آج اسلام آباد میں علامہ طاہر القادری کی وطن واپسی پر حکومت نے تو اپنے لحاظ سے سیکورٹی کے انتظامات اور اقدامات کرلئے ہیں تووہیں یہ بھی اطلاعات ہیں کہ تحریک مہناج القرآن اور عوامی تحریک کے کارکن بڑی تعدادمیں لاہور، جہلم، اٹک، گجرات، گوجرنوالہ، پشاور، مری ، آزاد کشمیرسے روالپنڈی پہنچ گئے ہیں جن میں خواتین اور بچے بھی شامل ہیں عوامی تحریک نے ڈنڈابردارفورس بھی تیارکررکھی ہے تواُدھرہی کسی بھی ممکنہ صورتحال سے بروقت نمٹنے کے لئے راولپنڈی پولیس کی چھٹیاں بھی منسوخ کردی گئی ہیںاور سیکورٹی فورسزکو ریڈالرٹ کردیاگیاہے اِس منظر اور پس منظر میں ایسالگتا ہے۔
جیسے دونوں جانب سے اپنی اپنی تیاریاں مکمل ہیں اور دونوں طرف سے ایک دوسرے کی مزحمت کی صورت میں اقداما ت کو آخری شکل دے دی گئی ہے اَب اِس موقع پر ایسے لگارہاہے کہ جیسے حکومت اور عوامی تحریک کے کارکنا ن باکثرت یہ گنگنارہے ہوں کہ ” آدیکھیں ذراکس میں کتناہے دم ، جم کے رکھناقدم اُوساقیا۔
بہرکیف …!خبروں کے مطابق پاکستان عوامی تحریک اور تحریک منہاج القرآن کے سربراہ و عالمِ اسلام کے معروف مذہبی اسکالر عزت مآب قبلہ حضرت علامہ طاہرالقادری مدظلہ تعالیٰ ہفتے کو کینیڈاسے پاکستان آتے ہوئے لندن میں مختصرقیام کے بعد توقع ہے کہ 22جون کی سہ پہرلندن سے اپنے وطن ِ عزیز پاکستان آنے کے لئے روانہ ہوں گئے ہیں اورجب میرایہ کالم آپ پڑھ رہے ہوں گے توعلامہ کا جہازپاکستان کے لئے اپناسفرجاری کرچکاہوگااور اِنشاء اللہ قوی اُمید ہے۔
حضرت کل یعنی کہ23جون کی صبح پاکستانی وقت کے مطابق 6بجے اسلام آبادائیرپورٹ پہنچ گئے ہوں گے جہاں عوامی تحریک اور تحریک منہاج القرآن کے کارکنان کی بڑی تعداد اتوار پیر 22 جون کی درمیانی رات ہی سے موجودہوگی اسلام آباد ائیرپورٹ پر کارکنان اپنے روحانی پیشوااور مُلک میں آمرانہ طرزجمہوریت اور موجودہ پوری حکومت پر گُلوبٹ جیسے ظالم حکمرانوں کے کئیجانے والے قبضے سے نجات دلانے کی تحریک کے خالق اورمُلک میں انقلاب کی صدابلندکرنے کے داعی علامہ طاہرالقادری کا پُرتباک استقبال کریںگے اوریہاں سے عوامی تحریک کے کارکنان ریلی کی صورت میں اپنی سیکورٹی میں اپنے سربراہ کو اِن کی قیام گاہ تک لے جائیںگے۔
اگرچہ آج اِس سارے پس منظرمیں ہماری جمہوری حکومت کے وزیرداخلہ چوہدری نثارعلی کی زیرصدارت اعلی سطح اجلاس میں راولپنڈی اسلام آباد میں حفاظی انتظامات ” ضرب عضب ” آپریشن کے اثرات اور طاہری القادری کی آمد پر سیکورٹی اقدامات کا جائزہ لینے کے بعدہمارے وزارتِ داخلہ نے طاہر القادری کی آمد سے قبل جامع پلان مرتب کرتے ہوئے سیکورٹی کے مختلف خدشات کے باعث اسلام آباد میں ہر قسم کے اجتماعات پر پابندی عائد کرنے کی ہدایت کردی ہے اور ساتھ ہی سیکورٹی اداروں کو عوامی تحریک کی ریلی کومکمل سیکورٹی فراہم کرنے کی بھی خصوصی ہدایات جاری کردی ہیں۔
جبکہ اُدھر لندن سے وطن واپسی پر اپنے مختصرقیام کے دوران علامہ طاہر القادری نے اپنی پریس کانفرنس کرتے ہوئے کہاکہ وہ ہر قیمت پر اسلام آبادپہنچیں گے، موجود حکومت اِنہیں روکنے اور ہراساں کرنے کے لئے چاہئے جتنے بھی اقدامات کرلیں،موجودہ حکومت اپنی موت قریب دیکھ کر بوکھلاہٹ کا شکارہوچکی ہے، مُلک میں خاندانی بادشاہت اور بدترین آمریت ہے اور ساتھی اُنہوں نے یہ بھی کہاکہ پوری حکومت گلوبٹ چلارہے ہیں پہلے الیکشن میںدھاندلی ہوئی تھی اَب توپوراالیکشن ہی خریداجاتاہے،ایسے میں اَب یہ دیکھتے ہیں کہ ایک طرف حکومت ہے تودوسری طرف علامہ طاہرالقادری ہیںدونوں ہی اپنی اپنی قوت کا مظاہر کرنے اور ایک دوسرے کو سیاسی و اخلاقی میدان میں پچھاڑنے کا ارادہ رکھے ہوئے ہیں۔
خدشہ ہے کہ 22جون کی رات یا 23جو ن کی صبح حکومتی مشینری اور عوامی تحریک اور تحریک منہاج القرآن کے کارکنان کے درمیان پھر کوئی ایساسانحہ نہ رونماہوجائے جو بہت سے سوالات کے نہ ملنے والے جوابات کو جنم دے دے اور قوم اِن کے جوابات اور وجوہات کی تلاش میںبرسوں سرگرداں رہے مگر اِسے پھر بھی کچھ حاصل نہ ہواور پھرکوئی سانحہ تاریخ کے اوراق پر ظالم حکمران اور مظلوم عوام کی داستان رقم کردے۔
ہرحال ..!آج ضرورت اِس امر کی ہے کہ جب تک حکومت کو آپریشن ضرب العضب میںکامیابی حاصل نہیں ہوجاتی ہے اُس وقت تک مجموعی طورپر ہماری موجودہ جمہوری حکومت کومُلک میںکسی بھی شخص یا گروپ کو دبانے کے خاطر آمرانہ اقدام یا اقدامات سے گریزکرناچاہئے اُمید ہے کہ حکومت میرے اِس کہے کو سمجھ گئی ہوگی اور قادری کو فری ہینڈ دے گی کیوں کہ یہی ایک اچھی جمہوری حکومت کا تقاضہ ہے حکومت کو اپنا محاسبہ کرتے ہوئے اِس اعتماد اور اُمیدپرقائم رہناچاہئے کہ ابھی اُسے اپنی مدت پوری کرنی ہے۔
اگلے وقتوں میںاِسے بہت سے کام کرنے ہیں آج اگر وہ کسی شخصی معاملات یا کسی کی ایک مخصوص طرزِ سیاست اور انقلاب نماسوچ کودبانے کے لئے اُلجھتی رہی تو پھر اِس نے وہ کام کرلئے جو اِسے آئندہ سالوں میں اپنے ذاتی مفادات اور مُلک اور قوم کے لئے آٹے میں نمک جتنے کرنے ہیں سوحکومت کو موجودہ حالات میںجوش کے بجائے ہوش سے کام لیناچاہئے اور طاہر القادری کو اِن کے کام کرنے کے لئے فوری طورپر فری ہینڈدے دیناچاہئے تاکہ قادری بھی اپناکام کرتے رہیں اور اِن پر حکومت کے کسی سخت اقدام سے مظلومیت کی چھاپ بھی نہ لگے اور اِس دوران حکومت بھی اپنے دیگرکاموں میںٹھیک طرح سے مصروفِ عمل رہے تاکہ دنیا کو یہ بتاسکے کہ یہی اصل میں جمہوری اورجمہوریت کے تقاضے ہیں ہے۔
