبر کے کارکنوں چوہدری طارق ، انعام جرال ، ڈاکٹرعمران ، چوہدری اعجاز ، یاسر محمود ، راجہ فیصل ، راجہ مسعود ، چوہدری خادم ،نوید احمد اور دیگر سے خصوصی بات چیت کرتے ہوئے کیا۔ انہوںنے مزید کہا کہ تحریک انصاف کے کامیاب دھرنوں اور تاریخی جلسوں نے اپنا اثر دکھانا شروع کر دیا ہے عوام بیدار ہو چکے ہیں ۔ تحریک انصاف ملک سے موروثی سیاست کا خاتمہ کرئیگی اور عوام کے حقوق کی بازیابی کیلئے عمران خان کے سیاسی ویژن اور صدر آزاد کشمیر پی ٹی آئی ڈاکٹر لطف الرحمن کی قیاد ت میں اپنی پرامن سیاسی جدوجہد جاری رکھے گی ۔ انہوں نے مزید کہا کہ عمران خان نڈر لیڈر ہیں جن کے قول و فعل میں کوئی تضاد نہیں پاکستان اور آزاد کشمیر کی غیور عوام سابقہ اور موجودہ حکمرانوںکی اصلیت جان چکی ہے اب ہرگز عوام ان کے جھانسہ میں نہیںآئیگی ۔ تبدیلی اپنا اثر دکھا رہی ہے یہی وجہ ہے کہ ملک بھر کی طرح بیرون ممالک مقیم تارکین وطن جوق در جوق تحریک انصاف میں شامل ہو رہے ہیں۔ آخرمیں انہوںنے کہا کہ موجودہ دھاندلی زدہ حکمرانوںکا جانا ٹھہر چکا ہے پاکستان کی عوام عمران خان کی قیاد ت میں نیا پاکستان بنائے گی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر سکولز و کالجز کے طلبا و طالبات کے لانے اور لے جانے والی پرانی اور کھٹارا بسیں ویگنیں بغیر فٹنس سرٹیفکیٹ لیے سڑکوں
بھمبر ( ڈسٹرکٹ رپورٹر ) بھمبر سکولز و کالجز کے طلبا و طالبات کے لانے اور لے جانے والی پرانی اور کھٹارا بسیں ویگنیں بغیر فٹنس سرٹیفکیٹ لیے سڑکوں پر دوڑنے لگیں ٹرانسپورٹروں نے ملی بھگت سے ناکارہ اور ان فٹ گاڑیاں سکولز و کالجز کے ساتھ منسلک کر دیں پرانی کھٹارہ اور ان فٹ بسیں ویگنیں مستقبل کے معماروں اور ننھی کلیوں کی جانوں کیلئے خطرہ بن گئیں ٹریفک پولیس نے بھی آنکھیں موند لیں والدین اور شہریوں کا انتظامیہ کے اعلیٰ حکام سے نوٹس لینے کا مطالبہ تفصیلات کے مطابق بھمبر شہر میں سرکاری و پرائیوٹ سکولز و کالجز میں گرد ونواح کے دیہاتوں اور علاقوں سے روزانہ سینکڑوں طلباء و طالبات اور معصوم بچے بسوں اور ویگنوں پر سوار ہو کر آتے ہیں سکول اور کالجوں میں طلبا وطالبات کو پک اینڈ ڈراپ کی سہولت فراہم کرنے والی اکثر بسیں اور ویگنیں بغیر فٹنس سرٹیفکیٹ لیے چل رہی ہیں جبکہ بعض ایک ویگنوں کی حالت انتہائی ناگفتہ بہ ہے سکول و کالج بس یا ویگنیں صرف سکولز ٹائم پر ہی سڑکوں پر موجود ہوتی ہیں جس پر گاڑی فٹنس چیک کرنے والے ادارے اور گاڑیوں پر نظر رکھنے والی ٹریفک پولیس اپنے فرائض سے چشم پوشی کرتے ہیں اور سکولز و کالجز کے طلبا و طالبات کو لانے اور لے جانے والی ٹرانسپورٹ کو چیک نہیں کیا جاتا جبکہ دوسری طرف ٹرانسپورٹر حضرات نے بھی ملی بھگت سے پرانی اور کھٹارا گاڑیاں سکولز و کالجز کیلئے مختص کر رکھی ہیں پرانی اور کھٹارا بسوں اور ویگینوں کے ان فٹ ہونے سے حادثات ہونے کا خطرہ ہر وقت منڈلاتا رہتا ہے جس سے مستقبل کے معماروں اور معصوم کلیوں کی زندگیوں کو شدید خطرات لاحق ہیں بغیر فٹنس سرٹیفکیت لیے چلنے والی سکول ٹرانسپورٹ پر والدین اور بھمبر کے شہری حلقوں نے شدید تشویش کا اظہار کرتے ہوئے ایس ایس پی بھمبر سمیت دیگر اعلی حکام سے نوٹس لینے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
غیر ریاستی جماعتوں کے نمائندے ریاستی ٹولے نے بیس کیمپ آزاد کشمیر کا نہ صرف حلیہ بگاڑ دیا
