وطن سے محبت ہمیں برطانیہ سے پاکستان لے آئی
تلہ گنگ (تحصیل رپو ر ٹر) وطن سے محبت ہمیں برطانیہ سے پاکستان لے آئی، اب میں اپنے وطن میں رہ کر عوام کی خدمت کرنا چاہتی ہوں ان خیالات کا اظہار مسلم لیگ ن لیڈیز ونگ کلر کہار کی صدر میڈم گوشی نے روزنا مہ ”نئی با ت ”سے خصوصی گفتگو کرتے ہوئے کیا انہوں نے کہا کہ سیاست میں رہنے کا شروع سے ہی میرا شوق رہا ہے وطن سے باہر رہ کر بھی میں نے برطانیہ میں متعدد تنظیموں کی نمائندگی کیااب ہمارے بچوں کو بھی وطن سے اتنی محبت ہے کہ اور وہ بھی پاکستان کو ہی ترجیح دے رہے ہیں انہوں نے کہا کہ صوبائی وزیر ملک تنویر اسلم اور ان کے والد ملک اسلم سیتھی میری مکمل رہنمائی کر رہے ہیں اور چونکہ یہاں کی سیاست میں ابھی میں نے نیا نیا قدم رکھا ہے ۔ انہوں نے کہا کہ مسلم لیگ ن میں اس لئے شامل ہوئی کیونکہ پاکستان میں مسلم لیگ ن سے بہتر قیادت مجھے نظر نہیں آئی اب بلدیاتی الیکشن میں اپنا کردار ادا کروں گیا۔ انہوں نے مز ید بتایا کہ ان کے خاندان میں سیاست ایک عرصہ سے آرہی ہے اور میر ے خاندان کے لوگوں نے اپنی مٹی کا حق بھی ادا کیا اور میں بھی انشااللہ اپنے خاندان کے نقش قدم پر ہی چلنے کی خواہش رکھتی ہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضمنی الیکشن میںپاکستانی عوام نے ایک بار پھر پیپلزپارٹی پر اعتماد کا اظہار کیا ہے
تلہ گنگ (تحصیل رپو ر ٹر) ضمنی الیکشن میںپاکستانی عوام نے ایک بار پھر پیپلزپارٹی پر اعتماد کااظہار کیا ہے آنے والا وقت پھر پیپلزپارٹی کا ہو گا ان خیالات کااظہار پیپلزپار ٹی کے رہنما راجہ مشتا ق ایڈووکیٹ نے کیا انہوں نے کہاکہ پیپلزپارٹی عوامی اور جمہوری جماعت ہے پاکستان کی ترقی، خوشحالی اور عوامی حقوق کیلئے جیالوں کی گراں قدر خدمات ہیں جنرل الیکشن میں پیپلزپارٹی کو کمپین نہیں کرنے دی گی دہشت گردوں سے دھمکیاں اور میڈیا ٹرائل کی وجہ سے پیپلزپارٹی کو کھل کر الیکشن مہم چلانے کا موقع نہیں دیا گیا جبکہ ضمنی الیکشن میں پیپلزپارٹی کے امیدواروں کو بڑے ووٹ ملے ہیں ضمنی الیکشن میں پیپلزپارٹی کی کامیابی خوش آئند ہے یہ عوام کا پیپلزپارٹی پر اعتماد کا مظہر ہے انہوںنے کہاکہ ضمنی الیکشن سے آئندہ کا نقشہ واضح ہو گیا ہے آنے والا دور ایک بار پھر پیپلزپارٹی کا ہے انہوںنے کہاکہ پاکستان کو تمام مشکلات اور مسائل سے پیپلزپارٹی ہی نجات دلا سکتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میڈیا اور عوام کے تعاون کے بغیر جرائم پر قابوپانا مشکل ہے میڈیا مسائل کے نشاندہی اگر مثبت اور اصلاحی حوالے سے کرے تو ان کے حل کیلئے آسان اور دیر پا حل کیا جا سکتا ہے
