ٹیکسلا (ڈاکٹر سید صابر علی) ایف جی پبلک سکول نمبر 2 گرلز واہ کینٹ کی ہونہار طالبہ آمنہ مقصود نے کلاس پنجم کے سالانہ امتحان میں 450 میں سے 445 نمبرز لئے جو کہ حاصل کردہ نمبروں کے 99% بنتے ہیں۔ اسی طرح طالبہ نے پنجم کلاس کے بورڈ سکالر شپ کے سالانہ امتحان میں 450 میں سے 405 نمبرز لیئے جو کہ حاصل کردہ نمبروں کے90% بنتے ہیں اور نمایاں پوزیشن حاصل کی۔ طالبہ آمنہ مقصود کا کہنا ہے کہ ان کی کامیابی میں جہاں ان کی اور ان کی اساتذہ کی خصوصی محنت شامل ہے وہیں پر ان کی کامیابی میں ان کے والدین کی خصوصی دعائیں بھی شامل ہیں۔ آمنہ مقصود مستقبل میں پاکستان آرمی میں بطور ڈاکٹر شامل ہو کر ملک و قوم کی خدمت کرنے کا جذبہ رکھتی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا(ڈاکٹر سید صابر علی )واہ کینٹ سے تعلق رکھنے والی ہونہار طالبہ زنیرہ فاروق ولدامجد فاروق نے ایف ایس سی پری انجنیئرنگ میں کل 1100 میں سے 1011 نمبر حاصل کر کے پورے پاکستان کے FGEIs کے کالجز میں پہلی پوزیشن حاصل کی اور گولڈ میڈل کا اعزاز پایا ۔ اپنی کامیابی پر طالبہ زنیرہ فاروق کا کہنا تھا کہ انکی کامیابی اساتذہ کی بہترین رہنمائی اور والدین کی دعاوںکا نتیجہ ہے وہ مستقبل میں اعلیٰ تعلیم کی خواہاں ہیں اور ملک و قوم کے لئے کچھ کرنے کی تمنا رکھتی ہیں،انکا کہنا تھا کہ واہ کینٹ میں ٹیلنٹ کی کمی نہیں ،اگر لگن محنت اور جانفشانی سے کام لیاجائے تو کوئی وجہ نہیں کہ طلبہ کسی بھی میدان میں پیچھے رہیں۔انکی کامیابی سے واہ کینٹ کا نام روشن ہوا ہے،ایف جی ای آئی کالجز میں پہلی پوزیشن انکی شب روز محنت کا نتیجہ ہے،وہ مزید کامیابی کے زینے طے کرنے کی خواہشمند ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا(ڈاکٹر سید صابر علی )مسلم لیگ(ن) کے راہنما ارشد محمود ملک نے کہا ہے کہ پانامہ لیکس پر بے جا واویلا کرنے والے پہلے اپنے اپنے اثاثوں کا حساب دیں ،اسلام آباد میں مسٹر دھرنے کا شو فلاپ ہوگیا، اقتدار کے خواب دیکھنے والے2018کا انتظار کریں،ملکی ترقی میں رکاوٹیں ڈالنے والے کسی اور کے ایجنڈے پر عمل پیرا ہیں، ان خیالات کا اظہار انھوں نے میڈیا سے گفتگو کے دوران کیا، ارشد محمود ملک نے کہا کہ اس وقت جب کہ ملک ترقی کی راہ پر گامزن ہے اور بیرونی سرمایہ کاری بڑھ رہی ہے ایسے میں دھرنوں اور احتجاجوں کی سیاست کی جارہی ہے، جبکہ اپوزیشن بھی اس موقع سے فائدہ اٹھانے کے چکر میں ہے مگر شاید وہ یہ بات بھول گئے کہ خود انکی قیادت کرپشن میں ملوث ہے، میاں برادران نے ہمیشہ اصولوں کی سیاست کی بلا جواز ایشو کو اچھالا جا رہا ہے اس سے قبل بھی موجودہ حکومت اور میاں برادران کے خلاف سازشیں ہوئیں مگر مخالفین کو ناکامی کا سامنا کرنا پڑا ،اس مرتبہ بھی سازشی عناصر ناکام ہونگے،ملک کی ترقی میں رکاوٹ ڈالنے والے کسی صورت ملک و قوم کے خیر خواہ نہیں ہو سکتے،مخالفین کا گٹھ جوڑ صرف میاں