اسلام آباد (جیوڈیسک) ملک بھر کی 35 قومی و صوبائی اسمبلیوں کی نشستوں پر ہونے والے ضمنی انتخابات کے غیر حتمی و غیر سرکاری نتائج آگئے جس کے مطابق تحریک انصاف اور ن لیگ نے قومی اسمبلی کی 4،4 نشستوں پر کامیابی حاصل کی جبکہ ق لیگ نے دو اور ایم ایم اے نے ایک نشست جیتی۔
پنجاب اسمبلی کی دو نشستوں پر امیدوار بلا مقابلہ منتخب ہوئے۔ پی پی 87 میانوالی سے تحریک انصاف کے ملک احمد خان بلا مقابلہ منتخب ہوئے۔
پی پی 296 راجن پور سے بھی تحریک انصاف کے امیدوار اویش دریشک بلا مقابلہ منتخب ہوئے۔
اویس دریشک تحریک انصاف کے امیدوار طارق دریشک کے بیٹے ہیں اور یہ نشست طارق دریشک کے انتقال کے باعث خالی ہوئی تھی۔
قومی اسمبلی کی نشستوں کے نتائج
مسلم لیگ ن نے لاہور سے قومی اسمبلی کی نشست این اے 124 جیت لی، جب کہ لاہور سے دوسری نشست این اے 131 سے مسلم لیگ ن کے خواجہ سعد رفیق نے تحریک انصاف کے ہمایوں اختر کو شکست دی۔
اٹک سے قومی اسمبلی کی نشست مسلم لیگ ن نے تحریک انصاف سے چھین لی ہے جبکہ جب کہ فیصل آباد کی نشست این اے 103 سے بھی مسلم لیگ نے میدان مار لیا ہے۔ تحریک انصاف اسلام آباد اور کراچی میں عمران خان کی چھوڑی ہوئی نشستوں پر کامیاب ہوئی ہے۔
راولپنڈی کی نشست این اے 60 پر تحریک انصاف کے ٹکٹ پر شیخ رشید کے بھتیجے کامیاب ہوئے۔ چکوال اور گجرات سے دو نشستیں مسلم لیگ ق نے جیت لی ہیں جب کہ بنوں کی نشست پر جے یو آئی کامیاب رہی۔
این اے 131؛ ن لیگ کامیاب
غیر حتمی اور غیر سرکاری نتیجے کے مطابق این اے 131 کے تمام 242 پولنگ اسٹیشنز کے مطابق خواجہ سعد رفیق 60352 ووٹ لے کر کامیاب ہوئے جبکہ تحریک انصاف کے ہمایوں اختر خان 50155 ووٹ لے کر دوسرے نمبر پر رہے۔
این اے 35 ؛ ایم ایم اے کامیاب
این اے 35 بنوں کے تمام 433 پولنگ اسٹیشنز کے سرکاری نتائج کے مطابق ایم ایم اے کے زاہد اکرم درانی 60944 ووٹ لے کر کامیاب رہے جبکہ تحریک انصاف کے نسیم علی شاہ 37489 ووٹ لے کر دوسرے نمبر پر رہے۔
این اے 53؛ تحریک انصاف کامیاب
اسلام آباد سے قومی اسمبلی کی نشست این اے 53 پر تحریک انصاف کے علی نواز اعوان 50943 ووٹ لیکر کامیاب قرار پائے جبکہ مسلم لیگ ن کے وقار احمد 3414 ووٹ لیکر دوسرے نمبر پر رہے۔
این اے 56 ؛ ن لیگ کامیاب
این اے 56 اٹک کے تمام 576 پولنگ اسٹیشنز کے غیرسرکاری غیرحتمی نتائج کے مطابق ن لیگ کے ملک سہیل خان 115273 ووٹ لے کر کامیاب ہو گئے جبکہ تحریک انصاف کے ملک خرم علی خان 80092 ووٹ لے کر دوسرے نمبر پر رہے۔
