پورے پاکستان کی طرح تحصیل تلہ گنگ میں بھی نوجوان لڑکیوں اور لڑکوں کی مختلف موبائل کمپنیوں کے پیکجوں نے زندگی تباہ کر رکھی ہے
تلہ گنگ (تحصیل رپورٹر)پورے پاکستان کی طرح تحصیل تلہ گنگ میں بھی نوجوان لڑکیوں اور لڑکوںکی مختلف موبائل کمپنیوں کے پیکجوں نے زندگی تباہ کر رکھی ہے۔ تفصیلات کے مطابق ایک سروے میں خانی ، محمد اقبال، سردار خان ، نعیم اختر ، ندیم ، ثاقب ، عمران ، فاروق نے بات کرتے ہوئے بتایا ہے کہ موبائل کی مختلف کمپنیوں نے پیکچ لگا رکھے ہیں لیکن نوجوان نسل کا مستقبل ان پیکجوں نے اندھیرے میں ڈال رکھا ہے۔ موجود دورکے مطابق موبائل کا ہونا نہایت ضروری ہے لیکن اس کا استعمال معا شرے میں ٹھیک نہیں ہو رہا ہے۔ ان کا مزید کہنا تھا کہ سکولوں اور کالجوں کے سٹوڈینٹ پنجاب حکومت نے جو پابندی لگانی رکھی ہے اس پر عمل در آمد نہیں ہو رہا ہے اور پنجاب حکومت کے آرڈر کھو کھاتے لگا دیا ہیں۔ کیونکہ موبائل کی موجودگی میں طلبہ اور طالبات کا پڑھائی کی طرف دھیان نہیں ہوتا اور طلبہ اور طا لبات کی پڑھائی متاثر ہوتی ہے۔ اہل علاقہ نے روزنامہ نئی بات کے ذریعے اعلی حکام سے اپیل کی ہے کہ نوجوان لڑکیوں اور لڑکوں کا مستقبل بچانے کے لیے ان موبائل کمپنیوں کے پیکجوں اور سکولوں ، کالجوں میں موبائل فون پر پا بند ی لگا کر اس پر عمل در آمد کو یقینی بنا ا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی پی او چکوال کاشف مشتاق کانجو نے ایس ایچ او مبشر کو تھانہ ٹمن کا تبادلہ کر دیا
تلہ گنگ (تحصیل رپورٹر) تھانہ ٹمن کے ایس ایچ اومبشر کی ایماء پر تھانہ ٹمن میں بھتہ مافیا کا راج تھا اور بے جا سادہ لوگوں کو تنگ کرنا پولیس نے اپنا فرض سمجھا رکھا تھا۔ ڈی پی او چکوال کاشف مشتاق کانجو نے ایس ایچ او مبشر کو تھانہ ٹمن کا تبادلہ کر دیا۔ ڈی پی او چکوال نے ایکشن لیتے ہوئے ایک نا اہل اورکر پٹ پو لیس آفیسر سے ہماری جان چھڑائی ہے۔ اب ہم کوئی سکھ کا سانس لے سکیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسسٹنٹ کمشنر تلہ گنگ تنویر الرحمن نے DCO چکوال کی ہدایت پر تحصیل ہیڈکواٹر ہسپتال اور سٹی ہسپتال تلہ گنگ کا دورہ کیا۔
تلہ گنگ (تحصیل رپورٹر) اسسٹنٹ کمشنر تلہ گنگ تنویر الرحمن نے DCO چکوال کی ہدایت پر تحصیل ہیڈکواٹر ہسپتال اور سٹی ہسپتال تلہ گنگ کا دورہ کیا۔ DCOچکوال نے عوامی شکایات پر اے سی تلہ گنگ کو ہدایت جاری کی تھیں کہ ان مقامات کا دورہ کریں تا کہ عوامی شکایات کا ازالہ کیا جا سکے۔ اس موقع پر TMO تلہ گنگ ملک خلیل احمد نئیر بھی ہمراہ تھے۔ اے سی تلہ گنگ نے دونوں ہسپتالوں کی مختلف وارڈز کا معائنہ بھی کیا۔ سٹی ہسپتا ل کے ایم ایس ڈاکٹر طاہر زمان نیازی اور تحصیل ہیڈکواٹر ہسپتال کے ایم ایس ڈاکٹر احسن نوید ملک نے ان کو ہسپتا ل کے بارے میں بریفنگ دی اوراپنی مشکلات سے آگاہ کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کوئٹہ میں شہید ہونے والے ایف سی اہلکار کو پورے فوجی اعزاز کے ساتھ تلہ گنگ میں سپردخاک کر دیا گیا
تلہ گنگ (تحصیل رپورٹر) کوئٹہ میں شہید ہونے والے ایف سی اہلکار کو پورے فوجی اعزاز کے ساتھ تلہ گنگ میں سپردخاک کر دیا گیا۔ تفصیلات کے مطابق تلہ گنگ کے موضع کوٹہڑہ کا رہائشی ایف سی اہلکار زوار حسین کوئٹہ میں فرائض سرانجام دیتے ہوئے شہید ہو گئے۔ جنہیں اُن کے آبائی قبرستان کوٹہڑہ میں پورے فوجی اعزاز کے ساتھ سپردخاک کر دیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ شہر میں موٹر سائیکل سوار ڈاکوؤں نے دہشت پھیلا دی