برادران کے خلاف ہے مگر ملک کی کروڑوں عوام نے میاں نواز شریف کو مینڈیٹ دیا ہے اور میاں نواز شریف کے شانہ بشانہ کھڑے ہیں یہ پانامہ لیکس بھی ملک دشمنوں کی کارستانی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا(ڈاکٹر سید صابر علی )مسلم لیگ (ن) یوتھ ونگ تحصیل ٹیکسلا کا اجلاس زیر صدارت راجہ عامر سعید منعقد ہوا،جسمیں مختلف امور زیر بحث آئے اور یوتھ ونگ کے زیر اہتمام عنقریب ہونے والے سیمینار سے متعلق مختلف آراء پیش کی گئیں،پارٹی کی مضبوطی اور عوام رابطہ مہم کو تیز کرنے کا لائحہ عمل طے کیا گیا، تفصیلات کے مطابق مسلم لیگ(ن) یوتھ ونگ تحصیل ٹیکسلا کا مشاروتی اجلاس رہائش گاہ اویس ملک چھاچھی محلہ منعقد ہوا جسمیں تحصیل صدر راجہ عامر سعید، جنرل سیکرٹری ثاقب شہزاد خان، جنرل سیکرٹری پی پی 8اویس ملک، کوآرڈینیٹر جہانزیب مغل، شیخ کاشف سمیت دیگر عیدیداران نے شرکت کی ،اجلاس میں مختلف امور زیر بحث آئے جس میں بالخصوص عنقریب یوتھ ونگ کے زیر اہتمام سیمینار کے انعقاد کے لئے مشاورت کی گئی، جبکہ جنرل سیکرٹری یوتھ ونگ تحصیل ٹیکسلا مسلم لیگ(ن) ثاقب شہزاد خان نے پارٹی کی فعالیت کے لئے لائحہ عمل تیار کرنے کی تجویز پیش کی جسے شرکاء اجلاس نے منظور کر لیا اور ثاقب شہزاد کی تجویز سے اتفاق کیا، اویس ملک نے کہا آئندہ ہونے والے یوتھ ونگ کے سیمینار کے متعلق آراء پیش کیں ،متفقہ طور پر تمام امور طے کر لئے گئے اور اگلے اجلاس تک مزید مشاورت اور تجاویز طلب کی گئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا(ڈاکٹر سید صابر علی )آل پاکستان ٹرک ڈمپر ایسوسی ایشن کے چیئرمین حاجی محمد رفیق نے کہا ہے کہ محکمہ ہائی وے کی غفلت اور لاپرواہی کی وجہ سے حادثات روز کا معمول بن گئے ہیںمگر محکمہ کے افسران نے اپنی آنکھوں پر سیاہ پٹیاں باندھ رکھی ہے جس کی وجہ سے آئے روز جی ٹی روڈ پر واہ گارڈن کے قریب حادثات رونما ہو رہے ہیں گذشتہ دنوں بارشوں کی وجہ سے واہ گارڈن کے قریب جی ٹی روڈ پر سڑک بیٹھ گئی اور اس میں بڑا شگاف پڑ گیا مگر اتنے روز گزرنے کے باوجود اس سنگین مسلہ پر توجہ نہ دی گئی اور نہ ہی سڑک کی مرمت کا کام شروع کیا گیا، جس کی وجہ سے آئے روز حادثات رونما ہو رہے ہیں اور قیمتی جانوں کا ضیاع ہو رہا ہے مگر افسران اپنی تنخواہیں اور مراعات لینے کی حد تک دلچسبی رکھتے ہیں مگر اپنے فرائض سے غافل ہیں ان کی مجرمانہ غفلت اور لاپرواہی حادثات اور قیمتی جانوں کے ضیاع کا موجب بن رہی ہے انھوں نے اپیل کی کہ محکمہ ہائی وے کے اعلی افسران سنگین معاملہ لو فوری خصوصی نوٹس لیں اور قیمتی جانوں کے ضیا ع اور حادثاتکی روک تھام کے لئے روڈ کی مرمتی کا کام مکمل کیا جائے تاکہ ٹرانسپوٹروں کی مشکلات میں کمی ہو گاڑیاں کٹھارہ بننے سے بچ سکیں اور مسافر بھی سکھ کا سانس لیں اور سفراچھے طریقے سے انجام پذیر ہو۔
ڈاکٹر سید صابر علی ٹیکسلا موبائل نمبر0300-5128038
