ٹیکسلا (ڈاکٹر سید صابر علی) پاکستان عوامی تحریک PP8 کے صدر سید گفتار حسین شاہ (ایڈووکیٹ ہائی کورٹ) اور سیف الرحمان عطاری جنرل سیکرٹری پاکستان عوامی تحریک پی پی آٹھ نے مشترکہ بیان میں کہا ہے کہ نیب کی طرف سے یہ بیان بھی ریکارڈ پر موجود ہے کہ پاکستان میں روزانہ 133 ملین ڈالر اور سالانہ تقریبا 50 ہزار ملین ڈالر کی کرپشن ہو رہی ہے ۔گویا ٹیکس چوری منی لانڈرنگ اور میگا منصو بو ں سے ہونے والی کمیشن اور کک بیکس کے علاوہ ہر سال 40فیصد قرضوں کا کرپٹ حکمرانوں اور ان کے حواریوں کی جیبوں میں جارہا ہے،یہ کسی سیاسی جماعت کے سر براہ کا الزام نہیں بلکہ قومی ادارے کے ایک ذمہ دار شخص کا انکشاف ہے ، اس کے باوجود کوئی نوٹس لینے کو تیا ر نہیں ،جن لٹیروں کو جیل کی کال کو ٹھری میں ہونا چاہیے تھا وہ 19کروڑ عوام کی تقدیر کے ساتھ کھیل رہے ہیں ، پاکستان عوامی تحریک PP8کے جنرل سیکرٹری سیف الرحمان عطاری نے بتایاکہ یہ کرپٹ قیادت پاکستان کے مسائل حل نہیں کر سکتی ، موجودہ حکمرانوں کے ظلم کی داستانیں ماڈل ٹائون سے لے کر پانامہ لیکس تک پھیلی ہوئی ہیں ، پانامہ لیکس پر جوڈشیل کمیشن کے قیام کے کا اعلان دھوکہ اور فراڈ کے سوا کچھ بھی نہیں ، اس لئے کہ اگر جوڈشیل کمیشن کی بنا پر اگر پاکستان میں کچھ ہو سکتا توسانحہ ماڈل ٹائون پرجسٹس باقر نجفی کمیشن کی رپورٹ فائلوں میں دفن نہ ہوتی ،یہ حکمران اپنا دامن صاف قرار دلوانے کے لئے کمیشن تشکیل دیتے ہیں انہوںنے خرید لو کی پالیسی کے تحت ہر قومی ادارے میں اپنے زر خرید غلام رکھے ہوئے ہیں،سٹیٹ بنک ہو یا وزارت خزانہ یا ایوان وزیر اعظم ہر جگہ منی لانڈرنگ کو تحفظ دینے والے کردار بیٹھے ہیں ،لہذا ان حکمرانوں کے خلاف کاروائی کا سوال ہی پیدا نہیں ہوتا،جب تک ملکی اداروں میں بیٹھی ہوئی کالی بھیڑیں اپنے انجام کو نہیں پہنچیں گیاور ادارے اپنا آئینی اور قانونی کردار ادا نہیں کریںگے،ملک اسی طرح لٹتا رہے گا،پانامہ ا یشو پر بات کرتے ہوئے مشترکہ طور پر پاکستان عوامی تحریک کایہ موقف سامنے آیا کہ اب وقت انکوائریوں کا نہیں بلکہ ایکشن کا ہے ، وزیر اعظم کے خلاف اتنے واضح ثبوت آجانے کے بعد پارلیمنٹ ، عدلیہ اور دیگر ذمہ دار قومی ادارے اپنا فرض منصبی ادا کرتے ہوئے انہیں بر طرف کر دیں اور ان کو حراست میں لے کر ان کا مواخذہ کیا جائے ،تاریخ گواہ ہے کہ قائد تحریک نے اسلام آباد دھرنے کے موقع پر ان حکمرانوں کی لوٹ مار کے جو حقائق قوم کے سامنے رکھے تھے آج پانامہ لیکس کے ذریعے ان حقائق کی تصدیق پوری دنیا سے ہو رہی ہے ۔ موجودہ حکمران قاتل اور کرپٹ ہیں اور ان قاتلوں اور کرپٹ حکمرانوں کو تحفظ دینے والے ، ان کے اقتدار کو سہارا دینے والے اور ان کے جرائم سے چشم پوشی کرنے والے بھی ان کے جرائم میں برابر کے قصور وار ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا( ڈاکٹر سید صابر علی )ٹیکسلا کے مقامی صحافی طاہر فریدون کے ماموں زاد بھائی خالد خان کی اہلیہ کی وفات پر انجمن تاجران کے صدر شیخ ضیا الدین ،جنرل سیکٹری سردار زبیرمحمودخان ،ٹیکسلا کے وکلاء برادری جن میں راجہ کامران ،ملک خالد شہزاد ،شیخ وصی الدین ایڈووکیٹ، طاہر محمود راجہ ایڈووکیٹ ، شفقت ایزدی ایڈووکیٹ ،صحافی برادری میں ڈاکٹر سیدصابرعلی، حاجی ملک جاویداختر اعوان ،چوہدری امجد ،ڈاکٹر جمشید ، نسیم حیدر،توقیر خان محمود،اعتیق الرحمن ،قمرمحمود ، رضوان جنجوعہ ،کامران اشرف ،خالق فاروق اعوان اور حاجی محمد سلیم ، امجد یوسف زئی ، عبدالرحمان ،نے افسوس کا اظہار کیا ۔اور مرحومہ کے ایصال ثواب کے لئے فاتحہ خوانی کی اور دعا کی کہ اللہ تعالی مرحومہ کو اپنے جوارے رحمت می جگہ دے اور پسماندگان کو صبر جمیل عطا کرے۔
َََََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا( ڈاکٹر سید صابر علی )ما تمی سنگت شہزادہ علی اکبر واہ کینٹ کے زیر اہتمام آج 11اور12شعبان کی درمیانی شب بروز جمعرات ٹھیک رات 9بجے مرکزی امام بارگاہ حیدر روڈ واہ کینٹ میں جشن نزول شہزادہ علی اکبرعلیہ اسلام کے موقع پر 110پائونڈ وزنی کیک کاٹا جائے گا جشن مبارک میں زاکر علی رضا بی اے،زاکرکامران عباس،زاکر یاسر غفار کوثر،زاکر سید حسن شاہ کاظمی،سید محسن علی شاہ شمسی، زاکر عمران حیدر،زاکر قمر رضا،زاکر علی عباس عسکری،حامد رضا،زاکر ملک منتظر مہدی،زاکر علی عمران جعفری،زاکر زوہیب الحسن،علامہ عباس جعفر،آغا میثم علی جشن سے خطاب فرمائیں گئے جبکہ ناظم ممبر سید جابر حسین شاہ ایڈوکیٹ ہو نگے مومنین سے بروقت شرکت کی استدعا ہے۔
ڈاکٹر سید صابر علی تحصیل رپورٹر ٹیکسلاموبائل نمبر0300-5128038
