ریسیکو ون فائیو دفتر میں ”نئی با ت” کی ٹیم کا اچانک چھاپہ۔
تلہ گنگ (ملک ارشد کو ٹگلہ سے) ریسیکوون فائیو دفتر میں ”نئی با ت” کی ٹیم کا اچانک چھاپہ۔ریسیکو ون فائیو کا تمام عملہ اپنی اپنی ڈیوٹی احسن طریقے سے سر انجام دے رہے تھے۔ تفصیلات کے مطابق روزنامہ ”نئی با ت ”کی ٹیم نے ریسیکوون فائیو کا اچانک دورہ کیا اور ریسیکوون فائیو کا تمام عملہ اپنی اپنی ڈیوٹی پرایمر جنسی کے لیے پوزیشن میں الرٹ تھا تا کہ ایمر جنسی کی صورت میں دیر نہ لگے ریسیکوون فائیو کے انچارج اے ایس ائی امان اللہ نے تلہ گنگ نیوز کی ٹیم کو بتایا کہ ریسیکوون فائیو کا عملہ تلہ گنگ شہر میں پانچ سے دس منٹ کے دوران جہاں سے کال ائی ہو اس جگہ پر پہنچ جاتا ہے۔ ان کا یہ بھی کہنا تھا کہ اکثر لوگوں کی شکایات ہوتی ہے کہ ہم ون فائیو پر کال کرتے ہیں تو وہ چکوال مل جاتی ہے اس کی وجہ یہ ہے کہ جو لوگ موبائل سے کال کرتے ہیں وہ تلہ گنگ کا کوڈ نہیں لگاتے اس لیے وہ کال چکوال جا ملتی ہے۔ انہوں نے مزید کہا ہے کہ موبائل سے کال ملاتے وقت تلہ گنگ کا کوڈ 0543 لازمی لگا ئیں تا کہ ریسیکوون فائیو کا عملہ اپ تک جلد سے جلد پہنچ کر مدد کریں۔ عوامی حلقوں نے ریسیکو ون فائیو کے انچارج امان اللہ سمیت تمام عملے کی کا رکر دگی کو تسلی بخش قرار دیا اور کہا کہ ون فائیو پولیس کی گشت سے تلہ گنگ شہر میں جرائم میں خا صی کمی واقع ہوئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ میں مختلف شعبہ ہائے زندگی سے تعلق رکھنے والے نمائندہ افراد کا ہنگامی اجلاس
تلہ گنگ (تحصیل رپو ر ٹر) تحصیل تلہ گنگ میں طویل دورانیہ کی ظالمانہ لوڈ شیڈنگ کیخلاف ایڈ منسٹریٹر آفس تلہ گنگ میں مختلف شعبہ ہائے زندگی سے تعلق رکھنے والے نمائندہ افراد کا ہنگامی اجلاس ،لوڈ شیڈنگ کا باقاعدہ شیڈول دیا جائے وگرنہ منگل سے دما دم مست قلندر ہو گا ۔تفصیلات کے مطابق تحصیل تلہ گنگ میں چار چار گھنٹے کے دورانیہ اور مجموعی طور پر بیس بیس گھنٹے کی غیر اعلانیہ لوڈ شیڈنگ کے خلاف ایڈ منسٹریٹر تلہ گنگ عابد حسین بھٹی کے آفس میں ہنگامی اجلاس کا انعقاد ہوا۔ اجلاس میں ایڈ منسٹریٹر و اسسٹنٹ کمشنرتلہ گنگ عابد حسین بھٹی ،صدر تلہ گنگ بار ناصر جمال ایڈووکیٹ، طارق محمود ایڈووکیٹ،اعجاز بھٹی ایڈووکیٹ، رانا محمد انور ایڈووکیٹ، سجاد احمد گھاڑا ایڈووکیٹ، انجمن تاجران کے صدر ملک ظفر اقبا، شیخ امتیاز احمد،شیخ ضیاء الدین، مولانا عبید الرحمن انور، مولانا فیض الرحمن ،قاضی عبدالقادر اور خالد سلیم ہاشمی کے علاوہ سول سوسائٹی کے دیگر افراد نے شرکت کی۔ اجلاس میں واپڈا کے بعض افسران بھی شریک ہو ئے۔ دوران اجلاس شرکاء تحصیل تلہ گنگ میں بیس بیس گھنٹے کی لوڈ شیڈنگ پر واپڈا افسران کیخلاف پھٹ پڑے اور کہا کہ چار چار گھنٹے لگاتار لوڈ شیڈنگ کے باعث روز مرہ کے معمولات زندگی بری طرح تباہ ہو کر رہ گئے ہیں ۔اور اس کے ذمہ داران مقامی واپڈا افسران بھی ہیں ۔