جھنگ (ڈسٹرکٹ رپورٹر) ڈسٹرکٹ کوآرڈی نیشن آفیسر غازی امان اللہ نے ضلعی افسران کو ہدایت کی ہے کہ وہ دریائوں کی طغیانی پر گہری نظر رکھیں اور دریائی علاقوں کی ذاتی طورپر نگرانی کریں اور سیلابی صورتحال کے پیش نظر متاثرین کے انخلاء میں تمام وسائل بروئے کار لائے جائیں۔یہ بات انہوںنے سیلابی صورتحال کا جائزہ لینے کے دوران کہی۔ڈی سی او غازی امان اللہ نے کہا کہ ضلع میں قائم ریلیف سنٹروں میں ضروری ادویات کی دستیابی سمیت مویشیوں کے علاج معالجہ اور چارہ کی سہولت و دیگر سازو سامان کے علاوہ محکمہ صحت، لائیو سٹاک،ریونیو، ٹی ایم اے، سول ڈیفنس، پولیس،ریسکیو1122اور دیگر متعلقہ محکموں کے سٹاف کو ڈیوٹیاں تفویض کی گئی ہیں۔انہوںنے کہا کہ حفاظتی بندوں کی صورتحال ہر لحاظ سے تسلی بخش ہے اس ضمن میں دریائوں کے پانی میں متوقع اضافہ کی صورتحال سے نمٹنے کیلئے پیشگی بنیادوں پر ٹھوس اقدامات کر رکھے ہیں۔انہوںنے ڈیوٹی پرتعینات افسران پرزور دیا کہ ریلیف سنٹرز پر متاثرین سیلاب کیلئے خشک راشن،پینے کے صاف پانی ، ادویات، خیمہ جات اور دیگر ضروریات کا خصوصی طور پر خیال رکھا جائے اس ضمن میں متعین عملہ سستی اور غفلت کا مظاہرہ ہر گز نہ کرے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر)ضلع کچہری میںسیکورٹی انتظامات کے سلسلہ میں مربوط حکمت عملی اختیار کرنے کے حوالہ سے ڈسٹرکٹ اینڈ سیشن جج سجاد حسین سندھڑ کی زیر صدارت اجلاس منعقد ہوا جس میں سینئر سول جج شفیق احمد شفیع،ڈسٹرکٹ پولیس آفیسر ہمایوں مسعود سندھو، صدر بار صوفی ثناء اللہ،جنرل سیکرٹری ہاشم ادریس، وکلاء حضرات اور دیگر متعلقہ افسران نے شرکت کی۔ اجلا س میں فیصلہ کیا گیا کہ ضلع کچہری کی حدود میںآنے جانے والے لوگوں کی چیکنگ اور مانیٹرنگ کے نظام کو مزید فعال اور موثر بنانے کے حوالہ سے ٹرینڈ سیکورٹی گارڈ ، سی سی ٹی وی کیمروں، خار دار تار اور میٹل ڈیڈیکٹرکی دستیابی کو ہر صورت یقینی بنایا جائیگا۔ اجلاس میں پولیس ، حساس ادارے اور انتظامی افسران کی مشاورت سے ایک مربوط پلان بنایا گیا جس کے تحت سیکورٹی کے حوالہ سے کمزور پہلوئوں کو دورکرنے کے علاوہ مسلسل نگرانی کا نظام بھی فعال اور موثر بنایا جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر)وزیرا علیٰ پنجاب شہباز شریف کی ہدایات کی روشنی میںمحکمہ زراعت( توسیع)کے زیر اہتمام کسانوں اور کاشتکاروں میں سائل سیمپلنگ/پیسٹ سکائوٹنگ اور سپرے نوزل مفت تقسیم کرنے کے حوالہ سے خصوصی تقریب کا اہتما م کیا گیا جس میں ایم پی اے محمد خان بلوچ، ای ڈی او زراعت ڈاکٹر غلام عباس،ڈی او زراعت یوسف حسن تتلہ،سید عابد حسین اور زراعت آفیسر طلحہ شیخ کے علاوہ ایگرکلچرسٹاف، کاشتکاروں اور کسانوں نے بڑی تعداد نے شرکت کی۔تقریب میں ایم پی اے محمد خان بلوچ نے کہا کہ کاشتکاروں اور کسانوں کو انکی دہلیز پر سہولیات کی فراہمی خادم پنجاب کا ایک احسن قدم ہے۔انہوںنے کہا کہ محکمہ زراعت کے افسران حکومتی پالیسیوں پر عمل پیرا ہوکر چھوٹے کسانوں اور کاشتکاروں کی معاشی حالت کو مزید بہتر اور مستحکم بنا نے میں فعال کردار ادا کریں۔انہوںنے ایگریکلچر سٹاف پر زور دیا کہ کسانوں اور کاشتکاروں کی فلاح و بہبود کیلئے زیادہ سے زیادہ محکمانہ سہولیات فراہم کرنے میں تمام وسائل بروئے کار لائیں۔اس موقع پر ای ڈی اوزراعت نے اس حکومتی پروجیکٹ کے اغراض و مقاصد بیان کرتے ہوئے بتایا کہ کپاس کے مواضعات میں دو دو سپرے نوزل بذریعہ قرعہ اندازی مفت تقسیم کئے جائیںگے جس سے کپاس پر کیڑوں کے حملے کی صورت میں کسانوں کی بروقت راہنمائی سے فصل کو نقصان سے محفوظ بنایا جائیگا۔