عدالت کے باہر قانون نافذ کرنے والے اداروں کی موجودگی میں غیرت کے نام پر انسانی حقوق کی کھلی خلاف ورزی نے قانون و انصاف کا سر شرم سے جھکا دیا:رضاایڈووکیٹ
لاہور(میڈیاورلڈ لائن) چیرمین پاور گروپ آف لائیرز اور ممتاز قانون دان محمد رضاایڈووکیٹ نے کہا کہ ہائی کورٹ کے باہر قانون نافذ کرنے والے اداروں کی موجودگی میں غیرت کے نام پر انسانی حقوق کی کھلی خلاف ورزی نے قانون و انصاف کا سر شرم سے جھکا دیا ۔بیرونی دنیا میں ملک کی بدنامی ہوئی اور معاشرے کی عدم برداشت ، تشدد پسندی اور لاقانونیت کھل کر سامنے آئی۔میڈیا ورلڈ لائن سے بات کرتے ہوئے ان کا کہنا تھاکہ گونا گو ں مسائل کے باوجود وکلاء قانون کی حکمرانی کیلئے جدوجہد جاری رکھیں گے۔ ملک و قوم کی ترقی اور خوشحالی کا راز قانون کی حکمرانی میں پنہاہ ہے ۔حکومت،قانون نافذ کرنے والے ادراے اور عوام سمجھ لیں کہ قانون کی حکمرانی کے بغیر انسانی معاشرہ بھی درندوں سے بھرے جنگل کی طرح ہے ۔جس طرح جنگل میں کمزور اور کم عمر کی زندگی کو ہر وقت خطرات لاحق رہتے ہے ٹھیک اسی طرح لاقانونیت کے انسانی جنگل میں کمزور ،غریب کی عزت و آبرواور زندگی کی کوئی ضمانت نہیں دے سکتا۔چیف جسٹس آف پاکستان نے خاتون کے قتل کا نوٹس لے کر مزید شرمندگی سے بچا لیا ۔انہوں مطالبہ کیا عدالت کے باہرخاتون کوبے دردی کے ساتھ قتل کرنے والے مجرموں کو جلد از جلد سخت سزائیں دے کر عبرت کا نشان بنا دیا جائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان میں اقتصادی لانگ مارچ سے ترقی کے اہداف حاصل کیے جاسکتے ہیں۔
توانائی منصوبوں سے بجلی کے بحران پر قابو پانے میں مدد ملے گی: راشدہ یعقوب
لاہور(میڈیاورلڈ لائن)پارلیمانی سیکرٹری برائے ویمن ڈویلپمنٹ راشدہ یعقوب شیخ نے کہا ہے کہ پاکستان کو ایشین ٹائیگر بنانے، آئندہ بجٹ میں انسانی وسائل کی ترقی، معاشی استحکام، پاکستان کے انتظامی ڈھانچے میں اصلاحات،توانائی ،پانی اور خوراک کی سیکورٹی ،سائنس اینڈ ٹیکنالوجی سے استفادہ،نجی شعبہ کی ترقی،ٹرانسپورٹ اورجدید نیٹ ورک جیسے ترقیاتی منصوبوں کی ترجیحات پر خصوصی توجہ دی گئی ہے۔میڈیا ورلڈ لائن کے مطابق انہوں نے کہا کہ پاکستان میں اقتصادی لانگ مارچ سے ترقی کے اہداف حاصل کیے جاسکتے ہیں۔توانائی منصوبوں سے بجلی کے بحران پر قابو پانے میں مدد ملے گی۔ گزشتہ ادوار میں انسانی وسائل کو بالکل نظرانداز کیا گیا،وفاقی حکومت 2025ء ملینیم ڈویلپمنٹ گولز حاصل کرنے کیلئے ساڑھے بارہ ارب روپے کی لاگت سے سماجی شعبہ کی کمی کو پورا کرنے کیلئے ایک خصوصی پروگرام شروع کررہی ہے جس سے سوشل سیکٹر میں ترقی ممکن ہوسکے گی۔انہوں نے کہا کہ معیشت کا رخ بیرونی وسائل کی بجائے اندرونی وسائل کی طرف موڑا جائے گا،ٹیکس نظام میں بہتری ، ٹیکس کولیکشن اور زیادہ سے زیادہ لوگوں کو ٹیکس نیٹ میں لایاجائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نیشنل گیمز کے لئے 10کروڑ روپے مختص کیے گئے ہیں۔2025ء وژن کے مطابق ٹیکنالوجی پارک کا قیام بھی عمل میں لایا جارہا ہے: رانا بابرحسین
