ٹیکسلا (ڈاکٹر سید صابرعلی) مسلم لیگ (ن) تحصیل ٹیکسلا کے صدر حاجی فیاض خان تنولی نے کہا ہے کہ مسلم لیگ(ن) خدمت کا دوسرا نام ہے ،ہمارے قائد چوہدری نثار علی خان نے ہمیشہ اس حلقہ میں بلا تفریق خدمت کی اور تعمیر و ترقی کے انمٹ نشان ثبت کر دیئے ہیں، چئیرمین لب ٹھٹھو حاجی علی اصغر اعوان نے کہا کہ آج تمام لوگوں نے ہم پر اعتماد کا اظہار کر کے ثابت کر دیا ہے کہ لب ٹھٹھو مسلم لیگ(ن ) کا گڑھ ہے اور ہم چوہدری نثار علی خان کی قیادت میں متحد ہو کر عوام کی بلا تفریق خدمت کریں گے، ان خیالات کا اظہار انھوں نے حاجی فیاض خان کے ڈیرہ اسلام پورہ میں ویلیج کمیٹیوں، مصالحتی کمیٹیوں اور تعمیروترقی کی نگران کمیٹیوں کی تشکیل کے سلسلے میں منعقدہ تقریب سے خطاب کے دوران کیا تقریب سے سابق امیدوار برائے چئیرمین شیر محمد خان تنولی ایڈووکیٹ، وائس چئیرمین ملک ارشد محمود، وائس چئیرمین کے امیدوار اظہر محمود اعوان نے بھی خطاب کیا،جبکہ اس موقع پر ماسٹر ریاض اعوان، علی حیدر، حاجی نذیر،حاجی رشید کے علاوہ لب ٹھٹھو یونین کونسل کے عمائدین کی کثیر تعداد موجود تھی، حاجی فیاض خان تنولی نے کہا کہ آج بڑی خوشی کا دن ہے کہ نہ صرف دو گروپ اکٹھے ہو کر مسلم لیگ (ن) کی مضبوطی میں اہم کردار ادا کرینگے بلکہ علاقہ کی تعمیروترقی میں ملکر سب ایک پلیٹ فارم پر کام کرینگے، اور انشااللہ اس یونین کونسل میں اب مسلم لیگ(ن) ناقابل شکست جماعت بن چکی ہے، ہم اپنے قوائد چوہدری نثار علی خان کے تہہ دل سے مشکور ہیں کہ انھوں نے ہمیشہ اس حلقہ پر مہربانیاں کی ہیں اور ہم نے جو کچھ میں کہا انھوں نے بلا تامل کر دکھایا ،ہم نے مسلم لیگ(ن) کو مزید مضبوط کرنا ہے حاجی علی اصغر اعوان جیسے متحرک چئیرمین ہمیں میسر ہیں انشااللہ تمام لوگوں کے بلا تفریق کام ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا(ڈاکٹر سید صابرعلی)فوجی فرٹیلائزر کمپنی لمیٹڈ کے سینئر ایگزیٹو(ایگری سروسز) لیاقت علی باجوہ نے کمپنی کے زیر اہتمام (چکری) تحصیل و ضلع راولپنڈی کے مقام پر گندم کے نمائشی پلاٹ پر یوم کاشتکاراں کے حوالے سے ایک تقریب سے خطاب کرتے ہوئے علاقہ کے ترقی پسند کاشتکاروں کو نمائشی پلاٹ پر کئے گئے عوامل پر روشنی ڈالی۔ انہوں نے کہا کہ گندم کی بھرپور پیدوار کے لئے گریڈ کیا ہوا اچھی کوالٹی کا 50 گرام بیج فی ایکٹر استعمال کرنا چاہئے، بیج کم استعمال کرنے سے فی ایکڑسٹوں کی مطلوبہ تعداد پوری نہیں ہوتی اور پیدا وار کم آتی ہے۔ اس علاقہ میں نائٹروجن، فاسفورس کے علاوہ پوٹاش کی بھی کمی پائی جاتی ہے اس لئے اچھی پیداوار لینے کے لیئے ان کھادوں کا استعمال تجزیہ اراضی کی بنیاد پر کریں۔ اجزائے صغیرہ کی کمی پورا کرنے کے لئے سونازنک اور بران کا استعمال بھی ضروری ہے۔ فوجی فرٹیلائزر کمپنی لمیٹڈ نے شروع دن سے ہی کوالٹی کھادوں کی ترسیل کے ساتھ ساتھ زمینداروں کی رہنمائی اور ٹریننگ کے لئے ٹیکنیکل کا شعبہ قائم کیا ہوا ہے جس کے تحت مٹی اور پانی کے مفت تجزیہ کے ساتھ ساتھ مختلف فصلوں کے نمائشی پلاٹ لگا کر کاشتکاروں کی عملی تربیت بھی کی جاتی ہے اور آج کا پروگرام بھی اسی سلسلے کی ایک کڑی ہے۔ اس موقع پر فراز خالد جونیئر ایگزیکٹیو سیلز راولپنڈی بھی موجود تھے۔ آخر میں عبدالجبار ڈپٹی ایگزیکٹیوفوجی فرٹیلائزر کمپنی لمیٹڈ نے کسانوں کو کھادوں کی اہمیت اور استعمال کے بارے میں آگاہ کیا اور پروگرام کے اختتام پر زمینداروں میں معلوماتی کتابچے بھی تقسیم کئے گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا(ڈاکٹر سید صابرعلی)پاکستان مسلم لیگ ن کی حکومت نے ہمیشہ علاقہ بھر میں بلا تفریق خدمت کر کے یہ ثابت کر دیا کہ ن لیگ خالصتاً عوامی حکومت ہے ، جو عوامی مسائل کے حل میں نہ صرف سنجیدہ ہے بلکہ تعمیر و ترقی کی نئی مثال قائم کر رہی ہے،میرا مشن اور ترجیحات بھی عوام کی بے لوث خدمت ہے، اسی خدمت کت جذبہ کے تحت اہل محلہ کی خدمت کرنے کے لئے دن رات کوشش کرتا ہوں میں ان کا شکر گزار ہوں کہ جنہوں نے بلدیات میں مجھے ووٹ دے کر کامیابی سے ہمکنار کیا اکبر آباد میوزیم روڈ کے رہائشیوں نے پی ٹی آئی کو چھوڑ کر ن لیگ اور میرے ساتھ شمولیت کر کے مجھ پر بہت بڑا احسان کیا ہم چوہدری نثار علی خان کے سپاہی ہیں ہم ان کے نقش قدم پر چل کر عوام کے دیرینہ مسائل ان کی دہلیز پر حل کرنے کی کوشش کرتے رہے گے آج اکبر آباد کے رہائشیوں کا ایک دیرینہ مسئلہ پایہ تکمیل تک پہنچ چکا ہے اس موقع پر میں پورے محلے کا شکر گزار ہوں، ان خیالات کا اظہار پاکستان مسلم لیگ ن کے نو منتخب کونسلر ملک پرویز ٹھیکیدار نے میوزیم روڈ اکبر آباد میں محمد ضیاء رمضان کی رہائش گاہ پر ان کی شمولیت کے موقع پر خطاب کرتے ہوئے کیا اس موقع پر پی ٹی آئی کو خیر باد کہہ کر ن لیگ اور ملک پرویز کی حمایت کا اعلان کرنے والے محمد ضیاء رمضان ،شاہد بلال،زبیر عثمان ، عزیز عثمان، عبداللہ اور عبدالرحمن اور دیگر اہل محلہ کے معززین شامل تھے، تقریب میں کونسلر شیخ وحید الدین ، میر شاہین، ملک ارشاد ، ملک خالد، ملک سلطان ، حاجی عبدالرشید ، عاصم، حاجی رشید، حاجی بشیر، حاجی محمد صدیق، محمد لیاقت، محمد افضل بھی موجود تھے تقریب کے اختتام پر تمام اہل محلہ نے ملک پرویز کی حمایت کا باقاعدہ اعلان کیا اور اس تقریب میں دیگر عہدیداروں نے بھی خطاب کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا(ڈاکٹر سید صابرعلی)سٹی چوکی پولیس ٹیکسلا کا منشیات فروشوں کے خلاف کریک ڈا ئون جاری ، بھاری مقدار میں شراب اور چرس بر آمد ، ملزمان گرفتار مختلف دفعات کے تحت مقدمات درج کر لئے گئے، پولیس کاروائی پراہلیان علاقہ نے سکھ کا سانس لیا ،،تفصیلات کے مطابق سٹی چوکی ٹیکسلا کا منشیات فروشوں کے خلاف کریک ڈائون جاری ہے، ایس آئی سید انتظار شاہ،اے ایس آئی ارشد محمود اور اے ایس آئی نعیم عباس نے گزشتہ رات شہر بھر میں گشت کے دوران بھاری مقدار میں شراب اور چرس بر آمد کر لی ،جبکہ کئی بدنام زمانہ منشیات فروشوں کو بھی دھر لیا گیا ، پولیس کے مطابق مختلف کاروائیوں کے دوران ملزم جاوید ولد عزیز الرحمن سکنہ گائوں نجف پور سے 8 لیٹر ،ملزم افتخار حسین ولد مسکین شاہ سے 7 لیٹر شراب ،ساجد محمود ولد محمد اکثر سکنہ نجف پور سے 8لیٹر شراب ،ملزم زاہد محمود ولد فتح حیدر سکنہ ڈھبیاں سے 7 لیٹر شراب ،ملزم مظہر محمود ولد خدا بخش سکنہ ڈھبیاں سے 1150 گرام چرس جبکہ ملزم محسن شاہ ولد گلزار شاہ سکنہ محلہ مجاور سے 350 گرام چرس بر آمد ہوئی ، گرفتار منشیات فروشوں کے خلاف مختلف دفعات کے تحت مقدمات درج کر لئے گئے ہیں ، چوکی انچارج ایس آئی سید انتظار حسین شاہ نے میڈیا سے بات کرتے ہوئے کہا کہ منشیات فروش معاشرتی ناسور ہیں اور ان کے خلاف جاری کریک ڈائون سخت سے سخت ہوتا چلا جائے گا ، کسی بھی منشیات فروش کا اثر و رسوخ اب اسکے کام نہیں آئے گا ، جب تک میں یہاں چوکی انچارج ہوں میں نے یہ عہد کر رکھا ہے کہ اپنے علاقے کو منشیات سے پاک اور دیگر غیر قانونی کاروائیوں کا جڑ سے خاتمہ کرونگا ، میری با شعور اہلیان ٹیکسلا سے گزارش ہے کہ وہ علاقے کو منشیات اور جرائم سے پاک کرنے میں پولیس سے تعاون کریں ،بے شک پڑھے لکھے با شعور شہری ہی اچھے معاشروں کی بنیاد رکھتے ہیں۔
ڈاکٹر سید صابر علی ٹیکسلا 17-4-2016 موبائل نمبر0300-5128038
