پولیس تھانہ سٹی تلہ گنگ نے ایس ایچ او زراعت بلوچ کی قیادت میں چھاپہ مار کر قمار بازی کی محفل اُلٹ دی
تلہ گنگ (تحصیل رپو ر ٹر)پولیس تھانہ سٹی تلہ گنگ نے ایس ایچ او زراعت بلوچ کی قیادت میں چھاپہ مار کر قمار بازی کی محفل اُلٹ دی،نو جواری گرفتار،دائو پر لگی ہزاروں کی نقدی بر آمد۔تفصیلات کے مطابق مخبر کی اطلاع پر ایس ایچ او تھانہ سٹی تلہ گنگ زراعت بلوچ نے دیگر نفری کے ہمراہ چھاپہ مار کر قمار بازی میں مصروف نو جواریوں محمد صادق ،محمد جمیل اختر ،رشید احمد،ندیم یوسف،شہزاد حسین، عقیل احمد، شکیل احمدسکنائے تلہ گنگ ،ظفر اقبال کوٹسارنگ اور محمد عارف ساکن خوشاب کو رنگے ہاتھوں گرفتار کر کے دائو پر لگی نقدی مبلغ پچاسی ہزار روپے قبضہ میں لے لی ۔عوامی و سماجی حلقوں نے پولیس تھانہ سٹی کو خراج تحسین پیش کیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
موضع لاوہ کے دوہرے قتل کیس کے گواہان کو جان کے لالے پڑ گئے
تلہ گنگ (تحصیل رپو ر ٹر)موضع لاوہ کے دوہرے قتل کیس کے گواہان کو جان کے لالے پڑ گئے ،پولیس با اثر ملزمان کیخلاف بے بس ۔ تفصیلات کے مطابق لاوہ میں کچھ عرصہ قبل بشیر احمد اور اسکے بیٹے فخر اقبال کوجب وہ اپنے فارم سے واپس آرہے تھے فائرنگ کرکے قتل کردیا گیا تھا ، بعد ازاں قتل کے مدعی کے معاونین کو ملزمان کی جانب سے ڈرانے دھمکانے کا سلسلہ شروع ہوگیا ۔اسی دوران ظفر اقبال ، شیر خان کو فائرنگ کرکے زخمی کردیا گیا تھا جس کا مقدمہ تھانہ لاوہ میں درج ہے ، تاہم پولیس نے کوئی خاص کارروائی نہ کی اب دوہرے قتل کے گواہ فتح خان کے گھر کے باہر فائرنگ کی گئی اور ڈرایا دھمکایا گیا ۔فتح خان کے مطابق خالق محمود ، شیراز عباس اور تین نامعلوم اشخاص نے اس کے گھر پر فائرنگ کی اور ملزمان اسلحہ لہراتے ہوئے فرار ہوگئے ۔فتح خان دیگر بیس افراد کے ہمراہ پریس کلب تلہ گنگ پہنچ گئے اور کہا کہ اب ہم اپنے گھروں میں غیر محفوظ ہو چکے ہیں پولیس ہمارا تحفظ کرنے میں ناکام ہو چکی ہے ملزمان دندناتے پھر رہے ہیں ، دوہرے قتل کا معاملہ بھی ہنوز حل طلب ہے ۔، آئی جی پنجاب ، آر پی او راولپنڈی رینچ اور ڈی پی او چکوال سے مذکورہ ملزمان کیخلاف فی الفور کارروائی کا مطالبہ کیا ہے ۔ اور کہا کہ اگر ملزمان کو فی الفور گرفتار نہ کیا گیا ، اور مقدمات کا اندراج نہ کیا گیا تو ہم راست اقدام پر مجبورہوں گے ۔ ادھر صحافیوں کے رابطہ پرایس ایچ او تھانہ لاوہ نے اپنے موقف میں بتایا کہ ہم سے پہلے ہی دوہرے قتل کے ملزمان گرفتار نہیں ہوئے کہ مدعیان اور مقدمات اندراج کرا رہے ہیں ۔ اس موقف سے پولیس کی نااہلی کا واضح ثبوت ملتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گھر کا واحد سہارا کفیل 27سالہ دونوں گردوں سے محروم
تلہ گنگ (تحصیل رپو ر ٹر) گھر کا واحد سہارا کفیل 27سالہ دونوں گردوں سے محروم ضعیف والدہ کی صاحب ثروت افراد سے امداد کی اپیل ۔تفصیلات کے مطابق تلہ گنگ شہر محلہ جھاٹلہ میں 27سالہ نوجوان گھر کا واحد کفیل گردوں کے امراض میں عرصہ سے مبتلا ہے دونوں گردے ناکارہ ہو چکے ہیں ضعیف والدہ ہاتھ کی کمائی سے اپنا اور اپنے بچوں جن میں دو بیٹیاں اور ایک بیٹا 27سالہ مریض شامل ہے پال رہی ہے نے بتایا کہ قبل ازیں رات دن محنت کر کے اس نے ایک بیٹی کو ایم۔اے بی۔