ٹیکسلا (ڈاکٹر سید صابر علی) نرسری تاساتویں جماعت کی داخلہ فیس دس ہزار،سکول چھوڑنے کاسرٹیفیکیٹ جاری کرنے کے لئے دوماہ کی فیس لازم ،انکاری پر والدین کی سرزنش متعددکودھکے دیکرسکول سے نکال دیا،محکمہ تعلیم کے اعلیٰ حکام سے نوٹس لینے کاعوامی مطالبہ ۔تفصیلات کے مطابق تحصیل ٹیکسلا کے علاقہ نواب آبادکی مدینہ سٹریٹ میں قائم پنجاب پبلک سکول کاپرنسپل ماسٹرظہورجنجوعہ بھاری داخلہ فیسوں کی مدمیں طلباء کے والدین کودونوں ہاتھوں سے لوٹ رہاہے۔مذکورہ سکول کی ساتویں جماعت میںزیرتعلیم طالبہ کے بھائی نویدحسین نے صحافیوں کوبتایاکہ سالانہ امتحانات کے بعدمیں اپنی بہن کاسکول چھوڑنے کاسرٹیفیکیٹ لینے کے لئے سکول گیاتووہاں پرموجودعملہ نے مجھ سے آٹھ سو روپے سرٹیفیکیٹ فیس کے ساتھ دوماہ کی فیسیں جوکہ تقریبا چارہزارروپے بنتے ہیں مجھ سے طلب کی جس پرمیں نے پوچھاکہ میری بہن نے تو سکول چھوڑدیاہے تودوماہ کی فیس کیوں دوں تواس پروہاں موجودسکول کاپرنسپل ماسٹرظہورطیش میں آگیااورمجھے دھکے دیکرسکول سے باہر کردیا اورساتھ سنگین نتائج کی دھمکیاں بھی دیں ۔اہلیان علاقہ کاکہناہے کہ حکومت ایک طرف تعلیم عام کرنے کے دعوے کرتی ہے تو دوسری طرف پرائیویٹ تعلیمی اداروں کے بے لگام مالکان طلباء کے والدین کودونوں ہاتھوں سے لوٹ رہے ہیں ۔والدین نے حکومت سے مطالبہ کیا ہے کہ مذکورہ سکول کے پرنسپل کے خلاف قانونی کاروائی عمل میں لائی جائے اوراس کے سکول کامیرٹ پرآڈٹ بھی کیاجائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا(ڈاکٹر سید صابر علی )ممبر قومی اسمبلی و تحریک انصاف کے مرکزی راہنما غلام سرور خان نے کہا ہے افواج پاکستان ملک و قوم کی بقا اور سلامتی کی جنگ لڑ رہی ہیں، جنرل راحیل شریف نے اپنے ادارہ کے اندر خود احتسابی کا جو قدم اٹھا یا وہ ایک اچھا اقدام ہے جسے پوری قوم نے سراہا ہے، اور انھوں نے دیگر اداروں کو بھی خاموش پیغام دے دیا ہے،تحریک انصاف ملکی دولت لوٹنے والوں چوروں ڈکیتوں کے خلاف اپنی جدوجہد جاری رکھے گی، حکمرانوں کے قول و فعل میں واضع تضاد موجود ہے، پانامہ لیکس تحریک انصاف نے نہیں بلکہ پانامہ والوں نے لیک کی ہے مگر ان غاصبوں کا اصل چہرہ قوم کو دکھا دیا ہے،یہ نہ صرف 1990سے لیکر 2015تک ملک کے 172صنعتی یونٹ نجکاری کی نذر کر چکے ہیںبلکہ ملک پر بیرونی عالمی مالیاتی بنکوں کا قرضہ چھ ہزار ارب تک پہنچ گیا ہے، جو کہ حکمرانوں کے لئے ڈوب مرنے کا مقام ہے،ان خیالات کا اظہار انھوں نے تحریک انصاف کے کارکنان کے مشاورتی اجلاس سے خطاب کے دوران کیا،تقریب سے ممبر پنجاب اسمبلی محمد صدیق خان ،سابق ناظم سید چن شاہ ،سابق ناظم و ممبر میونسپل کمیٹی ملک محمدپرویز نے بھی خطاب کیا ،اس موقع پر وائس چئیرمین کینٹ بورڈ ٹیکسلا سید رضا