جامعات میں تحقیقی رجحانات کو فروغ دینا قومی ترقی کے عمل کو مزید تیز کر سکتا ہے
گجرات (جی پی آئی)جامعات میں تحقیقی رجحانات کو فروغ دینا قومی ترقی کے عمل کو مزید تیز کر سکتا ہے ۔ فروغ تعلیم نے ہمیشہ قوموں اور ملکوں کو ترقی کی نئی جہتوں سے روشناس کروایا ہے ۔ جامعہ گجرات کئی عالمی اور ملکی اداروں کے ساتھ باہم اشتراک کے عمل سے طلباء و طالبات کے لیے تحقیق و ترقی کی نئی راہیں تلاش کرنے میں کوشاں ہے ۔ مجھے امید ہے کہ SDPI کے ساتھ جامعہ گجرات کا اشتراک فائدہ مند ثابت ہو گا اور جامعہ گجرات کے طلباء و طالبات اور اساتذہ SDPI کے ماہرین کے ساتھ مل کر تحقیق و ترقی کو ملک و قوم کے لیے مزید ثمر آوربنائیں گے۔ ان خیالات کا اظہار وائس چانسلر جامعہ گجرات پروفیسر ڈاکٹر محمد نظام الدین نے جامعہ گجرات او ر SDPI کے مابین مفاہمتی یادداشت پر دستخط کی تقریب سے خطاب کرتے ہوئے کیا ۔ جامعہ گجرات کی جانب سے وائس چانسلر پروفیسر ڈاکٹر محمد نظام الدین جبکہ SDPI کی جانب سے سینئر ریسرچ فیلو و قائم مقام ایگزیکٹو ڈائریکٹر احمد سلیم نے اس مفاہمتی یادداشت پر دستخط کیے ۔ اس موقع پر احمد سلیم نے کہا کہ SDPI ایک ایسا ادارہ ہے جو پاکستان کے وسیع تر مفادات کو مد نظر رکھتے ہوئے مختلف اداروں کے ساتھ مل کر ایسے پروگرام ورکشاپس اور تحقیقی منصوبہ جات بناتا ہے جن کے ذریعے پاکستان میں ترقی کے عمل کو تیز تر بنایا جا سکے اور جامعات میں زیر تعلیم طلباء و طالبات اور اساتذہ کے علمی منصوبوں کی معاونت کی جائے۔ اس مفاہمتی یادداشت کا مقصد PPSD میں MS پروگرام کو تشکیل دینے کے علاوہ جامعہ گجرات اور SDPI کا ملکر پبلک پالیسی کے میدان میں مشترکہ ٹریننگ کورسز کا اجراء ہے تاکہ یونیورسٹی اساتذہ، طلباء و طالبات کے علاوہ عام شہری بھی فائدہ اٹھا سکیں۔ اسی موقعہ پر ایس ڈی پی آئی کی ریسرچ فیلو ڈاکٹر حمیرا اشفاق ، سنٹر فار کپیسٹی بلڈنگ کے سربراہ شاہد منہاس ، معظم بھٹی اور واصف نقوی ، رجسٹرار UOG ڈاکٹر طاہر عقیل، ڈین فیکلٹی آف سائنسز ڈاکٹر فہیم ملک، ڈائریکٹر ORIC ڈاکٹر مدثر اقبال، ڈائریکٹر میڈیا شیخ عبدالرشید، ڈین فیکلٹی آف سوشل سائنسز ڈاکٹر فوزیہ مقصود، مینجر ORIC شہزادہ بابر، ڈائریکٹر ایس ایس آئی سی تنزیلہ گل ، سدرہ مقصوداور دیگر بھی موجود تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی سی اولیاقت علی چٹھہ نے کہا ہے کہ حالیہ سیلاب کے دوران ایسے 234افراد جن کے مکانات کو نقصان ہوا لیکن انکے نام متاثرین