جو شاہ سے زیادہ شاہ کے وفادار بننے کے چکر میں عوام کو ذلیل و خوار کر رہے ہیں۔ شرکاء نے واپڈا حکام سے فوری طور پر تحصیل تلہ گنگ میں لوڈ شیڈنگ شیڈول کا مطالبہ کیا اور کہا کہ منگل کے روز تک صورتحال ٹھیک نہ ہونے کی ورت میں بار ایسوسی ایشن تلہ گنگ میں اجلاس منعقد کیا جائے اور آئندہ کا لائحہ عمل تیار کیا جائے گا ۔جس کے بعد کسی بھی نا خوشگوار واقعہ کے ذمہ دار واپڈا حکام ہونگے۔ اس موقع پر ایڈ منسٹریٹر عابد حسین بھٹی نے اہلیان تلہ گنگ کے نمائندگان کو یقین دلایا کہ وہ اہلیان تلہ گنگ کے حقوق کا بھر پور دفاع کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رواں سال 2013ء کے پہلے چھ ماہ میں تحصیل تلہ گنگ میں امن امان کی مجموعی صورتحال خراب رہی
تلہ گنگ (تحصیل رپو ر ٹر) رواں سال 2013ء کے پہلے چھ ماہ میں تحصیل تلہ گنگ میں امن امان کی مجموعی صورتحال خراب رہی۔ یکم جنوری 2013ء سے 30 جون 2013ء تک تحصیل تلہ گنگ کے 13 افراد قتل ہو ئے۔ڈکیتی کی بارہ وارداتیں، چوری کی 25وارداتیں ہوئیں۔ ٹریفک حادثات میں 30افراد لقمہ اجل بنے۔ جبکہ حادثات اور لڑائی جھگڑئوں میں 80افراد زخمی ہوئے۔ 7 افراد ڈوب کر اپنی جاں سے ہاتھ دھو بیٹھے۔ جبکہ خواتین سمیت نو افراد نے خود اپنی زندگی کا خاتمہ کر لیا۔ جبکہ پاک فوج کے تین جوانون نے جام شہادت نوش کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ کا چارج سنبھالتے ہی منشیات فروشوں کے خلاف کریک ڈائون شروع کر دیا
تلہ گنگ ( تحصیل رپو ر ٹر) انسپکٹر زراعت بلوچ نے ایس ایچ او تھانہ صدر تلہ گنگ کا چارج سنبھالتے ہی منشیات فروشوں کے خلاف کریک ڈائون شروع کر دیا ۔ڈی پی او چکوال کاشف مشتاق کانجو کی خصوصی ہدایت پر گزشتہ رات انسپکٹر زراعت بلوچ نے اپنی اسپیشل ٹیم جن میں ایس آئی قاضی امجد نثار، اے ایس آئی نثار الحسن، کانسٹیبل محمد قاسم اور احسن فاروق کے ہمراہ بد نام زمانہ منشیات فروش فتح محمد عرف پھتو ولد چوغطہ خان لال حویلی ساکن ٹہی پر چھاپہ مار کر 1075 گرام چرس بر آمد کر کے زیر دفعہ 9 C/CNSA مقدمہ درج کر کے تفتیش شروع کر دی۔ عوام نے ایس ایچ او زراعت بلوچ کی خدمات کو سرہاتے ہوئے ان کو خراج تحسین پیش کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انسپکٹر جنرل پولیس پنجاب خان بیگ ملک نے کہا ہے کہ پنجاب کے تمام تھانوں میں عوام کو انصاف کی فراہمی یقینی بنائی جائیگی
تلہ گنگ (تحصیل رپو ر ٹر) انسپکٹر جنرل پولیس پنجاب خان بیگ ملک نے کہا ہے کہ پنجاب کے تمام تھانوں میں عوام کو انصاف کی فراہمی یقینی بنائی جائیگی اللہ تعالی نے بڑی اہم ذمہ داری دِی ہے بطور آئی جی پنجاب عوام کا خادم ہوں خان بیگ ملک گزشتہ روز میڈ یا سے گفتگو کر رہے تھے۔ خان بیگ ملک کو آئی جی پنجاب کا چارج سنبھالنے پرایم ڈی الممتا ز ہسپتا ل ڈاکٹر نثار احمد ملک، انجمن تاجران ایسوسی ایشنز کے صدر ملک شاہد ناصر، معروف کاروباری شخصیت ملک ضمیر اعوان، ڈاکٹر علی حسنین نقوی، ڈاکٹر محمد اقبال سیف، ڈاکٹر بشیر احمد ملک، حاجی ملک شوکت سنگوالہ، قاضی غلام علی، دلہہ ہائوس کے کوآرڈینیٹر ملک شفقت فیاض بڈ ھیا ل،
