ٹیکسلا (ڈاکٹر سید صابر علی سے) مسلم لیگ (ن) تحصیل ٹیکسلا کے سرکردہ رہنما آصف نواز کاشمیری آف لوسر شرفو نے کہا ہے چیئرمین POF بورڈ لیفٹیننٹ جنرل عمر محمود حیات سے بھرپور اپیل ہے کہ وہ لوسر شرفو میں ایک معصوم بچے کا گٹر کا ڈھکن نہ ہونے کی وجہ سے اس کی موت کا کا نوٹس لیں اور اس کے ذمہ داروں کے خلاف ایکشن لیں اور لوسر شرفو کے دیگر مسائل بھی ترجیحی بنیادوں پر حل کروانے کے احکامات جاری کروائیں،واہ کنٹونمنٹ بورڈ انتظامیہ کی نااہلی اور بے حسی کی وجہ سے ایک معصوم پھول جیسے بچے کی جان چلی گئی جس کی مکمل ذمہ داری واہ کنٹونمنٹ بورڈ کو جاتی ہے، ابھی تک تو کوئی بھی ادارہ اس کی موت کی ذمہ داری لینے کو تیار نہیں، واہ کنٹونمنٹ بورڈ ہمارے علاقے سے ٹیکس تو شوق سے عوام سے ہر چیز کا پورا پورا وصول کرتا ہے مگر جب عوام کو سہولتیں دینے کی باری آتی ہے تو یہ لمبی تان لیکر سو جاتا ہے جو کہ زیادتی و ناانصافی کی انتہا ہ، علاقے میںگٹروں کے اوپر سے ڈھکن غائب ہیں اور واہ کنٹونمنٹ بورڈ کا عملہ دوبارہ گٹروں کے اوپر ڈھکن لگانا گوارہ نہیں کرتا اسی وجہ سے ایک معصوم بچے کی جان چلی گئی اگر گٹر کے اوپر ڈھکن ہوتا تو پھر یہ دلخراش واقعہ رونما نہ ہوتا اور اس معصوم بچے کے ماں باپ کو تاحیات یہ گہرا صدمہ برداشت نہ کرنا پڑتا،علاقے میں صفائی کا بھی معقول بندوبست نہیں ہے اور جگہ جگہ گندگی کی ڈھیر لگے ہوئے ہیں جس کی وجہ سے نہ صرف علاقے میں جان لیوا بیماریاں پھیلنے کا خطرہ ہے اسی طرح پورے علاقے کی سڑکیں بشمول اہلحدیث چوک ( لا ئق علی چوک )سے لیکر کر لوسر شرفو مین چوک تک بھی جگہ جگہ سے ٹو ٹ پھوٹ کا شکار ہیں اور جگہ جگہ بڑے بڑے گڑھے پڑے ہوئے ہیں جن میں بارش کے دنوں میں پانی بھر جاتا ہے اور علاقہ کسی تالاب کا منظر پیش کرنے لگتا ہے اور اس وجہ سے کئی دفعہ موٹر سائیکل سے گرنے کی وجہ سے حادثات روہنما ہو چکے ہیں اور کئی مرد و خواتین اور بچے شدید زخمی بھی ہو چکے ہیں مگر آج تک انتظامیہ کے کانوں پر جوں تک نہیں رینگی اور اس سنگین مسئلے کی طرف کوئی بھی توجہ نہیں دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا (ڈاکٹر سید صابر علی سے) ٹریفک کا المناک حادثہ ڈمپر نے موٹر سائیکل سوار کچل ڈالا، زین موٹر سائیکل پر جا رہا تھا کہ کال پل کے نزدیک تیز رفتار ڈمپر نے کچل دیا ڈمپر ڈرائیور فرار ہونے میں کامیاب ہو گیا، تفصیلات کے مطابق زین و لدنوید سکنہ ڈھوک شیخاں سنگ جانی ٹیکسلا جی ٹی روڈ پر جا رہا تھا کہ پیچھے سے آنے والے تیز رفتار ڈمپر نے کچل دیا زین کو شدید زخمی حالت میں ہسپتال لے جایا گیا مگر وہ زخموں کی تاب نہ لاتے ہوئے چل بسا جبکہ ڈمپر ڈرائیور ڈمپر سمیت فرار ہونے میں کامیاب ہو گیا پولیس نے مقدمہ درج کر کے تفتیش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا (ڈاکٹر سید صابر علی سے) اتحاد بین المسلمین کے داعی رئیس آف ٹیکسلا سابق امیدوار برائے صوبائی اسمبلی و سابق ناظم حاجی سردار سید ریاض حسین شاہ نے کہا ہے کہ قرآن کریم ایک مکمل ضابطہ حیات ہے ،قرآنی تعلیمات پر عمل پیرا ہوکر دنیا و آخرت کو سنوارا جا سکتا ہے،اللہ تعالیٰ نے رمضان المبارک میں قرآن کریم کو مسلمانوں کی ہدایت کے لئے اتارا، قرآن پاک مکمل ضابطہ حیات ہے ۔جس نے دنیاوی کتب پر برتری حاصل کی اور انسانیت کا درس دیا،میرے پوتے سید ضامن علی شاہ نے قرآن پاک کی تعلیم مکمل کرکے نہ صرف ہمیں بہت بڑا اعزاز بخشا ہے بلکہ پورے خاندان میں خوشی کی لہر دوڑ گئی ہے،ان خیالات کا اظہار انھوں نے شاہ ولی ہائوس میں سردار سید ضامن علی شاہ کے ختم قرآن کی خوشی میں منعقدہ بابرکت تقریب کے موقع پر میڈیا سے گفتگو کے دوران کیا ،اس موقع پر چئیرمین علی خان (ہری پور)سید تیمور شاہ، ملک علی محمد ،ملک اعجاز صراف، راجہ ربنواز گجر خانی، راجہ نجیب عباسی، ملک عمر فاروق، سید طاہر شاہ ااف سنگجانی، سید حماد شاہ سید موسیٰ شاہ، سید کاظم شاہ، سید صغیر شاہ، سید مبشر نقوی، سید عامر شاہ سید مجتبیٰ حیدر،سید محمود شاہ، ڈاکٹر محمد حلیم،سید ہاشم شاہ،نثار سہروردی،صفدر علی شاہ،سید حسن شاہ، سید بلال شاہ ،سید عاصم شاہ، سیدحیدر علی سمیت دیگر عمائدین نے کثیر تعداد میں شرکت کی،سردار سید ریاض حسین شاہ نے کہا کہ اگر ہم قرآن کریم کو مقصد حیات بنا لیں تو پھر ہر طرف امن و امان کی فضا ہو گی اور وطن عزیز میں امن و آتشی کا دور دورہ ہو گا، ہمیں ایک دوسرے کو برداشت کرنے اور محبت اخوت کی فضا کو پروان چڑھانے کے لئے فعال کردار ادا کرنا ہوگا ،سردار سید محمد علی شاہ نے تمام شرکاء کا شکریہ ادا کیا۔