ایڈ کرایا مگر جونہی نتیجہ آیا اسی دن بچی کی ڈیتھ ہو گئی بچی بھی گردوں کے امراض میں مبتلا تھی اب27سالہ جوان لڑکا عرفان رشید ولد محمد رشید مرحوم محلہ عید گاہ جھاٹلہ تلہ گنگ دونون گردے ناکارہ ہونے کی وجہ سے زندگی اور موت کی کشمکش میں مبتلا ہے خدا ترس صاحب ثروت براہ راست کڈنی سینٹر راولپنڈی یا کسی بھی ہسپتال انتطامیہ سے مل کر اگر اسکے بیٹے کا کڈنی ٹرانسپلانٹ کرادیں تو اسکے بیٹے کی ذندگی بچ سکتی ہے ۔اس سلسلہ میں مریضہ کی ہمشیرہ عاصمہ رشید سے اس نمبر 0333-5780979 پررابطہ کیا جا سکتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شبیر ٹریول اینڈ ٹورز نے حج بکنگ کا آغاز کر دیا ہے
تلہ گنگ (تحصیل رپو ر ٹر) شبیر ٹریول اینڈ ٹورز نے حج بکنگ کا آغاز کر دیا ہے پہلے آئو پہلے پائو کی بنیاد پر حج بکنگ 2013شروع کر دی گئی ہے چیف ایگزیکٹو شبیر ٹریول اینڈ ٹورز چودھری غلام ربانی اور ڈائریکٹر الحاج ملک محمد اشرف مکہ کمپلیکس تلہ گنگ کے مطابق امسال حاجیوں کو ٹرین اور قربانی کی سہولت بھی فراہم کی جائے گی نیز مکہ مکرمہ اور مدینہ منورہ میںصاف ستھری اور حرم سے نزدیک رہائش فراہم کی جائے گی انہوں نے بتایا کہ 15اپریل تک درخواستیں وصول کی جائیں گی اس سلسلہ میںمکہ کمپلیکس تلہ گنگ مرکزی دفتر پررابطہ کیا جاسکتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک میں مثبت تبدیلی کے لیے اسلام پسند اور دیانت دار افراد کا چنائو ہی اس قوم کے پاس آخری آپشن ہے
تلہ گنگ (تحصیل رپو ر ٹر) ملک میں مثبت تبدیلی کے لیے اسلام پسند اور دیانت دار افراد کا چنائو ہی اس قوم کے پاس آخری آپشن ہے ۔جمعیت علماء اسلام قوم کو حالات کے رحم وکرم پر نہیں چھوڑے گی 31مارچ کی تاریخ ساز اسلام زندہ باد کانفرنس امید انقلاب ہے ۔ان خیالات کا اظہار جمعیت علماء اسلام (ف) کے مرکزی رہنماء سینٹر مولانا عطاء اللہ شہاب ،اور لال مسجد اسلام آباد کے نائب خطیب مولانا عامر صدیق نے جے یو آئی(ف) تلہ گنگ کے زیراہتمام جامع مسجد تریڑاں والی میںعظیم الشان اسلام زندہ باد کنونشن سے خطاب کرتے ہوئے کیا۔اس موقع پرعالمی مجلس تحفظ ختم نبوت تلہ گنگ کے امیر مولانا عبیدالرحمن انور، جے یو آئی کے ضلعی امیر قاری الطاف الرحمن،سیدفاروق شاہ ،چوہدری عبدالجبار،مولانا عبدالقدوس،مولانا نورمحمد آصف ،قاری محمد قاسم،قاری فضل محمود ،مولانا فیض الرحمن ،مولانا عبدالرحمن عمرسمیت دیگرعلماء کرام ، ضلعی قائدین،کارکنان اور عوام کی بڑی تعداد موجود تھی، کنونشن سے خطاب کرتے ہوئے سینٹر مولانا عطاء اللہ شہاب اورمولانا عامر صدیق نے کہا کہ شریعت
کا نفاذ ہی پرامن اور متوازن معاشرے کے قیام کا ذریعہ ہے۔کیونکہ اسلام ایک مذہب اور چند عبادت کے مجموعے پر منحصر نہیں بلکہ اسلام ایک فلاحی ریاست کا دوسرا نام ہے انہوں نے کہا کہ ظلم کے نظام کو بدلنے اور تبدیلی کی جدوجہد میںجمعیت علماء اسلام اپنا کرد ار احسن اندازمیں ادا کر رہی ہے۔ انہوں نے اسلام زندہ باد کانفرنس میں عوام کو بھر پور شرکت کی دعوت دیتے ہوئے کہا کہ جے یو آئی قوم کو حالات کے رحم وکرم پر نہیں چھوڑے گی 31مارچ کی تاریخ ساز اسلام زندہ باد کانفرنس امید انقلاب ۔اس تاریخ ساز کانفرنس میں لاکھوں کی تعداد میں اسلام پسند عوام اسلامی انقلاب کی راہ ہموار کریں گے 31مارچ کی تاریخ ساز اسلام زندہ باد کانفرنس انشاء اللہ کامیابی سے ہمکنار ہوکر پاکستان بھر میں مثبت تبدیلی کا پیش خیمہ ثابت ہوگی۔