ٹیکسلا ( ڈاکٹر سید صابر علی / تحصیل رپورٹر ) ٹیکسلا کی سیاست میں ڈرامائی تبدیلی، ٹیکسلا کا سیاسی مضبوط دھڑا مسلم لیگ ن میں شامل ہوگیا،سابق ممبر ضلع کونسل اور احاطہ کی مضبوط سیاسی شخصیت کی وفاقی وزیر چوہدری نثار علی خان سے ملاقات ،مسلم لیگ ن کے پلیٹ فارم سے سیاسی جدوجہد جاری رکھنے کا عزم، حاجی دلدار اپنے ساتھیوں سمیت مسلم لیگ ن میں شامل ہوگئے،حاجی دلدار خان نے پنجاب ہاوس میں چوہدری نثار علی خان سے خصوصی ملاقات میں پارٹی میں شمولیت کا اعلان کیا،خصوصی ملاقات کے دوران سابق ایم پی اے حاجی ملک عمر فاروق ،چئیرمین یونین کونسل گھڑی سکندرعرفان خان ایڈووکیٹ،سابق ممبر ضلع کونسل سردار ساجد زمان خان،سابق کونسلر تمریز خان عباسی،تنویر شہزاد اعوان موجود تھے،یاد رہے کہ گزشتہ کئی ماہ سے حاجی دلدار خان کو مسلم لیگ ،میں دوبارہ لانے کی کوششوں کا سلسلہ جاری تھا،ٹیکسلا کی سیاست میں حاجی دلدار خان کا نام کسی تعرف کا محتاج نہیں انھوں نے ہر دور میں علاقہ میں اپنی سیاسی کو برتری کو اپنی سیاسی بصیرت کے باعث بحال رکھا،گزشتہ بلدیاتی الیکشن میں بھی حاجی دلدار گروپ نے واضح برتری حاصل کر کے ثابت کردیا کی علاقہ میں انکا کوئی ثانی نہیں ،کثیر وٹ بنک رکھنے والے حاجی دلدار خان بلدیاتی الیکشن میں بھی سیاسی حلقوں میں موضوع بحث تھے،وفاقی وزیر چوہدری نثار علی خان نے حاجی دلدار کو خوش آمدید کہتے ہوئے کہا کہ انکے مقام اور سیاسی مرتبہ کے وہ قائل ہیں ، مسلم لیگ کے علاوہ کوئی جماعت انکے سیاسی قد کو نہیں بڑھا سکتا،دوسری جانب حاجی دلدار خان نے بھی چوہدری نثار علی خان کی عوامی خدمت کی تعریف کی انکا کہنا تھا کہ بلا شبہ علاقہ کی تعمیر و ترقی میں چوہدری نثار کا کردار قابل ستائش ہے،حاجی دلدار خان نے ملاقات کے دوران اس عزم کا اظہار کیا کہ حلقہ کی سیاست میں ثابت قدمی کے ساتھانکی زیر قیادت مسلم لیگ ن کے پلیٹ فارم سے عوامی خدمت کا تسلسل جاری رکھیں گے ،حاجی دلدار خان گروپ کی مسلم لیگ ن میں شمولیت کی بازگشت کافی عرصہ سے چل رہی تھی، جو چوہدری نثار علی خان سے ملاقات کے بعد منظر عام پر آگئی،ادہر حاجی دلدار خان کی مسلم لیگ ن میں شمولیت پر مسلم لیگ ن کے رہنما راجہ سرفراز اصغر، راجہ شیراز اصغر سابق امیدوار برائے کونسلر ،مسلم لیگ یوتھ ونگ واہ کینٹ کے صدر اسامہ قاضی، طاہر محمود راجہ ایڈووکیٹ،جاوید اقبال منگرال ایڈووکیٹ،و دیگر نے اس امر کا اظہار کیا ہے کہ حاجی دلدار خان کی شمولیت سے مقامی سطح پر مسلم لیگ ن مضبوط ہوئی ہے ،انکا کہنا تھا کہ حاجی دلدار خان گروپ کی مسلم لیگ ن میں شمولیت نیک شگون ہے،پارٹی مزید فعال ہوگی،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا ( ڈاکٹر سید صابر علی / تحصیل رپورٹر )اسلامی تعلیمات سے متاثرہوکرعیسائی لڑکی نے مذہب اسلام قبول کرلیا،مسلمان نوجوان کواپناجیون ساتھی بھی بنالیا ۔ تفصیلات کے مطابق نیوسٹی واہ کینٹ کی رہائشی 29سالہ حنایوسف ولدیوسف فقیرابھٹی نے مولاناعطاء الحسن کی موجودگی میں روبروگواہان کے کلمہ طیبہ پڑھ لیااوردائرہ اسلام میں اپنی مرضی سے داخل ہوگئی۔حنایوسف نے میڈیاکے نمائندگان کوبتایاکہ میں خودایک ٹیچرہوں اور عرصہ سے دین اسلام سے متعلق پڑھتی رہی تاہم میں نے دینی تعلیمات سے متاثرہوکرمذہب اسلام قبول کرلیاہے جبکہ میں نے آصف علی سے شریعت محمدی ۖ کے مطابق نکاح بھی کرلیاہے اور اب میں نہ صرف خوش ہوں بلکہ مطمئن بھی ہو ں ۔