تحصیل تلہ گنگ مو ضع ٹمن حلقہ این اے اکسٹھ سدا بہا ر ایم این ایزکا شہر،جس میں کالے اور سفلی علم کے نام نہاد عامل جنگل شاہ نے علاقہ بھر میں کئی خاندانو ں میں ناچاکی اورفتنہ گری کابیج بو دیا
تلہ گنگ (تحصیل رپورٹر)تحصیل تلہ گنگ موضع ٹمن حلقہ این اے اکسٹھ سدا بہا ر ایم این ایزکا شہر،جس میں کالے اور سفلی علم کے نام نہاد عامل جنگل شاہ نے علاقہ بھر میں کئی خاندانو ں میں ناچاکی اور فتنہ گری کابیج بو دیا۔ تفصیلات کے مطابق سرکاری ادارے کا ریٹائرڈتقر یبا 55 سالہ کنوارہ فسادی جنگل شاہ اپنے آپ کو ہر قسم کے کالے اور سفلی جادو کا ماہر جتلا کر علاقہ بھر کے سادہ لوح مرد و خواتین کو ہزاروں روپے کے عوض دم درود ، تعویز دھاگوں سے نہ صرف بے وقوف بنا رہا ہے بلکہ اُ س کی پھیلائی خانہ جنگی کے ہاتھوں بھائی بھائی سے ماں بیٹے سے بہو ساس سے اور میاں بیوی کے درمیان ناچاقیاں عروج پر پھیل چکی ہیں۔اہل علاقہ کی عوام نے اعلی حکا م سے استدعا کی ہے کہ مذکورہ جنگل شاہ نام نہاد عامل کی حر کات کو روکے تا کہ عوام کو جنگل شاہ کے” شر” سے نجات دلائی جا سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحصیل تلہ گنگ کے ایم این ایز کا شہر ٹمن، لاری اڈا شاپنگ سنٹر ،ضلع کونسل کا لاکھوں روپوں کی آمدن کا مرکز سے سوتیلی ما ں جیسا سلوک
تلہ گنگ (تحصیل رپو ر ٹر)تحصیل تلہ گنگ کے ایم این ایز کا شہر ٹمن، لاری اڈا شاپنگ سنٹر ،ضلع کونسل کا لاکھوں روپوں کی آمدن کا مرکز سے سوتیلی ما ں جیسا سلوک ، عوام وٹرانسپورٹر مشکلات سے دوچار ، ضلعی انتظامیہ کو تحریری شکایات کے باوجود بھینس کے آگے بین بجانے کے متر ادف عوام کو صرف مایوسی کا سامنا۔ تفصیلات کے مطابق ضلع کونسل چکوال کے ملکیتی لاری اڈا ٹمن میں 51دوکانات پر مشتمل شاپنگ سنٹر سے لاکھوں روپوں کی آمدن کے باوجود برسوں سے درجنوں مسائل عوام کے لئے مسلسل عذاب بن چکے ہیں۔ لاری اڈا ٹمن کے عام لو گو ں کے لیے گزرگا ہو ںپر تجاوزات مافیا نے پختہ دوکانیںلگا کر سموسے پکوڑے بنانے کا کاروبار چلا رکھا ہے۔ جہاں پر تجاوزات مافیا نے کیبن نما کھوکھے لگا رکھے ہیں۔ جس کے باعث پیدل عورتوں بچوںبوڑھوں کا گذرنا محال ہو چکا ہے۔ سٹرک اونچی اور لاری اڈا کئی فٹ لیول نیچے ہونے کے باعث نکاسی آب نہ ہونے کی وجہ سے تالاب کا منظر پیش کرتا ہے۔ درجنوں دیہات کا مصروف ترین لاری اڈا ٹمن میں باتھ روم مکمل ٹوٹ پھوٹ کرنا کارہ ہو چکا ہے۔ شاپنگ سنٹر کے دوکانداروں ، مسافروں اورٹرانسپورٹ عملہ کو باتھ رومز نہ ہونے کے باعث شدید پریشانی کا سامنا عوامی وسما جی حلقوں نے ڈی سی او چکوال ،اسسٹنٹ کمشنر تلہ گنگ اور ٹی ایم او ملک خلیل ا حمد نیئر سے پر زور مطالبہ کیا ہے کہ تجاوزات کا خاتمہ لاری اڈا میں ٹف ٹائل باتھ رومز بنانے اورلاری اڈا شاپنگ سنٹر کی فی الفور مر مت کے اقدامات کیے جا ئیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملتان خورد رات کی تاریکی میں الحیات سویٹ اینڈ بیکرز چھت میں نقب لگا کر نامعلوم چور ہزاروں روپوں کی نقدی لے اڑا