لاہور(میڈیاورلڈ لائن)صوبائی پارلیمانی سیکرٹری برائے خزانہ رانا بابرحسین نے کہا ہے کہ نیشنل گیمز کے لئے 10کروڑ روپے مختص کیے گئے ہیں۔2025ء وژن کے مطابق ٹیکنالوجی پارک کا قیام بھی عمل میں لایا جارہا ہے اور قومی نصاب کونسل کے قیام کیلئے بھی خطیر رقم مختص کی گئی ہے۔انہوں نے کہا کہ آئندہ بجٹ میں گوادر بندرگاہ کیلئے خصوصی پیکج رکھا گیا ہے جس میں نیا ائیرپورٹ،بجلی اور پانی کے پلانٹ،جدیدہسپتال جیسی تمام سہولیات فراہم کی جائیں گی اور گوادر پورٹ کی تعمیر کو دبئی،سنگاپور کی طرز پر بنایا جائے گا۔ وفاقی حکومت نے بھاشا ڈیم کیلئے 50ارب روپے فراہم کردئیے ہیں اور اس کی زمین کی خریداری کا عمل اس سال مکمل کرلیا جائے گا۔میڈیا ورلڈ لائن کے مطابق انہوں نے کہا کہ حیدرآباد میں بھی موٹروے منصوبہ شروع کیا جارہا ہے جس سے انقلاب آئے گا ۔ایک سوال کے جواب میں انہوں نے کہا کہ وزیراعظم محمد نواز شریف کے دورہ بھارت کو پاکستان کی سفارتی کامیابی قرار دیا جا رہا ہے جس سے بھارت اور پاکستان کے درمیان مذاکرات کا عمل شروع ہو گیا ہے۔ امن کے بغیر ترقی ممکن نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میگا واٹ نندی پور پاور پراجیکٹ کا منصوبہ توقعات سے کہیں پہلے مکمل ہوگا:عرفان دولتانہ
لاہور(میڈیاورلڈ لائن) مسلم لیگ ن کے رکن پنجاب اسمبلی میاں عرفان دولتانہ نے کہا ہے کہ توانائی کے بحران کا خاتمہ کردیا جائے گا ۔ایک بیان میں انہوں نے کہاکہ 425 میگا واٹ نندی پور پاور پراجیکٹ کا منصوبہ توقعات سے کہیں پہلے مکمل ہوگا، حکومت دن رات کام کرکے ماضی کے نقصان کو پوراکرے گی، نندی پور پاور پراجیکٹ کا منصوبہ توقعات سے کہیں پہلے مکمل ہو رہا ہے، جس کی پہلی ٹربائن کا افتتاح کر دیا گیا ہے، کہاں یہ منصوبہ تین سال کراچی پورٹ پر جلتا سڑتا رہا اور آج یہ نندی پور میں کامیابیوں کو چھو رہا ہے۔میڈیا ورلڈ لائن کے مطابق کارکنوں سے خطاب کرتے ہوئے انہوں نے کہاکہ پورٹ قاسم میں 2 ہفتے قبل دو منصوبوں کا سنگ بنیاد رکھا اور ساہیوال میں 1320 میگا واٹ اور اب نندی پور میں پہلی ٹربائن کے منصوبے کا افتتاح کر دیا ہے۔ ،منصوبہ کے وقت پر مکمل نہ ہونے باعث پاکستان کو اربوں روپے کا نقصان پہنچا۔ انہوںنے کہا کہ تربیلا اور منگلا ڈیم سے بڑا منصوبہ دیامیر اور بھاشا ڈیم کا ہے جس سے پانی بھی ملے گا اجناس بڑھیں گی اور فصلوں کی پیداوار بہتر ہو گی اس منصوبہ سے پاکستان کو 4500 میگا واٹ بجلی بھی ملے گی، چند دن قبل زمین خریدنے کیلئے 40 ارب روپے کی ادائیگی کردی گئی ہے ۔علاوہ ازیں داسو پراجیکٹ پر بھی 4500 میگا واٹ بجلی کا منصوبہ بنایا گیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جن سیاسی جماعتوںکے رہنمائوں،قائدین اور کارکنان نے میری تیمار داری کی ہے ان کا شکریہ ادا کرتاہوں :عابد حسین
