دی ایجوکیٹر بارہ دری کیمپس ہائی سکول میں سالانہ تقریب تقسیم انعامات 26اگست کو ہو گی
گجرات (جی پی آئی )دی ایجوکیٹر بارہ دری کیمپس ہائی سکول میں سالانہ تقریب تقسیم انعامات 26اگست کو ہو گی ‘ جس میں اہم شخصیات شرکت کرینگے ‘ اس موقع پر کلاس 8طلباء و طالبات میں انعامات تقسیم کئے جائیں گے ۔
۔۔۔ََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز سماجی شخصیت رانا مشرف علی ناز گزشتہ روز تعزیت کیلئے مسلم لیگ ن کے ممتاز میر انجم کی رائشگاہ پر گئے
گجرات ( جی پی آئی ) ممتاز سماجی شخصیت رانا مشرف علی ناز گزشتہ روز تعزیت کیلئے مسلم لیگ ن کے ممتاز میر انجم کی رائشگاہ پر گئے ‘ اُن کی والدہ محترمہ کی وفات پر گہرے رنج و غم کا اظہار کیا اور کہا کہ والدہ سراپا دعائیں ہوتیں ہیں ‘ والدین کی دعائیں دنیا و آخرت میں اولاد کیلئے نعمت ہوتیں ہیں اللہ تعالیٰ میر انجم کی والد محترمہ اور فراسٹ ڈار کی خالہ کی جنت الفردوس میں اعلیٰ جگہ عطا فرمائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لانگ مارچ اور انقلاب مارچ نے عوام کا جینا دو بھر کر دیا ہر چیز کی قیمت میں بے تحاشہ اضافہ ہو گیا
گجرات ( جی پی آئی ) لانگ مارچ اور انقلاب مارچ نے عوام کا جینا دو بھر کر دیا ہر چیز کی قیمت میں بے تحاشہ اضافہ ہو گیا ‘ تھوک و پر چون میں دکاندار من مانے ریٹ وصول کر رہے ہیں ‘ جس سے عام صارف کا بجٹ بڑھ گیا ہے ۔ جس سے غریب کی پریشانیوں میں بے تحاشہ اضافہ ہوا ہے ‘ عوامی حلقوں نے حکومت سے مطالبہ کیا کہ فوری طور پر مہنگائی کے دن کو قابو کرنے کیلئے اقدامات کریں گے ‘ خصوصی سبزیوں ‘ پھلوں کے ریٹس کو کنٹرول کیا جائے ‘ پرائس کنٹرول کمیٹیاں بالکل غیر موثر ہو کر رہ گئی ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
واپڈا کا عوام کا تحفہ ‘ لوڈ شیڈنگ بدستور جاری بلوں کی بھر مار ۔ کئی کئی گنا زیادہ بل آنے سے غریب عوام
گجرات ( جی پی آئی ) واپڈا کا عوام کا تحفہ ‘ لوڈ شیڈنگ بدستور جاری بلوں کی بھر مار ۔ کئی کئی گنا زیادہ بل آنے سے غریب عوام پس کر رہ گئی تفصیلات کے مطابق واپڈا کی طرف سے بھجوائے گئے بل میں بے تحاشہ اضافہ ہو گیا ہے ۔ جن لوگوں کا بل پانچ یا چھ سو آتا ہے ‘ اُن کو بارہ یا تیرہ ہزار بل بھجوا دیا گیا ہے ‘ جس سے عوامی مسائل میں اضافہ ہوا ہے ۔بجلی کی لوڈ شیڈنگ اوقات کار میں بھی اضافہ ہو رہا ہے ‘ جس سے کاروباری زندگی بھی ٹھپ ہو کر رہ گیا ہے ‘ عوامی حلقوں نے حکومت پاکستان سے مطالبہ کیا ہے کہ فوری طور پر لوڈ شیڈنگ کے خاتمہ اور بلوں میں اضافے کا نوٹس لیں اور عوام کو ریلیف پہنچائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات پولیس کی سماج دشمن عناصر کے خلاف کارروائی تفصیلات کے مطابق گجرات پولیس نے سماج دشمن عناصر
