وزیرآباد (جی پی آئی) امیر جماعت اسلامی وزیرآباد زون چوہدری ناصر محمود کلیر نے کہا ہے کہ ملک تاریخ کے نازک موڑ پر کھڑا ہے ،جماعت اسلامی ملکی سلامتی کے لیے جدوجہد جاری رکھے گی ۔ ناقص پالیسیوں ، کرپشن ، اقرباپروری کی وجہ سے ملکی سلامتی خطرے میں پڑ چکی ہے ۔معاشرے کی درستگی کے لیے جماعت اسلامی کے کارکنان باکردار لوگوںکو منظم کریں ۔ وہ وزیرآباد زونل شوریٰ کے اجلاس سے خطاب کر رہے تھے ۔ اس موقع پر وسیم شاہد اولکھ ، میاں صلاح الدین قیصر ، محمد عارف ، حبیب اللہ ، سیف اللہ ، صابرحسین بٹ، اقبال چیمہ، محمد عامر سمیت متعدد زمہ داران موجود تھے ۔انہوں نے کہاکہ فروغ اسلام کے لیے جماعت اسلامی کی جدوجہد تاریخ کا سنہری باب ہے ۔ اس موقع پر سابقہ کارکردگی کا جائزہ لیاگیااور آئندہ کی منصوبہ بندی کی گئی ۔اجلاس میں طے ہوا 5فروری کو صبح ساڑھے دس بجے اسلامک سینٹر سے کشمیر ریلی نکالی جائے گی جسکی قیادت ڈاکٹر عبید اللہ گوہر ، مشتاق احمد بٹ کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ْوزیرآباد(جی پی آئی)معروف روحانی شخصیت شیخ الہند بادشاہ سرکار سید احمد شاہ گیلانی کا سالانہ عرس عقیدت واحترام سے نواحی موضع کوٹلہ پیراں دا میں منایا گیا ۔ اس موقع پر سید واجد رضا گیلانی، سید فرح گیلانی، حاجی محمد رفیق بھٹہ، چوہدری جاوید بھٹہ، فیاض گیلانی، الیاس گیلانی، نمبردار ساجد گیلانی، ماجد گیلانی، عاصم گیلانی ، واجد گیلانی ایڈووکیٹ سمیت دیگر بھی موجود تھے ۔ عرس کے موقع پر ملک کے معروف قوال عارف فیروز اور حاجی صفدر علی ، مبارک علی خان و ہمنوا نے محفل سماع میں عارفانہ کلام پیش کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ْوزیرآباد(جی پی آئی)پٹرولیم مصنوعات کی قیمتوں میں کمی تازہ ہوا کا جھونکا ہے ، مسلم لیگ (ن) کی حکومت عوام کے معیار زندگی کو بلند اور اشیائے ضروریہ کی قیمتوں میں کمی لاکر اپنے انتخابی منشور پر عمل پیرا ہے ، شریف برادران کی قیادت میں ملک کو درپیش بحرانوں سے نکال کر ترقی اور امن سے ہمکنار کریں گے ،ان خیالات کا اظہار مسلم لیگ (ن) کے ضلعی صدر مستنصر علی گوندل ایڈووکیٹ نے صحافیوں سے گفتگو کرتے ہوئے کیا ۔انہوں نے کہاکہ تاریخ میں پہلی مرتبہ پٹرول کی قیمت سی این جی سے کم ہوگئی ہے جو ایک ریکارڈاور اعزاز ہے اب اس کے ثمرات آٹا ، دال ، چاول سمیت ہر شے کی قیمت میں کمی کی صورت میں عوام الناس کو میسر آئیں گے ۔ انہوں نے کہاکہ مسلم لیگ (ن) کی حکومت قانون کی حکمرانی پر یقین رکھتی ہے جو بھی قانون شکنی کا مرتکب ہوگا اس کے خلاف کاروائی لازمی امر ہے ۔ انہوں نے کہاکہ احتجاجی سیاست اور دہشت گردی ملکی ترقی کی راہ میں سب سے بڑی رکائوٹ ہے ۔مستنصر علی گوندل نے کہاکہ آخری دہشت گرد کی سرکوبی تک آپریشن ضرب عضب جاری رہے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ْوزیرآباد(جی پی آئی)شہر میں آوارہ کتوں کی بہتات ، خارش زدہ اور زخمی کتے لوگوں کے لیے وبال جان بن گئے ، عوامی سماجی حلقوں بچوں ،بڑوںکے لیے خطرہ زخمی اور آوارہ کتوں کے جھنڈ تلف کرنے کا مطالبہ کیا ہے ۔ شہر کے تمام گلی کوچوں ، بازاروں اور علاقوں میں جابجا کتوں کے غول دندناتے پھرتے ہیں ، سرشام یہ خونخوار جانور ٹولیوں کی صورت میں گاڑیوں ، موٹر سائیکل سواروں اور پیدل چلنے والوں کے پیچھے کاٹنے کو دوڑتے ہیں اور اکثر اوقات لوگ ان کا شکار بن کر ہسپتال پہنچ جاتے ہیں ۔ یہ آورہ کتے رات کو قصابوں کی دکانوں اور پھٹوں پر قبضہ جما کر جانوروں کی باقیات اور خون چاٹنے میں مشغول نظر آتے ہیں جو اگلے انہیں پھٹوں پر گوشت رکھ کر بیچا جاتا ہے جس کی وجہ سے شہری موزی امراض کا شکار ہورہے ہیں ۔ انجمن تحفظ حقوق عوام کے جنرل سیکرٹری محمد عبداللہ وڑائچ نے محکمہ صحت کے اعلیٰ حکام اور ایڈمنسٹریٹر ٹی ایم اے رائو محمد سہیل اختر سے مطالبہ کیا ہے کہ فوری نوٹس لے کر آوارہ ، بیمار اور خارش زدہ کتے تلف کئے جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ْوزیرآباد(جی پی آئی)آل پاکستان پرائیویٹ سکولز مینجمنٹ ایسویسی ایشن کا 20رکنی وفد مرکزی صدر ادیب جاودانی کی قیادت میں 2فروری کو کمشنر گوجرنوالہ شمائل احمد خواجہ سے ملاقات کرے گا ۔ جس میں سکولوں کے سکیورٹی معاملات کے علاوہ دیگر مسائل پر بات چیت ہوگی ۔ ضلع گوجرانوالہ سے ایسویسی ایشن کی نمائندگی چیئرمین ملک شکیل احمد کریں گی ،اس موقع پر کمشنر گوجرانوالہ نجی سکولز مالکان کو سکیورٹی کے سلسلہ میں مکمل بریفنگ بھی دیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ْوزیرآباد(جی پی آئی)انسداد خسرہ مہم کو کامیاب بنایا جائے ، بچے ہمارا مستقبل ہیں اور ان کے مستقبل کو محفوظ بنانے کا منتخب عوامی حکومت نے عزم کر رکھا ہے ، ان خیالات کا اظہار ڈپٹی ڈسٹرکٹ ہیلتھ آفیسر ڈاکٹر نصراللہ خان چیمہ نے نوشین ماڈل سکول میں خسرہ کی خصوصی مہم شروع ہونے پر بچوں کو خسرہ کے انجکشن لگانے کے موقع پر پرنسپل ملک شکیل احمد اور اساتذہ سے خصوصی بات چیت کرتے ہوئے کہا اس موزی بیماری سے آگاہی کی خاطر سیمینار ز کے زریعے عوام کا شعور اجاگر کر رہی ہے تاکہ بچوں کو صحت مند ماحول فراہم کرکے خسرہ جیسی موذی بیماری سے مکمل نجات دلائی جاسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ْوزیرآباد(جی پی آئی)سماجی شخصیت راشد منیر مغل تاج میرج ہال والے کے بھائی محمد منور مغل مختصر علالت کے بعد انتقال کرگئے جنہیں سینکڑوں سوگواروں کی موجودگی میں آبائی قبرستان شاہ صفاء ریلوے کالونی میں سپرد خاک کر دیا گیا ۔ نماز جنازہ میں تاجر برادری ، وکلا ، صحافیوں ، صنعتکاروں اور سیاسی سماجی تنظیموں کو عہدیداروں سمیت شہریوں کی بڑی تعداد نے شرکت کی ۔ مرحوم کے قل شریف مورخہ 2فروری بروز سوموار صبح 9بجے مسجد محمدیہ اہلسنت مہندی شاہ روڈ وزیرآباد میں ہوگا جس میں مرحوم کی روح کے ایصال ثواب کے لیے قرآن خوانی اور اجتماعی دعا ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)شباب ملی جوڑاسیان یونین کونسل کے انتخابات مکمل ، بلال جٹ صدر ، عامر نعمت جنرل سیکرٹری بن گئے ۔شباب ملی یونین کونسل جوڑا سیان کا خصوصی اجلاس زیر صدارت زمان حیدر چیمہ دار العمل سکول میں منعقد ہوا جس میں بلال جٹ صدر ، رانا جاوید سینئر نائب صدر ، عمران جٹ ، رانا عرفان ، لیاقت علی نائب صدر ، عامر نعمت جنرل سیکرٹری، اکمل ورک ڈپٹی جنرل سیکرٹری ، ناصر جعفر نشرواشاعت ، محمد جاوید خزانچی ، فیصل سیان سپورٹس سیکرٹری ، رانا سرفراز ایڈووکیٹ سرپرست اعلیٰ اور سر راشد سرپرست ہوں گے۔