بھمبر ( ڈسٹرکٹ رپورٹر ) غیر ریاستی جماعتوں کے نمائندے ریاستی ٹولے نے بیس کیمپ آزاد کشمیر کا نہ صرف حلیہ بگاڑ دیا بلکہ تحریک آزادی کشمیر کو بھی شدیدنقصان پہنچانے کے بعد مسئلہ کشمیر سرد خانے کی نذر کر دیا ہے آزاد کشمیر کے وسائل غیر ریاستی جماعتوں کی تشہیر اور سپورٹ کیلئے خرچ کرنا حکومت آزاد کشمیر کی بڑی زیادتی ہے وزیراعظم عبدالمجید برطانیہ میں پیپلز پارٹی کی سپورٹ اور تشہیر کیلئے ریاستی وسائل جھونک کر کشمیریوں کے مینڈیٹ کی توہین کر رہے ہیں بیرون ملک تارکین وطن غیر ریاستی جماعتوں کی بڑھوتی اور تحریک آزادی سے کسی کو بھی کھلواڑ کرنے کی اجازت نہیں دینگے ان خیالات کا اظہار اوورسیز کشمیری و مرکزی راہنما کشمیر فریڈم موومنٹ مشتاق احمد کاشر نے جنوبی افریقہ سے صحافیوں کے ساتھ ٹیلی فونگ گفتگو میں کیا انہوں نے کہا کہ ریاست جموں و کشمیر کی وحدت اور شناخت کشمیریوں کے ایمان کا حصہ ہے آزاد کشمیر جیسے تحریک آزادی کشمیر کا بیس کیمپ بنایا گیا اسی سر زمین سے غیر ریاستی جماعتوں کو پرموٹ کرنے کے ساتھ ساتھ تحریک آزادی کشمیر کو دفن کرنے کی سازشیں ہو رہی ہیں نام نہاد حکومت آزادکشمیر کے وزیراعظم کا اپنی کابینہ سمیت برطانیہ جانا اور ریاستی وسائل برطانیہ میں ایک غیر ریاستی شخصیت کی تشہیر کیلئے خرچ کرنا کشمیریوں کے مینڈیٹ کی توہین ہے جسے اب کشمیری کسی صورت برداشت نہیں کرینگے انہوں نے کہا کہ اب کشمیریوں کی آنکھیں کھل جانی چاہیے کہ جنہیں تحریک آزادی کے بیس کیمپ کی سربراہی دی گئی وہ غیروں کو نوازنے اور تحریک کو دفن کرنے میں مصروف ہیں کشمیر فریڈم موومنٹ دنیا بھر میں مقیم کشمیریوں کے سامنے آزاد کشمیر میں بیس کیمپ کی سربراہی کرنے والوں کے پردے چاک کرے گی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈاکٹر محمد اصغر مرحوم اور چوہدری غلام سرور آف سدوال کوٹلہ کے بھائی چوہدری محمد انور گذشتہ روز رضائے الہٰی
بھمبر ( ڈسٹرکٹ رپورٹر ) ڈاکٹر محمد اصغر مرحوم اور چوہدری غلام سرور آف سدوال کوٹلہ کے بھائی چوہدری محمد انور گذشتہ روز رضائے الہٰی سے انتقال کر گئے مرحوم کو نماز جنازہ کے بعد انکے آبائی گائوں سدوال میں سپرد خاک کر دیا گیا نماز جنازہ میں سیاسی ، سماجی ، مذہبی ، بزنس مین شخصیات کے علاوہ عوام علاقہ اور عزیز و اقارب نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر میں پنجاب گروپ آف کالجز کی عمارات کا سنگ بنیاد رکھ دیا گیا سنگ بنیاد مشہور و معروف روحانی
بھمبر ( ڈسٹرکٹ رپورٹر ) بھمبر میں پنجاب گروپ آف کالجز کی عمارات کا سنگ بنیاد رکھ دیا گیا سنگ بنیاد مشہور و معروف روحانی شخصیت پیر زاہد صدیق نے اپنے دست مبارک سے رکھا سنگ بنیاد کی تقریب میں ڈائریکٹر پنجاب گروپ آف کالجز میاں محمود احمد، ڈائریکٹر راجہ خضر حیات ، راجہ محمد رفیق، راجہ محمد اقبال، چوہدری محمد اصغر، راجہ فرمان علی، راجہ محمد آصف، پرنسپل راجہ طارق حسین ، صدر کشمیر پریس کلب راجہ نعیم گل، چوہدری خالد حسین ایڈووکیٹ، راجہ نوید احمد، میاں امجد حسین، حاجی محمد رزاق، مولانا عارف شاہد ، مولانا عبدالقدیر ، ملک صابر حسین سمیت تعلیمی، مذہبی اور عوامی شخصیات نے بڑی تعداد میں شرکت کی اس موقع پر معروف بزنس مین راجہ محمد رفیق نے کہا کہ بھمبر میں پنجاب گروپ آف کالجز کے زیر اہتمام بننے والا تعلیمی ادارہ تعلیمی میدان میں ایک اچھا اور خوبصورت اضافہ ہے جس کے قیام سے بھمبر کے اندر معیاری اور جدید درس گاہ سے علاقے کے نوجوان مستفید ہونگے ڈائریکٹر پنجاب گروپ آف کالجز میاں محمود احمد نے کہا کہ پنجاب گروپ آف کالجز نظام تعلیم کے اندر بہتر خدمات سر انجام دے رہا ہے آنے والی نسلوں کی بہتر تعلیم و تربیت میں اپنا بھر پور کردار ادا کر رہا ہے پنجاب کے بعد بھمبر میں اپنا ادارہ قائم کر رہے ہیں جس کے قیام سے بھمبر کے اندر بھی تعلیمی میدان میں مقابلے کا رحجان پیدا ہو گا بھمبر اور گرد و نواح کے نوجوانون کو بہتر تعلیم حاصل کرنے کا موقع ملے گا ہماری کو شش ہو گی کہ پنجاب کی طرح بھمبر کے تعلیمی میان میں اپنا نام پیدا کریں اس موقع پر پیر زاہ صدیق نے سنگ بنیا رکھا اور خصوصی دعا کرائی۔