این اے 60 ؛ تحریک انصاف کامیاب
این اے 60 راولپنڈی سے تحریک انصاف کے امیدوار اور شیخ رشید کے بھتیجے شیخ راشد شفیق 44830 ووٹ لیکر کامیاب قرار پائے جبکہ مسلم لیگ ن کے امیدوار ملک سجاد خان 43836 ووٹ لیکر پہلے دوسرے نمبر پر رہے۔
این اے 63 ؛ تحریک انصاف کامیاب
این اے 63 راولپنڈی سے تحریک انصاف کے رہنما غلام سرور خان کے صاحبزادے بیرسٹر منصور حیات 71728 ووٹ لے کر کامیاب قرار پائے جبکہ مسلم لیگ ن کے عقیل ملک 45490 ووٹ لیکر دوسرے نمبر پر رہے۔
این اے 65 ؛ ق لیگ کامیاب
این اے 65 چکوال دو کے نتائج کے مطابق مسلم لیگ ق کے چوہدری سالک حسین 100648 ووٹ لیکر الیکشن جیت گئے ہیں جبکہ تحریک لبیک پاکستان کے محمد یعقوب 31942 دوسرے نمبر پر رہے۔
این اے 69 ؛ ق لیگ کامیاب
این اے 69 گجرات میں تمام 380 پولنگ اسٹیشنز کے غیر سرکاری نتائج کے مطابق ق لیگ کے مونس الٰہی 65759 ووٹ لے کر کامیاب ہوگئے جبکہ مسلم لیگ (ن) کے عمران ظفر 14956 ووٹ لے کر دوسرے نمبر پر رہے۔
این اے 103؛ ن لیگ کامیاب
این اے 103 فیصل آباد کے تمام 389 پولنگ اسٹیشنز کے غیرحتمی غیرسرکاری نتائج کے مطابق ن لیگ کے علی گوہر خان 76626 ووٹ لے کر کامیاب ہو گئے ہیں جبکہ تحریک انصاف کے محمد سعد اللہ 63583 ووٹ لے کر دوسر ے نمبر پر رہے۔
این اے 124 لاہور سے مسلم لیگ ن کے رہنما اور سابق وزیراعظم شاہد خاقان عباسی 75012 ووٹ لیکر جیت گئے جب کہ تحریک انصاف کے غلام محی الدین 30115 ووٹوں کے ساتھ دوسرے نمبر پر رہے۔
این اے 243 ؛ تحریک انصاف کامیاب
این اے 243 کراچی کے مکمل 240 پولنگ اسٹیشنز کے غیرسرکاری غیرحتمی نتائج کے مطابق تحریک انصاف کے عالمگیر خان 35727 ووٹ لے کر کامیاب رہے جبکہ ایم کیو ایم کے عامر ولی چشتی 15113 ووٹ لے کر دوسرے نمبر پر رہے۔
سندھ اسمبلی کے نتائج
پی ایس 30؛ پیپلز پارٹی کامیاب
پی ایس 30 خیرپور کے تمام 124 پولنگ اسٹیشنز کے غیرسرکاری غیرحتمی نتائج کے مطابق پیپلز پارٹی کے احمد رضا شاہ جیلانی 36600 ووٹ لے کر کامیاب ہو گئے ہیں جبکہ جی ڈے اے کے محرم علی شاہ 21200 ووٹ لے کر دوسرے نمبر پر رہے۔
پی ایس 87؛ پیپلز پارٹی کامیاب
پی ایس 87 کراچی ملیر کے 124 میں سے 82 پولنگ اسٹیشنز کے غیرسرکاری غیرحتمی نتائج کے مطابق پیپلزپارٹی کے امیدوار محمد ساجد جوکھیو 32566 ووٹ لے کر کامیاب قرار پائے جبکہ تحریک انصاف کے امیدوار قادر بخش گبول 12341 ووٹ لے کر دوسرے نمبر پر رہے۔