تلہ گنگ (تحصیل رپو ر ٹر)ملتان خورد رات کی تاریکی میں الحیات سویٹ اینڈ بیکرز چھت میں نقب لگا کر نامعلوم چور ہزاروں روپوں کی نقدی لے اڑا۔ تفصیلات کے مطابق لاری اڈا ملتان خورد پر واقع الحیات سویٹ اینڈ بیکرز پر نقب وقوعہ کے بعد ڈاگ سنٹر کے کھوجی کتے منگوا کر چوروں کو تلاش کو شش میں کھوجی کتے الحیات بیکرز کی چھت سے ملحقہ علی ہوٹل کے چھت پر واقع کچن میں جا گھسے۔ جس پر الحیات سویٹ بیکرز کے مالک نور محمد نے علی ہوٹل کے تندورچی اور خانساماں کو چوری کی درخواست میں نامزد کرکے تھانہ ٹمن میں مقدمہ اندراج کے لئے رجوع کر لیا۔ مدعی نورمحمد نے اپنی درخواست میں 75ہزار روپے نقدی کا الزام عائد کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خادم اعلی پنجاب کے اجالا پروگرام کے تحت تحصیل تلہگنگ کے 1200طلبا و طالبات میںسولر پینل تقسیم کئے گئے
تلہ گنگ (تحصیل رپو ر ٹر) خادم اعلی پنجاب کے اجالا پروگرام کے تحت تحصیل تلہ
گنگ کے 1200طلبا و طالبات میںسولر پینل تقسیم کئے گئے۔ تفصیلات کے مطابق نویں جماعت میں 55فیصد نمبر حاصل کر نے والے سرکاری سکولز کے بچوں میں ایک پروقار تقریب میں تقسیم کئے گئے۔ اس تقریب کے مہمان خصوصی ملک ظہور انو اعوان ایم پی اے تھے جبکہ دیگر مہمانوں میںEDOایجوکیشن چکوال ایاز طارق،میڈیم نسیم پرنسپل گرلز ایلیمنٹری کالج تلہ گنگ، ہیڈماسٹر ہائی سکول نمبر1تلہ گنگ ملک اعجاز احمد، شفقت حسین ڈپٹی ڈسٹرکٹ آفیسر سکینڈری چکوال، عارف ملک ڈپٹی ڈسٹرکٹ آفیسر تلہ گنگ، ملک ارشد حسین سینئر ہیڈماسٹر ہائی سکول ملکوال شامل تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیمان کے حلقہ تعلقاتی گروپ حلقہ این ١ے 61 کے ماہانہ اجلاس میں پورے مہینے کی کارکردگی کا جائزہ لیا گیا
تلہ گنگ (تحصیل رپو ر ٹر) پیمان کے حلقہ تعلقاتی گروپ حلقہ این ١ے 61 کے ماہانہ اجلاس میں پورے مہینے کی کارکردگی کا جائزہ لیا گیا۔ اجلاس میں پچھلے ماہ کئے گئے فیصلوں پر عمل دراآمد کا جائزہ لیا گیا اور اس بات پر اطمینان کا ظہار کیا گیا کہ بھلومار ہائی سکول میں فرنیچر کی فراہمی، RHC جھاٹلہ روڈ کی تعمیر اور گرلز مڈل سکول میال کی اپ گریڈیشن کے معاملات بہتری کی طرف جارہے ہیں اور اس سلسلے میں عوامی نمائندوں کو خطوط بھی لکھے جا چکے ہیں اور انشااﷲ بہت جلد عوام کے یہ دیرینہ مسائل حل ہو جائیں گے۔ اجلاس کے شرکا نے دودیال ڈسپنسری کی بحا لی کے لئے بنائی گئی سب کمیٹی کا کارکردگی کو بھی سراہا جن کی محنت کی وجہ سے ڈسپنسری کا بحالی عمل میں آئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زم کمپنی میں بھتہ خور مافیہ نے ڈیزل سپلائی کرنے والوںکی زندگی اجیرن کردی ۔
تلہ گنگ ( تحصیل رپو ر ٹر) زم کمپنی میں بھتہ خور مافیہ نے ڈیزل سپلائی کرنے والوں
کی زندگی اجیرن کردی ۔ ڈیزل سپلائی کرنے والی گاڑیوں کے مالکان کا اعلیٰ حکام سے فوری ایکشن لینے کا مطالبہ۔ تفصیلات کے مطابق زم کمپنی کے وساطت سے ضلع چکوال کی موبی لنک سائڈزپر ڈیزل سپلائی کرنے والی گاڑیوں کے مالکان کاکہنا ہے کہ کمپنی کے سپروائزر تجمل عباس ان سے بھتہ وصول کرتا ہے ۔ڈیزل سپلائی کرنے والے شیخ محمد عثمان نے تحریری طور پر بتایا کہ زم کمپنی میں تجمل عباس ضلع چکوال میں موبی لنک سائٹ کا سپروائزر ہے جو کہ ڈیزل سپلائی کرنے والی گاڑیوں سے باقاعدہ بھتہ طلب کرتاہے ۔جو اسے بھتہ دینے پر راضی ہوجائے ،اس کے ساتھ اس کا رویہ خوشگوار اور دوستانہ ہوتا ہے ۔اور جو اسے بھتہ دینے سے انکار کردے اسے زم کمپنی کے ساتھ جاری کنٹریکٹ ختم کرنے کی دھمکیاں دیتا ہے ۔ہم زم کمپنی کے میجر(ر) ظفر ،میجر(ر) سعید، آپریشن منیجرابرار اور کمپنی کے ذمہ داران سے پرزور اپیل کرتے ہیں کہ اس بھتہ خور اور کرپٹ سپروائزر سے ہماری نجات دلائی جائے اور کوئی ایمان دار سپروائزر تعینات کیا جائے۔
Related Posts
