پاکستان پیپلز پارٹی برٹن برطانیہ کے صدر چوہدری محمد یونس آف بروٹی بیرسٹر سلطان محمود چوہدری
بھمبر (ڈسٹرکٹ رپورٹر ) پاکستان پیپلز پارٹی برٹن برطانیہ کے صدر چوہدری محمد یونس آف بروٹی بیرسٹر سلطان محمود چوہدری کے بھمبر جلسے میں شرکت کیلئے برطانیہ سے بھمبر پہنچ آئے تفصیلات کے مطابق پاکستان پیپلز پارٹی برٹن برطانیہ کے صدر بیرسٹر سلطان محمود چوہدری کے دست راست چوہدری محمد یونس آف بروٹی بیرسٹر سلطان محمود کے بھمبر جلسے میں شرکت کیلئے برطانیہ سے بھمبر پہنچ آئے موصوف ڈیڑھ ماہ قبل بھمبر سے ملین مارچ اور انڈین سفارت خانے کے باہر احتجاجی مظاہرہ کو کامیاب کروانے کیلئے برطانیہ گئے تھے اب موصوف قائد کشمیر بیرسٹر سلطان محمود چوہدری کی کال پر بھمبر جلسے کو کامیاب کروانے کیلئے برطانیہ سے وطن پہنچ آئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان تحریک انصاف کے اسلام آباد جلسے میں لاکھوں افراد نے شرکت کر کے عمران خان پر اعتماد
بھمبر ( ڈسٹرکٹ رپورٹر ) پاکستان تحریک انصاف کے اسلام آباد جلسے میں لاکھوں افراد نے شرکت کر کے عمران خان پر اعتماد کا جبکہ مک مکا کی سیاست پر عدم اعتماد کا ا ظہار کیا ہے عمران خان کی ہر کال پر لبیک کہیںگے 18 دسمبر کو تحریک انصاف کے ٹائیگرملک جام کر کے دیکھائینگے ان خیالات کا اظہار پاکستان تحریک انصاف ضلع بھمبر کے صدر چوہدری آصف حسین ایڈووکیٹ ضلعی جنرل سیکرٹری یاسر رزاق نے مشترکہ بیان میں کیا انہوں نے کہا کہ پاکستان تحریک انصاف 111 دن سے پر امن احتجاج کر کے دھاندلی کی تحقیقات اور غیر جانبدار چیف الیکشن کمشنر کا مطالبہ کر رہی ہے لیکن دھاندلی زدہ اور مک مکا کی حکومت کے کانوں پر جوں تک نہ رینگی ہے انہوں نے کہا کہ پاکستان تحریک انصاف نے پر امن احتجاج ، دھرنوں اور جلسوں کے ذریعہ باریاں لینے والوں کی اصل حقیقت کو عوام کے سامنے رکھا ہے عوام کو وقت کی طاقت کی اہمیت اور انکے حقوق کے شعور سے آگاہ کیا ہے گزشتہ 67 سالوں کی لوٹ مار اور کرپشن کو بے نقاب کیا ہے عوام غریب تر غریب اور حکمران امیر تر امیر کس طرح ہو رہے ہیں حکمرانوں کی جائیدادوں میں اضافہ کیسے ہوا پاکستان تحریک انصاف کی دھرنا، احتجاج اور جلسوں کی سیاست کامیاب رہی ہر جگہ لاکھوں افراد نے شرکت کر کے تحریک انصاف اور اس کی قیادت پر اعتماد کا اظہار کیا ہے انہوں نے کہا کہ ہم اپنے قائد عمران خان کی ہر کال پر لبیک کہیں گئے 18دسمبر کو تحریک انصاف کے ٹائیگرزملک کا جام کر کے دکھائینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان تحریک انصاف کیخلاف پروپیگنڈا کرنے والے اپنی اوقات میں رہیں کسی پر کیچڑ اچھالنے سے پہلے اپنے گربیانوں