گجرات(جی پی آئی)ڈی سی اولیاقت علی چٹھہ نے کہا ہے کہ حالیہ سیلاب کے دوران ایسے 234افراد جن کے مکانات کو نقصان ہوا لیکن انکے نام متاثرین کی فہرست میں شامل نہیں تھے انہیں وزیر اعلی پنجاب کے اعلان کے مطابق فی کس 25ہزارروپے معاوضہ آج ادا کر دیا جائے گا اس مقصد کے لئے ضلع کونسل ہال میں ادائیگی کاونٹر بھی قائم کر دیا گیا ہے۔ انہوں نے بتایا کہ سیلاب کے فوری بعد سروے کے دوران 1100کے قریب ایسے افراد کی نشاندہی ہوئی تھی جن کے مکانات مکمل یا جزوی طور پر متاثر ہوئے تھے ان تمام افراد کو وزیر اعلی پنجاب کے اعلان کے مطابق عید الضحیٰ سے قبل فی کس پچیس ہزار روپے معاوضہ کی پہلی قسط ادا کر دی تاہم اس دوران بعض افراد کے نام فہرست میں شامل نہیں ہو سکے تھے۔ ڈی سی او لیاقت علی چٹھہ نے بتایا کہ متاثرین کی شکایات پر ضلعی انتظامیہ نے ان افراد کے مکانات کو نقصانات کا سروے مکمل کر لیا ہے اور جن افراد کے مکانات کو نقصان ہوا ہے انہیں فوری طور پرآج سے ادائیگی کا آغاز کر دیا جائے گا۔ انہوںنے بتایا کہ اس سلسلے میں بنک آف پنجاب، نادرا نے ضلع کونسل ہال میں ادائیگی مرکز قائم کر دیا ہے جہاں صبح آٹھ بجے سے شام پانچ بجے تک متاثرین کو معاوضہ ادا کیا جائیگا۔ ڈی سی او لیاقت علی چٹھہ نے بتایا کہ فصلوں اور مویشیوں کو نقصانات کا سروے جلد مکمل کر کے متاثرین کے نقصانات کا ازالہ کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسسٹنٹ کمشنر افشاں رباب کی زیر قیادت ٹیم نے کاروائی کرتے ہوئے جی ٹی روڈ پر شیشہ پگھلانے والی فیکٹری میں ڈومیسٹک میٹر پر غیر قانونی
گجرات(جی پی آئی)اسسٹنٹ کمشنر افشاں رباب کی زیر قیادت ٹیم نے کاروائی کرتے ہوئے جی ٹی روڈ پر شیشہ پگھلانے والی فیکٹری میں ڈومیسٹک میٹر پر غیر قانونی طور پر جنریٹر چلانے اور گیس میٹرز کو غیر قانونی طور پر اپنا تالہ لگانے پر سیل کر دیا ہے اور اسکے مالک بھائیوں عمران اور عامر کے خلاف تھانہ لاری اڈہ میں مقدمہ درج کر ادیا ہے جنہیں پولیس نے گرفتار کر لیا ہے۔ حکومت پنجاب کی ہدایات کے مطابق ڈی سی او لیاقت علی چٹھہ کی زیر نگرانی گیس اور بجلی چوروں کے خلاف کریک ڈائون کے آغاز پر اے سی افشاں رباب نے سوئی نادرن گیس کمپنی کی ٹیم کے ہمراہ جی ٹی روڈ پر چیکنگ کی جہاں مذکورہ فیکٹری میں غیر قانونی طور پر گیس جنریٹر چلایا جا رہا تھا جبکہ مالکان نے گیس کے میٹرز والے کمرے کو اپنا تالہ لگا رکھا تھا جس کے وہ قانونی طور پر مجاز نہیں تھے ۔ جب ٹیم نے میٹرز کی چیکنگ کرنا چاہی تو ملزمان نے کار سرکار میں مداخلت بھی کی جس پر انکے خلاف تھانہ لاری اڈہ میں مقدمہ درج کر ادیا گیا ہے ۔دریں اثنا اے سی افشاں رباب نے بتایا ہے کہ ڈی سی او کی ہدایات کے مطابق تمام صنعتی اور دیگر گیس و بجلی کنکشنز کی چیکنگ کی جائے گی اور گیس و بجلی چوری میں ملوث عناصر کے خلاف سخت ایکشن ہوگا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی سی او لیاقت علی چٹھہ کی ہدایات کے مطابق نالہ بھمبھر میں قائم تجاوزات کا سروے شروع کر دیا گیا ہے