بعد ازاں انہوںنے فیلڈ سٹاف کو فصل دھان کی نرسری کی منتقلی ،دھان کی اقسام کی خصوصیات و دیگر زرعی عوامل اور کپا س کی فصل کو درپیش موجودہ مسائل پرقابو پانے کیلئے تربیت دی جس سے فصل دھان اور کپاس کے کاشتکاروں کو بروقت آگاہ کرنے سے بہتر نتائج سامنے آئینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) ایڈ منسٹریٹر ضلعی حکومت /ڈی سی او غازی امان اللہ نے ضابطہ فوجداری کی دفعہ144کے تحت ایک حکم نافذ کیا ہے جس کے تحت جشن آزادی پاکستان منانے کے حوالہ سے تریموں ہیڈ ورکس کے مقام پرکشتی رانی،تیراکی اور ون ویلنگ کے علاوہ ضلع کی حدود میں پتنگ بازی کرنے پر مکمل پابندی ہوگی۔حکم میں مزید کہا گیا کہ مرتکب عناصر کے خلاف سخت کاروائی عمل میں لائی جائیگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ(ڈسٹرکٹ رپورٹر) ڈائریکٹر جنرل پیسٹ وارننگ اینڈ کوالٹی کنٹرول پنجاب خالد محمود کی ہدایات کی روشنی میں پنجاب بھر میں پیسٹی سائیڈز چیکنگ کا سلسلہ جاری ہے اسی سلسلہ میں کاروائی کرتے ہوئے اسسٹنٹ ڈائریکٹر(پی پی)پیسٹ وارننگ اینڈ کوالٹی کنٹرول ثروت ضیاء نے احمد پور سیال کا دورہ کیا دوران چیکنگ شریف آباد اڈہ پر حاجی اینڈ سنز سپرے سنٹر کو چیک کیا جس پر دکان مالک نوید خان سے لائسنس طلب کیا گیا تو اس کے پاس لائسنس موجود نہ تھا ۔ثروت ضیاء اسسٹنٹ ڈائریکٹر(پی پی)نے اپنی ریڈ ٹیم اظہر عباس حیدری زراعت افسر و دیگر عملہ کے ساتھ جب ان کا مبینہ طور پر غیر قانونی کاروبار کے خلاف کاروائی کرنی چاہی تو دکاندار نے مزاحمت کی جس پرثروت ضیاء اسسٹنٹ ڈائریکٹر(پی پی) نے ڈائریکٹر جنرل پیسٹ وارننگ اینڈ کوالٹی کنٹرول پنجاب خالد محمودکو تمام معاملہ سے آگاہ کیا تو انہوں نے ڈسٹرکٹ پولیس افسر سے رابطہ کر کے پولیس نفری بھجوائی پولیس نے موقع پر پہنچ کر دکاندار کو قابو میں کر لیا اور مال مقدمہ مالیتی تین لاکھ چوراسی ہزار روپے تقریباً قبضہ میں لے لیا۔محکمہ پیسٹ وارننگ اینڈ کوالٹی کنٹرول کی جانب سے تھانہ گڑھ مہاراجہ پولیس کو استغاثہ دے دیا گیا ہے۔ اسسٹنٹ ڈائریکٹر(پی پی)پیسٹ وارننگ اینڈ کوالٹی کنٹرول ثروت ضیاء نے کہا کہ ریڈ کے دوران اور کاروائی مکمل ہونے تک ڈائریکٹر جنرل پیسٹ وارننگ اینڈ کوالٹی کنٹرول پنجاب خالد محمودریڈ ٹیم کے ساتھ مسلسل رابطہ میں رہے ان کا مزید کہنا تھا کہ ضلع بھر میں پیسٹی سائیڈز چیکنگ کا سلسلہ جاری رہے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر)ڈی ایچ کیوہسپتال میں دھمکیاں ،بدتمیزی اور کارسرکار میں مداخلت کے ملزم کے خلاف کاروائی کی یقین دہانی پرڈاکٹرز نے احتجاج ختم کر دیا ۔ان خیالات کا اظہار PMAجھنگ کے صدر ڈاکٹر ممتاز احمد بلوچ نے میڈیا سے بات کرتے ہوئے کیا۔انہوں نے کہا ڈی ایچ کیوہسپتال میں کارِ سرکار میں دخل اندازی اور ڈاکٹرز سے بدتمیزی پر گزشتہ ایک ہفتے سے احتجاج جاری تھاجس کے بعد انتظامیہ کی جانب سے ڈاکٹرز کے مطالبات ماننے کے بعد ڈاکٹرزنے احتجاج ختم کر دیا۔انہوں نے کہا کہ مراتب مگھیانہ نامی مبینہ نامزد ملزم اور اس کے ہمرایان کو گرفتارکرنے اور ان کے خلاف قانون کے مطابق کاروائی کرنے پر احتجاج کو ختم کیا گیا۔ ملزم مذکور ضلع کونسل میں تعینات ہے جس کو معطل کرکے اس کے خلاف کاروائی کا آغاز کر دیا گیا ہے۔ ڈاکٹرممتاز احمدبلوچ کا کہنا تھاکہاکہ ایم ایس حبیب اللہ بٹر اور ڈاکٹر ظفر عباس پاتوآنہ نے اس بات کی یقین دہانی بھی کروائی کہ ڈاکٹرز کے لیے دوران ڈیوٹی سکیورٹی کو یقینی بنایا جائے گا تاکہ مستقبل میں دوبارہ ایسا واقعہ رونما نہ ہو۔ اس موقع پر ڈاکٹر آصف رضا جنرل سیکرٹری PMA، ڈاکٹرکامران سہیل ، ڈاکٹرسعید مالک ، ڈاکٹراحسن سلیانہ،ڈاکٹر رائے خضر بھٹی ، ڈاکٹرعاطف ، ڈاکٹرصفدر شہزاد سمیت ڈی ایچ کیوہسپتال جھنگ بھی موجود تھے ۔