گجرات (جی پی آئی )گجرات پولیس کی سماج دشمن عناصر کے خلاف کارروائی تفصیلات کے مطابق گجرات پولیس نے سماج دشمن عناصر کے خلاف کارروائی کرتے ہوئے 1260گرام چرس ،10کپیاں شراب برآمد کرلی جبکہ 8کس ناجائز اسلحہ بردار بھی گرفتار کرلئے ۔تھانہ کنجاہ پولیس نے ملزمان 1۔ظفر اقبال سکنہ بانیاں سے رائفل 8MM ،2۔مظہر اقبال سکنہ بانیاں سے رائفل 12بور ،3۔محمد اشرف سکنہ بانیاں سے رائفل 8MM،4۔نذیر احمد سکنہ بانیاں سے رائفل244بور ،5۔اشفاق ظفر سکنہ لنگے سے30بور پسٹل ‘تھانہ رحمانیہ پولیس نے ملزمان 1۔زاہد سکنہ دیونہ سے 5کپیاں شراب 2۔محمد بوٹا سکنہ دیونہ سے پسٹل30بور ‘تھانہ صدر سرائے عالمگیر پولیس نے ملزم امانت سکنہ آزاد کشمیر سے 5کپیاں شراب اور 1260گرام چرس ‘تھانہ بولانی پولیس نے ملزم شمریز سکنہ مہجوان سے رائفل کلاشنکوف ‘ تھانہ سٹی سرائے عالمگیر پولیس نے ملزم میر کابل سکنہ چکوال سے رائفل کلاشنکوف ‘تھانہ سول لائن پولیس نے ملزم شیراز سکنہ ادھووال خورد سے پسٹل 9MMبرآمد کر لئے ‘ پولیس نے علیحدہ علیحدہ مقدمات درج کر لئے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ :محلہ کریم پورہ میں لاکھوں روپے کی ڈکیتی ،پولیس نے ملزمان گرفتار کرکے رقم برآمد کرلی
گجرات ( جی پی آئی )لالہ موسیٰ :محلہ کریم پورہ میں لاکھوں روپے کی ڈکیتی ،پولیس نے ملزمان گرفتار کرکے رقم برآمد کرلی تفصیلات کے مطابق ایس ایچ او انسپکٹر محمد توصیف کی سربراہی میں تھانہ سٹی لالہ موسیٰ پولیس نے محلہ کریم پورہ میں ہونے والی ڈکیتی کی بڑی واردات کو ٹریس کرلیا ۔اس واردات نے اہل محلہ میں شدید خوف وہراس پھیلا رکھا تھا اور مقامی پولیس کیلئے یہ واردات بہت بڑا چیلنج تھی ۔لالہ موسیٰ سٹی پولیس نے جدید ٹیکنالوجی اور محکمانہ صلاحیتوں کو بروئے کار لاتے ہوئے ملزمان 1۔زبیر افضل ،2۔شہزاد مسیح عرف گڈا ،3۔سلامت مسیح عرف ساجد کو گرفتار کرلیا اور ان کے قبضہ سے 8لاکھ روپے نقدی اور طلائی زیورات برآمد کرلئے ۔ملزمان سے تفتیش جاری ہے اور مزید انکشافات کی توقع ہے ۔اس بہترین کار کردگی پر ڈی پی او گجرات رائے اعجاز احمد نے ایس ایچ او تھانہ سٹی لالہ موسیٰ محمد توصیف اور ان کو ٹیم کو نقد انعام اور تعریفی سرٹیفکیٹ دینے کا اعلان کیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز سیاسی وسماجی شخصیت میر انجم کی والدہ محترمہ کی وفات پر ان سے اظہار تعزیت کا سلسلہ جاری ہے
گجرات(جی پی آئی)ممتاز سیاسی وسماجی شخصیت میر انجم کی والدہ محترمہ کی وفات پر ان سے اظہار تعزیت کا سلسلہ جاری ہے گذشتہ روز ان کی رہائش گا ہ پر جاکر اظہار تعزیت کر نے والوں میں چیئرمین ڈسٹرکٹ ذکوٰة و عشر کمیٹی گجرات چوہدری تنویر احمد گوندل ممبر امن کمیٹی الحاج رانا مشرف علی ناز وائس چیئرمین ڈسٹرکٹ بیت المال کمیٹی چوہدری ظہور الٰہی ایڈمنسٹریٹر یونین کونسلز TMAچوہدری خاور گجر راہنما PPPسید ممتاز حسین شاہ ، چوہدری رخسار مہلو ، چوہدری وحید الزماں ڈوگہ سٹی جنرل سیکٹری PPPعامر لطیف طور ، حاجی ریاض احمد مرزا ، چوہدری شبیر وڑائچ ، مرزا بشارت ، ملک اعجاز احمد ، چوہدری جاوید گجر، ملک جاوید اقبال ، وحید اصغر ، راجہ تصدق علی ، سیٹھ مظہر عباس صراف ، راجہ اکر م ، مرزا عتیق ، سب انسپکٹر چوہدری صفدر ، چوہدری اخترودیگر شامل تھے ۔