اس موقع پرآصف علی کی والدہ اوروالد بھی موجود تھے جونہایت خوش دکھائی دے رہے تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا ( ڈاکٹر سید صابر علی / تحصیل رپورٹر )مسلم لیگ ن کے سر گرم نوجوان رہنما اسامہ قاضی کو مسلم لیگ یوتھ ونگ واہ کینٹ کا صدر منتخب کر لیا گیا،اپنے انتخاب پر اسامہ قاضی نے مسلم لیگ ن کی مقامی قیادت حاجی ملک عمر فاروق ، صدر مسلم لیگ تحصیل ٹیکسلا ن فیاض خان تنولی، ضلعی صدر سردار ممتاز خان پسوال، لیگی رہنما راجہ سرفراز اصغر، راجہ شیراز اصغر،کا شکریہ ادا کرتے ہوئے اس امر کا اظہار کیا ہے کہ وہ اپنی بہترین صلاحیتیں بروے کار لاکر پارٹی کی فعالیت اور وقار کے لئے اپنا بھرپور کردار ادا کریں گے،ادہر اسامہ قاضی کو بطور صدریوتھ ونگ واہ کینٹ منتخب ہونے پر مسلم لیگ یوتھ ونگ کے نوجوانوں نے مبارک دی ہے،جبکہ مسلم لیگ ن کے زعما نے اپنے اپنی نیک خواہشات کا اظہار کیا ہے ،اسامہ قاضی نوجوانوں میں انتہائی سرگرم ہیں ،یوم تکبیر کے سلسلے میں اواپل چوک بستی سے کل شام پانچ بجے عظیم ریلی نیو سٹی کے لئے روانہ ہوگی یوتھ کو منظم کرنے کی تمام تر ذمہ داری اسامہ قاضی پر ہے جو ریلی کے شاندار انعقاد کے لئے انہتائی سرگرم ہیں ،اور نوجوانوں سے مکمل رابطوں میں ہیں، واہ کینٹ کی تاریخ میں یہ پہلا موقع ہے کی یوتھ ونگ پارٹی کی فعالیت اور مسلم لیگ ن کے مختلف ایونٹس میں انتہائی متحرک نظر آرہے ہے جس کی بنیادی وجہ اہل نوجوانوں کی قیادت ہے قبل ازیں یوتھ ونگ کے ذمہ داران صرف فوٹو سیشن تک محدود تھے، جبکہ مسلم لیگ ن کی فعالیت کے لئے انکا کردار سوالیہ نشان بنتا جارہا تھا ،یوتھ ونگ کے اراکین کا کہنا ہے کہ اگر میرٹ پر پارٹی کسی کو عہدہ دیتی ہے تو بلا شبہ اس کے ثمرات بھئی ملتے ہیں ،اسامہ قاضی نوجوانوں میں انتہائی مقبول ہیں ، اور پارٹی کی فعالیت اور نیک نامی میں پیش پیش نظر آرہے ہیں ، اسامہ قاضی کا کہنا ہے کہ کل یوم تکبیر کے سلسلے میں منعقدہ ریلی میں جہاں مسلم لیگ ن کے اراکین شامل ہونگے وہاں نوجوانوں کی کثیر تعداد اس دن کو پورے قومی و ملی جذبے سے منانے کے لئے نمائیاں کر دار ادا کرے گی ، اسامہ قاضی نے مبارک باد دینے والوں کا شکریہ ادا کرتے ہوئے کہا کہ وہ پارٹی قائدین کے اعتماد پر پورا اترنے کی بھرپور سعی کریں گے،انکا کہنا تھا کہ نوجوان مسلم لیگ ن کا ہراول دستہ ہیں،
ٹیکسلا ( ڈاکٹر سید صابر علی / تحصیل رپورٹر )اپر خا نپو ر گاؤں کو ٹلہ مستہ میں جیپ گہری کھا ئی میں جاگری ایک جان بحق 6شدید زخمی،زخمیوں میں دو کی حالت نازک بتائی جاتی ہے، تفصیلات کے مطا بق اپر خا نپو ر گا ؤں کو ٹلہ مستہ کے مقام پر جیپ ڈرائیور سے بے قا بو ہو کر گہر ی کھا ئی میں جا گری جس کے نتیجے میں سا بق چیر مین حا جی سلمان کا بھا ئی حا جی اسلم مو قع پر جان بحق ہو گیا ،جبکہ جیپ میں سوار چھ افراد شدید زخمی ہوگئے،جن کو مقامی افراد کی مدد سے کھائی سے نکالا گیا جبکہ زخمیوں کو پمز ہسپتال اسلام آباد منتقل کیا گیا،پولیس حادثہ کے بعد موقع پر پہنچ گئی اور امدادی کاروائیوں میں مدد کی ، ہسپتال زرائع سے معلوم ہوا ہے کہ حادثہ میں زخمی ہونے والے دو افراد کی حالت خطرے میں ہے،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا ( ڈاکٹر سید صابر علی / تحصیل رپورٹر )دیوان سیمنٹ فیکٹری کے قریب موٹر سائیکل اور مسافر سوزوکی میں تصادم،حادثہ کے نتیجے میں موٹر سائیکل سوار جاں بحق موٹر سائیکل پر بیٹھی خاتون اور دو بچے شدید زخمی،جنہیں فوری طبی امداد کے لئے قریبی ہسپتال منتقل کردیا گیا،تفصیلات کے مطابق مسافر سوزکی نمبری RIT-1130جو کہ ٹیکسلا سے ہری پور جارہی تھی جو کہ سڑک پر گہرے گڑے کو بچاتے ہوئے تیز رفتاری کے باعث سامنے سے آنے والے موٹر سائیکل نمبری،6230 KAY- پر چڑھ دوڑی،جس سے موٹر سائیکل سوار موقع پر دم توڑ گیا جبکہ شدید زخمی ہونے والی اسکی بیوی اور دو بچوں کو فوری طبی امداد کے لئے قریبی ہسپتال پہنچا دیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