جمعیت کاپیغام قوم کے دل کی آواز ہے۔ انہوں نے کہا کہ آئندہ آنے والے انتخابات میںدین سے محبت رکھنے والے طبقے کا ووٹ نہایت اہمیت کا حامل ہے۔ پاکستان کو مزید تباہی سے بچانے اور امریکی ایجنٹوں کا راستہ روکنے کے لیے اسلام پسند عوام کو آئندہ الیکشن میں اپنا کردار ادا کرنا ہوگا۔مزید انہوں نے کہا کہ جب تک معاشرے میں موجود نیک اور صالح افراد سیاست میں حصہ نہیں لیں گے تب تک بھتہ خور اور بد عنوان عناصر وطن عزیز پر قابض رہیں گے جمعیت کی سیاست کا مقصد اقتدار نہیں ،نفاذ شریعت ہے ۔انہوں نے علمائے کرام سے اپیل کی کہ عوام کی امیدیں علمائے کرام اور باعمل نیک صالح لوگوں سے ہیں اس لیے اسلامی نظام کے قیام کیلئے عوام کی رہنمائی کریں اور آئندہ الیکشن میں نیک صالح لوگوں کا ساتھ دیں تاکہ ظلم وجبر اور لاقانونیت وبدامنی اور لوٹ مار کا خاتمہ کیا جاسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹمن پولیس نے میال چوکی کے قریب دوران ناکہ بندی کار کے خفیہ خانوں سے لاکھوں روپے مالیت کی 15کلو ہیروئین بر آمد
تلہ گنگ (تحصیل رپو ر ٹر)ٹمن پولیس نے میال چوکی کے قریب دوران ناکہ بندی کار کے خفیہ خانوں سے لاکھوں روپے مالیت کی 15کلو ہیروئین بر آمد کر کے دو ملزمان کو
گرفتار کر لیا۔تفصیلات کے مطابق ڈی پی او چکوال کاشف مشتاق کانجو اور ڈی ایس پی تلہ گنگ خان افتخار الحق کی خصوصی ہدایت پر ایس ایچ او ٹمن انسپکٹر الیاس اور سب انسپکٹر خالد نے تلہ گنگ میانوالی روڈ پر میال چوکی کے قریب ناکہ بندی کر رکھی تھی کہ اس دوران میانوالی سے تلہ گنگ کی جانب آنے والی کار نمبری 147اسلام آباد کو روکا اور دوران چیکنگ کار کے خفیہ خانوں سے لاکھوں روپے مالیت کی 15کلو ہیروئین بر آمد کر کے کار میں سوار دو ملزمان خیر محمد اور یاسر ملک سکنائے لنڈی کوتل کو گرفتار کر لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹجمعیت علماء اسلام(ف) کا تلہ گنگ کی قومی اور صوبائی نشستوں پر امیدوار
تلہ گنگ (تحصیل رپو ر ٹر)ٹجمعیت علماء اسلام(ف) کا تلہ گنگ کی قومی اور صوبائی نشستوں پر امیدوار لانے کا فیصلہ،تفصیلات کے مطابق جمعیت علماء اسلام کی ضلعی مجلس شوریٰ کا اہم ترین اجلاس جے یو آئی کے مرکزی رہنماء سینٹر مولانا عطاء اللہ شہاب کے زیر صدارت تلہ گنگ میں سیدفاروق شاہ ہمدانی کی رہائش گا پر منعقدہوا،جس میںلال مسجد اسلام آباد کے نائب خطیب مولانا عامر صدیق سمیت تلہ گنگ چکوال ،کلرکہار ،چوہ سیدن شاہ کے ضلعی شوریٰ کے ممبران شریک تھے۔اجلاس میں عام انتخابات کے حوالے سے تیاریوں کاجائزہ لیاگیا اور لائحہ عمل ترتیب دے کرپارلیمانی بورڈ تشکیل دیاگیا۔اجلاس میں فیصلہ کیاگیاکہ عام انتخابات میں بھرپورحصہ لیا جائیگااور این اے اکسٹھ پی پی 23,22 پر جمعیت علماء اسلام اپنے امیدوار میدان میں لائے گی جن کا باضابطہ اعلان آئندہ چند روز کے اندر کردیا جائے گا ۔سینٹر مولانا عطاء اللہ شہاب نے اجلاس میں اپنے خطاب میں کہاکہ ان شاء اللہ مضبوط امید وارسامنے لائے جائیں گے۔ قوم کو مایوسی اور انتشار سے بچانے کے لیے جمعیت علماء اسلام انتخابات کو مناسب راستہ سمجھتی ہے۔ عوام کی رضامندی سے آنے والی تبدیلی عوام میںشرکت کا احساس پیدا کرتی ہے اسی لیے آئندہ انتخابات میں جمعیت علماء اسلام بھرپور حصہ لے گی۔ اور قومی و صوبائی اسمبلیوں کی نشست سے اپنے امیدوار کھڑے
کرے گی۔