تلہ گنگ (ملک ارشد کو ٹگلہ ) میڈیا اور عوام کے تعاون کے بغیر جرائم پر قابوپانا مشکل ہے میڈیا مسائل کے نشاندہی اگر مثبت اور اصلاحی حوالے سے کرے تو ان کے حل کیلئے آسان اور دیر پا حل کیا جاسکتا ہے ۔ ان خیا لا ت کا اظہا ر ڈی ایس پی خا ن افتخا ر الحق نے روزنا مہ ”نئی با ت ” سے خصو صی گفتگو کر تے ہو ئے کیا ۔ان انہو ں نے مز ید کہا کہ تلہ گنگ میں دوسرے علاقوں کی نسبت جرائم کی شرح قدر ے کم ہے کیونکہ اس علاقہ کے لوگ پرامن ہیں کہی کہی ذاتی دشمنیوں کی بناء پر قتل ہورہے ہے اس پر بھی عوام میڈیا اورمعززین علاقہ سے مل کر قابو پایا جاسکتا ہے انشاء اللہ تحصیل تلہ گنگ سے جرائم کم کرنے میں بھر پورکردارادا کررہے ہیں جس کی زند ہ مثال گز شتہ دنو ں بھا ری مقد ار میںمنشیا ت پکڑا کر ان منشیا ت فر وشو ں کیخلاف کاروائی اور مقدمات درج کیے ہیں۔ڈی ایس پی تلہ گنگ نے کہا کہ میں تمام جرائم پیشہ اور منشیات فروشوں کوورننگ دیتا ہوں کہ وہ جرائم کر نا چھوڑ دیں ورنہ ان کیخلاف سخت سے سخت قانونی کاروائی عمل میں لائی جائیگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملتان خورد لاری اڈہ پر ہائی ایس کلینر سے بے قابو ہو کر تین گاڑیوں سے ٹکرانے کے بعد ہوٹل میں جا گھسی،خاتون سمیت تین افراد شدید زخمی
تلہ گنگ (تحصیل رپو ر ٹر) ملتان خورد لاری اڈہ پر ہائی ایس کلینر سے بے قابو ہو کر تین گاڑیوں سے ٹکرانے کے بعد ہوٹل میں جا گھسی،خاتون سمیت تین افراد شدید زخمی ،دو کی حالت تشویشناک، راولپنڈی ریفر۔تفصیلات کے مطابق موضع ملتان خورد میں میانوالی جانے کیلئے ہائی ایس نمبر LXC3899 لارہ اڈہ پر تیار کھڑی تھی کہ ڈرائیور کی غیر موجود گی میں کلینر نے گاڑی میں لگی چابی کو گھما دیا جس پر گاڑی اسٹارٹ ہو کر چل پڑی کلینر جو کہ اناڑی تھا بد حواس ہو گیا اس دوران گاڑی نے ایک خاتون اور ایک مرد کو ٹکر مار کر زخمی کر دیا اور وہاں کھڑی تین گاڑیوں کو ٹکر مار کر نقصان پہنچانے کے بعد قریبی ہوٹل میں جا گھسی اور ہوٹل مالک ملک نثار اور ایک محنت کش عبدالجبار کو شدید زخمی کر دیا۔دو زخمیوں تشویشناک حالت میں راولپنڈی ریفر کر دیا گیا۔جہاں اْن کی حالت اب خطرے سے باہر بتائی جا رہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ کے موضع تھوہا محرم خان میں اپنے ہی زیر تعمیر مکان کی چھت گرنے سے مستری ملبے تلے دب کر شدید زخمی ہو گی
تلہ گنگ (تحصیل رپو ر ٹر) تلہ گنگ کے موضع تھوہا محرم خان میں اپنے ہی زیر تعمیر مکان کی چھت گرنے سے مستری ملبے تلے دب کر شدید زخمی ہو گیا، تشویشناک حالت میں ہسپتال منتقل۔ تفصیلات کے مطابق مستری عاشق حسین ولد عطاء محمد ساکن تھوہا محرم خان اپنے مکان تعمیر کر رہا تھا کہ اچانک مکان کی چھت گر گئی جس کے ملبے تلے آکر وہ شدید زخمی ہو گیا عاشق حسین کو تشویشناک حالت میں ہسپتال منتقل کر دیا گیا۔
Related Posts