شاہ آف مارگلہ،سابق ناظم ملک عظمت محمود، چئیرمین ملک ایاز محمود، چئیرمین ملک سہیل، وائس چئیرمین حاجی ملک یونس، وحید خان، ملک مسکین،ممبران میونسپل کمیٹی ٹیکسلا سید مہتاب حسین شاہ، سید گلزار شاہ، ملک عمران عرف ٹونی، سید سرفراز شاہ، سید عترت حسین شاہ، ملک عمیس رشید، ملک محمد پرویز، ملک مشتاق،ملک اسحاق، ملک ربنواز،سابق امیدواران برائے بلدیہ حاجی ریاض حسین اعوان،ملک خورشید، سردار زبیر خان ،حاجی رحمت اللہ خان،ملک ظہیر نواز،مرکزی انجمن تاجران کے چیف آرگنائزر حاجی ناصر محمود اعوان، صدر شیخ ضیاء الدین،ملک اعجاز صراف، ملک افتخار اعوان، ملک مسعود گجر،ملک غلام ربانی، حاجی بشیر، ملک قیصر، صوفی بشیر، ملک منور، حاجی سلیم بسیرا، نعیم کپتان ،حاجی اجمل خان،راجہ شیراز احمد شیرازی، شیخ قیصر، ملک یاسر،ملک وقاص،عبدالستار درانی، ملک اظہر محمود، ملک نجف،اشرف خان، ملک پرویز عرف چوہدری،شبیر اشکی، مہتاب حیدر،صوفی بشیر،چوہدری نصیر،سمیت دیگر کارکنا و عہدیداران موجود تھے،غلام سرور خان نے کہا کہ چوبیس اپریل بروز اتوار دن چار بجے ایک بہت بڑا جلوس تحریک انصاف کے یوم تاسیس کے جلسے میں شرکت کے لئے روانہ ہوگا،انھوں نے کہا کہ پاکستان کی دولت لوٹنے والوں کو نوشتہ دیوار پڑھ لینا چاہئیے ،قوم نے اگر اب بھی آنکھیں نہ کھولیں تو پھر تاریخ کبھی ہمیں معاف نہیں کریگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا(ڈاکٹر سید صابر علی )نیشنل بک فائونڈیشن نے کتب بینی کو جس انداز میں فروغ دیا ہے اس کی مثال کہیں اور نظر نہیں آتی ، کتاب امن اور محبت کی علامت ہے ،کتاب معاشرے کی تشکیل میں اہم کردار ادا کرتی ہے، اِن خیالات کا اظہار بریگیڈئیر حسین عباس شہید کی والدہ محترمہ دُر ِ شہوار ، ممتاز کالم نگار و صحافی عقیل ترین اور ماہر ِ تعلیم کرنل (ر) اظہر محمود نے گزشتہ روز کتاب کے قومی دن کے موقع پر نیشنل بک فائونڈیشن واہ کینٹ میں منعقدہ خصوصی تقریب میں کیا،اس سے قبل محترمہ دُر ِ شہوار نے دیگر مہمانان گرامی کے ہمراہ پرچم کشائی کی اور کتابوں کی سہ روزہ نمائش کا افتتاح کیا ، نیشنل بک فائونڈیشن کے انچارج خلیل احمد نے بریگیڈئیر حسین عباس شہید کی والدہ محترمہ اور کیپٹن عمر فاروق شہید کے بھائی کو کتابوںکا خصوصی تحفہ پیش کیا تقریب میں ادبی تنظیم ”فانوس” کے سیکرٹری عتیق عالم خان ، پاکستان یوتھ لیگ کے چیف آرگنائزر عابد حسین، معروف ڈرامہ نگار محمد شعیب خان، واہ کلچرل فورم کے چیئرمین شعیب ہمیش، ٹیکسلا پریس کلب کے سیکرٹری اطلاعات ممتاز صدیقی ، نوجوان صحافی رانا فرحان اسلم کے علاوہ یونیورسٹیز، کالجز اور سکولز کے طلباء نے کثیر تعداد میں شرکت کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا(ڈاکٹر سید صابر علی )تحریک