وزیرآباد (جی پی آئی) ایم این اے جسٹس ریٹائرڈ افتخار احمد چیمہ نے کہا ہے کہ عمران خان روشن خیالی کو فروغ دے کر پرویز مشرف کے ایجنڈے کو آگے بڑھا رہے ہیں۔ میاں نوازشریف پاکستانیوں کی آخری امید ہیں۔وہ صدر پریس کلب افتخار احمد بٹ کی تیمار داری کے بعد صحافیوں سے گفتگو کر رہے تھے۔اسٹنٹ کمشنر رائو سہیل اختر،شوکت منظور چیمہ ،ایس ڈی اوز گیپکو محمد انیس ہنجرا،انجینئرمدثر ارشاد چیمہ، ،محمد مشتاق بٹ،چوہدری محمد یوسف،ارشد محمود سلیمی،میر ماجد سالار،ڈاکٹر محمد آصف ہزاروی،ضلعی صدر مستنصر علی گوندل،کرنل(ر)وقار انور شیخ،محمد آصف کلیر،لالہ محمد خلیل نے بھی خیریت دریافت کی ۔افتخار احمد چیمہ نے کہا کہ تحصیل وزیرآباد میں پہلی بار سیلاب زدگان کو ضرورت کے مطابق مالی امداد اور خوراک دی گئی۔ وزیرآباد میں اڑھائی ارب روپے تقسیم کئے گئے ۔۔انہوں نے کہا کہ لوڈ شیڈنگ اور دہشت گردی سنگین ترین مسائل ہیں ۔پرویز مشرف نے اپنے 9سال میں اور آصف زرداری نے 5سال کے دوران ایک یونٹ بجلی بھی سسٹم میں شامل نہیں کی۔ اگلے دو سال میں بجلی کے نظام میں بہتری آجائے گی۔ اس ماہ کے آخر تک تیل کی قیمتوں میں مزید کمی ہونے سے مہنگائی میں بھی کمی آجائے گی۔انہوں نے کہا کہ (ن) لیگ کو لوڈ شیڈنگ اور دہشت گردی جیسے حساس ترین مسائل کا سامنا ہے۔دہشت گردی کے خلاف آپریشن آخری مراحل میں ہے اور اگلے دو ماہ میں پاکستان دہشت گردی سے پاک ہو جائے گا۔۔انہوں نے کہا کہ عمران خان پاکستان میں معاشرے کو تباہ کر رہے ہیں ۔ وہ پرویز مشرف والی روشن خیالی کو فرغ دے رہے ہیں۔چین پاکستان میں بھاری سرمایہ کاری کرنے جا رہا ہے اور 38ارب روپے کی لاگت سے کاشغر سے گوادر تک شاہراہ تعمیر کرے گا جس سے جہاں پاکستان کی آمدنی میں خاطر خواہ اضافہ ہو گا وہاں چین کی مسافت میں بھی ساڑھے چھ ہزار کلو میٹر کی کمی آئیگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد (جی پی آئی)جماعت اسلا می ضلع گوجرانوالہ کے امیربلا ل قدرت بٹ نے کہا ہے کہ سانحہ کوٹ رادھا کشن درندگی ظلم کی انتہا اورپاکستان کوغیرمستحکم کرنے کی سازش ہے ایسے شرپسند عناصرکوسخت سے سخت سزادیکرعبرت کانشان بنا ناچا ہئے ۔وہ شباب ملی اقلیتی ونگ کے زیراہتمام سانحہ کوٹ رادھا کشن کے تعزیتی ریفرنس سے خطاب کررہے تھے۔صدارت اشفاق سہوترا نے کی۔اس موقع پرضلعی نائب امیرجماعت اسلا می فرقان عزیزبٹ،پادری آصف مسیح،ایلڈرسادھواسحاق بھٹی،عبد الوکیل علوی ،چوہدری ناصر محمودکلیر،مرزا غلام مصطفی،صابر حسین بٹ،عقیل احمد،ڈاکٹر نوتن ایرک،گلفام،ایلڈرشوکت نے بھی خطاب کیا۔بلا ل قدرت بٹ نے کہا ہے کہ پا کستان بنانے میںمحب وطن اقلیتی برادری کاکردارکسی سے کم نہیں۔ملک میںترقی دینے کے لئے آپس میںمضبوط رابطے ضروری ہیں۔اسلا م ایک پرامن اوراحترام انسانیت کادرس دینے والادین ہے۔اسلا م نے اقلیتوںکے جان ومال اورعزت وآبروکی حفاظت کی سختی سے تاکیدکی ہے۔ایسے درندہ صفت واقعات کی اجازت نہیںدی جا سکتی بلکہ یہ شرپسندی پا کستان اوراسلا م کے خلاف سازش ہے۔انہوں نے کہا کہ ہم اسلا می تعلیمات کے مطابق اقلیتی برادری کے بنیادی حقوق کا تحفظ یقینی بنا ئیںگے اورجماعت اسلا می ماضی کی طرح اقلیتی برادری کے شانہ بشا نہ ہوگی۔عبد الوکیل علوی نے کہا کہ وسائل سے مالا مال ملک کرپشن سے بحرانوںکی نذرہوگیا کرپٹ حکمرانوںنے اپنے مفادات کے لئے سب کواستعما ل کیا۔جماعت اسلا می 21نومبرکومینار پاکستان میںاجتماع عام سے تحریک پا کستان کاآغازکررہی ہے قوم ایک بار پھرمتحدہوکراسی پاکستان کے حصول کا آغازکرے گی۔