بھمبر ( ڈسٹرکٹ رپورٹر) پاکستان تحریک انصاف کیخلاف پروپیگنڈا کرنے والے اپنی اوقات میں رہیں کسی پر کیچڑ اچھالنے سے پہلے اپنے گربیانوں میں جھانکیں ہم نے تمہاری اصلیت اور حقیقت سامنے لائی تو پھر معاشرے میں منہ چھپانے کی جگہ نہ ملے گی ان خیالات کا اظہار پاکستان تحریک انصاف ضلع بھمبر کے ترجمان حامد ناصر نے کیا انہوں نے کہا کہ کچھ لوگ اپنے ذاتی مفادات کیلئے تحریک انصاف کے عہدیدارن کو بلیک میل کرنا چاہتے ہیں اور اس کیلئے جھوٹا من گھڑت اور بے بنیاد پروپیگنڈا کر رہے ہیں جس کی ہم بھر پور مذمت اور تردید کرتے ہیں انہوں نے کہا کہ ہمیں بلیک میل کرنے والوں کو بھی ہم خوب جانتے ہیں ان کے کردار، اصلیت اور حقیقت کو ہم نے سامنے لایا تووہ معاشرے کے اندر منہ دیکھانے کے قابل نہیں رہیں گے انہوں نے کہا کہ پاکستان تحریک انصاف نہ بلیک میل ہوئی ہے اور نہ ہو گی انہوں نے کہا کہ ضلع بھمبر کے اندر تحریک انصاف کی تنظیم سازی کامیابی کے ساتھ جاری ہے جس سے خائف ہو کر کچھ لوگ ہمارے خلاف بیان بازی کر ہے ہیںانہوں نے کہا کہ اوچھے ہتھکنڈوں سے تحریک انصاف کا راستہ نہیں روکا جا سکتا ہم تحریک انصاف کو آزاد کشمیر بالخصوص ضلع بھمبر کی سب سے بڑی سیاسی جماعت بنا کر دیکھائینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ریاست جموں و کشمیر قدرتی وسائل سے مالا مال ہے پاکستان اور بھارت نے ریاست جموں و کشمیر
بھمبر ( ڈسٹرکٹ رپورٹر ) ریاست جموں و کشمیر قدرتی وسائل سے مالا مال ہے پاکستان اور بھارت نے ریاست جموں و کشمیر کو جبراً تقسیم کر کے جغرافیائی حدود اربعہ تبدیل کرنے کے ساتھ ساتھ عوام کے ذہن بھی تبدیل کر دئیے ہیں چند عاقبت کشمیری غلامی کو آزادی سمجھتے ہیں جسکی وجہ ہماری غلامی کی رات طویل سے طویل تر ہوتی جا رہی ہے آج الحاق اور خود مختار کی ضد کا شکار ہیں کشمیریوں کا نصب العین واضح اور دو ٹوک نہیں ہے بلکہ مبہم ہے کیونکہ یو این او میں بھی پہلی قرار داد کو تبدیل کر دیا گیا آج مقبوضہ کشمیر کی خصوصی حیثیت کو ختم کرنے کی کوشش کی جا رہی ہے بلکہ کچھ طاقتیں آزاد کشمیر کی خصوصی حیثیت کو بھی ختم کرنے کے درپے ہیں اگر ایسا ہو جاتا ہے تو مسئلہ کشمیر اپنے منطقی انجام کو پہنچ کر ہمیں مستقل غلامی سے دو چار کر دے گا ان خیالات کا اظہار انجینئر خالد پرویز بٹ مرکزی صدر کشمیر فریڈم موومنٹ نے مرکزی مجلس شوری کے اجلاس سے خطاب کرتے ہوئے کیا انہوں نے کہا وفاق پاکستان کو چاہیے کہ کشمیریوں کو حق خودارادیت تک اندرونی خود مختار ی دے کر مسئلہ کشمیر کو پوری دنیا میں اجاگر کرنے کیلئے اور حق خودارادیت کے حصول کیلئے جدوجہد کی آزادا نہ اجازت دے آزاد حکومت ریاست جموں و کشمیر کو کشمیریوں کی نمائندہ حکومت تسلیم کرتے ہوئے آزاد کشمیر میں آزادانہ ،منصفانہ اور شفاف الیکشن منعقد کروا کر حقیقی عوامی حکومت بنائے دفاع، خارجہ، کرنسی ، مواصلات وفاق پاکستان کے پاس رہیں لیکن ریاست کو مکمل اندرونی خود مختار دے دی جائے آزاد کشمیر کی موجودہ صورتحال انتہائی تشویش ناک ہے کیونکہ آزاد کشمیر میں قائم حکومت جہاں تحریک آزادی کشمیر کے ساتھ انتہائی سنگین مذاق کر رہی ہے وہاں آزاد کشمیر کے عوام کی زندگی بھی اجیران بنا دی گئی ہے قومی خزانے کو مادر پدر سمجھ کر لوٹا جا رہا ہے تمام ملازمین اپنے من پسند اور بھاری رقومات کے عوض دی جا رہی ہیں تمام ترقیاتی پراجیکٹس کے ٹھیکے منظور نظر اور بھاری رقومات کے عوض دئیے جا رہے ہیں تعلیم اور صحت دونوں شعبوں کا بیڑہ غرق کر کے رکھ دیا گیا تمام سرکاری ہسپتال پر آنے والے مریض کو پاکستان میں ریفر کر دیتے جہاں وہ علاج معالجہ کے بھاری اخراجات ادا نہ کر نے کی وجہ سے موت کی آغوش میں چلا جاتا ہے کنسٹیبل اور پٹواری کے رحم و کرم پر لوگوں کو چھوڑ دیا گیا ہے سرکاری ملازمین دیدہ دلیری سے کرپشن کر رہے ہیں انہیں کسی کا بھی ڈر اور خوف نہیں ہے کیونکہ ہر وزیر اپنے محکمہ سے باقاعدہ منتھلی وصول کر رہا ہے اور محکمہ کے سنیئر اہلکار اگر ایک لاکھ روپیہ وزیر کو دیتے ہیں تو وہ دو لاکھ کی کرپشن کرتے ہیں اگر یہ کہا جائے کہ پاکستان کی مرکزی حکومت کی آشیر باد سے آزاد کشمیر میں حکومت بر سر اقتدار آتی ہے اور پھر یہ اقتدار پر قابض ٹولہ دن رات لوٹ مار میں مصروف ہے اجلاس سے سابق مرکزی صدر چوہدری خالق حسین ایڈووکیٹ، صدر سعودی عرب زون محمد اشتیاق آتش، چوہدری ظفر اقبال، ضلع بھمبر کے صدر چوہدری محمود الحسن ایڈووکیٹ، سیکرٹری مالیات محمد منشاء وقار اور دیگر نے بھی خطاب کیا مشاورتی کونسل میںراجہ محمد یونس، چوہدری خالد حسین ایڈووکیٹ، ملک شوکت حسین ، سلیم اکبر کاشر، ملک خالد، شیخ محمد عابد، ڈاکٹر محمد اسحاق، چوہدری محمد شبیر، حاجی محمد اختر، محمد یٰسین تبسم، رومان رضا، ظہیر عباس ، عنصر آرائیں، سلیم ساگر، ذیشان مصطفی سمیت دیگر نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیپلز پارٹی کے لاہور میں ہونے والے پروگرام میں شرکت کیلئے عمر ریاض ساگر کی قیادت میں بھمبر سے یوتھ کا قافلہ
بھمبر (ڈسٹرکٹ رپورٹر ) پیپلز پارٹی کے لاہور میں ہونے والے پروگرام میں شرکت کیلئے عمر ریاض ساگر کی قیادت میں بھمبر سے یوتھ کا قافلہ روانہ یوتھ کے عہدیدارن اجلاس میں شرکت کے ساتھ مرکزی قائدین سے بھی ملاقات کرینگے تفصیلات کے مطابق پاکستان پیپلز پارٹی کے آج لاہور میں ہونے والے پروگرام بھی شرکت کیلئے بھمبر سے پیپلز یوتھ آرگنائزیشن کے عہدیداران و کارکنان کا