انصاف کا یوم تاسیس بھرپور طریقے سے منائیں گے،جسطرح ایک سو چھبیس دن کے تاریخی دھرنے میں تحصیل ٹیکسلا نے اپنا تشخص برقرار رکھا اسی طرح چوبیس اپریل کو ہونے والے یوم تاسیس کے پروگرام میں بھی حلقہ این اے53تحریک انصاف اپنی برتری ثابت کریگی،حکمرانوں کادن کا چین اور رات کا سکون برباد ہو چکا ہے، جو انھوںنے کرپشن کی تھی قوم کے سامنے بے نقاب ہو چکی ہے،ان خیالات کا اظہار چئیرمین ملک ایاز محمود، سابق ناظم سید چن شاہ کاظمی،ممبر کینٹ بورڈ واہ ملک فہد مسعود اکبر،ممبر میونسپل کمیٹی ٹیکسلا سید مہتاب حسین شاہ، ملک محمد پرویز، ، ملک ربنواز،سعود القیصر، ملک اعجاز صراف، اجمل خان تنولی، ملک اسد امیر، مرکزی انجمن تاجران کے صدر شیخ ضیاء الدین، حاجی زاہد رفیق، سید اسد علی نقوی، حاجی ریاض حسین اعوان، سردار خیراللہ خان، ملک فقیر آف لڑ، شیخ قیصر ، ملک عمر، سردار زبیر خان،حاجی صدیق ملپور،نے سروے میں اظہارار خیال کرتے ہوئے کیا ،انھوں نے کہاکہ تحریک انصاف قوم کے حقوق کی جنگ لڑ رہی ہے، عمران خان کی قیادت میں ملک کے اندر حقیقی معنوں مین تبدیلی آئے گی اور انگیریز کا فرسودہ طبقاتی نظام ختم کر رہے گا، پاناما لیکس کے بعد حکمرانوں کا اقتدار میں رہنے کا اخلاقی جواز ختم ہو چکا ہے ،چوبیس تاریخ کا پروگرام گرتی ہوئی دیواروں کو ایک دھکا اور دو ثابت ہوگا ،حکمرانوں کا یوم حساب قریب آچکا ہے،2013میں جعلی مینڈیٹ سے معرض وجود میں آنے والی حکومت کے دن پورے ہو چکے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا(ڈاکٹر سید صابر علی )گورنمنٹ پرائمری سکول حطار کے سکول ماسٹر کا بچوں پر وحشیانہ تشددِ ، بچوں کے جسم پر نیل پڑ گئے، بچوں کی شکائت پر والدین کا استاد کے خلاف احتجاج ، محکمہ تعلیم اور ڈپٹی کمشنر ہری پور سے فوری نوٹس لینے کا مطالبہ،تفصیلات کے مطابق گورنمنٹ پرائمری سکول حطار کے استاد نے حد کر دی بچوں کی غلطی کی سزا دیتے ہوئے ان پر ڈنڈوں کی بارش کردی جس سے معصوم بچوں کے جسم نیلے پڑ گئے جبکہ زخموں کے باعث بچے چیخنا چلانا شروع ہوگئے جبکہ بچوں کی یہ حالت دیکھ کر والدین میں شدید غم و غصہ کی لہر دوڑ گئی،متعلقہ واقعہ کی شکائت ہیڈ ماسٹر کو کی جس نے انکوائری کرانے کا عندیہ دیا ، ادہر والدین نے اپنا احتجاج ریکارڈ کراتے ہوئے کہا کہ ہم اپنے بچوں کو تعلیمی اداروں میں تعلیم حاصل کرنے کے لئے بھیجتے ہیں نا کہ انکی ترگد بنوانے،ہمارے بچوں کو اس وحشیانہ طریقے سے مارا گیا ہے ایسا سلوک کوئی کسی جانور سے بھی نہیں کرتا، والدین اور اہل علاقہ نے ڈپٹی کمشنر سے نوٹس لینے کا مطالبہ کیا ہے ، اور وحشیانہ تشدد کا نشانہ بنانے والے استاد کے خلاف محکمانہ کاروائی کی اپیل کی ہے
ڈاکٹر سید صابر علی ٹیکسلا22-4-2016 موبائل نمبر0300-5128038