اگرچہ پچھلے کئی دنوں سے حکومت اور انقلابی تحریک والوں کی جانب سے ضداور اناکی رسی میں جکڑے کچھ عناصر نے مُلک میں ایسے حالات پیدا کردیئے یا کرنے کی کوشش کی ہے کہ جس سے اَب ایسالگتاہے کہ جیسے اگر کینیڈاسے قادری مُلک واپس آگئے توخاکمِ بدہن مُلک میں پتہ نہیںکیاہوجائے گا…؟اور اگر وہ مُلک نہیں آسکے توخدانے کیا ہو جائے گا؟
اگر قادری مُلک پہنچ آگئے توپھر کیاہو گا..؟اِس لئے قادری کو مُلک میںآنے سے روکاجائے اور اِنہیںسیاست سے دوررکھاجائے..؟حکومت اور عوامی تحریک کی جانب سے اِس قسم کے خدشات میں مبتلا افراد نے خواہ مخواہ ساری پاکستانی قوم کو پریشان کر رکھا ہے کچھ نہیں ہوگابس قادری زیادہ سے زیادہ یہی کریں گے کہ دوچار دن سانحہ لاہور پر سخت جملے کہیںگے ، دوایک ہنگامی پریس کانفرنسز کریںگے اور روالپنڈی یا لاہورمیں بڑے بڑے دوایک انقلابی جلسے کریںگے اور اِن سب مواقعوں پر شیر کے دانت اور پنجے توڑکر اِسے کسی زو (چڑیاگھر)کی طرح پنجڑے میں بے ضرر ساقیدی شیربنانے کی باتیں کریں گے اور اِس سے زیادہ علامہ کیا کریںگے؟
ذراسوچوکہ اِس سے پہلے کی حکومت میں بھی تو علامہ نے بڑی لن ترانی کی تھی مگر اِنہوں نے تب کیا کرلیاتھاا…؟ور اَب کیاکرلیںگے…؟حکومت قادری کے معاملے میںسنجیدہ ضروررہے مگر اِنہیں اتنی اہمیت نہ دے جتنی اور دیگر معاملات میںدے رہی ہے مگرچلتے چلتے میں پھر بھی ایک بات حضرت قبلہ طاہری القادری سے ضرورکہناچاہوںگاوہ یہ ہے کہ جب قادری کو ایساکوئی موقع ہاتھ لگ جائے جس کے لئے قادری مُلک تشریف لارہے ہیںتو اِس مرتبہ قادری کو تمام سیاسی اور اپنی ذاتی مصالحت پسندی سے پاک ہوناہو گااورہر صورت میں اپنے انقلابی عزم کو عملی جامہ پہناناہی ہوگااَب ورنہ عوام قادری کے انقلاب کو ڈھونگ سمجھنے لگیں گے اگر علامہ طاہر القادری اپنے منصوبے میں کامیاب نہ ہوئے تو پھر اِنہیں مُلک پر قابض خاندانی حکمرانوں اور سیاستدانوں سمیت مُلک میں آمرانہ طرزجمہوریت کے خاتمے کے لئے لوگوں کو باہر سڑکوں پر لانے سے بھی اجتناب برتناہوگا اورہر قسم کے پنگے بازی سے خود کو بچاناہوگا۔
یعنی یہ کہ آج موجودہ حالات میں قادری کے لئے بھی کڑاامتحان اور آزمائش کا وقت ہے کہ اَب وہ کس طرح اپنی مثبت سوچ سے مُلک میں نصف صدی سے زائدفرسودہ نظامِ جمہوریت اور ہر قسم کی برائیوں سے لبریز خاندانی حکمرانی اور کرپشن سے لت پٹ سسٹم کا خاتمہ کرتے ہیں اور حکمرانوں کی شکل میں قوم پر مسلط خونخوارشیر کے دانت اور پنجے توڑکر حقیقی معنوں میں قیدکرکے اِسے اِنسان دوست شیر بناتے ہیں اور اپنے مثبت نعرہ انقلاب کوبلندکرکے بغیر کسی سُرخ انقلاب کے مُلک کو پُرامن انقلاب کا گہوارہ بناتے ہیں؟
تحریر : محمد اعظم عظیم اعظم
azamazimazam@gmail.com