بلوچستان اسمبلی کے نتائج
بلوچستان سے صوبائی اسمبلی کی دونوں نشستوں پر اپوزیشن امیدوار کامیاب ہوئے۔
پی بی 35؛ اسلم رئیسانی کامیاب
بلوچستان اسمبلی کے حلقہ پی بی 35 میں آزاد امیدوار نواب محمد اسلم خان رئیسانی 14711 ووٹ لے کر کامیاب قرار پائے جبکہ بلوچستان عوامی پارٹی کے سردار نور احمد 9610 ووٹ کے ساتھ دوسرے نمبر پر رہے۔
پی بی 40؛ بی این پی کامیاب
پی بی 40 خضدار کے تمام 93 پولنگ اسٹیشنز کے غیر سرکاری غیر حتمی نتائج کے مطابق بی این پی کے محمد اکبر 23722 ووٹ لے کر کامیاب قرار پائے ہیں جبکہ آزاد امیدوار میر شفیق الرحمان مینگل 14312 ووٹ لے کر دوسرے نمبر پر رہے۔
پنجاب اسمبلی کے نتائج
پنجاب اسمبلی کی 11 نشستوں پر ضمنی انتخابات ہوئے جن میں سے 6 پر ن لیگ، 3 پر تحریک انصاف اور دو آزاد امیدوار کامیاب ہوئے۔
جہلم میں وفاقی وزیر اطلاعات فواد چوہدری کی چھوڑی ہوئی صوبائی اسمبلی کی نشست جیت کر مسلم لیگ ن نے اپ سیٹ کر دیا ہے۔جہلم کے حلقہ پی پی 27 سے مسلم لیگ ن کے امیدوار ناصر محمود جیت گئے، تحریک انصاف کے امیدوار شاہ نواز راجا دوسرے نمبر پر رہے۔ وزیراعلیٰ پنجاب عثمان بزدار کے آبائی ضلع ڈیرہ غازی خان میں بھی تحریک انصاف اپنی جیتی ہوئی نشست ہار گئی۔لاہور سے شہباز شریف کی چھوڑی ہوئی دونوں نشستیں مسلم لیگ ن نے دوبارہ جیت لیں۔
پی پی 3؛ ن لیگ کامیاب
پنجاب اسمبلی کے حلقہ پی پی 3 اٹک میں ن لیگ کے افتخار احمد خان نے 43259 ووٹ لے کر کامیاب قرار پائے جبکہ تحریک انصاف کے محمد اکبر خان 43032 ووٹ لے کر دوسرے نمبر پر رہے۔
پی پی 27 ؛ ن لیگ کامیاب
پی پی 27 جہلم میں 239 میں سے 54 پولنگ اسٹیشنز کے غیرسرکاری غیرحتمی نتائج کے مطابق ن لیگ کے ناصر محمود 61542 ووٹ لے کر جیت گئے جبکہ تحریک انصاف کے شاہنواز راجا 60886 ووٹ لے کر دوسرے نمبر پر رہے۔
پی پی 87؛ تحریک انصاف کامیاب
تحریک انصاف کے ملک احمد خان بلامقابلہ منتخب ہوچکے ہیں۔
پی پی 103؛ ن لیگ کامیاب
پی پی 103 فیصل آباد 7 میں پاکستان مسلم لیگ ن کے جعفر علی 39841 ووٹ لے کر کامیاب قرار پائے جبکہ تحریک انصاف کے شمشیر حیدر 33209 ووٹ لے کر دوسرے نمبر پر رہے۔
پی پی 118؛ آزاد امیدوار کامیاب
صوبائی اسمبلی کے حلقہ 118 ٹوبہ ٹیک سنگھ ون میں آزاد امیدوار بلال اصغر 56337 ووٹ لے کر کامیاب قرار پائے جبکہ تحریک انصاف کے اسد زمان 50326 ووٹ لے کر دوسرے نمبر پر رہے۔