گجرات(جی پی آئی)ڈی سی او لیاقت علی چٹھہ کی ہدایات کے مطابق نالہ بھمبھر میں قائم تجاوزات کا سروے شروع کر دیا گیا ہے جس کی روشنی میں انکے خلاف ایکشن ہوگا۔ اے افشاں رباب نے بتایا کہ بوکن موڑ سے گجرات کی حدود نالہ میں قائم تمام تجاوزات کی نشاندہی کے بعد ان کے خلاف کاروائی ہوگی۔ انہوں نے تجاوزات کنندگان کو ہدایت کی کہ وہ از خود تجاوزات کا خاتمہ کر دیں بصورت دیگر سخت ایکشن کے لئے تیار رہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ سٹی لالہ موسیٰ پولیس نے موٹر سائیکل چور گرفتار کرلیاتفصیلات کے مطابق مورخہ 01.10.14کو مسمی رضا احمد سکنہ محلہ
گجرات(جی پی آئی)تھانہ سٹی لالہ موسیٰ پولیس نے موٹر سائیکل چور گرفتار کرلیاتفصیلات کے مطابق مورخہ 01.10.14کو مسمی رضا احمد سکنہ محلہ مرکزی مسجد لالہ موسیٰ اپنا موٹرسائیکلCD/70 گھر کے باہر کھڑا کرکے اندر گیا ،تھوڑی دیر بعد جب باہر آیا تو دیکھا کہ موٹرسائیکل غائب ہے ۔مسمی رضا احمد نے موٹرسائیکل چوری کے متعلق پولیس سٹی لالہ موسیٰ کو اطلاع دی جس پر SHOسٹی لالہ موسیٰ انسپکٹر ملک مبشر نے محکمانہ صلاحیتوں کو بروئے کار لاتے ہوئے چند دنوں کے اندر اندر ملزم افتحار علی ولد مشتاق علی قوم رحمانی سکنہ محلہ صادق آباد لالہ موسیٰ۔ کو موٹرسائیکل سمیت گرفتار کرلیا۔ملزم کی تفتیش جاری ہے ۔پولیس ٹیم کی اس بہترین کار کردگی پرDPO گجرات رائے اعجاز احمد نے پولیس ٹیم کو تعریفی سرٹیفکیٹ دینے کا اعلان کیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی ایس پی ٹریفک میاں سہیل فاضل نے کہا ہے کہ ہیلمنٹ کے بغیر موٹر سائیکل چلانا اپنی جان کو سنگین خطرے میں ڈالنا ہے
گجرات(جی پی آئی)ڈی ایس پی ٹریفک میاں سہیل فاضل نے کہا ہے کہ ہیلمنٹ کے بغیر موٹر سائیکل چلانا اپنی جان کو سنگین خطرے میں ڈالنا ہے ۔ موٹر سائیکل استعمال کرنے والے افراد ہمیشہ ہیلمٹ پہن کر سواری کریں ۔ ان خیالات کا اظہار انہوں نے مختلف کالجز اور سکولوں میں طلبہ کو ٹریفک قوانین کے متعلق لیکچر دیتے ہوئے کیا ۔ انہوںنے کہاکہ ہیلمٹ کا استعمال کسی حادثہ کی صورت میں سر پر شدید چوٹ سے محفوظ رکھتا ہے ، اور ایسے ناخوشگوار واقعہ میں موٹر سائیکل سوار کی زندگی محوظ رہ سکتی ہے ۔ میاں سہیل فاضل نے طلبہ پرزور دیا کہ وہ موٹر سائیکل پر سواری کرتے وقت ہیلمٹ کا استعمال کریں اور اپنے گھر میں والد اور دیگر افراد جو موٹر سائیکل استعمال کرتے ہیں انہیں بھی اسکی ترغیب دیں ۔ میاں سہیل فاضل نے کہا کہ موٹر سائیکل پر حادثات کے دوران اموات کی بڑی وجہ سر پر چوٹ لگنا ہے ۔ لہٰذا موٹر سائیکل سواروں کو ہیلمٹ کی افادیت سے آگاہ کرنے کے لئے ضلع بھر میں آگاہی مہم چلائی جائیگی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محمد علی جناح میڈیکل کمپلکس کے چیئرمین بشیر مہدی نے کہا ہے کہ صاف اور جراثیم سے پاک پانی کی فراہمی کی کوشش حکومت کی اچھی پیش رفت ہے
