پیرمحل کی سیاسی، مذہبی، فلاحی، صحافتی، عوامی حلقوں نے چوہدری محمد سرور کو گورنر پنجاب بننے پر مبارک بادپیش کی

پیرمحل (نامہ نگار) پیرمحل کی سیاسی، مذہبی، فلاحی، صحافتی، عوامی حلقوں نے چوہدری محمد سرور کو گورنر پنجاب بننے پر مبارک باد پیش کی اور نیک خواہشات کا اظہار، تفصیل کے مطابق وزیر اعظم پاکستان میاں محمد نواز شریف اور وزیر اعلیٰ پنجاب میاں محمد شہباز شریف کی طرف سے چوہدری محمد سرور کو گورنر پنجاب بننے پر ان کے آبائی شہر پیرمحل میں خوشی کی لہر ڈور گئی ہے اور مختلف شخصیت جن میں چوہدر ی خالد سردار، چوہدری امان اللہ، محمدصدیق پیارا، طالب حسین جعفری، حکیم محمد رفیق ارشد، اسرار احمد پھلوری، مشتا ق احمد سعیدی، چوہدری سرورا نجم، حبیب الرحمن شاہد نے مبارک باد پیش کی اور کہاکہ میاں محمد نواز شریف نے چوہدری سرور کو گورنر پنجاب بن کر علاقہ کے لوگوں کے دل جیت لئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میاں اسد حفیظ ضلعی سنیئرنائب صدر پاکستان مسلم لیگ(ن) یوتھ ونگ نے کہا ہے
پیرمحل (نامہ نگار) میاں اسد حفیظ ضلعی سنیئرنائب صدر پاکستان مسلم لیگ(ن) یوتھ ونگ نے کہا ہے کہ ہمارے شہر پیرمحل سے تعلق رکھنے والے چوہدری محمدسرور کا گورنر پنجاب بننے ہمارے لئے کسی اعزاز سے کم۔ہم چوہدری سرور کو گورنر پنجاب منتخب ہونے پر دل کی گہرائیاں سے مبارک بادپیش کرتے ہیںاور وزیر اعظم پاکستان میاں نواز شریف اور میاں شہباز شریف کا شکریہ ادا کرتے ہیں۔ انہوں نے کہا چوہدری محمد سرور کو گورنر پنجاب بنانے صوبہ کے 10 کروڑ عوام ومسلم لیگی کارکنوں کی امنگوں کا آئینہ دار ہے۔ انہو ںنے کہا کہ چوہدری محمد سرور نے برطانیہ اور پوری دنیا کے اندر صلاحیتوں کا لوہا منوایا ہے پاکستان کو درپیش مسائل اور چیلنجز کو سامنے رکھتے ہوئے پاکستان کے اندر چوہدری محمد سرور جیسے باصلاحیت پارلیمنٹر ین کی ضرورت تھی۔
پیرمحل (نامہ نگار)
چار کس نامعلوم مسلح ڈاکوئوں نے اسلحہ کی نوک پر دیہاتی کو موٹرسائیکل سے محروم کردیا تفصیل کے مطابق چک نمبر 666/7 گ ب کارہائشی زاہد حسین موٹرسائیکل پر سوار پیرمحل آرہا تھا کہ چارکس نامعلوم مسلح ڈاکوئوں نے اسلحہ کی نوک پر موٹرسائکل موبائل فون نقدی چھین لی اور فرارہوگئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قتل یا خودکشی، پانچ بچوں کی ماں پھندے سے جھول گئی، موت کا پوسٹ مارٹم کی رپورٹ کے بعد معلوم ہوگا
پیرمحل (نامہ نگار) قتل یا خودکشی، پانچ بچوں کی ماں پھندے سے جھول گئی، موت کا پوسٹ مارٹم کی رپورٹ کے بعد معلوم ہوگا تھانہ اروتی پولیس تفصیل کے مطابق چک نمبر751گ ب کی رہائشی حنیفاں بی بی زوجہ طارق گلے میں رسہ ڈال کر موت کے پھندے سے جھول گئی متوفیہ پانچ بچوں کی ماں ہے متوفیہ کے ورثاء کے مطابق خودکشی ہے جبکہ متوفیہ کے بھائیوںنے اس کو قتل قر اردیا تھانہ اروتی پولیس نے نعش قبضہ میں لے کر پوسٹما رٹم کے سول ہسپتال پیرمحل میں جمع کروادی تھانہ اروتی پولیس کا کہنا ہے کہ متوفیہ کی موت کا پوسٹمارٹم کی رپورٹ کے بعد تعین ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رہائشی فریادمسیح ولد ارشد مسیح کو تھانہ پیرمحل پولیس نے ہیروئن فروخت کرتے ہوئے گرفتار کر کے مقدمہ درج کرلیا
پیرمحل (نامہ نگار) منشیات فروش رنگے ہاتھوں منشیات سمیت گرفتار مقدمہ درج تفصیل کے مطابق چک نمبر 680/21 گ ب کے رہائشی فریادمسیح ولد ارشد مسیح کو تھانہ پیرمحل پولیس نے ہیروئن فروخت کرتے ہوئے گرفتار کر کے مقدمہ درج کر لیا گرفتار ملزم فریاد مسیح نے تھانہ پیرمحل پولیس کو بتلایا کہ اس نے یہ منشیات چک نمبر680/21گ ب کے رہائشی احسان الہٰی ولد مختار احمد سے فروخت کرنے کے لیے خرید کی تھانہ پیرمحل پولیس نے احسان الہٰی کی گرفتاری کے لیے چھاپے مارنے شروع کر دیے۔