قافلہ مرکزی راہنما عمرریاض ساگر کی قیادت میں روانہ ہو گیا پیپلز یوتھ آرگنائزیشن ضلع بھمبر کے عہدیداران و کارکنان پروگرام میں شرکت کے ساتھ مرکزی قائدین سے ملاقاتیں بھی کرینگے اور یوتھ کے مسائل سے انکو آگاہ کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صحابہ اکرام کی عظمت اور شان میں کسی کو گستاخی کی اجازت نہیں دینگے صحابہ رحمت اللعالمین ۖ کے دست بازو تھے
بھمبر ( ڈسٹرکٹ رپورٹر ) صحابہ اکرام کی عظمت اور شان میں کسی کو گستاخی کی اجازت نہیں دینگے صحابہ رحمت اللعالمین ۖ کے دست بازو تھے ان کے بغیر دین نامکمل ہے فرقہ وارایت اور دہشت گردی کے خلاف ہیں لیکن کسی کو مذہبی منافرت پھیلانے اور دین کو بگاڑنے کی بھی اجازت نہیں دینگے ان خیالات کا اظہار مرکزی صدر اہل سنت والجماعت مولانا اورنگزیب فاروقی نے بھمبر میں ایک مقامی ہوٹل میں اہلسنت و الجماعت سٹی بھمبر کے زیر اہتمام منعقدہ سیرت محمد ۖ کانفرس سے خطاب کرتے ہوئے کیا انہوں نے کہا کہ رسول ۖ نے ہمیں ایک مکمل دین دیا ان کی رسالت کا عرصہ 23 سال پر محیط ہے اگر یہ 23 سال نکال دئیے جائیں تو اس سے قبل بھی اندھیرا اور جہالت تھی اور اس کے بعد بھی اندھیرا ہی اندھیرا ہوتا انہوں نے کہا کہ آج کے مسلمان کا روز بروز پستی میں گرنے کا عمل دین محمد ی ۖ سے دوری اور صحابہ اکرم کے نظریہ و فکر سے انحراف ہے انہوں نے کہا کہ صحابہ رسول اکرم ۖ کے دست بازو تھے ان کی شان اور عظمیت میں کسی کو گستاخی کی اجازت نہیں دیں گے اہل سنت و الجماعت پاکستان و آزاد کشمیر کے کارکنان جھنگوی مشن صحابہ کی عظمت و ناموس کی خاطر اپنی جانوں کے نذرانے پیش کرتے رہیں گے10 دسمبر سے اہلسنت و الجماعت کی پورے پاکستان میں رکنیت سازی شروع کر رہے ہیں کارکنان زیادہ سے زیادہ لوگوں تک اہلسنت و الجماعت کا پیغام لوگوں تک پہنچائیں اس موقع پر صدر اہلسنت والجماعت آزاد کشمیر مولانا شیخ تصدق ، مولانا ابرار نذیر ، شجاع الرحمن سٹی صدر اہلسنت و الجماعت اور دیگر نے بھی خطاب کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
معذور بچوں کے عالمی دن کے موقع پر آج بھمبر میں صباء انسٹی ٹیوٹ آف سپیشل ایجوکیشن کے زیر اہتمام
بھمبر ( ڈسٹرکٹ رپورٹر ) معذور بچوں کے عالمی دن کے موقع پر آج بھمبر میں صباء انسٹی ٹیوٹ آف سپیشل ایجوکیشن کے زیر اہتمام واک ریلی نکالی جائیگی واک ریلی کی قیادت ڈپٹی کمشنر بھمبر مرزا ارشد محمود جرال کرینگے۔ واک ریلی میرپور چوک سے شروع ہو کر نئی احاطہ کچہری پہنچ کر اختتام پذیر ہو گی واک ریلی میں معذور بچے سیاسی و سماجی اور سول سوسائٹی کے نمائندے سرکاری اور پرائیوٹ تعلیمی اداروں کے بچے اور سرکاری ملازمین شرکت کرینگے۔