لاہور(میڈیاورلڈ لائن)پیپلز پارٹی پنجاب کے ڈپٹی سیکرٹری اطلاعات عابد حسین
آئندہ عام انتخابات میں عوام دھرنوں کی تعداد پر نہیں بلکہ کارکردگی کی بنیاد پر ووٹ دیں گے:رائو ناصر علی خاں
وزیر اعلیٰ پنجاب کے5 ارب کے رمضان پیکج سے متوسط طبقے کو ریلیف ملے گا۔
لاہور(میڈیا ورلڈ لائن)پاکستان مسلم لیگ ن لیبرونگ لاہور کے چیف کوارڈینیٹر رائوناصر علی خاں میئونیکہا ہے کہ وزیر اعلیٰ شہباز شریف کا پانچ ارب کے رمضان پیکج کا اعلان انتہائی خوش آئند ہے جس سے متوسط طبقے کو ریلیف ملے گا۔ آئندہ عام انتخابات میں عوام دھرنوں کی تعداد پر نہیں بلکہ کارکردگی کی بنیاد پر ووٹ دیں گے۔میڈیا ورلڈ لائن سے بات کرتے ہوئے اُن کا کہنا تھا کہ مسلم لیگ (ن) کی حکومت نے ابتدائی دس ماہ میں اپنی کارکردگی سے ملکی معیشت کو ترقی کی راہ پر گامزن کر دیا ہے اور اس کا ثبوت بیرون ممالک کے مثبت اعشاریے ہیں۔ مسلم لیگ (ن) کی حکومت وزیر اعظم نواز شریف کی قیادت میں ملک کو اندھیروں سے بھی بجات دلائے گی اور ناقدین کے تمام دعوئوں کو جھوٹ ثابت کریں گے۔اس موقع پررمضان گجر ، قاسم علی،نیامت علی نمبر دار،اعجاز احمد اوردیگر بھی موجود تھے ،انہوںنے مزید کہا کہ تحریک انصاف کو حکومت کی کارکردگی ہضم نہیں ہو رہی ۔لوگ سوال کرتے ہیں کہ تحریک انصاف کو حکومت تو خیبر پختونخوا میں ملی ہے پر تبدیلی پنجاب میں لانا چاہتے ہیں ،کیا اسی تبدیلی کی بات سناکر نوجوان نسل راستے سے بھٹکانے کی کوشش کی گئی تھی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاک بھارت وزرائے اعظم کی ملاقات میں کشمیر کا مسئلہ زیر بحث نہ آنا افسوسناک ہے،ایم اے تبسم
لاہور(میڈیا ورلڈ لائن) پاک بھارت وزرائے اعظم کی ملاقات میں کشمیر کا مسئلہ زیر بحث نہ آنا افسوسناک ہے،وزیر اعظم پاکستان کے امن ایجنڈا کی واضح اور کھلی حمایت کرتے ہیں مگر ساتھ یہ بھی باور کرواتے ہیں کہ برصغیر میں امن کی کنجی مسئلہ کشمیر ہے۔اگر مسئلہ کشمیر حل نہ ہوا تو خطے میں امن کا کی خواہش دیوانے کے خواب سے زیادہ اہمیت نہیں رکھتی۔میڈیاورلڈ لائن کے مطابق ان خیالات کا اظہارمعروف کالم نگار کالمسٹ کونسل آف پاکستان کے صدرایم اے تبسم نے کیا۔ انہوں نے کہا کہ کشمیر کی آزادی کے لئے اقوام متحدہ کی قرادادوں پر بھارت عمل در آمدکرے ۔ ایم اے تبسم نے کہا کیا ہی اچھا ہوتا کہ بھارتی وزیر اعظم کشمیر سے اپنی فوج کو واپس بلانے کا اعلان کرتے اور پاکستانی وزیر اعظم کو یہ یقین دلاتے کہ ہم اقوام متحدہ کی قرادادوں کی مکمل حمایت کرتے ہیں اور کشمیریوں کو آزاد مرضی کے ساتھ فیصلے کا اختیار دیتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکمران ایسی پالیسیاں ترتیب دیں جن سے ملک وقوم کی عزت اور وقار میں اضافہ اور عوامی مشکلات میں کمی ہو: ملک محمد سعید
لاہور(میڈیا ورلڈ لائن)پاکستان مسلم لیگ(فنکشنل) پنجاب کے رہنما ڈاکٹر ملک محمد سعید نے کہا ہے کہ حکمران ایسی پالیسیاں ترتیب دیں جن سے ملک وقوم کی عزت اور وقار میں اضافہ اور عوامی مشکلات میں کمی ہو۔کچھ عناصر سوچی سمجھی سازش کے تحت مخصوص ایجنڈے پر کام کررہے ہیںجوکہ کسی بھی صورت میں قومی مفاد میں نہیں۔فنکشنل لیگ جمہوریت کے خلاف کسی بھی سازش کا حصہ نہیں بنے گی اور جمہوری نظام کوپٹری سے اترنے نہیں دے گی۔میڈیاورلڈلائن کے مطابق انہوں نے کہاکہ حکومت کواپنی مدت پوری کرنی چاہئے تاکہ حکمران مظلوم نہ بن سکیں۔اداروں کے درمیان تصادم کی فضاء ملکی سلامتی کے لئے انتہائی خطرناک ہے۔مسائل جوں کے توں اور وزیر اعظم بیرونی دوروں پرمصروف ہیں۔انہو نے کہاکہ اصل ایشوز سے توجہ ہٹانے کے لئے غیر سنجیدہ ایشوز کواچھالاجارہاہے۔ضرورت اس امر کی ہے کہ حکمران اپنی آئینی وقومی ذمہ داری اداکرتے ہوئے عوامی مسائل کے حل پر توجہ دیں تاکہ عوام الناس سکھ کاسانس لے سکیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہائوسنگ سوسائٹیوں کے بائی لاراوردیگر ذیلی اداروں کو قوانین میں ترامیم کا اُصولی فیصلہ کرلیا: محمد اقبال چنڑ
لاہور(میڈیا ورلڈ لائن) صوبائی وزیر کوآپریٹو ملک محمد اقبال چنڑ نے کہا ہے کہ وقت حاضر اور مستقبل میں کوآپریٹو کے زیرانتظام ہاؤسنگ سوسائٹیوں کے بائی لاز اور دیگر ذیلی اداروں کے قوانین میں ترامیم کا اصولی فیصلہ کیا گیا ہے اس سلسلے میں صوبائی وزیر قانون کی سربراہی میں کمیٹی تشکیل دے دی گئی ہے جو کوآپریٹو قوانین کا ازسرنو جائزہ لے کر اس میں ترامیم بارے اپنی سفارشات تیار کرکے رپورٹ پیش کرے گی جس کے بعد ان ترامیم کو قانونی شکل دے کر مستقل بنیادوں پر تمام کوآپریٹو ہاؤسنگ سوسائٹیوں اور کوآپریٹو بنک سے قرضہ حاصل کرنے والوں کے لئے لاگو کردیا جائے گاـمیڈیا ورلڈ لائن کے مطابق صوبائی وزیر نے بتایا کہ ان ترامیم سے کوئی بھی ہاؤسنگ سوسائٹی اپنی طرف سے بائی لاز میں کسی قسم کی تبدیلی نہ کرپائے گی اور الاٹیوں کو وقت مقررہ کے اندر اپنی چھت اور زمین کا حصول ممکن ہو جائے گاـ انہوں نے بتایا کہ کوآپریٹو بنک نے نادہندگان کے لئے آٹھواں پرکشش ریکوری پیکیج جاری کیا ہوا ہے جس کے تحت نادہندگان 30جون تک بقایاجات ادا کرکے رعایت سے مستفید ہوسکتے ہیںـ