پی پی 164؛ ن لیگ کامیاب
پنجاب اسمبلی کے حلقہ 164 میں پاکستان مسلم لیگ ن کے سہیل شوکت بٹ 34333 ووٹ حاصل کرکے کامیاب قرار پائے جبکہ یوسف علی 26900 ووٹ لے کر دوسرے نمبر پر رہے۔
پی پی 165؛ ن لیگ کامیاب
پنجاب اسمبلی کی نشست پی پی کے تمام 122 پولنگ اسٹیشنز کے غیر سرکاری غیر حتمی نتائج کے مطابق ن لیگ کے ملک سیف الملوک کھوکھر 28589 ووٹ لے کر کامیاب ہو گئے جبکہ تحریک انصاف کے محمد منشا سندھو 23149 ووٹ لے کر دوسرے نمبر پر رہے۔
پی پی 201؛ تحریک انصاف کامیاب
پی پی 201 ساہیوال سے تحریک انصاف کے صمصام علی بخاری 58 ہزار 280 ووٹ لیکر کامیاب ہو گئے جب کہ مسلم لیگ ن کے محمد طفیل 51662 لیکر دوسرے نمبر پر رہے۔
پی پی 222؛ آزاد امیدوار قاسم عباس کامیاب
پی پی 222 ملتان کے تمام 139 پولنگ اسٹیشنز کے غیرحتمی غیرسرکاری نتائج کے مطابق آزاد امیدوار قاسم عباس خان 38327 ووٹ لے کر کامیاب ہو گئے ہیں جب کہ تحریک انصاف کے سہیل احمد نون 31893 ووٹ لے کر دوسرے نمبر پر رہے۔
پی پی 261؛ تحریک انصاف کامیاب
پی پی 261 رحیم یار خان کے تمام 133 پولنگ اسٹیشنز کے غیر سرکاری غیرحتمی نتائج کے مطابق تحریک انصاف کے امیدوار فواز احمد 29526 ووٹ لے کر کامیاب ہو گئے ہیں جب کہ پیپلزپارٹی کے حسن رضا ہاشمی 14996 ووٹ لے کر دوسرے نمبر پر ہیں۔
پی پی 272؛ تحریک انصاف کامیاب
پی پی 272 مظفر گڑھ کے تمام 134 پولنگ اسٹیشنز کے غیرسرکاری غیرحتمی نتائج کے مطابق تحریک انصاف کی زہرہ بتول 24019 ووٹ لے کر کامیاب ہو گئی ہیں جبکہ آزاد امیدوار ہارون احمد سلطان 17072 ووٹ لے کر دوسرے نمبر پر رہے۔
پی پی 292؛ ن لیگ کامیاب
پی پی 292 ڈیرہ غازی خان میں 105 میں سے 85 پولنگ اسٹیشنز کے نتائج کے مطابق ن لیگ کے اویس احمد خان لغاری 32845 ووٹ لے کر جیت گئے ہیں جبکہ تحریک انصاف کے مقصود خان لغاری 21938 ووٹ لے کر دوسرے نمبر پر رہے۔
خیبر پختونخوا اسمبلی کے نتائج
خیبر پختونخوا میں وزیراعلیٰ محمود خان کے آبائی ضلع سوات میں 2 نشستوں پر تحریک انصاف اپنی جیتی ہوئی نشستیں ہار گئی۔ پشاور میں بھی بیگم ثمر ہارون بلور جیت گئیں۔ خیبر پختونخوا میں صوبائی اسمبلی کی 9 نشستوں پر مقابلہ ہوا جن میں سے 6 پی ٹی آئی، 2 اے این پی اور ایک ن لیگ ایک نشست پر کامیاب ہوئی۔
پی کے 3؛ ن لیگ کامیاب