جوبا نی پاکستان کی رحلت کے بعدادھوری رہ گئی تھی۔انہوںنے مسیح برادری کودعوت دی کہ وہ اجتما ع عام میںشریک ہوکرجماعت اسلا می کے دست وبازوبنیںتا کہ مل کرانقلاب کی راہ ہموارکریں۔پادری آصف مسیح،ایلڈر شوکت ،ایلڈر سادھواسحاق نے کہا کہ مسیحی مذہب پیار،محبت ،امن وسلا متی کا پیغام دیتا ہے۔ہم نے مسلمانوںکاقیا م پا کستان کے دوران اہل کتاب ہونے کی وجہ سے ساتھ دیامگرہمیںتحفظ نہیںدیا جارہا ۔قانون سازی سے درندوںکانشان عبرت بنا یا جا سکتا تھامگرکسی نے سنجیدگی نہیںدکھا ئی۔اشفاق سہوترا،ڈاکتر نوتن ایرک نے کہا کہ جماعت اسلا می نے ہر موقع پرہمارا ساتھ دیا۔کرسمس گفٹ ودیگرمواقع پرہمیںیادرکھا۔ہم ان سے تعاون کریںگے اوراجتماع عام میںبھی شرکت یقینی بنا ئیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد (جی پی آئی)جائیداد ہتھیا نے کی خاطر بیوہ بھابھی اور بھتیجی کو تشدد کا نشانہ بنا ڈالا،ایڈیشنل سیشن جج کے حکم پر مقدمہ درج،موضع سنگوالی کی رہائشی بیوہ اقبال بی بی اپنے خاوند کی ملکیتی زرعی اراضی پر عرصہ13 سال سے فصل کاشت کر تی چلی آ رہی تھی چند روز قبل اسکے دیور محمد لیاقت،بھتیجے جواد نے زمین پر قبضہ کر لیا اور منع کرنے پر اقبال بی بی اور اسکی بیٹی رخشندہ کو شدید زدکوب کیا،ایڈیشنل سیشن جج وزیرآبادرفعت سلطان شیخ کے حکم پر تھانہ صدر نے مقدمہ درج کر لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد (جی پی آئی)نامعلوم چور سی این جی سے موٹرسائیکل لے اڑے۔رکھ بھروکی کے رہائشی قیصر ولد ثنا اللہ حسن عبداللہ سی این جی اپنی موٹرسائیکل نمبریGAK,3190 کھڑی جوس کارنر کے اندر گیا واپسی پر موٹرسائیکل نامعلوم چور لیجا چکے تھے،تھانہ صدر پولیس نے مقدمہ درج کرکے موٹرسائیکل کی تلاش شروع کر دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد (جی پی آئی)علاقہ سے منشیات فروشوں کے خاتمے کا عزم کر رکھا ہے۔قدرت آباد میں لاتعداد مقدمات کے اندراج کے باوجودزیر زمین منشیات فروشی کا دھندہ جاری ہے اس لئے قدرت آباد میں ترجیحی بنیادوں پرمستقل پولیس چوکی بنا رہے ہیںجس کا افتتاح آر پی او گوجرانوالہ دلاور عباس خودکریں گے یہ بات ایس ایچ اوتھانہ صدر عبدالحمید ورک نے سابق نائب ناظم ٹھٹہ فقیر اللہ محمد اقبال مرزا کی سربراہی میں ملنے والے وفد سے گفتگو کرتے ہوئے بتائی۔ان کا کہنا تھا علاقہ کومنشیات فروشوں سے پاک کرنے کیلئے اے ایس پی غلام مر تضیٰ نے سرکل پولیس میں سپیشل آفیسر رانا آفتاب کی سربراہی میں سپیشل ٹیم تشکیل دے دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد (جی پی آئی)جوڈیشل کالونی کے اہلکار نے موٹر چور کو رنگے ہاتھوں دبوچ کر پولیس کے حوالے کر دیا۔پتوکی کی رہائشی ججز کالونی کا اہلکار عبدالشکور جوڈیشل کالونی سے ملحقہ نرسری پر گیا جہاں پر فیصل آباد کا رہائشی گلزار احمد ولد محمد اقبال پانی والی ٹینکی اور موٹر چوری کرنے میں مصروف تھا جس کو رنگے ہاتھوں قابو کر کے تھانہ صدر پولیس کے حوالے کر دیا۔ پولیس نے مقدمہ درج کر لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد (جی پی آئی)وزیراعلیٰ پنجاب میاں شہباز شریف نے ذاتی فنڈ سے پیر میٹھا قبرستان کی چار دیواری کیلئے45 لاکھ روپے جاری کر دئے۔قبرستان انتظامیہ کے جنرل سیکرٹری مرزاندیم بیگ اورڈاکٹررضا سلطان نے بتایاکہ پیر میٹھا قبرستان تقریبا10 ایکڑ پر محیط ہے چار دیواری کی تعمیر سے قبرستان منشیات کے عادی،آوارہ جانوروں اور جرائم پیشہ افرادسے محفوظ ہو جائے گا۔