لاہور(جی پی آئی)محمد علی جناح میڈیکل کمپلکس کے چیئرمین بشیر مہدی نے کہا ہے کہ صاف اور جراثیم سے پاک پانی کی فراہمی کی کوشش حکومت کی اچھی پیش رفت ہے ،نجی شعبہ کو بھی اس کوشش کو کامیاب بنانے کے لئے اپناکردار ادا کر نا چاہیے،اکثر بیماریاں جراثیم سے پر پانی پینے سے پیدا ہوتی ہیں، صرف مضرصحت پانی فروخت کرنے والے واٹر پلانٹس سیل کر نا کافی نہیں ہے بلکہ دیگر مضر صحت اشیا فروخت کرنے والوں کے خلا ف بھی کاروائی کی جائے،ایک بیان میں انہوں نے کہاکہ مضر صحت اشیا ء کی فروخت سے شہری مختلف بیماریوں کا شکار ہورہے ہیں ،شہری غیر ضروری اخراجات کرنے کے بجائے پینے کے لئے صاف پانی کاانتظام کریں، ناقص اشیاء خورد ونوش کی فروخت پر پابندی صرف اعلانات تک محدود ہے عملی طور پر کچھ نہیں کیاجارہا ،مخصوص مافیاانسانی جانوںسے کھیل کر اپنی تجوریاں بھررہاہے ،اسے مافیا کے خلاف سخت کاروائی کرنے کی ضرورت ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صوبائی پارلیمانی سیکرٹری برائے خزانہ رانا بابرحسین نے کہا ہے
لاہور(جی پی آئی) صوبائی پارلیمانی سیکرٹری برائے خزانہ رانا بابرحسین نے کہا ہے کہ عمران خان کا ملتان میں جلسہ ناکام ہوگیا ہے ،اہل ملتان نے عمران خان کی سیاست مسترد کردی ہے ،رو عمران رو کے نعرے پورے پاکستان میں شروع ہوچکے ہیں اور اب تو تحریک انصاف کے جلسوں میں بھی گوعمران گو کے نعرے لگ رہے ہیں،ایک بیان میں انہوں نے کہاکہ ایوان کے خلاف باتیں کرنے والے جمہوری لوگ نہیں ہیں،پارلیمنٹ کے خلاف بولنے والے سیاستدان نہیں ہیں، ایوان آئین کی بالادستی اور جمہوریت کی حکمرانی کی علامت ہے، یلغارکرنے والوں نے 18کروڑ عوام کی توہین کی ہے، پی ٹی وی پر یلغار کی گئی، عملہ پر تشدد کیا گیا، قیمتی سامان لوٹ لیا اور نشریات بند کر دی گئیں،اس سے دنیا کو پیغام دیا گیا کہ پاکستان لاقانونیت کے نرغے میں ہے، آزادی اور انقلاب کے نام پر یہ کھیل کھیلا گیا تاہم حکومت نے صبر و تحمل سے کام لیا،عمران خان کی سیاست ختم ہوگئی ہے ،ملتان میں ناکام جلسہ کے بعد عمران خان کو سیاست چھوڑ دینی چاہیے وہ کرکٹ دوبارہ شروع کریں ،عمران خان ناکام خان بن چکے ہیں،ان کی سیاست ختم ہوگئی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگ ن کے رکن پنجاب اسمبلی میاں عرفان دولتانہ نے کہا ہے کہ دوسری جماعتوں کے لوگ تحریک انصاف میں شامل