سوات سے صوبائی اسمبلی کے حلقے پی کے 3 کے تمام 98 پولنگ اسٹیشنز کے غیر حتمی غیر سرکاری نتائج کے مطابق ن لیگ کے سردار خان 16824ووٹ لے کر کامیاب ہو گئے جب کہ تحریک انصاف کے ساجد علی 15911 ووٹ لے کر دوسرے نمبر پر رہے۔
پی کے 7؛ اے این پی کامیاب
پی کے 7 سوات کے تمام 95 پولنگ اسٹیشنز کے غیرسرکاری غیرحتمی نتائج کے مطابق اے این پی کے وقار احمد خان 14096 ووٹ لے کر کامیاب ہو گئے ہیں جبکہ تحریک انصاف کے فضل مولا 13425 ووٹ لے کر دوسرے نمبر پر رہے۔
پی کے 44؛ تحریک انصاف کامیاب
پی کے 44 صوابی کے تمام 161 پولنگ اسٹیشنز کے غیرسرکاری غیرحتمی نتائج کے مطابق تحریک انصاف کے عاقب اللہ خان 18676 ووٹ لے کر جیت گئے ہیں جب کہ اے این پی کے غلام حسین 17067 ووٹ لے کر دوسرے نمبر پر رہے۔
پی کے 53؛ تحریک انصاف کامیاب
پی کے 53 مردان میں تمام 131 پولنگ اسٹیشنز کے غیرسرکاری غیرحتمی نتائج کے مطابق تحریک انصاف کے محمد عبدالسلام 19192 ووٹ لے کر کامیاب قرار پائے جبکہ عوامی نیشنل پارٹی (اے این پی) کے احمد خان 19131 ووٹ لے کر دوسرے نمبر پر رہے۔
پی کے 61؛ تحریک انصاف کامیاب
پی کے 61 نوشہرہ کے تمام 106 پولنگ اسٹیشنز کے غیرسرکاری غیرحتمی نتائج کے مطابق تحریک انصاف کے محمد ابراہیم خٹک 14713 ووٹ لے کر کامیاب ہوئے ہیں جبکہ اے این پی کے نور عالم خان 9466 ووٹ لے کر دوسرے نمبر پر رہے۔
پی کے 64؛ تحریک انصاف کامیاب
پی کے 64 نوشہرہ کے تمام 135 پولنگ اسٹیشنز کے نتائج کے مطابق تحریک انصاف کے لیاقت خان 22775 ووٹ لے کر کامیاب قرار پائے جبکہ اے این پی کے محمد شاہد 9560 ووٹ لے کر دوسرے نمبر پر رہے۔
پی کے 78؛ اے این پی کامیاب
پی کے 78 پشاور میں تمام 117 پولنگ اسٹینشز کے غیرسرکاری غیر حتمی نتائج کے مطابق اے این پی کی ثمرہارون بلور 20916 ووٹ لے کر کامیاب ہوگئیں جبکہ تحریک انصاف کے عرفان عبدالسلام 16819 ووٹ لے کر دوسرے نمبر پر رہے۔
پی کے 97؛ تحریک انصاف کامیاب
ڈیرہ اسماعیل خان کے تمام 137 پولنگ اسٹیشنز کے غیر سرکاری غیرحتمی نتائج کے مطابق تحریک انصاف کے فیصل امین خان 18170 ووٹ لے کر کامیاب رہے جب کہ پیپلز پارٹی کے فرحان افضل ملک 7609 ووٹ لے کر دوسرے نمبر پر رہے۔
پی کے 99؛ تحریک انصاف کامیاب
پی کے 99 ڈیرہ اسماعیل خان کے تمام 150 پولنگ اسٹیشنز کے غیر حتمی غیرسرکاری نتائج کے مطابق تحریک انصاف کے آغاز اکرام اللہ گنڈاپور 30330 ووٹ لے کر کامیاب ہو گئے جبکہ آزاد امیدوار فتح اللہ خان 22825 ووٹ لے کر دوسرے نمبر پر رہے۔