تحصیل پر یس کلب کے صد ر ملک عا رف ادلکہ ،تلہ گنگ پر یس کلب کے جو ائنٹ سیکر ٹر ی ملک ارشد کوٹگلہ، فلک شیر فلکی نے مبارک باد پیش کی ہے اور اِن کیلئے نیک خواہشات کا اظہار کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگ ن کے ممبر صوبائی اسمبلی سردار ذوالفقار علی خان دلہہ نے کہا ہے
تلہ گنگ (تحصیل رپو ر ٹر) مسلم لیگ ن کے ممبر صوبائی اسمبلی سردار ذوالفقار علی خان دلہہ نے کہا ہے کہ مجھے وزارت مِل سکتی تھی لیکن ابھی اپنے حلقہ کیلئے کام کرنا چاہتا ہوں اور اپنے حلقے کو وقت دینا چاہتا ہوں وزارت مِلنے سے مصروفیات بڑھ جائیں گی اور حلقے کو وقت دینا مشکل ہو جائے گا سردار ذوالفقار علی خان گزشتہ روز اپنے آفس دلہہ ہائوس میں تلہ گنگ پر یس کلب کے جو ائنٹ سیکر ٹر ی ملک ارشد کو ٹگلہ سے گفتگو کر رہے تھے اس موقع پر مسلم لیگ سیکرٹریٹ کے انچا رج ملک شفقت بڈھیال بھی موجود تھے۔ سردار ذوالفقار علی خان دلہہ نے کہا کہ سٹی ہسپتال تلہ گنگ میں تمام جدید سہولیات اور ڈاکٹرز کی فراہمی کیلئے کوشاں ہوں میری طرف سے ہر ماہ دومفت میڈیکل کیمپوں کا انعقاد کیا جائے گا اِن کیمپوں میں مریضوں کو مفت ادویات فراہم کی جائیں گی تلہ گنگ میں پیرا میڈیکل کالج بھی بنا دیا جائیگا سردار ذوالفقار علی خان نے کہا کہ تلہ گنگ شہر میں سوئی گیس کنکشنوں کی فراہمی کیلئے کام شروع کر دِیا ہے لوگ کِسی صورت محکمہ سوئی گیس کو رشوت نہ دیں سردار ذوالفقار علی خان نے کہا کہ کِسی کیخلاف انتقامی کاروائی نہیں کریں گے تاہم کِسی کے ساتھ ذیادتی ہوئی توبرداشت نہیں کروں گا محکمہ پولیس کو ہدایت کر دِی ہے کہ میرٹ پر کام کریں کِسی کے ساتھ ناانصافی نہیں ہونی چاہیئے۔ سردار ذوالفقار علی خان کو تجویز دِی کہ تلہ گنگ پولیس میں دیانتدار اے ایس پی آفیسر ہونا ضروری ہے جس پر مسلم لیگی رہنما سردار ذوالفقار علی خان نے کہا کہ دیانتدار اے ایس پی آفیسر ڈھونڈ کر تلہ گنگ لگائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حاجی ملک غلام قادر(مرحوم) کے صاحبزادے ملک خالد قادر نے یونین کونسل تلہ گنگ شرق سے بلدیاتی الیکشن لڑنے کا اعلان کر دِیا ہے
تلہ گنگ (تحصیل رپو ر ٹر) تلہ گنگ شرق کی معروف سیاسی و سماجی شخصیت حاجی ملک غلام قادر(مرحوم) کے صاحبزادے ملک خالد قادر نے یونین کونسل تلہ گنگ شرق سے بلدیاتی الیکشن لڑنے کا اعلان کر دِیا ہے ملک خالد قادر نے کہا ہے کہ میرے والد مرحوم نے اپنی ساری زندگی میں لوگوں کی بے لوث خدمت کی جِس کی بدولت عوام انہیں الیکشن میں منتخب کرتے رہے میرا سیاست میں آنے کا مقصد عوام کی خدمت ہے ملک خالد قادر نے کہا کہ میرے گھر کے دروازے تلہ گنگ شرق کے
لوگوں کیلئے ہر وقت کھلے ہیں۔
Related Posts