جنہوں نے میر انجم سے اظہار تعزیت کرتے ہوئے دلی رنج و غم کا اظہار کیا اور مرحومہ کی روح کے ایصال ثواب کیلئے فاتح خوانی کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز سیاسی و سماجی شخصیت نومنتحب صدر کمپیوٹر وینڈر ایسوسی ایشن مدینہ طیبہ پلا زہ راجہ جواد انور نے کہا ہے
گجرات (جی پی آئی)ممتاز سیاسی و سماجی شخصیت نومنتحب صدر کمپیوٹر وینڈر ایسوسی ایشن مدینہ طیبہ پلا زہ راجہ جواد انور نے کہا ہے کہ مدینہ طیبہ پلازہ کے تاجروں نے ہمارا انتحاب کر کے ہم پر جو بھاری ذمہ داری ڈالی ہے ہم اس ذمہ داری کو پوری کوشش سے پورا کریں گے ۔ تمام تاجر ہمارے بھائی ہیں ۔ ہر ایک کی عزت نفس کی حفاظت کر نا ہمارا فرض ہے ۔تاجروں نے جو ہم پر ذمہ داری ڈالی ہے اس پر ہم ان کے مشکور ہیں اپنے تمام عہدیداران و ممبران سے مکمل مشاورت کریں گے اور ان کو ساتھ لے کر چلیں گے ۔ یونین کو مضبوط اور متحر ک کر نے میں تمام ساتھی مل جل کر کام کریں گے ۔ کمپیوٹر وینڈر ایسوسی ایشن مدینہ طیبہ پلازہ کے ساتھ ساتھ گجرات کی دیگر ایسوسی ایشنز کا الحاق کرکے اس کو مزید فعال بنایا جائے گا عنقریب سٹی کی تنظیم سازی کیلئے بھی مشاورت کی جائے گی تاکہ کسٹمر اور کمپیوٹر وینڈر کے درمیان تعلقات کو فروغ دیا جائے اور ان کے مسائل کو حل کیا جائے اس سلسلہ میں ہمیں اپنے تمام دوستوں اور ساتھیوں کا تعاون درکار ہے ۔ ہم ان کے مشوروں اور تعاون کی قدر کریں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکومت مذاکرات کیلئے سنجیدہ نہیں، ہمارا ایک ہی موقف ہے نوازشریف استعفیٰ دیں: چودھری شجاعت حسین
گجرات(جی پی آئی) پاکستان مسلم لیگ کے صدر و سابق وزیراعظم سینیٹر چودھری شجاعت حسین نے ڈاکٹر طاہرالقادری سے مشاورت کے بعد پارلیمنٹ ہائوس کے باہر مجلس وحدت المسلمین کے صدر علامہ راجہ ناصر عباس، چیئرمین سنی اتحاد کونسل صاحبزادہ حامد رضا کے ہمراہ میڈیا سے گفتگو کرتے ہوئے کہا کہ حکومت اور ان کے حواریوں کا وفد ڈاکٹر طاہرالقادری سے ملاقات کیلئے آیا تھا مگر ڈاکٹر طاہرالقادری نے اتحادیوں سے مشاورت کے بغیر ان کو ملنے سے انکار کر دیا تھا۔ اس موقع پر سینیٹر کامل علی آغا، طارق بشیر چیمہ ایم این اے، سردار آصف احمد علی، حلیم عادل شیخ اور دیگر مسلم لیگی رہنما موجود تھے۔ چودھری شجاعت حسین نے کہا کہ سانحہ ماڈل ٹائون سے اس تحریک کا آغاز ہوا تھا وہیں سے بات شروع ہوئی وہیں پر ختم ہو گی، حکومت نے مذکرات کیلئے جو کمیٹی بھیجی تھی ہمیں اس پر اعتراض ہے کیونکہ ایف آئی آر میں جن 21 شخصیات کے نام ہیں ان میں خواجہ سعد رفیق کا بھی نام ہے لہٰذا انہیں کمیٹی میں شامل نہ کیا جائے، خواجہ سعد رفیق ایک ہی بات کریں گے کہ جمہوریت، جمہوریت، جمہوریت۔ انہوں نے کہا کہ 14 افراد کو شہید کرنا اگر جمہوریت ہے تو ہم ایسی جمہوریت کو نہیں مانتے اور نہ ہی ہم ایسے افراد سے مذاکرات کریں گے جن کے نام ایف آئی آر میں شامل ہیں، حکومتی ارکان نے آج قومی اسمبلی میں جو تقریریں کی ہیںاس سے لگتا ہے کہ وہ مذاکرات کیلئے سنجیدہ نہیں، حکومت کی سنجیدگی کا یہ عالم ہے کہ پانی سر سے گزر چکا ہے تب اسے گھر آ کر مذاکرات کرنے کی یاد آئی ہے۔ ایک سوال کے جواب میں انہوں نے کہا کہ اب تو صرف ایک ہی راستہ رہ گیا ہے کہ نواز شریف استعفیٰ دیں تا کہ سارا کام پرامن طریقے سے ہو جائے، ہم اپنے موقف سے پیچھے نہیں ہٹیں گے، وفاق اور صوبائی حکومتیں اکٹھی رخصت ہوںگی ۔ انہوں نے کہا کہ اتحادی جماعتوں کے ارکان پر مشتمل کمیٹی بنائی جا رہی ہے جو حکومت سے مذاکرات کرے گی جس کا اعلان ڈاکٹر طاہرالقادری کریں گے۔#
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مخالفین پر حملے نواز، شہباز شریف کرا رہے ہیں، جمہوریت کا واویلا صرف کرسی بچانے کیلئے کر رہے ہیں: چودھری پرویزالٰہی
گجرات(جی پی آئی)پاکستان مسلم لیگ کے صدر و سابق وزیراعظم سینیٹر چودھری شجاعت حسین اور سینئر مرکزی رہنما و سابق نائب وزیراعظم چودھری پرویزالٰہی سے وفاق المدارس پاکستان کے جنرل سیکرٹری قاری حنیف جالندھری نے رابطہ کیا۔ انہوں نے دونوں رہنمائوں سے اپیل کی کہ معاملات افہام و تفہیم سے حل کیے جائیں۔ دونوں مسلم لیگی قائدین نے دریں اثناء ملتان میں ن لیگ کے صدر کی قیادت میں پاکستان تحریک انصاف کے رہنما شاہ محمود قریشی کی رہائش گاہ پر حملے اور کراچی میں پاکستان مسلم لیگ سندھ کے صدر حلیم عادل شیخ اور سینکڑوں مسلم لیگی کارکنوں کے خلاف دھرنا دینے پر مقدمہ درج کرنے کی سخت الفاظ میں مذمت کی ہے۔ چودھری پرویزالٰہی نے کہا کہ نوازشریف اور شہبازشریف مایوسی میں سیاسی مخالفین پر حملے کروا رہے ہیں اور اوچھے ہتھکنڈوں پر اتر آئے ہیں، چودھری شجاعت حسین، میرے، چودھری وجاہت حسین، چودھری شفاعت حسین اور خاندان کے دیگر افراد کے علاوہ حکومت مخالف دیگر رہنمائوں اور ان کے گھروں کو نشانہ بنانے کے بارے میں انقلاب مارچ سے قبل نہایت مصدقہ ذرائع کے حوالہ سے میں نے بتایا تھا کہ وزیراعظم نوازشریف اور وزیراعلیٰ شہبازشریف نے سرگرم سیاسی مخالفین پر حملوں کیلئے ن لیگی دہشت گردوں اور انتظامیہ اور پولیس افسروں کو براہ راست ہدایات دی ہیں۔ انہوں نے کہا کہ حکمران اپنے ن لیگی غنڈوں کی مدد سے خانہ جنگی کی سازش میں کامیاب نہیں ہو سکتے کیونکہ عوام کی واضح اکثریت ان سے بیزار ہے، دھاندلی سے براہ راست اقتدار میں آنے والے یہ حکمران آئین و جمہوریت پر بالکل یقین نہیں رکھتے صرف اپنی کرسی بچانے کیلئے واویلا کر رہے ہیں لیکن اب ان کا جانا ٹھہر گیا ہے صبح جائیں یا شام۔#