لاہور(جی پی آئی)مسلم لیگ ن کے رکن پنجاب اسمبلی میاں عرفان دولتانہ نے کہا ہے کہ دوسری جماعتوں کے لوگ تحریک انصاف میں شامل کرکے عمران خان لیڈر بنے کی کوشش کررہے ہیں۔ عمران خان اور طاہرالقادری کا رویہ غیر جمہوری ہے اس لئے مسلم لیگ ن کے کارکنان غصہ میں ہیں،ہم ان کارکنوں کو پر امن رہنے کی تلقین کرتے ہیں ،مسلم لیگ ن کے کارکنان صبر کا ہاتھ سے نہ چھوڑیں ،مسلم لیگ ن کے کارکنان حوصلہ کریں عمران خان اور طاہر القادری کی سیاست ختم ہونے کے قریب ہے ،رو عمران رو کے نعرے پورے ملک میں لگ رہے ہیں ،ایک بیان میں انہوں نے کہاکہ اپنے طور پر شرط لگانے والے اور قربانی سے پہلے قربانی کی باتیں کرنے والوں کو عوام بخوبی پہچان چکے ہیں۔ قوم عمران خان کبھی معاف نہیں کرے گی جنہوں نے خود ساختہ نعروں اور من پسند دعوئوں کے ساتھ لوگوں کو بے وقوف بنانے کی کوشش کی۔ انہوں نے کہا کہ شیخ رشید ڈالر کی قیمت کم ہونے سے لے کر قربانی کے متعلق اپنے بیانات پر ناکام ہونے کے بعد فوری طور پر استعفیٰ دیں اور آئندہ ایسی حرکتوں سے توبہ کریں۔ انہوں نے کہا کہ شیخ رشید کو آئندہ انتخابات میں اپنی سیاسی حیثیت اور اصلیت کا پتہ چل جائے گا۔جو جاگیر داروں کے ہمراہ عمران خان کے دائیں بائیں کھڑے ہوکر عوام کو نام نہاد تبدیلی کا مژدہ سناتے رہتے ہیں اور اصل حقیقت سے لوگوں کو بے خبر رکھ کر ڈس انفارمیشن پھیلانے کے علاوہ ان کی کوئی اور ڈیوٹی نہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عمران خان کی مقبولیت سے خائف حکومت بوکھلاہٹ میں مزید غلطیاں کرے گی۔ عبدالعلیم خان
لاہور (جی پی آئی)تحریک انصاف ضلع لاہور کے صدر عبدالعلیم خان نے کہا ہے کہ عمران خان کی ملک گیر مقبولیت نے حکمرانوں کے اوسان خطا کردیئے ہیں اور حکومت بوکھلاہٹ میں مزید غلطیاں کرے گی انہوں نے کہا کہ ہر شہر سے پی ٹی آئی کو ملنے والی پذیرائی اس امر کا ثبوت ہے کہ سیاسی شعور بیدار ہوچکا ہے اور وہ پرانے نعروں سے باریاں لینے والوں کی ہر قیمت پر رخصتی چاہتے ہیں ۔ عبدالعلیم خان نے کہ اکہ حکمرانوں کی نااہلی کے باعث ملک کو داخلی اور خارجی دونوں محاذوں پر چیلنجوں کا سامنا ہے جبکہ بھاری مینڈیٹ کا دعوی کرنے والوں کے پاس ان مسائل کا کوئی حل نہیں۔ انہوں نے کہا کہ عمران خان نے عوام سے کیا گیا ہر وعدہ نبھایا ہے اور ملکی سیاسی تاریخ کا سب سے طویل دھرنا اور احتجاج کرکے عوام نے ثبوت دے دیا ہے کہ دھاندلی زدہ جمہوریت انہیں کسی قیمت پر قبول نہیں۔ عبدالعلیم خان نے مزید کہا بالخصوص بھارتی جارحیت کے معاملے پر حکمرانوں کی خاموشی و بے حسی قابل مذمت ہے جو صرف اپنا بزنس بچانے کے لیے معصوم شہریوں کی زندگیاں داؤ پر لگا رہے ہیں۔ انہوں نے کہا کہ انشاء اللہ اب جلد حکمرانوں کو جانا ہوگا اور عوام کی صحیح معنوں میں منتخب اور ایک جمہوری حکومت منتخب کرنے کا موقع ملے گا۔ عبدالعلیم خان نے کہا کہ ” گو نوازگو” کے نعرے اور خواب کی حقیقت کا وقت بہت قریب ہے۔ جب تحریک انصاف کی سیاسی جدوجہد رنگ لائے گی۔