تلہ گنگ (تحصیل رپورٹر) تلہ گنگ شہر میں موٹر سائیکل سوار ڈاکوؤں نے دہشت پھیلا دی ، خواتین خصوصی ٹارگٹ،کئی خواتین سے سونے کے کڑے اور بالیاں چھین لیں۔ تفصیلات کے مطابق گزشتہ کئی دنوں سے تلہ گنگ شہر میں موٹر سائیکل سوار ڈاکوئوں نے دہشت پھیلا رکھی ہے۔ محلہ پیر بخاری ،فوڈ گودام ،مدنی چوک کے قریب وارداتوں کے بعد گزشتہ روز عصر کے وقت جناح پارک کے قریب گھر جانے والی خاتون سے ان ڈاکوئوںنے کٹر کے ذریعے سونے کے دو کڑے کاٹ لئے اور فرار ہو گئے۔ عوامی و سماجی حلقوں نے شہر میں بگڑتی ہوئی امن و امان کی صورتحال پر گہری تشویش کا اظہار کرتے ہوئے کہا کہ پولیس ہا تھ پہ ہاتھ دھرے بیٹھی ہے۔آج تک پولیس نے محلہ کی سطح پر امن کمیٹیوں کو فعال نہیں کیا۔ ہوٹلوں اور پرائیویٹ فلیٹس بارے کبھی معلوم نہیںکیا کہ اُنہوں نے کرایہ پر کن افراد کو رہائش دے رکھی ہے۔کیا اُنہوںنے اپنا ریکارڈ درست رکھا ہوا ہے ؟۔ اس ضمن میں خفیہ ایجنسیاں بھی اپنا کردار ادا کرنے میں مکمل طور پر ناکام ہو چکی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملتان خورد محلہ حاجی آباد ، محلہ طارق آباد ، محلہ سگھرال اور محلہ قدیر آباد میں سوئی گیس کی افتتاحی تقریب کا انعقاد کیا گیا
تلہ گنگ (تحصیل رپورٹر)ملتان خورد محلہ حاجی آباد ، محلہ طارق آباد ، محلہ سگھرال اور محلہ قدیر آباد میں سوئی گیس کی افتتاحی تقریب کا انعقاد کیا گیا جس کے مہمان خصوصی ڈپٹی وزیراعظم چوہدری پرویز الہی کے دست راست حا فظ عمار یاسر تھے۔ اس تقریب میں ملک مظفر خان ، امتیاز احمد نے بھی شرکت کی۔ اجتماع سے حافظ عمار یاسر نے کہا ہے کہ آپ لوگوں آنے والے انتخابات میں چوہدری پرویز الہی سمیت مسلم لیگ ق کی تمام پینل کو بھاری اکثریت سے کامیابی دلوائے تو آپ کے علاقہ میں مسلم لیگ ق مزید ترقیاتی کاموں کے جال بچھا دے گی۔اہل علاقہ نے حافظ عمار یاسر ، ملک مظفر خان اور امتیاز احمد کو خراج تحسین پیش کیا اور کہا کہ ہم ا ن کی کامیابی کو یقینی بنائے گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جمہوری دور حکومت میں پنجاب حکومت کی جانب سے پر امن جمہوری احتجاج کرنے والوں نے دور آمریت کی فلم چلا کر ثابت کیا ہے کہ آمروں کی اولاد بھی ہمیشہ اپنے اجداد کے نقش قدم پر قائم رہتی ہے ، ڈاکٹر علی حسنین نقوی
تلہ گنگ (تحصیل رپورٹر)پیپلز پارٹی چکوال کے ضلعی سینئر نائب صدر ڈاکٹر علی حسنین نقوی نے لاہور پولیس کے اہلکاراں اور افسران کی جانب سے شوکت محمود بسرا ڈپٹی اپوزیشن لیڈر پنجاب پر بہیمانہ تشدد کی مذمت کرتے ہوئے کہا ہے کہ جمہوری دور حکومت میں پنجاب حکومت کی جانب سے پر امن جمہوری احتجاج کرنے والوں نے دور آمریت کی فلم چلا کر ثابت کیا ہے کہ آمروں کی اولاد بھی ہمیشہ اپنے اجداد کے نقش قدم پر قائم رہتی ہے۔ شہباز شریف نے ثابت کیا ہے کہ وہ ڈاکٹرز اور ارکان اسمبلی سمیت کسی بھی پر امن جمہوری احتجاج کو برداشت نہیں کر سکتے۔ پویس افسران شریف برادران کی وفاداریاں نبھانے سے پہلے اپنی ملازمت کے اصولوں کا خیال رکھتے ہوئے یاد رکھیں کہ وہ میاں برادران کے ذاتی ملازم نہیں آج وہ جن افراد پر بدترین تشدد کررہے ہیں کل کو وہی افراد ان کے حاکم ہوں گے۔ شاہ سے ذیادہ شاہ سے وفاداری کی بجائے قانون کی حکمرانی کے بنیادی اصولوں کو یاد رکھتے ہوئے خیال کریں کہ جمہوری معاشرے میں اپنے حقوق کی سربلندی اور حصول کے لئے پر امن احتجاج افراد کابنیادی حق ہے اور معاشرہ مل کر بھی کسی فرد کے آئینی بنیادی حق کو سلب نہیں کرسکتا۔انتظامیہ تو چمچہ گیری کے سوا کچھ نہیں کرے گی۔ لہذا اب آزاد عدلیہ کو ہی سوچنا ہوگا کہ جہاں وہ دیگر مسائل کے حوالے سے سو موٹو ایکشن لیتی ہے آ ج ان معصوم اور نہتے شریف شہریوں کے بنیادی حقو ق سلب کرنے والے پولیس اہلکاروں کے خلاف کاروائی کرتے ہوئے سول سوسائٹی کو کیسے مطمئن کرتی ہے۔
